Latest News

Saturday, August 25, 2018

လေနီရိုင်းကိုဆန်ကာ ပျံသည့်ငှက် – အပိုင်း (၄)–လောအယ်စိုး


ရန်ကုန်တက္ကသိုလ်ဘက်မှမစ္စတာရာဇာလီ၏ကားအစိမ်းရောင်ကြီးသည်
ထိုအချိန်၌ရုတ်တရက်ပေါ်လာကာဒေါ်အောင်ဆန်းစုကြည်၏အိမ်ခြံဝင်းဘက်သို့အချိုး၊
အသင့်ပြင်ထားသောကင်မရာကိုထုတ်၍ထိုမြင်ကွင်းကိုကျွန်တော်အမိအရမှတ်တမ်း
တင်လိုက်သည်။စိတ်ကလှုပ်ရှားနေ၍ထိုထောက်လှမ်းရေးအရာရှိသတ်မှတ်ထားသော
စည်းကိုကျွန်တော်ကျော်၍ဓာတ်ပုံရိုက်လိုက်မိသည်။

‘ခွေးမသား…မင်းဘာလုပ်တာလဲကွ’ဟုအစချီပြီးရုန့်ရင်းကြမ်းတမ်းသော
ဆဲဆိုမှုများ၎င်း၏နှုတ်မှသေနတ်ကျည်ဆန်လိုအတွဲလိုက်ပစ်သကဲ့သို့ ထွက်၍ ထွက်၍
လာသည်။


သူ၏မျက်လုံးကမီးရောင်ကဲ့သို့ဒေါသအရှိန်ဖြင့်တဝင်းဝင်းတောက်နေသည်။
လက်သီးကိုလည်းဆုပ်၍ကျွန်တော့်ကိုပြသည်။

မတတ်နိုင်ပါ။ကြိုးစားပြီးသူ့ကိုပြုံး၍သာတုံ့ပြန်ခဲ့သည်။ ဘာပဲဖြစ်ဖြစ်ကျွန်တော့်
သတင်းဌာနအတွက်အရေးကြီးသောမှတ်တမ်းဓာတ်ပုံကိုကျွန်တော်ရိုက်နိုင်ခဲ့ပေပြီ။
(NLD)၏နိုင်ငံရေးအခမ်းအနားများတွင်ကျွန်တော်သူ့ကို(၃)ကြိမ်ခန့်ပြန်၍
ဆုံသည်။သူ၏မျက်နှာကားကျွန်တော့်ကိုမုန်းတီးရွံရှာသောအကြည့်နှင့်…။

သူသည်လည်းပေးအပ်ထားသောတာဝန်ဝတ္တရားကိုကျေပွန်အောင်ထမ်းဆောင်
သောသူတစ်ဦးပါ။ထို့အတူမိမိသည်လညAFPသတင်းဌာနမှပေးအပ်ထားသော
တာဝန်ကိုကျေပွန်အောင်ထမ်းဆောင်ခြင်းဖြစ်သည်။
ထိုအချိန်ကသူတို့တစ်တွေသည်ဂျပန်ခေတ်ကကင်ပေတိုင်အရာရှိများကဲ့သို့
မဟုတ်ပါလား။

ဗိုလ်ချုပ်ကြီးခင်ညွန့်၏အမျိုးသားထောက်လှမ်းရေးတစ်စစီပြိုကွဲသွားပြီးနောက်
ယခုအချိန်၌ထိုပုဂ္ဂိုလ်သည်ဘယ်ကိုရောက်ရှိနေမည်မသိတော့။သေချာသည်ကတော့
နောက်တစ်ကြိမ်မိမိနှင့်ဆုံတွေ့ခွင့်ရပါကသူသည်ကျွန်တော့်ကိုခက်ထန်သော
မျက်နှာထားနှင့်ကြည့်မည်မဟုတ်တော့။
လောကဓံ၏အကွေ့အကောက်၊အပြောင်းအလဲတို့သည်တရားကျလောက်ပါ
သည်။သြော်…လောက..လောက။

တပ်မတော်ထောက်လှမ်းရေးတို့၏အမျိုးမျိုးသောပုဒ်မ၊ဥပဒေတို့ဖြင့်ဖမ်းဆီး
ခြင်းခံခဲ့ရသောသူတော်တော်များများတို့အသီးသီးသောစစ်ကြောရေးစခန်း၊အကျဉ်းထောင်
တို့တွင်ဖော်ပြ၍မကုန်နိုင်သောဒုက္ခ၊ခါးသီးမှုတို့ကိုခံစားခဲ့ရပြီးယနေ့သူတို့တစ်တွေ
လွတ်မြောက်ကြလေပြီ။

၂ဝဝ၄ခုနှစ်၊နှစ်ကုန်ကာနီးကာလအတွင်းမြန်မာနိုင်ငံအနှံ့ရှိအကျဉ်းထောင်
အသီးသီးတို့တွင်အသစ်သောအကျဉ်းသားများရာနှင့်ချီ၍ရောက်သွားကြသည်။ထိုသူ
များကားစစ်ထောက်လှမ်းရေးများဖြစ်သည်။

မည်သည့်အကျဉ်းသားလွတ်မြောက်ရေးအဖွဲ့အစည်း၊လူ့အခွင့်အရေးအဖွဲ့၊
နိုင်ငံရေးအသင်းတို့ကမှသူတို့တစ်တွေ၏လွတ်မြောက်ရေးအတွက်ထူးထူးထွေထွေ
မကြိုးစားကြ။ပြည်သူလူထုတွေကလည်းစစ်ထောက်လှမ်းရေးများလွတ်မြောက်ရေး
အတွက်စိတ်ဝင်စားမှုတော်တော်များများမရှိခဲ့ကြ။သူတို့တစ်တွေကိုရွံရှာမုန်းတီးကြ
သည်။မိမိတို့ပြုသောကံ၊ယခုအချိန်တွင်တော့ခံကြပေတော့ဟူ၍သာ။
‘ပေ’ဖြစ်သောအချိန်တွင်တော့မနွဲ့ကြစတမ်း၊ထုတာတွေခံကြပေတော့။သူတို့
တစ်တွေလည်းမိသားစုဘဝများနှင့်ချီ၍ဒုက္ခ၊လောကဓံလှိုင်းကိုခါးစည်း၍ခံကြရသော
အချိန်ဖြစ်သည်။

အင်တာနက်တွင်မိမိရိုက်သောဓာတ်ပုံကိုသတင်းဌာနများကအသုံးပြုခြင်းကို
မြင်သောအခါတွင်လည်းကောင်း၊ထိုင်းနိုင်ငံရှိဘန်ကောက်ပို့စ်၊သည်နေးရှင်းသတင်းစာ
တို့တွင်မိမိ၏ဓာတ်ပုံများကိုမြန်မာပြည်သတင်းများနှင့်တွဲ၍သုံးသည့်အခါတိုင်းတွင်
လည်းကောင်းကျွန်တော်၏ပီတိ၊ပျော်ရွှင်ကြည်နူးမှုသည်ဘာနှင့်မျှနှိုင်း၍မရခဲ့ပါ။ဝီရိယ
နှင့်ဇွဲတို့၏အသီးအပွင့်များ..။

