Latest News

Monday, January 22, 2018

ခြေလေးချောင်းတော်လှန်ရေး (၁၂)


ယခင်အပတ်မှ အဆက်
ဓါတ်မီးစက်တည်ဖို့ကိစ္စနှင့် ပတ် သက်၍ တိရစ္ဆာန်များမှာ အကြီးအကျယ် သဘောကွဲလျက်ရှိကြသည်။ ထိုကိစ္စမှာ လွယ်သော ကိစ္စမဟုတ်သည့် အကြောင်း ကိုလည်း ဘော်ဖြူက ဝန်ခံသည်။ အုတ် တို့ အင်္ဂထေတို့ ရဖို့လည်းမလွယ်။ ဒိုင်န မိုစက်တို့ ကြေးနန်းကြိုးတို့ရဖို့လည်း မလွယ်။ လိုအပ်သော ပစ္စည်းများကို ဘယ် နည်းနှင့် ရနိုင်မည်ဟုလည်း ဘော်ဖြူက ဖွင့်၍ မပြော။ တစ်နှစ်အတွင်း လိုသမျှ ပြည့်စုံနိုင်လိမ့်မည်ဟုသာ ပြောသည်။ ဘော်ဖြူ အဆိုအားဖြင့် ဓါတ်မီးစက် တည်ဖို့ အလုပ်မှာ ခက်သောအလုပ်မှန် သော်လည်း တည်ပြီးသောအခါ တိရစ္ဆာန် များမှာ အားလပ်ခွင့်အများကြီး ရနိုင် ကြမည်ဖြစ်သဖြင့် တနင်္ဂနွေတပတ်လျှင် သုံးရက်ထက်ပို၍ အလုပ်လုပ်ရဖို့ လို မည်မဟုတ်ဖြစ်သည်။

ဗန္ဓုလ၏ သဘောအရမှာ လော လောဆယ်အဖို့တွင် ဓါတ်မီးစက်တည်ဖို့ ထက် ကောက်ပဲသီးနှံ ပို၍ထွက်အောင် လုပ်ဖို့က အရေးကြီးသည်။ ဓါတ်မီးစက် တည်နေရ၍ ကောက်ပဲသီးနှံ ပိုထွက် အောင် လုပ်ချိန်မရလျှင် အားလုံးကုန် ငတ်သေကုန်မည်။ ဤနည်းဖြင့် တိရစ္ဆာန် များမှာ ဘော်ဖြူ၏ အကြံကို ကြိုက်သော တိရစ္ဆာန်များကတဖက် ဗန္ဓုလ၏အကြံ ကို ကြိုက်သော တိရစ္ဆာန်များကတဖက် နှစ်ဂိုဏ်းကွဲ၍ နေကြသည်။ ဘော်ဖြူ အကြံကို ကြိုက်သော တိရစ္ဆာန်များက “ဓါတ်မီးစက်တည်၍ တပတ်သုံးရက်သာ အလုပ်လုပ်ချင်လျှင် ဘော်ဖြူကို မဲပေး ပါ”ဟု အော်ကြသည်။ ဗန္ဓုလဘက်သား များကလည်း “စားခွက်ထဲ၌ အစာအ ပြည့်ရှိစေလိုလျှင် ဗန္ဓုလကို မဲပေးပါ”ဟု အော်ကြသည်။ မဟော်တကောင်မှာ ဘော်ဖြူဘက်လည်းမပါ။ ဗန္ဓုလဘက် လည်းမပါ။ သူ့သဘောအရမှာ ဓါတ်မီး စက်တည်ပြီးလျှင် အလုပ်သက်သာမည် ဆိုသည်ကိုလည်း မယုံ။ အစားအသောက် ပိုလျှံလာလိမ့်မည်ဆိုသည်ကိုလည်း မယုံ။ ဓါတ်မီးစက် ရှိသည့်ဖြစ်စေ မရှိသည် ဖြစ်စေ လောကကြီးသည် ဘယ်တုန်းကမှ မကောင်းခဲ့သည့်အတိုင်း နောက်ကိုလည်း ဘယ်တော့မျှ ကောင်းမည်မဟုတ်။ ဤ ကား မဟော်၏ ယုံကြည်ချက်တည်း။

