••••••••••••••••••••
(၅)
ကလေး ကျန်းမာလာသည့် အခါ လာရင်းအရပ်သို့ မပြန်သေးပဲ ကလေးအား ဗြူ နိူအေရီး ရှိ မိဘ ဆွေမျိုး များကို လိုက်လံပြသပြီးမှသာ ဂွေဗာယားတို့ ပြန်လာခဲ့ကြသည်။ အန်နက်စတို က
အခုတကြီမ်တွင်တော့ သူ၏ စိုက်ခင်းများ ရုပ်လုံးကြွလာစေရန် အသဲအသန် လုံးပမ်းလေ
တော့သည်။ ပါရာဂွေး အလုပ်ကြပ်တယောက်ကို ငှားရမ်းခဲ့သည်။ သူ၏ အမည်က ကာတီဒို
ဖြစ်သည်။ သူ၏ အကူအညီဖြင့် မြေများကို ရှင်းလင်းကာ yerber mate လ္ဘက်ခြောက်ကို စတင်
စိုက်ပျိုးလေတော့သည်။
မီနီဆွန်းနက်စ် ရှိ သစ်ခုတ်သူများနှင့် သူ့လိုစိုက်ခင်းပိုင်ရှင်များကတော့ မန်ဆူး ဟု ခေါ်
သော ဂွာယာနီ အင်ဒီယန်း ပျံကျ အလုပ်သမားများကို ငှားရမ်းကြသည်။ ၎င်းတို့ အား ကြိုတင်
ငွေထုတ်ပေးပြီး စာချုပ်ချုပ်ဆို စနစ်ဖြင့် ခိုင်းစေကြသည်။ ဤနေရာတွင် ငွေ ဆို၍ ငွေသား
ကို ထုတ်ပေးခြင်းမဟုတ်ပဲ စာချုပ်လို စာရွက်မျိုးတွင်သာ အလုပ်ရှင်က ငွေပမာဏ ရေးပေး
လိုက်ခြင်းသာ ဖြစ်သည်။ ဒေသခံ အင်ဒီယန်းအလုပ်သမားများက ယင်းငွေလက်မှတ်ဖြင့် ၎င်း
တို့ အား ဈေးမတန်တဆ တင် ရောင်းချနေကြသော ကုန်စုံဆိုင်များမှ စားကုန် များ နှင့် မရှိ
မဖြစ် ပစ္စည်းများကို ၀ယ်ယူခဲ့ကြရသည်။ အလုပ်ရှင်တို့က ဤနည်းဖြင့် အလုပ်သမားများကို ချည်
နှောင်ထားခဲ့ကြလေသည်။ ပေးသည့်လစာကလည်း မဖြစ်စလောက်သာရှိသဖြင့် ၎င်းတို့
အဖို့ မည်မျပင် လုပ်သော်လည်း ယူထားသည့်ငွေကို မကျေ နိူင်အောင် တမင် ဖန်တီးထား
သည့် စနစ် ဖြစ်သည်။ အလုပ်သမားများ ထွက်မပြေးရန် လည်း ကာပင်ဂတ်စ်ဟု ခေါ်သော
လက်နက်ကိုင် အစောင့်များက စောင့်ကြည့်နေကြပြန်သည်။ ထို့ အတွက် သေနတ်ဒဏ်ရာများ
ဓါးဒဏ်ရာများဖြင့် သေဆုံးရမှုများက မကြာခဏဆိုသလို ဖြစ်ပွားလျက်ရှိသည်။ ကာပင်ဂတ်စ်
တို့ လက်မှ ကံကောင်း၍ လွတ်မြောက်လာကြသော မန်ဆူးတို့ မှာ ရဲများ လက်တွင်းသို့
ကျရောက်ကြရပြန်ကာ မူလ အလုပ်ရှင်များ လက်သို့ ပြန်လည် လွှဲပြောင်းပေးခြင်းကို ခံကြ
ရပြန်သည်။ ထိုကဲ့သို့ မန်ဆူးတို့ အကြောင်းကြားသိခဲ့ရသော အန်နက်စတို အဖို့ အထူးပင်
ထိတ်လန့် တုန်လှုပ်ခဲ့ရပေသည်။ ထို့ အတွက်သူထံတွင် အလုပ်လုပ်သော လူများ၏ လစာ
ကို ငွေဖြင့်သာ ပေးချေခဲ့သည်။ ထို့ အတွက်လည်း မန်ဆူးတို့ အကြား အထူး ရေပန်းစား
လာသော အလုပ်ရှင်တဦး ဖြစ်လာခဲ့ရပေသည်။
နောက်နှစ်ပေါင်း အတန်ကြာသည့် အထိပင်အန်နက်စတိုအား ဒေသခံများက "လူကောင်း