ရရှိသောသတင်းဓာတ်ပုံဖိုးကလည်းတစ်ခါတစ်ရံလကုန်ပြီးတော်တော်ကြာမှ
ရသည်။လခစားအဖြစ်ခန့်ထားခြင်းမဟုတ်သေး။ကျွန်တော့်ဓာတ်ပုံကို(AFP)သတင်း
ဌာနမှသုံးတိုင်းအမေရိကန်ဒေါ်လာ(၂၅)ရသည်။ခရီးစရိတ်ဘာမှမပေး။ဘာမျှ
မတတ်နိုင်၊ရွေးချယ်စရာလည်းမရှိခဲ့။မိမိရိုက်သောဓာတ်ပုံများနိုင်ငံတကာသတင်းစာ
မျက်နှာတွင်တွေ့ရတိုင်းကျွန်တော်ပျော်ရွှင်မြူးတူး၍နေပြီးအခက်အခဲခါးသီးမှု၊
စိန်ခေါ်မှုများကို’ငါအရမ်းဖြစ်ချင်တဲ့နိုင်ငံခြားသတင်းဌာနရဲ့ဓာတ်ပုံသတင်းထောက်
ဖြစ်ပြီကွ’ဟူသောမိမိကိုယ်ကိုမိမိအားပေးသည့်စိတ်ဖြင့်ကြိုးစား၍လွှမ်းမိုးပစ်လိုက်
သည်။အခက်အခဲစိန်ခေါ်မှုများကတစ်မျိုးပြီးတစ်မျိုးကြုံရသည်။
(၈၈)မျိုးဆက်ကျောင်းသားခေါင်းဆောင်များနှင့်ရင်းနှီးခွင့်ရခဲ့သည်။ရန်ကုန်မြို့
၏အခြေအနေ၊နိုင်ငံရေး၊စီးပွားရေး၊လူမှုရေး၊အခြေအနေတို့ကိုအစဉ်သတိထား
စောင့်ကြည့်ရသည်။လက်ကိုင်ဖုန်းကလည်းမရှိ။ကျွန်တော့်သတင်းဌာနကလည်းဒါကို
စိတ်ဝင်စားသည်မဟုတ်။ကျွန်တော်ရိုက်သောဓာတ်ပုံတစ်ပုံကိုသုံးလျှင်ထိုသုံးသော
ဓာတ်ပုံဖိုးကိုပေးမည်၊ဒါပဲ။

ထိုအခက်အခဲများကြားမှကျွန်တော်လေးစားအားကျခဲ့သောအမေရိကန်
သတင်းဌာန(AP)မှမြန်မာနိုင်ငံဌာနေသတင်းထောက်ဒေါ်အေးအေးဝင်းနှင့်ရင်းနှီးခွင့်
ရခဲ့သည်။အစ်မသည်ကျွန်တော့်အားသတင်းဌာနလုပ်ငန်းအရပြိုင်ဘက်ဖြစ်သော်လည်း
ကျွန်တော့်ကိုသူ၏မောင်၊တပည့်ပမာဆုံးမ၊သွန်သင်၊လမ်းညွှန်မှုများကိုမေတ္တာစေတနာ
အရင်းခံထား၍အမုန်းခံကာပြုစုပျိုးထောင်ခဲ့သောအာဂအမျိုးသမီးကြီးတစ်ဦးပင်ဖြစ်သည်။
၂ဝဝ၅ခုနှစ်၊သြဂုတ်လလောက်တွင်ကျွန်တော်သည်ဂျာမနီနိုင်ငံအခြေစိုက်
ဥရောပဓာတ်ပုံသတင်းဌာန၏ကမ်းလှမ်းခြင်းခံရပြီးမြန်မာနိုင်ငံအခြေစိုက်အဆိုပါသတင်း
ဌာန၏ဓာတ်ပုံဆရာအဖြစ်ပြောင်းလဲ၍လုပ်ကိုင်ခဲ့သည်။

လုပ်ငန်းအသစ်ပြောင်းသောသူတို့၏သဘောသဘာဝအရအခက်အခဲများ၊
အစဦး၌ရှိခဲ့သော်လည်း၊တဖြည်းဖြည်းနှင့်အဆင်ပြေသွားခဲ့သည်။ပုံမှန်လစာလည်း
ရရှိသွားပါပြီ။စားဝတ်နေရေးအတွက်အတော်အတန်အဆင်ပြေသွားသည်။
မြန်မာနိုင်ငံ၏နိုင်ငံရေးရာသီဥတုကလည်းမုတ်သုံဦးကာလကဲ့သို့အုံ့အုံ့ဆိုင်း
ဆိုင်း၊မှိုင်းမှိုင်းမှုန်မှုန်။အဖမ်းအဆီးများကလည်းခပ်ကြမ်းကြမ်းကာလတစ်ခု။ရန်ကုန်မြို့၊
ရွှေဂုံတိုင်အရပ်ရှိအမျိုးသားဒီမိုကရေစီအဖွဲ့ချုပ်ဌာနချုပ်၌နိုင်ငံရေးအခမ်းအနား၊လှုပ်ရှား
မှုများကလည်းသတ္တိရှိရှိ၊မြိုင်မြိုင်ဆိုင်ဆိုင်။ရင်နာစွာဖြင့်ဆိုပါရစေ။ထိုအချိန်ကအားလုံး
သည်ညီညီညွတ်ညွတ်။သူတို့တစ်တွေ၏ရင်ထဲမှအပြင်းထန်ဆုံးမျှော်လင့်ချက်သည်
ဒေါ်အောင်ဆန်းစုကြည်လွတ်မြောက်ရေးနှင့်မြန်မာနိုင်ငံစစ်အာဏာရှင်၏ခွာအောက်မှ
အကြွင်းမဲ့လွတ်မြောက်ဖို့။

လူထုကြီးကလည်းတစ်ခဲနက်ထောက်ခံအားပေးသောကာလ။ခွပ်ဒေါင်းနှင့်
ငွေကြယ်ဖြူသည်စစ်အစိုးရဖိနှိပ်အုပ်ချုပ်မှုအောက်မှရုန်းထွက်လိုသောတိုင်းရင်းသား
များအပါအဝင်မြန်မာပြည်သူလူထု၏အထိမ်းအမှတ်တစ်ခုဖြစ်ခဲ့သည်။
မင်းကိုနိုင်၊ကိုကိုကြီးတို့ကိုဖမ်းဆီးသည်။ပြန်၍လွှတ်သည်။စစ်အစိုးရနှင့်
ဒီမိုကရေစီအင်အားစုတို့၏အင်အားနှင့်ဖိနှိပ်မှုတို့အပြန်အလှန်အားစမ်းနေကြသည့်အချိန်။
ဝါးလုံးကိုင်တပ်ဖွဲ့သို့မဟုတ်စွမ်းအားရှင်တို့ကိုလည်းရက်စက်ယုတ်မာမှုအမျိုးမျိုးတို့အား
လုပ်ပိုင်ခွင့်အပြည့်ပေးထားသောကာလ။

နိုင်ငံရေးဆိုသောခေါင်းစဉ်အောက်တွင်လူသိရှင်ကြားအစိုးရ၏အမျိုးမျိုးသော
ဒုက္ခပေးခြင်းကိုမခံယူလိုသောပြည်သူလူထုကြီးကလည်းလန်းဆန်းသစ်လွင်ရိုးသားသော
မြန်မာနိုင်ငံ၏အပြောင်းအလဲကြီးတစ်ခုကိုတမ်းတမ်းတတလိုလားနေကြသည်။
ဒီလိုနှင့်၂ဝဝ၇ခုနှစ်၊သြဂုတ်လတွင်စစ်အစိုးရကလည်းပုံမှန်၎င်းးတို့ပြုလုပ်
နေသည့်ကျင့်ထုံးတစ်ခုအတိုင်းလောင်စာဆီများ၏ဈေးနှုန်းကိုအဆမတန်မြှင့်၍
တင်လိုက်သည်။မှတ်မှတ်ရရ၊ထိုနေ့နံနက်ဘတ်စ်ကားအတော်များများထိုးရပ်သွား
သည်။တက္ကစီခများလည်းအဆပေါင်းများစွာခုန်၍တက်သွားသည်။