ဓါတ်မီးစက်တည်ဖို့ကိစ္စနှင့် ပတ် သက်၍ ဗန္ဓုလနှင့်ဘော်ဖြူတို့ အချင်း များကြခြင်း ကိစ္စမှတပါး ခြေလေးချောင်း ကွင်းကို ကာကွယ်ဖို့ပြဿနာလည်း ရှိ သေးသည်။ လူသားတို့မှာ နွားတင်းကုပ် တိုက်ပွဲတွင် အရေးနိမ့်၍ သွားသော်လည်း နောက်တဖန်ထပ်၍ ခြေလေးချောင်းကွင်း ကိုရအောင် တိုက်ပြီးလျှင် ဦးသာခေါင်ကို ပြန်၍ ထားကြလိမ့်မည် အဖြစ်ကိုလည်း အားလုံးသော တိရစ္ဆာန်တို့ သဘောပေါက် ကြသည်။ လူသားများအရေးနိမ့်သွား သည့်သတင်းမှာ တယောက်စကားတ ယောက်နားနှင့် ပတ်ဝန်းကျင်တဝိုက်က အကုန်လုံးသိသွားသဖြင့် အနီးအနားက တိရစ္ဆာန်များမှာ တလှုပ်လှုပ်တရွရွဖြစ်၍ နေကြသည်။ လူသားများက နောက်တ ကြိမ်လာ၍ တိုက်ကြဦးမည်မှာ သေချာ သည်။

ဤကိစ္စနှင့်ပတ်သက်၍လည်း ဗန္ဓု လနှင့်ဘော်ဖြူတို့မှာ သဘောချင်း မတိုက်ဆိုင်ကြ။ ဗန္ဓုလ၏ သဘောအရ ဆိုလျှင် အားလုံးသော တိရစ္ဆာန်တို့သည် လက်နက်များ စုဆောင်း၍ လက်နက်များ ကို ကိုင်တတ်အောင် သင်ကြားကြရမည်။ ဘော်ဖြူ၏ သဘောအရဆိုလျှင် ခိုများ ကို စေလွှတ်၍ အခြားကွင်းများက တိရစ္ဆာန်များကို တော်လှန်ကြအောင် လှုံ့ ဆော်၍ ပေးရမည်။ ဗန္ဓုလက ကိုယ့်ဟာ ကိုယ်မှ မကာကွယ်နိုင်လျှင် လူသားများ က အရေးသာလိမ့်မည်ဟု ပြောသည်။ ဘော်ဖြူကမူ နေရာတကာတိုင်း၌ တော် လှန်ရေးတွေ ဖြစ်ပေါ်လာလျှင် ကိုယ့်ဟာ ကိုယ်ကာကွယ်ဖို့ မလိုတော့ဟု ပြော သည်။ တိရစ္ဆာန်တို့သည် ဗန္ဓုလပြော သည်ကို ပထမကြားရပြီးနောက် ဘော်ဖြူ ပြောသည်ကို ဒုတိယကြားကြရသည်။ ဘယ်သူပြောတာမှန်သည်ဟု မဆုံးဖြတ် နိုင်ကြ။ ဗန္ဓုလပြောသည်ကို ကြားနေ တုန်းတွင် ဗန္ဓုလပြောတာမှန်သည်ဟု ထင်၍ ဘော်ဖြူပြောသည်ကို ကြားရ သောအခါ ဘော်ဖြူပြောတာမှန်သည်ဟု ထင်ကြသည်။

