Latest News

Monday, August 6, 2018

မြန်မာ-ဂျပန် နှစ်နိုင်ငံ ပူးတွဲ သတင်းစာရှင်းလင်းပွဲ ကျင်းပ

မြန်မာ-ဂျပန် နှစ်နိုင်ငံ ပူးတွဲ သတင်းစာရှင်းလင်းပွဲ ကျင်းပ

နေပြည်တော်   သြဂုတ်   ၆

နိုင်ငံတော်၏အတိုင်ပင်ခံပုဂ္ဂိုလ်  နိုင်ငံခြားရေးဝန်ကြီးဌာန  ပြည်ထောင်စုဝန်ကြီး ဒေါ်အောင်ဆန်းစုကြည်နှင့် ဂျပန်နိုင်ငံ နိုင်ငံခြားရေးဝန်ကြီး မစ္စတာ တာရိုခိုနိုတို့သည် ယနေ့နံနက်ပိုင်းတွင် နိုင်ငံခြားရေးဝန်ကြီးဌာန၌ တွေ့ဆုံကြသည်။
တွေ့ဆုံပွဲအပြီးတွင် မြန်မာ-ဂျပန်  နှစ်နိုင်ငံပူးတွဲသတင်းစာ ရှင်းလင်းပွဲကို   ကျင်းပရာ   ရှေးဦးစွာ ဂျပန်နိုင်ငံခြားရေးဝန်ကြီး   မစ္စတာ တာရိုခိုနိုက  ''မြန်မာနိုင်ငံ နေရာတော်တော်များမှာ ဖြစ်ပွားနေတဲ့ ရေကြီးမှုနဲ့ပတ်သက်ပြီး ဒုက္ခတွေခံစားနေရတဲ့ ပြည်သူပြည်သားတွေကို  စာနာမိပါကြောင်း  ပြောကြားလိုပါတယ်။ ဂျပန်အစိုးရ   အနေနဲ့ ရေတိုင်ကီနဲ့ ရွက်ဖျင်တဲတွေ ပေးအပ်ဖို့ ချဉ်းကပ်ခဲ့ပါတယ်။ နေထိုင်မှုဘဝတွေ အမြန်ဆုံး ပြန်လည်ထူထောင်နိုင်ရေးအတွက် ဆုတောင်းအပ်ပါတယ်။

ကူညီထောက်ပံ့ရေးအစီအစဉ်တွေဆောင်ရွက်နေ
ဂျပန်နိုင်ငံ အနောက်ပိုင်းဒေသ ရေကြီးမှုနဲ့ပတ်သက်ပြီး  နိုင်ငံတော်သမ္မတ ဦးဝင်းမြင့်နဲ့ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်တို့က မြန်မာ ပြည်သူပြည်သားတွေအားလုံးကို ကိုယ်စားပြုပြီး နွေးထွေးစွာစာနာမိပါကြောင်း ပြောကြားပေးတဲ့အတွက်   အထူးကျေးဇူးတင်ပါကြောင်း ပြောကြားလိုပါတယ်။ ဒီနေ့ နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ နှစ်န်ိုင်ငံအကြား ပူးပေါင်း ဆောင်ရွက်မှုတွေ မူဝါဒတွေနဲ့  ပတ်သက်ပြီး  ထပ်မံအတည်ပြုခဲ့ပါတယ်။   အရင် ဇူလိုင်လ ခရီးစဉ်တုန်းက ရန်ကုန် မြို့ပြ ဖွံ့ဖြိုးတိုးတက်ရေး၊   သယ်ယူပို့ဆောင်ရေးနဲ့ လျှပ်စစ်မီးကဏ္ဍတွေမှာ မြန်မာပြည်သူတွေရဲ့   နေထိုင်မှုဘဝအဆင့်မြှင့်တင်သွားဖို့ လက်တွေ့ခံစားနိုင်အောင်  ကူညီထောက်ပံ့သွားမယ်ဆိုတာ  ကတိပြုခဲ့ပါတယ်။ ဂျပန်နိုင်ငံ အနေနဲ့ ကူညီထောက်ပံ့ရေးအစီအစဉ်တွေကို သေသေချာချာဆောင်ရွက် နေပါတယ်။