စိတ်အထိခိုက်ဆုံးမြင်ကွင်းမှာရန်ကုန်မြို့လယ်ကောင်၊ဆူးလေမှစတင်ပြီးအင်းစိန်၊
တောင်/မြောက်ဥက္ကလာပ၊ရွှေပြည်သာ၊လှိုင်သာယာ၊တောင်/မြောက်ဒဂုံတို့ကိုဦးတည်ပြီး
မြို့တွင်း၌ဝမ်းစာအတွက်အလုပ်လာရောက်လုပ်ကိုင်ကြသောသာမန်အခြေခံနင်းပြား
ပြည်သူတို့ထောင်နှင့်ချီ၍မိမိတို့၏နေအိမ်အသီးသီးသို့လမ်းလျှောက်၍ပြန်ကြသည်။
သည်းလိုက်သည့်မိုးကလည်းပြည်သူလူထုတို့၏ခံစားနာကျင်ချက်များကိုသိ၍အပြိုင်
ငိုချင်းချနေသည့်အလား။ခါးသီးသောဒုက္ခများအပေါ်တွင်သောကတွေကတစ်ထပ်ချင်း
ရက်ရက်စက်စက်ခြုံလွှမ်းပစ်လိုက်သည်။

(၈၈)မျိုးဆက်ကျောင်းသားခေါင်းဆောင်တို့လမ်းမပေါ်ထွက်ပြီးစစ်အစိုးရကို
ပြောင်ပြောင်တင်းတင်းသတ္တိရှိရှိအာခံကာငြိမ်းချမ်းစွာဖြင့်ဆန္ဒပြသည်။စစ်အစိုးရကလည်း
ကျင့်သုံးလာခဲ့သောသီအိုရီများအတိုင်းမှတ်လောက်သားလောက်အောင်ဖမ်းဆီးလိုက်သည်။
ပွဲကြည့်ပရိသတ်သာသာအနေအထားကိုအကဲခတ်နေကြသောပြည်သူလူထုကြီးလည်း
မစုစုနွေး၏သတ္တိနှင့်စွန့်လွှတ်မှုများကိုအသိအမှတ်မပြု၍မရတော့။
စွမ်းအားရှင်တို့ကလည်းဒီမိုကရေစီဘက်တော်သားများ၊ဒီမိုကရေစီရေးအတွက်
ငြိမ်းချမ်းစွာဆန္ဒပြသူများကိုတိရစ္ဆာန်များပမာသဘောထားပြီးအင်နှင့်အားနှင့်ဖမ်းဆီးပြီး
စစ်အစိုးရကိုအပ်နှံနေသည့်အချိန်ကာလ။အလိုတော်ရိများ၏ရုပ်သေးကြိုးဆွဲခံ၊ခပ်
ကြမ်းကြမ်းကကွက်များကိုအဘယ်မှာကျွန်တော်မေ့နိုင်ပါမည်နည်း။
၂ဝဝ၇ခုနှစ်၊သြဂုတ်လနှင့်စက်တင်ဘာလတို့တွင်ကြီးမားသောလူထုလှုပ်ရှား
မှုကြီးတစ်ခုလိုမပေါ်ပေါက်မီရှေ့ပြေး၊လှုပ်ရှားမှုများပေါ်ပေါက်ခဲ့သည်။
နည်းမျိုးစုံသုံး၍စစ်အစိုးရသည်ထိုလူထုလွတ်မြောက်ရေးလှုပ်ရှားမှုများကို
နှိမ်နင်းခဲ့ပါသေးသည်။၂ဝဝ၇ခုနှစ်၊စက်တင်ဘာလ(၁၈)ရက်နေ့တွင်ဗုဒ္ဓသားတော်
ရဟန်းတို့တည်ငြိမ်အေးချမ်းစွာဖြင့်ရန်ကုန်မြို့လမ်းမပေါ်သို့တက်ပြီးဆန္ဒပြသည်။
ပြည်သူလူထုတို့၏ဖော်ပြ၍မရသောဝမ်းသာကြည်နူးမှုတို့သည်ခံစားမှုပြင်ထန်
လွန်း၍ပုံသဏ္ဍာန်များပြောင်းသွားသည်။သံဃာတော်များတို့ချီတက်ရာလမ်းတွင်ဦးချကာ
မျက်ရည်ဖြိုင်ဖြိုင်ကျရသည်။

‘ရဟန်းတို့သည်မိဘပြည်သူလူထုတို့၏နာကျင်ခံစားရသောဒုက္ခအခက်အခဲ
များတို့ကို၎င်းတို့သည်မည်သို့မျှလျစ်လျူရှု၍မရတော့’ဟူသောသဏ္ဍာန်ကိုပြတ်ပြတ်
သားသားအုပ်စိုးသူမင်းအားပြလိုက်ခြင်းဖြစ်သည်။
တီဗီဖန်သားပြင်များ၊ရေဒီယို၊သတင်းစာတို့မှတစ်ဆင့်အစိုးရသည်(၁)ရာခိုင်
နှုန်းသောရဟန်းတို့သာအစိုးရကိုဆန့်ကျင်သောဆန္ဒပြမှု၌ပါဝင်သည်ဟုကြေညာသည်။
နောက်တစ်နေ့၊သိန်းနှင့်ချီသောရဟန်းထုတို့ငြိမ်းချမ်းစွာဖြင့်စီတန်းလမ်းလျှောက်သည်။
ကမ္ဘာသိသောမြန်မာ့မြေမှ’ရွှေဝါရောင်’သမိုင်း၏ပုံရိပ်များကိုကျွန်တော်
မှတ်တမ်းတင်နိုင်ခဲ့သည်။(၃)ကြိမ်တိုင်တိုင်စွမ်းအားရှင်တို့၏ဖမ်းဆီးရန်ကြိုးစားမှုများကို
ကျွန်တော်ကြုံတွေ့ခဲ့ရသည်။ဆူးလေစေတီတော်အနီးဆန္ဒပြပွဲတွင်သတင်းယူသော
ဂျပန်သတင်းထောက်’နာဂါအီ’၊စက်တင်ဘာလ(၂၇)ရက်နေ့တွင်ပစ်သတ်ခံရသည်။
ထိုအဖြစ်အပျက်အနီးပတ်ဝန်းကျင်တွင်ကျွန်တော်ရှိနေခဲ့သည်။ကင်မရာ(၂)လုံးကို
လွယ်၍လူထုကြီးနှင့်အတူအသက်ဘေးအတွက်ကျွန်တော်လုံထိန်းတို့၏ပစ်ခတ်၊
ရိုက်နှက်နေမှုအကြားပြေးခဲ့ရသည်။