နောက်ဆုံးတွင် ဓါတ်မီးစက်တည် သင့် မတည်သင့်ကို ဆုံးဖြတ်ဖို့ အစည်း အဝေး ကျင်းပကြသည်။ ဘော်ဖြူသည် စီမံကိန်းများကို အပြည့်အစုံ ရေးဆွဲပြီး သဖြင့် အစည်းအဝေး ပရိသတ်အား ဓါတ်မီးစက်တည်ခြင်း၏ အကျိုးရှိပုံများ ကို အကျယ်တဝင့်ပြောပြသည်။ ဘော် ဖြူပြောနေစဉ်တွင် သိုးများက”ခြေလေး ချောင်းကောင်းတယ်။ ခြေနှစ်ချောင်း မ ကောင်းဘူး”ဟု ရံဖန်ရံခါအော်ကြခြင်း မှတပါး အခြားတစုံတရာ အနှောင့်အ ရှက်မရှိ။ဘော်ဖြူပြောပြီးသောအခါ ဗန္ဓုလကထ၍ ကန့်ကွက်သည်။ ဗန္ဓုလက ဓါတ်မီးစက်လုပ်ဖို့အတွက် ဘယ်သူမှ မဲမပေးကြရန် တခွန်းနှစ်ခွန်း ပြောပြီးလျှင် ထိုင်လိုက် သည်။ ထိုအခါ ဘော်ဖြူက ထတဲ့၍ ခြေ လေးချောင်း ကောင်းတယ်။ ခြေနှစ်ချောင်း မကောင်းဘူးဟု အော်မည် လုပ်ကြသည့် သိုးများကို ငေါက်၍ ပစ်ပြီးလျှင် ဓါတ်မီး စက်တည်ခြင်း၏ အကျိုးကျေးဇူးများကို စိတ်အား ထက်သန် စွာနှင့် ပြောပြသည်။ ဘော်ဖြူနောက် ထပ်မပြောခင် ဓါတ်မီး စက်တည်ဖို့ မတည်ဖို့ကိစ္စနှင့် ပတ်သက်၍ မဲညီ လျက်ရှိသည်။ သို့ရာတွင် ဘော်ဖြူက အပြောကောင်းသဖြင့် ဘော်ဖြူဖက် က မဲနိုင်ဖို့ သေချာသွားသည်။

ဘော်ဖြူက ဓါတ်မီးစက်တည်ပြီး လျှင် ပြောင်းရိုးစဉ်းစက် စပါးလှေ့စက်နှင့် ဓါတ်မီးမျာသာ တပ်ဆင်နိုင်မည်မဟုတ်။ လယ်ထွန်စက် ပျိုးကြဲစက် ကောက်ရိတ် စက်မှစ၍ ခြေလေးချောင်းကွင်းတွင် တိရစ္ဆာန်များမှာ ဓါတ်မီးကိုယ်စီနှင့် နေရ ကြရုံတွင်မက ရေပူရေအေးပေးဖို့စက် မီးလှုံဖို့စက် စသည်တို့ ပါရကြမည်ဖြစ်၍ တိရစ္ဆာန်တို့မှာ အလုပ်လုပ်ဖို့မလိုတော့ဘဲ စည်းစိမ်ခံကြဖို့သာ ရှိတော့သည့်အ ကြောင်းကို စီကာပတ်ကုံးကွင်းကွင်းကွက် ကွက်မြင်လောက်အောင် ပြောပြသည်။ ဘော်ဖြူပြောပြီးသောအခါ ဘော်ဖြူဖက် က မဲနိုင်တော့မည်ကို တိရစ္ဆာန်တိုင်း သိကြသည်။ ထိုအခိုက်တွင် ဗန္ဓုလက မတ်တတ်ထ၍ ဘော်ဖြူကို မျက်စောင်း ထိုးကြည့်ပြီးလျှင် အသံဆိုးကြီးနှင့် အီသံ ပေးလိုက်သည်။ ယခင်က ဗန္ဓုလ သည် ကဲ့သို့အီသည်ကို ဘယ်တိရစ္ဆာန်မှ မကြားဘူးကြ။
ဗန္ဓုလ၏ အီသံကို ကြားသည်နှင့် တပြိုက်နက် လည်ပင်းတွင် ကြေးမှိုတပ် လည်ပတ်ပတ်ထားသည့်ကြောက်မက် ဖွယ်ကောင်းသည့် ခွေးကြီးကိုးကောင် သည် ကိုက်မည့်ခဲမည့်ဟောင်သံကို ပေး ပြီးလျှင် ဒလကြမ်းပြေးဝင် လာကြသည်။ ထိုခွေးကြီးကိုးကောင်သည် ဘော်ဖြူ ရှိရာသို့ ထိုး၍လိုက်ကြသဖြင့် ဘော်ဖြူ မှာ အရှောင်ကောင်းပေ၍သာ အသက် ချမ်းသာရာရသည်။ ဘော်ဖြူမှာ တခါ တည်းထွက်၍ ပြေးရသည်။ ခွေးကြီးများ လည်း ဘော်ဖြူနောက်က ထပ်ကြပ်လိုက် ကြသည်။ တိရစ္ဆာန်များလည်း အံ့အား သင့်၍ နေကြပြီးလျှင် ဘော်ဖြူက ရှေ့က ပြေး၍ ခွေးကြီးများက နောက်က လိုက် ကြသည်ကို ဝိုင်း၍ ကြည့်နေကြသည်။ ဘော်ဖြူလည်း လယ်ကွင်းထဲမှ ဖြတ်၍ လမ်းပေါ်သို့ ပြေးသည်။ ဘော်ဖြူမှာ ဝက်ဖြစ်ပြီး အပြေးမြန်ပေ၍သာ တော် တော့သည်။ ခွေးကြီးများကလည်း နောက်က လိုက်မြဲလိုက်လျက် ရှိသေး သည်။