တယောက်" အဖြစ် အမြဲ အမှတ်ရနေခဲ့ကြသည်မှာလည်း အဆန်းတော့ မဟုတ်ပေ။
အန်နက်စတို က စိုက်ခင်းများနှင့် အလုပ်များနေစဉ်မှာပင် သားဖြစ်သူ က လမ်း စ လျောက်နေ
ပြီ ဖြစ်သည်။ အန်နက်စတိုကလည်း တောက်တိုမယ်ရ ပစ္စည်းများကို သားဖြစ်သူအား မီးဖို
ချောင်ထဲသို့ ပို့ခိုင်းတတ်သည်။ မနိူင်မနင်းဖြစ်၍ ချော်လဲပါက အန်နက်စတိုက ပွေ့ချီပြီး သူ သွားရမည့် နေရာ မီးဖိုချောင်သို့ ခေါ်လာပေးသည်။ သူတို့နေရာကာရာဂွာတိုင်းသို့ ကြောက်မက်ဖွယ်ရာ
အင်းဆက် ရောဂါတမျိုး ကျရောက်လာသဖြင့် ညစဉ်လို အန်နက်စတီယိုအိပ်ပျော်နေသည့် အချိန်တွင် သူ့ အခန်းထဲရှိပုခက်ရှိရာသို့ အန်နက်စတို နှင့် ကာတီဒိုတို့ နှစ်ဦးသားခြေသံမကြားအောင် ချည်းကပ်ခဲ့ကြပြီး
အန်နက်စတိုက လက်နှိပ်ဓါတ်မီး နှင့် ထိုးပြကာ ကာတီ ဒိုမှ စီးကရက် မီးဖြင့် ကလေးရဲ့ အသားထဲတွင် မြုပ်ဝင်နေသော chigger ဟု ခေါ်သော ခြေ ခြောက်ချောင်းရှိ ရွကောင်များကို ကော်ထုတ် ပေးကြရပြန်သည်မှာလည်း ၀တ္တရားတခုလို ဖြစ်လာခဲ့ပြန်သည်။
၁၉၂၉ မတ်လ ၌ စီလီယာ တွင် နောက်တကြိမ်ကိုယ်ဝန် ရှိလာခဲ့ပြန်သည်။ ထို့ အတွက် တနှစ်
သားပင် မပြည့်သေးသော အန်နက်စတီယိုကိုထိမ်းကျောင်းရန် ကာမင်း အာရီယာစ် အား
နာနီ အဖြစ် ငှားရမ်းခဲ့ရသည်။ နောက်ပိုင်းတွင်ကာမင်းသည် မိသားစုဝင် တယောက်လို ဖြစ်
လာခဲ့ပြီး သူမ အိမ်ထောင်မပြု မချင်း ရှစ်နှစ်နီးပါးမျ ဂွေဗာယား တို့နှင့် အတူနေထိုင်ခဲ့သည်။
အိမ်ထောင်ပြု ပြီးသည့် နောက်တွင်ပင်လည်း မိသားစုနှင့် မိတ်ဆွေ ရင်းချာ ပမာ အမြဲ နေထိုင်သွားခဲ့
သူ ဖြစ်သည်။ ကလေး ၏ တာဝန်များ လျော့ပါးသွားရသဖြင့် စီလီယာက ပရာနာ မြစ်ထဲတွင်
နေ့စဉ်မပျက် ရေ ဆင်းကူးနိူင်လာခဲ့သည်။ ရေကူး က္ဈမ်းကျင်သူ ဖြစ်သော်လည်း ကိုယ်ဝန် ခြောက်လ
ခန့် ရှိသည့် တရက်တွင် ရေစီးကြောင်းအတိုင်းမျောပါသွားခဲ့သည်။ သို့သော် ခင်ပွန်းဖြစ်သူ၏
ကိုင်းခုတ် အလုပ်သမား နှစ်ဦးက တွေ့ရှိခဲ့၍သူမထံ နွယ်ကြိုး များကို ခဲရာခဲဆစ်ပြစ်ပေးကာ ဘေးလွတ်ရာသို့ ကယ်တင်ပေးနိူင် ခဲ့သဖြင့် အသက်ချမ်းသာရာ ရခဲ့သည်။