ထိုညမှစတင်ပြီးရန်ကုန်မြို့ရှိပြည်သူလူထုကြီးအားစစ်ကားကြီးများဖြင့်ခြိမ်း
ခြောက်သောအားဖြင့်ဟန်ရေးပြတော့သည်။
(၈၈)ဟူသောလူထုလှုပ်ရှားမှုသမိုင်းကြီးတစ်ကျော့ပင်ပြန်လာဦးမည်လားဟု
အစိုးရသည်တုန်လှုပ်ချောက်ချားသွားသည်။ဘာတွေဆက်ဖြစ်ဦးမည်မသိတော့။မြန်မာ
ပြည်၏ရှေ့ခရီးလှိုင်းကြီးလေထန်မုန်တိုင်းကြီးတွေထန်လာလေဦးမည်လား။
ဘဝအလှည့်အပြောင်းတစ်ခုကျွန်တော်ကြုံတွေ့ရတော့သည်။အခြေအနေတစ်ခု
ကြောင့်ချစ်သောအမိမြေကိုကျွန်တော်စွန့်ခွာခဲ့ရပါသည်။နယ်စပ်စည်းကိုဖြတ်ပြီးထိုင်း
နိုင်ငံအတွင်းသို့ကျွန်တော်ရောက်သွားသည်။နိုင်ငံတကာသတင်းပို့စ်တွင်ကျွန်တော်
ရိုက်ကူးခဲ့သောကိုရင်လေးသပိတ်ကိုမြှောက်၍ကိုင်ထားသောပုံကိုကျွန်တော်တွေ့ရသည်။
လခစားဓာတ်ပုံသတင်းထောက်တစ်ဦးအနေနှင့်ထိုဓာတ်ပုံ၏မူပိုင်ခွင့်ကို
ကျွန်တော်မရရှိပါ။သို့သော်မြန်မာ့နိုင်ငံရေးသမိုင်းလမ်းကြောင်း၊မှတ်တမ်းအထိမ်းအမှတ်
ပုံရိပ်တစ်ခုကိုချစ်သောအမိမြေအားနှလုံးသားနှင့်ရင်း၍ပေးနိုင်ခဲ့သည်။ပြည်သူလူထုက
ထိုဓာတ်ပုံကို၎င်းတို့တန်ဖိုးထားပါကကိုရင်လေး၏ပုံရိပ်ကိုသူတို့တစ်တွေ၏နှလုံးသားတွင်
အစဉ်သိမ်းဆည်းထားပေလိမ့်မည်ဟုကျွန်တော်အပြည့်အဝယုံကြည်သည်။မည်သည့်
အရာနှင့်မျှတန်ဖိုးဖြတ်၍မရသောကြည်နူးမှုကျွန်တော့်အတွေ့အကြုံနှင့်ရင်း၍ကျွန်တော်
ရရှိခဲ့သည်။

ထိုင်းနိုင်ငံ၊မဲဆောက်မြို့ရှိဒုက္ခသည်ဆိုင်ရာကုလသမဂ္ဂရုံး၌မိမိကိုယ်ကို
ဒုက္ခသည်တစ်ဦးအနေဖြင့်အပ်နှံခဲ့ရပါတော့သည်။ရှေ့ဆက်ဘဝခရီးဘာတွေဆက်ဖြစ်
မည်ကိုမသိတော့။ဘုရားရှင်လက်ထဲသို့အပြည့်အဝမိမိဘဝကိုအပ်နှံရတော့သည်။
ထိုင်းမြန်မာနယ်စပ်၊မဲဆောက်မြို့တွင်ကျွန်တော်နှစ်လကျော်ကျော်နေထိုင်ခဲ့ပြီး
အမေရိကန်နိုင်ငံသို့ဒုက္ခသည်တစ်ဦးအနေနှင့်ထွက်ခွာခဲ့ပါသည်။ရန်ကုန်တက္ကသိုလ်၌
ဘွဲ့ရအောင်ကြိုးစားမည်။နိုင်ငံခြားသတင်းဌာနတစ်ခု၌ဓာတ်ပုံသတင်းထောက်တစ်ယောက်
ဖြစ်အောင်ကြိုးစားမည်။အတွေ့အကြုံများကိုစာရေးမည်။အခွင့်အရေးရပါကနိုင်ငံခြား
၌မိမိဝါသနာပါသောပညာရပ်တစ်ခုခုကိုဆင့်ပွားသင်ကြားချင်သည်။သို့သော်နိုင်ငံကြီး
တစ်နိုင်ငံတွင်ဒုက္ခသည်တစ်ယောက်အနေဖြင့်ခံယူလိုသောဆန္ဒလုံးဝကျွန်တော့်၌မရှိပါ။
ကျွန်တော်မွေးဖွားချက်ကြွေသောအမိမြေကိုကျွန်တော်ချစ်မြတ်နိုးသည်။
လူသားတို့သည်ဘဝလောကဓံအပြောင်းအလဲအချို့တို့ကိုတစ်ခါတစ်ရံဘာမျှ
မတတ်နိုင်တော့ဘဲဇွတ်မှိတ်၍ရင်ဆိုင်ခဲ့ရသည်။ကျွန်တော်သည်နိုင်ငံရေးသမား
တစ်ယောက်မဟုတ်ပါ။မြန်မာနိုင်ငံမဟုတ်သောရေသစ်မြေသစ်တွင်ဘဝကိုဝမ်းစာရေး
တစ်ခုအတွက်သွားရောက်နေထိုင်လိုသောဆန္ဒမရှိပါ။
သို့သော်ဒီတစ်ကြိမ်တော့မတတ်နိုင်ပါ။အမိမြေကိုစွန့်ခွာခဲ့ရသည်။
အကြောင်းရင်းကလည်းထူးထူးခြားခြားတော့မဟုတ်ပါ။၂ဝဝ၇နှင့်၂ဝဝ၈
ခုနှစ်ကာလများအတွင်းအစိုးရ၏အဖမ်းအဆီးကြမ်းခြင်း၊မိမိဘဝကိုလည်းထောင်ထဲ
တွင်အချိန်ကာလတစ်ခုမနေလိုခြင်းအပြင်၊အခန့်မသင့်ပါကအရိုက်အနှက်၊အထု
အထောင်းတို့ကိုသေးငယ်သောကျွန်တော်၏ခန္ဓာကိုယ်ကရေရှည်ခံနိုင်မည်မဟုတ်ခြင်း
တို့ကြောင့်သာဖြစ်သည်။

အခြားအကြောင်းအရာတစ်ခုကလည်းရှိသေးသည်။အမေရိကန်နိုင်ငံတွင်အခြေ
ကျနေပြီဖြစ်သောမိခင်ကြီးနှင့်ကျွန်တော်၏ညီနှစ်ဦးတို့ကလည်းအခွင့်အရေးရရှိပါက
အမေရိကန်နိုင်ငံသို့လာရောက်အခြေချဖို့အကြံဥာဏ်ပေးခဲ့သည့်အကြိမ်ပေါင်းလည်း
မနည်း။
လောကဓံအချိုးအကွေ့များကြောင့်ကျွန်တော်တို့မိသားစုသည်ဆယ်စုနှစ်
(၂)စုကျော်ကျော်အတူနေထိုင်နိုင်ခဲ့ခြင်းမရှိပါ။ကျွန်တော်၏အောက်ညီနှင့်လည်းလူချင်း
မတွေ့ကြသည်မှာနှစ်ပေါင်း(၂၁)နှစ်ကျော်ကျော်ကြာခဲ့သည်ပင်မဟုတ်ပါလား။
ဒုက္ခသည်မဟာမင်းကြီးရုံးမှပေးသောစာရွက်စာတမ်းများကိုပလပ်စတစ်
အိတ်ကြီးကြီးထဲတွင်ထည့်၊ခရီးဆောင်အိတ်ကြီးကြီးတစ်လုံးသယ်၍၂ဝဝ၈ခုနှစ်၊
မတ်လ(၁၉)ရက်နေ့၊ညသန်းခေါင်ယံတွင်ဘန်ကောက်မြို့၊နိုင်ငံတကာလေဆိပ်မှ
ထွက်ခွာခဲ့သည်။လေယာဉ်ကလည်းတိုက်ရိုက်ဘန်ကောက်မြို့နှင့်အမေရိကန်နိုင်ငံ
နယူးယောက်မြို့သို့ပျံသန်းပြီး၊ခရီးဖော်ကကဗျာဆရာကြီးဦးအောင်ဝေးနှင့်အခြား
မိမိတို့ကဲ့သို့ဒုက္ခသည်တစ်ဦး။