ရခိုင်ပြည်နယ်ရဲ့  အခြေအနေနဲ့ပတ်သက်လို့ အင်မတန်တန်ဖိုးရှိတဲ့ အမြင်ချင်း ဖလှယ်မှုကို ဆောင်ရွက်နိုင်ခဲ့ပါတယ်။  ရခိုင်ပြည်နယ်ငြိမ်းချမ်းမှုနဲ့ တည်ငြိမ်အေးချမ်း မှုဟာ မြန်မာနိုင်ငံရဲ့ ဒီမိုကရေစီနိုင်ငံ  ထူထောင်နိုင်ရေး  အောင်မြင်စေဖို့အတွက်  အရေးကြီးတယ်လို့   ယူဆပါတယ်။ ဂျပန်အစိုးရအနေနဲ့  မြန်မာအစိုးရရဲ့ အခုတလော ဆောင်ရွက်ချက်ဖြစ်တဲ့  လွတ်လပ်တဲ့ စုံစမ်းစစ်ဆေးရေးကော်မရှင် ဖွဲ့စည်းမှု၊ ကုလသမဂ္ဂ အဖွဲ့အစည်းတွေနဲ့ MoU  လက်မှတ်ရေးထိုးခဲ့တာကို တန်ဖိုးထားပါတယ်။ ဒီဆောင်ရွက် ချက်ကို အခြေခံပြီး  မြန်မာအစိုးရအနေနဲ့  လွတ်လပ်တဲ့ စုံစမ်းစစ်ဆေးရေးကော်မရှင် ထံက ယုံကြည်နိုင်မှုနဲ့ ပွင့်လင်းမြင်သာမှုရှိတဲ့  စုံစမ်းစစ်ဆေးမှု ဆောင်ရွက်နိုင်ဖို့၊     ကုလသမဂ္ဂနဲ့  ပူးပေါင်းဆောင်ရွက်ရေးကို တိုက်တွန်းသွားဖို့ ၊  ဒုက္ခသည်တွေကို   ပြန်လည်နေရာချထားရေး နေရာဖန်တီးပေးဖို့၊  ပြည်တွင်းဒုက္ခသည်စခန်း IDP  စခန်းတွေပိတ်သိမ်းဖို့ကိစ္စတွေနဲ့ ပတ်သက်လို့ ပိုမိုပြီး ဆောင်ရွက်ပေးစေလိုကြောင်း ပြောကြားခဲ့ပါတယ်။

နှစ်နိုင်ငံပြည်သူသွားလာမှုတွေ များပြား
ဂျပန်အစိုးရအနေနဲ့ ဆက်လက်ပြီး ဒီကိစ္စကိုဖြေရှင်းနိုင်ဖို့အတွက် မြန်မာပြည်သူ ပြည်သားတွေနဲ့လက်တွဲပြီး နိုင်ငံတော်၏  အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် နဲ့အတူ စဉ်းစားသုံးသပ်ဆောင်ရွက်သွားမှာဖြစ်ပါတယ်။ ဂျပန်နိုင်ငံကနေ မြန်မာနိုင်ငံ ကို နှစ်စဉ်လာရောက်တဲ့ခရီးသည်ဦးရေဟာ ၂ဝ၁၆ ခုနှစ်မှာ တစ်သိန်းကျော်သွားပြီ ဖြစ်ပါတယ်။ ဂျပန်နိုင်ငံမှာ နေထိုင်တဲ့ မြန်မာနိုင်ငံသားဦးရေဟာ ၂ဝ၁၇ ခုနှစ်မှာ   နှစ်သောင်းကျော်သွားပြီ ဖြစ်ပါတယ်။ နှစ်နိုင်ငံပြည်သူသွားလာမှုတွေ  ပိုပြီးများပြား လာတာ တွေ့ရပါတယ်။
ဒီနှစ် အောက်တိုဘာလ ၉ ရက်နေ့မှာ  မဲခေါင် - ဂျပန် ထိပ်သီးအစည်းအဝေး ကို ဂျပန်နိုင်ငံ  တိုကျိုမြို့မှာ ကျင်းပသွားဖို့ရှိပါတယ်။ ဂျပန်နိုင်ငံနဲ့ မြန်မာနိုင်ငံ      အပါအဝင်  မဲခေါင်ဒေသနိုင်ငံတွေ၊  ပြည်သူပြည်သားတွေ ဆက်ဆံမှုတိုးပွားစေရေး၊  ကဏ္ဍပေါင်းစုံ  ပူးပေါင်းဆောင်ရွက်မှုတွေနဲ့ပတ်သက်ပြီး ဆောင်ရွက်ချက်တွေကို ဆွေးနွေးသွားဖို့ ရှိပါတယ်။ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် အနေနဲ့ မဲခေါင်- ဂျပန် ထိပ်သီးအစည်းအဝေးကိုတက်ရောက်ပြီး နှစ်နိုင်ငံဆက်ဆံရေး မြှင့်တင်ဖို့အတွက် အခွင့်အလမ်းကောင်း ဖြစ်လာမယ်လို့ မျှော်လင့်ပါတယ်'' ဟု  ပြောကြားသည်။