ဖြုန်းဆို ဘော်ဖြူချော်၍ လဲသည်။ ကံကောင်း၍ ခွေးကြီးတွေ မမှီခင် ကပြာ ကရာထ၍ ပြေးပြန်သည်။ ခွေးကြီးတွေ ကလည်း နောက်ကလိုက်ပြန်သည်။ ခွေးကြီးတကောင်က အမြီးကိုလှမ်း၍ ကိုက်လိုက်သည်။ ဘော်ဖြူက အမြီးကို ရမ်း၍ ဖယ်လိုက်နိုင်ခင်လို့သာ လွတ် သည်။ ထို့နောက် ဘော်ဖြူသည် တအားကုန်ကြုံး၍ ပြေးပြီးလျှင်စည်းရိုး ပေါက်တခုထဲသို့ ဖြုတ်ကနဲ ဝင်ပြေး သည်။ ထိုအခါမှစ၍ ဘော်ဖြူကို မမြင်ရ တော့။
တိရစ္ဆာန်များသည် အကြောက်ကြီး ကြောက်ကာ အစည်းအဝေးနေရာ၌ ပြန် ၍ဝင်ပြီး အခြေမပျက် ထိုင်နေကြပြီး နောက် နှုတ်ပိတ်၍ နေကြသည်။ မကြာမီ ခွေးကြီးများ ပြန်ရောက်လာသည်။ လက် ဦးတွင် ထိုခွေးကြီးများ ဘယ်လိုဘယ်နည်း နှင့် ဘယ်ကရောက်လာသည်ဟု ဘယ်သူ မျှ မသိကြ။ နောက်မှ အကြောင်းကို သိ ကြသည်။ ထိုခွေးကြီးများမှာ ငယ်ငယ် ကလေးထဲက ဗန္ဓုလဝှက်၍ မွေးထား သော ခွေးကလေးကိုးကောင်ဖြစ်သည်။

အသက်မကြီးသေးသော်လည်း ထွား ကျိုင်းသဖြင့် ထိုခွေးကိုးကောင်မှာ ကျား ကဲ့သို့ ကြောက်စရာကောင်းသည်။ ခွေး ကိုးကောင်သည် ဗန္ဓုလအနားက မခွါ ကြ။ ယခင်က ခွေးများသည် ဦးသာခေါင် ကိုမြင်လျှင် အမြီးနှံ့ကြသကဲ့သို့ ထိုခွေး ကိုးကောင်လည်း ဗန္ဓုလကိုမြင်လျှင် အမြီးနှံ့ကြလေသည်။
ဗန္ဓုလသည် ခွေးများ ခြံရံလျက် ယခင် ဗိုလ်ကြီးထိုင်သော ကမူပေါ်သို့ တက်ပြီးလျှင် မိန့်ခွန်းမြွက်သည်။” ဒီနေ့ ကစပြီး တနင်္ဂနွေနေ့မနက် ကျင်းပမြဲ ဖြစ်သော အစည်းအဝေးများကို ရုပ်သိမ်း လိုက်သည်။ ထိုအစည်း အဝေးများမှာ အပို သက်သက်ဖြစ်ပြီး အလကားအချိန် ကုန် သည်။ နောင်အဖို့ ခြေလေးချောင်း ကွင်း စီမံခန့်ခွဲမှု အရပ်ရပ်ကို ဝက် ကော်မတီအဖွဲ့က အကုန်ရွက်ဆောင် မည်။ ထိုကော်မတီအဖွဲ့တွင် ငါက သဘာပတိလုပ်မည်။ ဝက်ကော်မတီ အဖွဲ့သို့ တိရစ္ဆာန်အများ တက်ရောက် ခွင့်မရှိ။ အဖွဲ့က ဆုံးဖြတ်လိုက်သော အကြောင်းများကို နောက်မှ တိရစ္ဆာန် များထံသို့ အကြောင်းကြားမည်။ တိရစ္ဆာန် များမှာ တနင်္ဂနွေနေ့မနက်တိုင်းတွင် စုဝေးမြဲစုဝေး၍ အလံကို အလေး ပြုပြီးလျှင် ဒို့တိရစ္ဆာန်သီချင်းကို ဆိုကြ ရမည်။ ထို့နောက် ရက်သတ္တတပတ်အ တွက် အလုပ်တာဝန်များကို ခံယူကြရ မည်။ ယနေ့ကစ၍ အခြေအတင်ငြင်းခုံ ပြောဆိုခွင့်ကို ပိတ်လိုက်သည်”ဟု ဗန္ဓုလ ပြောသည်။