ဟောလီးဝုဒ်ရုပ်ရှင်များထဲတွင်သာမြင်တွေ့ခဲ့ရသောအမေရိကန်နိုင်ငံ၏သရုပ်
မြင်ကွင်းများကိုယခုကျွန်တော်လက်တွေ့နဖူးတွေ့ဒူးတွေ့ရင်ဆိုင်ရတော့မည်။
‘ကဲ…အမေရိကန်နိုင်ငံကြီးရေ၊အခုကျွန်တော်ဘဝသစ်စဖို့ရောက်လာ
ပါပြီခင်ဗျာ’ဟူ၍သာသဘောထားပြီးနှလုံးသားမှကြို၍နှုတ်ဆက်လိုက်သည်။
အမေရိကန်နိုင်ငံ၊နယူးယောက်မြို့ရှိ(JFK)နိုင်ငံတကာလေဆိပ်ကြီး၊မိုးလေ
ဖွဲဖွဲလေးကြားထဲကတစ်စိမ်းတရံစာလိုကျွန်တော့်ကိုဆက်ဆံသည်ဟုခံစားမိခဲ့သည်။
‘မင်းလိုဒုက္ခသည်တွေကိုငါတို့လက်ခံနေခဲ့တာနှစ်ပေါင်းလည်းတော်တော်ကြာကြာ
ရှိခဲ့ပြီး၊လူဦးရေလည်းသန်းချီရှိနေပါပြီကွာ’ဆိုပြီးအသံအကျယ်ကြီးနှင့်ပြောဆိုနေသလို။
လေဆိပ်ထဲတွင်ကဗျာဆရာဦးအောင်ဝေးနှင့်ကျွန်တော်တို့နှစ်ဦးသားကိုယ့်
အတွေးလေးနှင့်ကိုယ်’အခွင့်အရေးများစွာတို့ပွင့်လန်းရာဘူမိနက်သန်မြေ’ဟုမိမိ
ကိုယ်ကိုမိမိ၊ကြွေးကြော်ထားသောအမေရိကန်နိုင်ငံကြီးသို့ယခုရောက်ပါပြီ။ရှေ့ဆက်
အနာဂတ်ဘဝပုံရိပ်များကိုမိမိတို့ဘာသာမိမိတို့ကြိုးစား၍ပုံရိပ်ဖော်နေကြခြင်းဖြစ်သည်။
သူကမြန်မာနိုင်ငံ၏ထင်ရှားသောကဗျာဆရာတစ်ဦး၊ကျွန်တော်ကသာမန်
ဓာတ်ပုံဆရာ။ကဲ၊ဒီအမေရိကန်နိုင်ငံမှာငါတို့ဘာတွေဆက်လုပ်ကြမလဲပေါ့။
လေဆိပ်တွင်နံနက်၆း၃ဝကျော်ကျော်မှမွန်းလွဲ၂းဝဝနာရီကျော်ကျော်အထိ
ပုဂ္ဂိုလ်တစ်ဦးကိုစောင့်ဆိုင်းရသည်။သူကလူဝင်မှုကြီးကြပ်ရေးဌာနမှလက်ဗွေပညာရှင်။
သံဃာတစ်ပါးနှင့်ကျွန်တော့်ကိုလက်ဗွေနှိပ်ပြီးတော့မှအားလုံးလေဆိပ်မှထွက်ရသည်။
‘ကဲသွားပြီ၊ကိုလောအယ်စိုးရေ’ဆိုပြီးဆရာအောင်ဝေးကမစ်ချီဂန်ဘက်သို့
လေယာဉ်ပျံပြောင်းစီးဖို့ထွက်ခွာသွားသည်။ထိုအချိန်မှစတင်ပြီး(၆)နှစ်ကျော်ကျော်
ကာလအထိဆရာနှင့်ကျွန်တော်ပြန်၍မတွေ့တော့ပါ။တယ်လီဖုန်းအဆက်အသွယ်သာ
ရှိပါတော့သည်။ဘာဖလိုမြို့သို့ကျွန်တော့်လိုမြန်မာနိုင်ငံသားဒုက္ခသည်တစ်ဦးနှင့်ခရီး
ဆက်ရဦးမည်။ထိုပုဂ္ဂိုလ်နှင့်ကျွန်တော်ကတော့ဆက်ဆံရေးကအေးတိအေးစက်၊
လေယာဉ်ပေါ်တွင်ဖြစ်ပျက်ခဲ့သောကိစ္စတစ်ခုကြောင့်ဖြစ်သည်။

ချစ်စရာကောင်း၍ဖော်ရွေသောထိုင်းနိုင်ငံလေကြောင်းမှလေယာဉ်မယ်တို့၏
ခရီးသည်များကိုဧည့်ခံသည့်ဝိုင်ကိုတစ်ခွက်ပြီးတစ်ခွက်၊ဆင့်သောက်ပြီးအတော့်ကို
ရေချိန်ကိုက်သောအချိန်၊ထိုမြန်မာနိုင်ငံသားဒုက္ခသည်ကလေယာဉ်မယ်အားဝိုင်ကို
ထပ်၍တောင်းသောအခါသူမကပြုံး၍၊ဝိုင်ပုလင်းထဲမှဝိုင်ကိုမပေးတော့။
ဝိုင်ထပ်မသောက်ရသောအခါထိုပုဂ္ဂိုလ်ကလေယာဉ်မယ်ကိုအင်္ဂလိပ်ဘာသာ
ဖြင့်ညစ်ညမ်းစွာဖြင့်ဆဲပါတော့သည်။နောက်ဆုံးလေယာဉ်ပေါ်မှအရာရှိရောက်လာပြီး
တည်ငြိမ်စွာဖြင့်ထိုပုဂ္ဂိုလ်အားမေတ္တာရပ်ခံသည်။မရ။ကျွန်တော်လည်းထိုပုဂ္ဂိုလ်ကို
ထိန်း၍မရ။အဆိုပါအရာရှိအားထပ်၍အင်္ဂလိပ်ဘာသာစကားနှင့်ဆဲ၏။
လေယာဉ်အရာရှိက’ဒီလူကိုနယူးယောက်(JFK)လေဆိပ်ကိုရောက်ရှိပါက
မိမိသူ့အားအမေရိကန်ရဲလက်သို့အပ်နှံမည်’ဟုနောက်ဆုံးဆိုသည်။အကြိမ်ကြိမ်
ကျွန်တော်တောင်းပန်မှ’ခင်ဗျားတို့မြန်မာလူမျိုးကိုခင်ဗျားတို့ထိန်းပါ။သူငြိမ်သွားရင်
ကျွန်တော်အရေးမယူဘူး’ဟူ၍ပြတ်ပြတ်ပြော၏။ထိုဒုက္ခသည်ပုဂ္ဂိုလ်သည်ယစ်ရွှေရည်
၏တန်ခိုးကလည်းတဖြည်းဖြည်းချင်းကျလာပြီး’ငါ့ကိုတကယ်လုပ်တော့မှာပါလားဟ’
ဆိုပြီးသဘောပေါက်သွားကာငြိမ်သွားသည်။
လေယာဉ်ပေါ်တွင်ပါလာကြသောခရီးသည်များကလည်းကျွန်တော်တို့တစ်တွေ
ကိုအထင်သေးပြီးဒေါသလွှမ်းသောမျက်လုံးအစုံတို့ဖြင့်ကြည့်ကြသည်။လွန်ကျူးစွာ
သောက်ထားသောသေရည်၏အဆိပ်တန်ခိုးသည်ထိုမြန်မာနိုင်ငံသားဒုက္ခသည်အား
ရူးသွပ်စေကာမိုက်မဲစေခဲ့ပါပြီကော။