ထိုအဖြစ်အပျက်ကို ပြန်ပြောသည့်အခါတိုင်း အန်နက်စတို ဂွေဗာယာ အဖို့ အမြဲလို မကျေမချမ်း အသံများက ထွက်လာခဲ့သည်ဟု ဆိုသည်။ သူတို့ နှစ်ဦး၏ မတူညီ သော အသွင်များက တဖြေးဖြေး နှင့် ရုပ်လုံးပေါ်လာနေရပြီ ဖြစ်သည်။ သူမက ဘယ်သူနှင့်မျှ အရောတ၀င် မရှိပဲ ဖာသိဖာသာ နှင့် တကိုယ်တည်း နေတတ်သည်။ အကြောက်တရားလည်း မရှိပေ။ အန်နက်စတို၏ ပင်ကိုယ်သဘာဝ ကိုယ်၌က လူအများနှင့် အရောတ၀င် နေတတ်ပြီး အဖော်မင်သူတဦးလည်း ဖြစ်သည်။ အန္တရာယ်များ ပါတ်လည် ၀ိုင်းနေသည့်ကြား နေရသဖြင့်လည်း အမြဲလို တွေးမိတွေးရာ တွေးကာ စိုးရိမ်ကြီးတတ်သူလည်း ဖြစ်သည်။ ထို့အတွက် အိမ်ထောင်ရေး အဆင်မပြေမှု လက္ခဏာများက စောစောစီးစီး ပေါ်လာနေခဲ့သော်လည်း အချင်းချင်း တော့ အနေစိမ်းမှု မရှိသေးသည့် အနေအထားကို တွေ့ရသည်။ မိသားစု ပျော်ပွဲစားထွက်ခြင်း၊ တောလမ်းတလျှောက် မြင်းအတူတူ စီးကြခြင်းများ လုပ်တတ်သည်။ ထိုအခါမျိုးတွင် အန်နက်စတီရိုသည် မြင်းကုန်းနှီးပေါ်ရှိ ဖခင် ရှေ့တွင် ထိုင်လျက် လိုက်လေ့ရှိသည်။ အန်နက်စတို ကိုယ်တိုင် ဆောက်လုပ်ထားသည့် kid ဟု အမည်ပေးထားသော အိပ်ခန်း လေးခန်းပါ အကြီးစား မော်တော်ဘုတ် ကြီးဖြင့် မြစ်ကြောင်းတလျောက် ဆန်တက်ကာ အာဂျင်တီနား နှင့် ဘရာဇီး နယ်နမိတ်ဆုံရာ အစ်ဂူရာဇူ ရေတံခွန်ကြီးအထိပင် ရောက်ခဲ့ကြသည်။ ရေတံခွန်ကြီးတွင် သဘာဝ အတိုင်း ရှိနေသော တောင်ကမ်းပါးတလျောက် တဟုန်ထိုး စီးကျလာနေသည် အညိုရောင်ရှိသော ရေများ မှ ထွက်လာသော ရေခိုး ရေငွေ့ များ တိမ်တိုက်သဖွယ် ဖြစ်နေသည်ကို စောင့်ကြည့် အပန်းဖြေခဲ့ကြသည်။ (ပုံတွင် တွေ့ရစဉ်)
၁၉၂၉ ခုနှစ် အကုန်ပိုင်းလောက်တွင် မိသားစု အဖို့ ဗြူနိူအေရီးစ်သို့ ပြန်လာရန် အကြောင်းပေါ်လာခဲ့ပြန်သည်။ ထိုအချိန်တွင် အန်နက်စတို၏ မြေယာ များက ရှင်းလင်းခုတ်ထွင်ပြီးယုံမက လ္ဘက်ခြောက် အခင်းများက မျိုးစေ့များ ချပြီး ဖြစ်သည်။ သို့သော် စီလီယာ က ဒုတိယ မြောက် ရင်သွေးကို မွေးဖွားရန် အချိန် ရောက်လာခဲ့ပြီ ဖြစ်သည်။ နောက်တကြောင်းကလည်း အန်နက်စတို ယခင်က ငွေရင်းငွေနှီးမြုပ်နှံခဲ့ရာ ရွက်လှေ ဆောက်လုပ်ရေး ကုမ္ပဏီက အရေးတကြီး လှမ်းခေါ်ခဲ့သောကြောင့် ဖြစ်သည်။ အန်နက်စတို မရှိစဉ်အတွင်း ကုမ္ပဏီ၏ လုပ်ငန်းများ ဆိုးဝါးလာနေခဲ့ပြီး သူ့လို ရင်းနှီးမြုပ်နှံထားသူ တဦးက ငွေများ ပြန်ထုတ်သွားခဲ့သည်။ သူတို့မိသားစုက ဗြူနိူအေရီစ်တွင် လအနည်းငယ်လောက်သာ နေဖြစ်မည်ဟု မှန်းပြီး အတူ ထွက်လာခဲ့ကြသော်လည်း ပြူတို ကာရာဂွာတိုင်းသို့ မိသားစု တစည်းတလုံးတည်း ပြန်ရောက် မလာနိူင်တော့မည့် အဖြစ်ကို ထိုအချိန်က ကြိုတင် သိမထားခဲ့ကြပေ။
လှစိုးဝေ
No comments:
Post a Comment