ဘော်ဖြူကို မောင်းထုတ်လိုက် သည့်အတွက် တိရစ္ဆာန်များမှာ များစွာ တုန်လှုပ်ချောက်ချား၍ ငြိမ်နေကြသော် လည်း ဗန္ဓုလ၏ မိန့်ခွန်းကို သဘောမ ကျကြ။ များစွာသော တိရစ္ဆာန်တို့အနက် အချို့က ဗန္ဓုလ၏ မိန့်ခွန်းကို ကန့်ကွက် လိုကြသော်လည်း လယ်လယ်ဝယ်ဝယ် အကျိုးသင့်အကြောင်းသင့် မပြော တတ်ကြ သဖြင့် ငြိမ်၍နေကြသည်။ ဗန္ဓုလ၏ မိန့် ခွန်းကို ကြားရသောအခါ ဂျိုကားတောင် မှပင် အစိတ် မချမ်းသာ သလိုလို ဖြစ်သည်။ ဂျိူကားသည် နားရွက်နှစ်ဖက် ကို ပေ၍ ခေါင်းကို အကြိမ်ကြိမ်ခါပြီးလျှင် အကြံထုတ် ကြည့်သည်။ သို့ရာတွင် အထမမြောက် သဖြင့် ဘာမျှထ၍ မပြောဖြစ်။ ရှေ့ဆုံး က ထိုင်နေကြသော ဝက် လေးကောင်က တပြိုက်နက်တည်း ထကြပြီးလျှင် ကျယ် လောင်စွာ ကန့်ကွက်ကြသည်။

ထိုအခါ ဗန္ဓုလ၏ ကိုယ်ရံတော်ခွေး များက ကြောက်မက်ဖွယ်ဟိန်းလိုက် ကြသဖြင့် ဝက်လေးကောင်မှာ နောက် ထပ် ဘာမျှ ဆက်မပြောဝံ့ဘဲ ပြန်ထိုင်ပြီး ငြိမ်သွားကြသည်။ ထို့နောက် သိုးများက “ခြေလေးချောင်း ကောင်းတယ်။ ခြေနှစ် ချောင်း မကောင်းဘူး” ဟု တဆယ့်ငါးမိ နစ်ခန့်ဆက်၍ အော်ကြသဖြင့် နောက် ထပ် ဘာမျှပြောဆို၍ မဖြစ်တော့။
သခင်ဘသောင်း
  • ခြေလေးချောင်းတော်လှန်ရေး (၁)
  • ခြေလေးချောင်းတော်လှန်ရေး (၂)
  • ခြေလေးချောင်းတော်လှန်ရေး (၃)
  • ခြေလေးချောင်းတော်လှန်ရေး (၄)
  • ခြေလေးချောင်းတော်လှန်ရေး (၅)
  • ခြေလေးချောင်းတော်လှန်ရေး (၆)
  • ခြေလေးချောင်းတော်လှန်ရေး (၇)
  • ခြေလေးချောင်းတော်လှန်ရေး (၈)
  • ခြေလေးချောင်းတော်လှန်ရေး (၉)
  • ခြေလေးချောင်းတော်လှန်ရေး (၁၀)
  • ခြေလေးချောင်းတော်လှန်ရေး (၁၁)
  • No comments:

    Post a Comment

    Blog Archive

    Recent Post