လေယာဉ်ကိုနောက်တစ်ဆင့်စီးပြီး၊ဖွေးဖွေးဖြူနေသောနှင်းခဲများကြားမှမိမိ
အခြေချနေထိုင်ရမည့်ဘာဖလိုမြို့ကိုလေယာဉ်ပေါ်မှဆီး၍မြင်ရသည်။
စိမ့်နေအောင်အေးသောဆောင်းကာလမလွန်မြောက်သေးပါ။အောက်တိုဘာ
လလယ်လောက်မှစတင်သောအမေရိကန်ဆောင်းကာလသည်ဧပြီလနှောင်းပိုင်းမှ
အဆုံးသတ်သည်။ကျွန်တော်ဘာဖလိုမြို့သို့ရောက်တော့မတ်လ(၂ဝ)ရက်နေ့၊၂ဝဝ၈
ဟေမာန်ဆောင်းကာလ။လေဆိပ်တွင်မိခင်ကြီးနှင့်တစ်ခါမှမမြင်ဖူးသေးသောခယ်မနှင့်
တူမလေးတို့ကလာ၍ကြိုဆိုသည်။အမေရိကန်ဆောင်းမည်မျှခိုက်ခိုက်တုန်အောင်
အေးစက်နေသော်လည်းမိသားစု၏မေတ္တာရပ်ဝန်းသည်နှိုင်းဆယှဉ်တုပြိုင်၍မရအောင်
ကျွန်တော်တို့၏နှလုံးသားများကိုနွေးထွေးစေပါသည်။
ဘဝသစ်စပါပြီ။မိမိကိုတာဝန်ယူမည့်ဒုက္ခသည်များကိုကူညီဆောင်ရွက်သည့်
ရုံးသို့သွားရောက်သတင်းပို့သည်။အတိုင်းအတာတစ်ခုအရအိမ်လခ၊အစားအသောက်
ဖိုး၊အခမဲ့ဆေးကုသခွင့်(၈)လရရှိသည်။အလုပ်ရရှိပါကအစားအသောက်နှင့်အခမဲ့
ဆေးကုသခွင့်တို့ရပ်စဲသွားမည်။မိမိအလုပ်ရကြောင်းကိုအမေရိကန်အစိုးရ၏လူမှု
အခက်အခဲကူညီပေးသောဝန်ဆောင်မှုရုံးအားအကြောင်းကြားရမည်။ဒါကကျွန်တော့်ရဲ့
တာဝန်။

စပ်ကူးမတ်ကူးကာလတစ်ခုတွင်တစ်လကျော်ကျော်ခန့်ဒုက္ခသည်များကိုကူညီ
ပေးသောရုံး၌နေ့စဉ်အင်္ဂလိပ်စာအခြေခံ“ABCD”နှင့်အမေရိကန်လူနေမှုဘဝတို့ကို
လေ့လာရပေတော့သည်။
ကျွန်တော့်အတန်းဖော်များတို့သည်အီရတ်၊အာဖရိကတိုက်မှဒုက္ခသည်များ
အပြင်ဒေါနမြေ/ဇွဲကပင်တောင်ခြေတို့မှကရင်လူမျိုး၊ရခိုင်၊ကရင်နီတို့စုံစုံညီညီ။ဆရာ
ကအရှေ့မှတိုင်ပြီးအားလုံးက“ABCD”နှင့်အင်္ဂလိပ်ဘာသာရပ်အခြေခံကိုလေ့လာ
ကြသည်။အသက်အရွယ်တွေကလည်း(၁၈)နှစ်မှ(၆ဝ)နားကပ်နေသောသူများလည်း
ပါပါ၏။

ထိုစာသင်ခန်းတွင်တော့ကျွန်တော်တို့အားလုံးအမေရိကန်ဆရာမ၏မူလတန်း
ကျောင်းသားကျောင်းသူကြီးတွေဖြစ်ကြသည်။
(၂)ပတ်(၃)ပတ်ခန့်ကြာမှအသီးသီးသောစာသင်သားတို့၏အင်္ဂလိပ်စာ
အခြေအနေကိုဆရာမမှသုံးသပ်ဆုံးဖြတ်ပြီးသင့်တော်မည်ထင်သောအတန်းများသို့
ပို့လိုက်သည်။
ထိုစာသင်ခန်းသို့ပျက်ကွက်၍မရ။အချိန်မီလာကြရသည်။သူ့အချိန်နှင့်သူ
နေထိုင်ရာအိမ်အသီးသီးသို့ညနေ(၃း၃ဝ)ခန့်မှပြန်ကြရသည်။စည်းကမ်းမလိုက်နာပါက
ခံစားရရှိနေသည့်အလုံးစုံသောထောက်ပံ့မှုများကိုဖြတ်တောက်မည်။အချိန်ကိုရာခိုင်
နှုန်းတော်တော်များများမလေးစားကြသည့်မြန်မာနိုင်ငံမှဒုက္ခသည်များစံပြုလောက်အောင်
အလွန်အချိန်ကိုလေးစားကြပေသည်။စာကိုလည်းကြိုးစားကြသည်။ဒီလိုမလုပ်၍မရ။
ကျွန်တော်အပါအဝင်သူတို့တစ်တွေအားလုံးမိသားစုဘဝစားဝတ်နေရေးအတွက်ယခုလို
စာသင်သားတွေဖြစ်နေကြရသည်။အလုပ်အကိုင်လေးအသီးသီးရရှိပါကမတက်ချင်
ရင်လည်းရသည်။မိမိ၏ဝင်ငွေနှင့်မိမိရပ်တည်ပေတော့။ဒါတောင်မိသားစုဝင်ရှိသူများ
အတွက်အမေရိကန်နိုင်ငံသို့ရောက်ရှိပြီးငါးနှစ်ကျော်ကျော်ကာလအထိအစိုးရမှ
ထောက်ပံ့သောအခမဲ့ဆေးကုသမှုနှင့်အစားအသောက်များကိုဆက်၍ယူနေရဆဲ။
ဒါကြောင့်စာသင်သားတို့ကလည်းအင်္ဂလိပ်စာတိုးတက်မှုတွေကအရေးမကြီး၊
မိသားစုဘဝပုံမှန်နေထိုင်စားသောက်မှုကအဓိကဖြစ်သည်ဆိုပြီးအတော်များများခံယူ
နေကြသည်။ဒီမှာလည်းရုန်းကန်မှုအသစ်၊စိန်ခေါ်မှုအသစ်တွေကတစ်ခုစီတစ်မျိုးစီ
ပေါ်ပေါ်လာသည်။

