••••••••••••••••••••
(၃)
၁၉၂၇ ခုနှစ်ကား အာဂျင်တီနားတွင် နိူင်ငံရေး နှင့် လူမှုရေး အပြောင်းအလဲများ ဖြစ်ရန် စတင် တာစူလာနေချိန် ဖြစ်သည်။ အာဂျင်တီနားရှိ ဒေသခံ အင်ဒီယန်း လူမျိုးများကို အာဏာရှင် ဂွမ် မင်ညူရယ် ဒီ ရိုစာ က
ရက်ရက်စက်စက် အကြမ်းဖက် နှိပ်စက် သတ်ဖြတ်နေချိန်လည်း ဖြစ်သည်။ ထိုကဲ့သို့ သွေးထွက်သံယိုမှု များကြောင့် အာဂျင်တီနားတွင် သူရဲကောင်းများ အလျိုလျို ပေါ်ပေါက်လာခဲ့ရသည်။ ထိုအထဲတွင် စပိန်နိူင်ငံမှ လွတ်လပ်ရေး ရရှိရန် ရုန်းကန် တိုက်ပွဲဝင်မှုများတွင် ပါဝင်ခဲ့သူ ဗိုလ်ချုပ်ကြီး ဂျိုးဆေး ဒီ ဆန် မာတင် မှ
သည် သတင်းစာဆရာ ဒိုနီနီဂို ဆာမီယင်တို တို့လည်း ထင်ရှားသူများ ဖြစ်လာခဲ့ကြသည်။
၎င်းတို့က အာဂျင်တီနား ဂန်ချို ဟု ခေါ်သော နယ်ခြားဒေသရှိ လူများ၏ ရက်စက်မှုများ ကို လစ်လျုရှု
မနေကြပဲ ယဉ်ကျေးသော လူ့ အသိုက်အ၀န်း ဆီ လျှောက်လှမ်းကြပါစို့ ဟု နိူင်ငံသားများကို တောင်းဆိုလာခဲ့ကြပေသည်။ ထို့အတွက် အာဂျင်တီနားလူမျိုးများသည် ရက်စက်ကြမ်းကြုပ်သော စနစ် နှင့် ယဉ်ကျေးစွာ နေထိုင်လိုသော လူ့အဖွဲ့အစည်း နှစ်ခုအကြား အမြဲလို တင်းမာမှုများ ကြားတွင် နေထိုင်ခဲ့ကြရသည်။
၁၉ ရာစုနှစ် အကုန်ပိုင်းလောက်တွင် နိူင်ငံတောင်ပိုင်း မြက်ခင်းပြင်ကြီးရှိရာ အရပ်ရှိ ဒေသခံ အင်ဒီယန်း လူမျိုးများ အပေါ် အစိုးရမှ ဦးဆောင်၍ ရက်စက်စွာ နှိမ်နှင်းနိူင်ခဲ့ပြီးနောက်တွင် ထိုဒေသကို သိမ်းပိုက်ရယူနိူင်ခဲ့ကြသည်။ နောက်ပိုင်းတွင် အဆိုပါ မြက်ခင်းလွင်ပြင်အရပ်သို့ ကိုလိုနီ ပြုရန် အမြောက်အမြား ရောက်ရှိလာခဲ့ပြီး ကျယ်ပြန့်လှသော မြေများကို ကိုယ်ပိုင် စားကျက်များ အဖြစ် ခြံစည်းရိုး ခတ်ခြင်း၊ လယ်ယာမြေများ ဖေါ်ထုတ်ခြင်း၊ မြို့သစ်များ တည်ခြင်း နှင့်အတူ မီးရထားလမ်း၊ ဆိပ်ကမ်းများ နှင့် လမ်းများကို တည်ဆောက်ပေးခဲ့ကြသဖြင့် စက်မှုလုပ်ငန်းများ ပေါ်ပေါက်လာခဲ့သည်။
၂၀ ရာစုနှစ် အစောပိုင်းကာလများတွင် အာဂျင်တီနား လူဦးရေသည် သုံးဆနီးပါး တိုးတက်လာခဲ့သည်။
အီတလီ၊ စပိန်၊ ဂျာမဏီ၊ ဗြိတိန်၊ ရုရှား နှင့် အရှေ့အလယ်ပိုင်းမှ လူများ တဖွဲဖွဲ ရောက်ရှိလာနေကြခြင်း
ကြောင့်လည်း ဖြစ်သည်။
အာဂျင်တီနားမှ ထွက်ရှိသော သီးနှံများ၊ တရိစ္ဆာန် အသား နှင့် အရေခွံ များကို ဥရောပသို့ သင်္ဘောများ ဖြင့် တင်ပို့ခဲ့ကြပြီး အမေရိကန်မှ စတူဒီဘေကာ ကားများ၊ ဓါတ်ပြားစက်များ နှင့် ပြင်သစ်မှ နောက်ဆုံးပေါ် အ၀တ်အထည် ဆန်းများ သယ်ဆောင်လာသော သင်္ဘောများ နှင့် ဆိပ်ကမ်းများ တ၀ိုက် ပြည့်ကျပ်နေပေ
သည်။ မြို့တော် ဗြူနိူအေရီးတွင် လည်း အော်ပရာ ပြဇာတ်ရုံများ၊ စတော့အိတ်ချိန်း ဈေးကွက်များ၊ တက္က