တူညီတဲ့အတွေ့ အကြုံတွေကို ဖြတ်သန်းခဲ့
 နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က  ''ဂျပန်နိုင်ငံခြားရေး ဝန်ကြီး  လာရောက်ခြင်းဟာ   နှစ်နိုင်ငံရေရှည်ပူးပေါင်းဆောင်ရွက်မှုနဲ့  ပြည်သူ       ပြည်သားများရဲ့  ခင်မင်ရင်းနှီးမှုဟာ  ပိုပြီးတော့ အဓိကကျတယ်ဆိုတာ ပြသခြင်း ဖြစ်ပါတယ်။  အစိုးရနှစ်ခုကြားမှာ အပြန်အလှန်နားလည်မှု၊ အပြန်အလှန်လေးစားမှု ရှိတဲ့အတိုင်း ပွင့်ပွင့်လင်းလင်းဆွေးနွေးနိုင်ခဲ့ပါတယ်။ ဒီလို    ပွင့်ပွင့်လင်းလင်း ဆွေးနွေး နိုင်ခြင်းဟာ  နှစ်နိုင်ငံစလုံးအတွက် အကျိုးဖြစ်မယ်လို့ ထင်ပါတယ်။ ကျွန်မတို့နှစ်နိုင်ငံ ဟာ ဘဝတူတွေပဲဖြစ်တယ်လို့လည်း ပြောလို့ရပါတယ်။ အင်မတန်မှ တူညီတဲ့အတွေ့ အကြုံတွေကို ဖြတ်သန်းခဲ့ရပါတယ်။
ဂျပန်      နိုင်ငံခြားရေးဝန်ကြီး    ပြောသွားတဲ့အတိုင်း မကြာခင်က  ကျွန်မတို့ နိုင်ငံမှာ  ရေကြီးမှုတွေဖြစ်ပါတယ်။ ဂျပန်နိုင်ငံမှာလည်း   ရေကြီးမှုတွေ ဖြစ်ပါတယ်။  ကျွန်မတို့က ဖွံ့ဖြိုးစနိုင်ငံ၊  ဂျပန်နိုင်ငံကတော့ ဖွံ့ဖြိုးတိုးတက်ပြီးသားနိုင်ငံတစ်နိုင်ငံ ဖြစ်ပေမယ့် နှစ်နိုင်ငံစလုံးဟာ  သဘာဝဘေးအ္တရာယ်တွေ၊  လူတို့နဲ့ ပတ်သက်တဲ့    အ္တရာယ်တွေဆိုရင် ရင်ဆိုင်ရတာချင်းဟာ စိန်ခေါ်မှုအတူတူပဲလို့ဆိုတာကို ကျွန်မ တို့တွေ့ရတဲ့အတွက် ပိုပြီးတော့   နီးစပ်မှုဖြစ်ရပါတယ်။ ကျွန်မတို့ရဲ့    ဘေးဒုက္ခသည် တွေနဲ့ ပတ်သက်လို့ ဂျပန်နိုင်ငံကပေးတဲ့ အကူအညီတွေအတွက်  ကျေးဇူးတင်ပါတယ်။ ကျွန်မတို့ကတော့   စေတနာတွေပဲ  ပေးနိုင်ပါတယ်ဆိုရင်လည်း စေတနာတွေ အများကြီးပေးပါတယ်။