ကျောင်းစာသင်ခန်းတွင်းရှိအမှိုက်ပုံ၌ကွမ်းတံတွေးများ၊ငါးပိ၊တညင်းသီး၊
ကြက်သွန်ဖြူနံ့များသင်း၍လှိုင်လှိုင်ထနေသောအခန်းသည်မြန်မာနိုင်ငံသားဒုက္ခသည်
စာသင်သားတို့အများဆုံးပညာဆည်းပူးနေသောအခန်းဖြစ်သည်။သနပ်ခါးလူးလာ
ကြသောသူများကိုလည်းဘာမျှနားမလည်သည့်အမေရိကန်ဆရာ၊ဆရာမတို့မှကိုယ်
အရေပြားရောဂါတစ်မျိုးစွဲကပ်နေသူများဟုထင်မှတ်ကြပြီးကြောက်ရွံ့ကြပြန်သေးသည်။
နောင်မှမြန်မာနိုင်ငံ၏သနပ်ခါးဆိုသောအရာသည်အဘယ်အရာဖြစ်သည်ဆိုသည်ကို
ဆရာ၊ဆရာမတို့သဘောပေါက်အောင်မနည်းရှင်းပြရတော့သည်။သို့သော်ပျော်စရာ
အတွေ့အကြုံပါ။ကျွန်တော်မေ့နိုင်မည်မဟုတ်ပါ။

မတူညီသောအခက်အခဲအမျိုးမျိုးကိုဖြတ်သန်းလာကြသောမလေးရှားမှဒုက္ခ
သည်များအဖြစ်တစ်ဆင့်ရောက်လာကြသည့်ချင်း၊ဗမာ၊ရှမ်း၊ရခိုင်၊ကရင်၊ကချင်လူမျိုး
အများစုတို့ကအမေရိကန်နိုင်ငံသို့ရောက်ရှိပြီး(၁)ပတ်၊(၂)ပတ်အတွင်းအလုပ်ခွင်သို့
အမြန်ဆုံးဝင်ရောက်လိုကြသည်။အချိန်တိုတိုအတွင်းပြည်တွင်း၌ကျန်ရှိနေခဲ့သော
မိသားစုဝင်များတို့အားငွေကြေးပို့လိုကြသည်။ထို့ကြောင့်တာဝန်ရှိသူတို့ကလိုအပ်
သောကျန်းမာရေးအတွက်စစ်ဆေးမှု၊ဒုက္ခသည်များအဖြစ်အမေရိကန်နိုင်ငံသို့ရောက်ရှိ
လာကြသူများအတွက်ပြုလုပ်ဆောင်ရွက်ရမည့်စာရွက်စာတမ်းများအသီးသီးတို့၏ဘဝသစ်
များကိုမစတင်မီသိသင့်သိထိုက်သောအမေရိကန်နိုင်ငံ၏လူမှု၊စီးပွား၊နိုင်ငံရေးသမိုင်း
အကျဉ်းတို့ကိုအချိန်ကာလတစ်ခုသတ်မှတ်ထားပြီးသင်ကြားပေးသည်။
အမြန်ဆုံးငွေရှာအလုပ်လုပ်ကိုင်လိုသောသူတို့တစ်တွေအားနားလည်အောင်
ရှင်းပြပြီးကာလတစ်ခုကိုသည်းခံပေးပါရန်မေတ္တာရပ်ခံရသည်။ဆယ်စုနှစ်(၁)စုကျော်ကျော်
ထိုင်းမြန်မာနယ်စပ်ရှိဒုက္ခသည်စခန်းများမှတစ်ဆင့်အမေရိကန်နိုင်ငံသို့ရောက်ရှိလာ
ကြသောသူများနှင့်ကားအတွေ့အကြုံတစ်မျိုး။

နိုင်ငံတကာလူမှုကူညီရေးအဖွဲ့များတို့၏ထောက်ပံ့ကူညီမှုများကိုထိုင်းမြန်မာ
နယ်စပ်ဒုက္ခသည်စခန်းများတွင်သူတို့တစ်တွေပမာဏအတိုင်းအတာတစ်ခုအရရရှိ
ခဲ့သည်။ထို့ကြောင့်အမေရိကန်အစိုးရ၏ဘဝသစ်ပြန်လည်နေရာချထားရေးအစီအစဉ်
ကြောင့်ငါတို့တစ်တွေဒီအမေရိကန်နိုင်ငံကိုရောက်ရှိလာကြခြင်းဖြစ်သည်။ထို့ကြောင့်
ငါတို့အားသူတို့တစ်တွေဆက်လက်ကူညီထောက်ပံ့ပေးရန်တာဝန်ရှိသည်ဟုခံယူ
ထားကြသောသူများတို့ကိုလည်းတော်တော်များများကျွန်တော်ကြုံတွေ့ရသည်။
မိသားစု၏အနာဂတ်အတွက်အလုပ်ကိုကြိုးစား၍မလုပ်ကိုင်ဘဲမြန်မာနိုင်ငံနှင့်
ထိုင်းနိုင်ငံတို့နှင့်နှိုင်းယှဉ်လျှင်အလွန်ဈေးပေါ၍ကောင်းသည့်ဘီယာ၊အရက်တို့ကို
အလွန်အကျူးသောက်သုံးကြတော့သည်။ဘာသာစကားအခက်အခဲ၊စိန်ခေါ်ချက်
အမျိုးမျိုးတို့၏ဒဏ်ကိုမခံနိုင်သည့်စိတ်ဖိစီးမှုများကိုဒုက္ခသည်များဒီမှာခံစားကြရသည်။
ထို့ကြောင့်စိတ်ထွက်ပေါက်အနေနှင့်ယမကာများကိုလွန်လွန်ကျူးကျူးမှီဝဲ၍ဇနီးနှင့်
သားသမီးများတို့အားအိမ်ထောင်ဦးစီးတို့ကစိတ်ဒဏ်ရာများပေးကြတော့သည်။ဇနီးသည်
ကိုရိုက်ခြင်း၊သားသမီးများတို့အားမူးလာလျှင်ရိုက်နှက်ခြင်းတို့ကြောင့်မြန်မာနိုင်ငံမှ
ဒုက္ခသည်အိမ်ထောင်ဦးစီးဖခင်များအချုပ်၊ထောင်များထဲသို့အတော်များများရောက်ကုန်
ကြတော့သည်။

လိုင်စင်မပါဘဲကားမောင်းခြင်း၊မူး၍အဝေးပြေးကားလမ်းမပေါ်တွင်ကားမောင်း
နေရင်းလမ်းမအလယ်ကားစက်ထိုးရပ်သွားသည့်အထိတ်တလန့်အဖြစ်အပျက်ကြောင့်
ရဲများရောက်ရှိလာပြီးအခြေအနေကိုစစ်ဆေးတော့မှမြန်မာနိုင်ငံသားရွှေမင်းသားကြီး
၏ကားဆီကုန်သွားခြင်းကြောင့်ထိုးရပ်သွားခြင်းဖြစ်ကြောင်းသိရတော့သည်။
အဆိုပါပုဂ္ဂိုလ်အားအမေရိကန်ရဲကလက်ထိပ်ခတ်ခေါ်ဆောင်သွားပြီးအချုပ်ထဲ
ထည့်၊အင်္ဂလိပ်စကားကလည်းတောင်တစ်လုံးမြောက်တစ်လုံးနှင့်ကားမောင်းနှင်ခွင့်
လိုင်စင်ကလည်းသူ့မှာမရှိ။