သိုလ်ကြီးများ ရောမ ဂရိ ရှေးဟောင်း ပုံစံ အတုယူ၍ တည်ဆောက်လာသော အဆောက်အဦးကြီးများ၊
နန်းတော်တမျှ ခမ်းနားသော လူနေအိမ်ကြီးများ အလျိုလျို ပေါ်ပေါက်လာခဲ့ရသည်။
လမ်းမကျယ်ကြီးများ၊ အပန်းဖြေဥယာဉ်များ၊ ပိုလို ကစားကွင်းများ၊ သူရဲကောင်း အသီးသီး၏ ရုပ်ထုကြီးများ နှင့် ရေပန်းများ ဆောက်လုပ်လာခဲ့ကြပြန်သည်။ ဓါတ်ရထားများကလည်း တလက်လက် တောက်ပ
နေသော စားသောက်ဆိုင်ကြီးများ ရှေ့တွင် ပြေးဆွဲနေကြပြန်သည်။
ဗြူနိူအေရီရှိ ပေါ်တာရီယို ဟု ၎င်းတို့ ဘာသာ ခေါ်သော မြို့နေ အထက်တန်းလွှာများက ဥရောပ
ယဉ်ကျေးမှု တွင် မွှေ့ထုံနေကြသော်လည်း နိူင်ငံ အတွင်းပိုင်း အတော်များများသည် ချောင်ထိုးခံရသလို
ဖြစ်နေသဖြင့် ဆင်းရဲ စုတ်ပြတ်လျက် ရှိနေဆဲ ဖြစ်သည်။ ပြည်နယ်များတွင် ကော်ဒီလီယို ဟု ခေါ်သော အာဏာရှင် အုပ်ချုပ်သူများက ၀ါ နှင့် သကြား ထုတ်လုပ်ရာ စိုက်ခင်းကြီးများ ကို ပိုင်ဆိုင်ထားကြပြီး
အနာကြီး ရောဂါ၊ ငှက်ဖျား ရောဂါနှင့် ပလိပ်ရောဂါများ စွဲကပ်နေသော အလုပ်သမား အများအပြား ရှိလာနေခဲ့သည်။
အင်ဒီး တောင်တန်းကြီးများရှိ ရာ ပြည်နယ်များတွင် နေထိုင်ကြသော ကက်ရှဝါ (Quechua) နှင့် အိုင်းမယ (Aymara) စကားပြော ဒေသခံ အင်ဒီယန်း တို့မှည လွန်စွာ ဆင်းရဲစွာ နေထိုင်လျက် ရှိနေကြဆဲပင် ဖြစ်သည်။ အထင်လျင် မထင်သလို သတ်ဖြတ်ခံကြရပြန်ပြီး လူဖြူများထံမှ အကြွေးယူကာ လုပ်အား ဖြင့် ပြန်
ဆပ်နေရသော ဘ၀များတွင်သာ ကျင်လည်နေကြရသည်။
နိူင်ငံရေးတွင် ဆယ်စုနှစ်ပေါင်းများစွာ ရက်ဒီကယ် ပါတီ နှင့် ကွန်ဆာဗေးတစ်ပါတီများက အာဏာ ကို သူတပြန် ကိုယ်တပြန် ရရှိ အုပ်ချုပ်နေကြသည်။ အန်နက်စတို နှင့် စီလီယာ တို့ ချီ အား မွေးဖွားသည့်နှစ် ၁၉၂၈ တွင် ရက်ဒီကယ် ပါတီမှ ဟစ်ပိုလီတို ယရီဂိုရင်းမှ သမ္မတ အဖြစ် ရွေးချယ် တင်မြှောက်ခံရသည်။ ၎င်းသည် လူထူး လူဆန်းတယောက်လည်း ဖြစ်ပြီး နားလည်ရ ခက်ခဲကာ လူအများအကြားသို့ သွားလာခဲလှသည့်အပြင် စကားလည်း များများစားစား ပြောဆိုခြင်း မရှိပေ။
မကြာခဏ ဆိုသလို ဖြစ်ပေါ်နေသော အလုပ်သမားများ၏ ဆန္ဒပြပွဲ များ နှင့် သပိတ်ပွဲများကိုမူ သေနတ်များ၊ နံပါတ်တုတ်များ သုံးကာ ဖြိုခွင်းရန် ကိုမူ စေခိုင်းခဲ့ပြန်သည်။ ရာဇ၀တ်သားများကို လည်း သင်္ဘောကြီးများဖြင့် သယ်ဆောင်ကာ အေးစိမ့်အောင် ချမ်းလှသော တောင်ပိုင်းရှိ ပက်တာဂိုနီယာ အရပ်သို့ ပို့ဆောင်၍ ပြစ်ဒဏ်ကျခံစေခဲ့သည်။
နှစ်ဆယ်ရာစု အစပိုင်းမှစ၍ တဖွဲဖွဲ ပြောင်းရွှေ့ဝင်ရောက်လာမှုများနှင့် အတူ နိူင်ငံရေး အတွေးအခေါ်
အသစ်အဆန်းများဖြစ်သော အမျိုးသမီးများ တန်းတူရည်တူ ရရှိရေး၊ ဆိုရှယ်လစ်ဝါဒ၊ မင်းမဲဝါဒ နှင့်
ဖက်ဆစ်ဝါဒများပါ မကျန် ပေါ်ပေါက်လာခဲ့ပေတော့သည်။
လှစိုးဝေ
No comments:
Post a Comment