အပြုသဘောဆောင်တဲ့  အကျိုးဆက်
အခုအချိန်မှာဆိုရင် တစ်က္ဘာလုံးက စိတ်ဝင်စားနေတဲ့ ရခိုင်အရေးကိုလည်း ပွင့်ပွင့်လင်းလင်း ဆွေးနွေးနိုင်ခဲ့ပါတယ်။ ‘ဒီလိုဆွေးနွေးတဲ့အခါမှာ ဂျပန်နိုင်ငံက    မိတ်ဆွေတစ်ယောက်အနေနဲ့ ဘယ်လိုကူညီရမလဲ၊  ပြဿနာကို ဘယ်လိုဖြေရှင်းရ မလဲဆိုပြီး  အဓိကထားချဉ်းကပ်တာမို့  အင်မတန်မှ တန်ဖိုးထားပါတယ်။ အခု လတ်တလောအကြောင်းအရာတွေကိုသာမက နောင်ဖြစ်လာနိုင်တဲ့  က္ဘာကြီးရဲ့      ပြဿနာတွေကိုလည်း ကျွန်မတို့နိုင်ငံ နှစ်နိုင်ငံအနေနဲ့ ပူးပေါင်းဆောင်ရွက်ပြီး  အပြု သဘောဆောင်တဲ့  အကျိုးဆက်တွေပေါ်အောင်လုပ်နိုင်မယ်လို့  ကျွန်မတို့ မျှော်လင့် ပါတယ်။

ခိုင်မာအောင်လုပ်နိုင်မယ်လို့ ယုံကြည်
အောက်တိုဘာလမှာ ဂျပန်နိုင်ငံကို  နောက်ထပ်သွားလည်ဖို့   အခွင့်အရေးရတဲ့ အတွက်လည်း  ဝမ်းသာပါတယ်။ အဲဒီအတွက် ဂျပန်နိုင်ငံကို သွားလည်တဲ့အခါ  နှစ်နိုင်ငံရဲ့ မိတ်ဆွေဖြစ်ရေးကို ထပ်ပြီးတော့ခိုင်မာအောင်လုပ်နိုင်မယ်လို့ ယုံကြည် ပါတယ် ''ဟု ပြောကြားသည်။

ထို့နောက်   သတင်းမီဒီယာများ၏  မေးမြန်းမှုများကို ပြန်လည်ရှင်းလင်းဖြေကြား ကြသည်။
ရုပ်ပိုင်းဆိုင်ရာမှာ အများကြီးကူညီနိုင်
မြန်မာ-ဂျပန် နှစ်နိုင်ငံ ပူးပေါင်းဆောင်ရွက်မှုနှင့် စပ်လျဉ်း၍  နိုင်ငံတော်၏ အတိုင်ပင်ခံပုဂ္ဂိုလ်က   ''နှစ်နိုင်ငံ ပူးပေါင်းဆောင်ရွက်မှု  ပိုမိုတိုးတက်ဖို့ဆိုရင် ရုပ်ပိုင်း ဆိုင်ရာ၊ စိတ်ပိုင်းဆိုင်ရာ နှစ်ခုစလုံး တိုးတက်အောင်လုပ်ဖို့ လိုပါတယ်။ ရုပ်ပိုင်းဆိုင်ရာ ဆိုတာ ဖွံ့ဖြိုးတိုးတက်မှုကဏ္ဍတွေ   ပူးပေါင်းဆောင်ရွက်ခြင်းပါ။ ဒီဟာက ဒီအချိန်မှာ နည်းနည်း တစ်ဖက်သတ်ဖြစ်နေတယ်လို့ မြင်ပါတယ်။ အမှန်ပြောရရင်  ဂျပန်နိုင်ငံက ကျွန်မတို့ကို  ရုပ်ပိုင်းဆိုင်ရာမှာ အများကြီးကူညီနိုင်ပါတယ်။ သို့သော်ငြားလည်း တစ်ချိန်တစ်ခါမှာ ကျွန်မတို့လည်း   တုံ့ပြန်နိုင်မယ်လို့ ဒီလိုမျှော်လင့်ချက်  အများကြီးရှိ   ပါတယ်။

စိတ်ပိုင်းဆိုင်ရာကတော့ ပြည်သူလူထု အချင်းချင်းကြားမှာ  ပိုပြီးတော့နားလည်မှု ရှိဖို့၊  ပိုပြီးတော့ ခင်မင်မှုရှိဖို့ ဖြစ်ပါတယ်။ ဒါကတော့ ကျွန်မတို့ နှစ်ပေါင်းများစွာ မြန်မာနိုင်ငံသူ၊ နိုင်ငံသားတွေနဲ့ ဂျပန်နိုင်ငံသူ၊ နိုင်ငံသားတွေ အချင်းချင်းကြားမှာ မိတ်ဆွေစစ်တွေ အင်မတန်များပြားပါတယ်။                   
ဒါတွေကို ပိုပြီးတော့ ခိုင်မာလာအောင် လူငယ်တွေအချင်းချင်း ပိုပြီးထိတွေ့မှုရှိအောင် ကြိုးစားချင်ပါတယ်။ ဂျပန်နိုင်ငံခြားရေးဝန်ကြီး ပြောသွားတဲ့အထဲမှာ  ဂျပန်နိုင်ငံက ဧည့်သည်တွေလာတာလည်း များလာတယ်၊ ကျွန်မတို့ဘက်ကလည်း ဂျပန်နိုင်ငံ          ကို သွားတာများလာတယ်။ ဒါဟာ နိုင်ငံနှစ်နိုင်ငံကြားမှာ  ပိုပြီးတော့  ခိုင်မာတဲ့ မိတ်ဆွေ စစ်ဖြစ်အောင်လို့ လုပ်ပေးနိုင်တဲ့ အနေအထားလို့ မျှော်လင့်ပါတယ်၊  ယုံကြည်ပါတယ်''ဟု ဖြေကြားသည်။