မိုးစင်စင်လင်းသည်အထိအိမ်ပြန်ရောက်မလာသောခင်ပွန်းသည်နှင့်ဖခင်ဖြစ်သူ
ကိုဇနီးသည်နှင့်သားသမီးတို့ကဘယ်သွား၍ရှာရမည်လဲမသိတော့။ရဲစခန်းသို့မဟုတ်
တရားရုံးတို့မှမိသားစုဝင်များအားအကြောင်းကြားမှသူတို့တစ်တွေပျာယာခတ်ပြီး
ခြေမကိုင်မိလက်မကိုင်မိဖြစ်ကြတော့သည်။ဒုက္ခသည်များအားနေရာချထားရေးရုံးတွင်
စကားပြန်အဖြစ်(၆)နှစ်ကျော်ကျော်အလုပ်လုပ်ခဲ့သောအတွေ့အကြုံများကတစ်နေ့နှင့်
တစ်နေ့၊တစ်လနှင့်တစ်လမရိုးနိုင်အောင်တစ်မျိုးစီကြုံတွေ့ခဲ့ရသည်။
ရန်ကုန်တက္ကသိုလ်မှမသင်ကြားပေးနိုင်ခဲ့သောဘဝ၊လူမှုသင်ခန်းစာအသစ်
များကိုဒုက္ခသည်အဖြစ်ဒီအမေရိကန်နိုင်ငံကိုရောက်ရှိတော့မှကျွန်တော်ဘဝတက္ကသိုလ်
၏စာသင်သားအသစ်အနေနှင့်ဘာဖလိုမြို့တွင်သင်ကြားခဲ့ရသည်။သင်ကြားနေရဆဲ
လည်းဖြစ်သည်။

မြန်မာနိုင်ငံတွင်ဥပဒေဘွဲ့ရရှိခဲ့သော်လည်းရှေ့နေတစ်ယောက်အဖြစ်ကျွန်တော်
မရပ်တည်ခဲ့ပါ။ထို့ကြောင့်မြန်မာနိုင်ငံတွင်နေထိုင်ခဲ့စဉ်အတွင်းတရားရုံးသို့ကိစ္စတစ်စုံ
တစ်ရာကြောင့်ရောက်ဖူးခြင်းလည်းမရှိ။အချုပ်ကျနေသောမိတ်ဆွေများ၊သူတုိ့တစ်တွေ
၏မိခင်၊မိတ်ဆွေများကိုသွားရောက်တွေ့ဆုံအားပေးစကားပြောခြင်းအနေဖြင့်သာရှိခဲ့
ပါသည်။

ယခုတော့အနေအထားနှင့်ဘဝအခြေအနေကြောင့်အမေရိကန်နိုင်ငံတွင်စကား
ပြန်အဖြစ်ရပ်တည်ရသည်။နေထိုင်လျက်ရှိသော(၆)နှစ်ကျော်ကျော်ကာလအတွင်း
တရားရုံးများသို့ကျွန်တော်အကြိမ်ပေါင်း(၃ဝဝ)ကျော်ရောက်ရှိခဲ့ပေပြီ။
ကရင်၊ဗမာစကားပြော၊စကားပြန်များနည်းနေသည့်ကာလအတွင်းအကြိမ်
တော်တော်စိတ်စိတ်လေးသွားခဲ့ရသည်။’မင်းကဥပဒေဘွဲ့မြန်မာနိုင်ငံမှာရရှိခဲ့တာ
ဆိုတော့၊ဒီမြို့ရဲ့တရားရုံးတွေမှာစကားပြန်အဖြစ်လုပ်ပေးဖို့မေတ္တာရပ်ခံပါတယ်’ဟု
ကျွန်တော်၏အထက်အရာရှိညွှန်ကြားချက်ဖြစ်သည်။ကာလက၂ဝဝ၈ခုနှစ်၊နိုဝင်ဘာ
လ။သူကသာမေတ္တာရပ်ခံသည်ဆိုပေမယ့်အလုပ်သဘောအရမလုပ်မဖြစ်လုပ်ရမည်
ဆိုတာကျွန်တော်သိလိုက်သည်။ပွင့်ပွင့်လင်းလင်းပြောရလျှင်ကျွန်တော်သွားရောက်ပြီး
စကားပြန်အဖြစ်လုံးဝမလုပ်ချင်။ရောက်ရှိနေသည်ကလည်းအချိန်တိုအတွင်းအင်္ဂလိပ်စာ
အခက်အခဲကရှိသည်။“ABCD”ကိုအခြေခံပြီးလေးငါးခြောက်လသင်ကြားနေပေမယ့်
အင်္ဂလိပ်စာအခြေအနေသိပ်ထူးခြားတိုးတက်မှုမရှိသေးသောမြန်မာနိုင်ငံကဒုက္ခသည်
များ၊အထူးသဖြင့်ဒေါနတောင်တန်းဒေသ၊တနင်္သာရီကမ်းရိုးတန်းဒေသမှကရင်လူမျိုး
များထက်စာရင်တော့ကျွန်တော့်အခြေအနေကသာသည်။အသက်ရှူ၍ရသေးသည်။
‘ငါ့တူရယ်၊အခုအသက်က(၅ဝ)ကျော်နေပြီ။မြန်မာနိုင်ငံမှာတုန်းကကျောင်း
ဆိုတာ(၂)တန်းလောက်ပဲနေခဲ့ဖူးတာ။အခုငါတို့ကိုအင်္ဂလိပ်စာသင်နေတော့ဒုက္ခရောက်
ပြီပေါ့ကွယ်။မတက်လို့ကလည်းမရ။မိသားစု၊စားဝတ်နေရေး၊ဆေးဝါးကုသမှုတွေကို
ငါတို့ကျောင်းမတက်ရင်အမေရိကန်အစိုးရကဖြတ်မယ်ဆိုတော့ငါတို့လည်းတခြား
ဘာမှရွေးချယ်စရာကမရှိ၊ကျောင်းပဲတက်နေတာ(၃)နှစ်လောက်ရှိနေပြီကွယ်။’
အင်္ဂလိပ်စာဘာသာစကားနှင့်ပတ်သက်သောသူ၏ပြင်းထန်သည့်ရည်မှန်းချက်
ကိုမြန်မာနိုင်ငံသားဒုက္ခသည်ကရင်တိုင်းရင်းသားတစ်ဦးကပြောပြနေခြင်းဖြစ်သည်။
သူတို့ကလည်းရွေးချယ်စရာမရှိသလိုကျွန်တော့်မှာလည်းထူးပြီးရွေးချယ်စရာ
မရှိ။ဘဝရှင်သန်ရေးအတွက်အထက်အရာရှိက’တရားရုံးမှာသွားပြီးစကားပြန်လုပ်’
ဆိုသောအမိန့်ဖြင့်ကျွန်တော်ရောက်ခဲ့ရခြင်းဖြစ်သည်။ဒီအမေရိကန်နိုင်ငံကိုရောက်မှ
လည်စည်းနှင့်အနောက်တိုင်းဝတ်စုံကိုအကျအနဝတ်ပြီးတရားရုံးသို့ချီတက်ခဲ့ရသည်။
ငါဟိုမှာတရားသူကြီးကပြောဆိုသမျှလုံးစေ့ပတ်စေ့၊စကားပြန်မလုပ်နိုင်လို့ကတော့
ငါးပါးမှောက်ပါပြီ။တရားခွင်ကနေငါ့ကိုမောင်းထုတ်ရင်တော့ဒုက္ခဟူသောစိုးရိမ်စိတ်
အတွေးအမျှင်တန်းများကအလွန်မြန်နေသောကျွန်တော့်ရင်ခုန်သံထက်အကြိမ်ပို၍
စိတ်ပေလိမ့်မည်။

ဆက်လက်ဖော်ပြပါမည်။

အပိုင်း (၁)
အပိုင်း (၂)
အပိုင်း (၃)

No comments:

Post a Comment