ဂျပန်နိုင်ငံက  တတ်နိုင်သမျှ ထောက်ပံ့ပေးသွားမှာဖြစ်
ရခိုင်ပြည်နယ်ဖွံ့ဖြိုးတိုးတက်ရေးအတွက် ဂျပန်နိုင်ငံမှ ကူညီထောက်ပံ့ပေး သွားမည့် အခြေအနေနှင့် စပ်လျဉ်း၍  ဂျပန်နိုင်ငံခြားရေးဝန်ကြီးက   ''ရခိုင်ပြည်နယ် တည်ငြိမ်အေးချမ်းရေးနဲ့ ဖွံ့ဖြိုးတိုးတက်ရေးအတွက် ဦးဆောင်နေတဲ့ နိုင်ငံတော်၏ အတိုင်ပင်ခံပုဂ္ဂိုလ်နဲ့ မြန်မာအစိုးရရဲ့ ဆောင်ရွက်ချက်တွေကို   ဂျပန်နိုင်ငံက   တတ်နိုင် သမျှ ထောက်ပံ့ပေးသွားမှာ ဖြစ်ပါတယ်။

ဒီမိုကရေစီနိုင်ငံအဖြစ် ထူထောင်ရေးမှာ   အရေးကြီး
ဂျပန်နိုင်ငံအနေနဲ့ နေရပ်စွန့်ခွာသွားသူတွေ ပြန်လည်နေရာချထားဖို့အတွက် ဆောင်ရွက်တာကို တိုက်တွန်းသွားမှာဖြစ်ပါတယ်။ ရခိုင်ပြည်နယ် တစ်ခုလုံးရဲ့ ဆင်းရဲ နွမ်းပါးမှုလျှော့ချရေး နဲ့ ပြည်သူလူထုတွေရဲ့ နေထိုင်မှုဘဝ အဆင့်မြှင့်တင်ရေးကလည်း အင်မတန် အရေးကြီးပါတယ်။   ဒေသအတွက် ရထားလမ်းတွေ၊   ကားလမ်းတွေ  တည်ဆောက်ရေး၊   လျှပ်စစ်မီးရရှိရေးနဲ့ ကျောင်းဆောက်လုပ်ရေးတွေအတွက် ကူညီ ထောက်ပံ့မှုတွေ ဆောင်ရွက်သွားမှာဖြစ်ပါတယ်။ ရခိုင်ပြည်နယ် တည်ငြိမ်အေးချမ်း ရေး၊ ဖွံ့ဖြိုးတိုးတက်ရေးဟာ မြန်မာနိုင်ငံ  ဒီမိုကရေစီနိုင်ငံအဖြစ် ထူထောင်ရေးမှာ   အရေးကြီးတယ်လို့ ယူဆပါတယ် ''ဟု ဖြေကြားသည်။

အချက် ၈၈ ချက် အဆိုပြုထား
နေရပ်စွန့်ခွာသွားသူများ   ပြန်လည်လက်ခံရေးအတွက်  မြန်မာနိုင်ငံအစိုးရ အနေဖြင့် ထိရောက်စွာ ဆောင်ရွက်သွားမည့်အခြေအနေနှင့် ဂျပန်နိုင်ငံမှ ကူညီ ထောက်ပံ့မှုအခြေအနေနှင့် စပ်လျဉ်း၍  နိုင်ငံတော်၏  အတိုင်ပင်ခံပုဂ္ဂိုလ်က  ''မေးခွန်း က  ရေတိုကိစ္စတွေနဲ့ ရေရှည်ကိစ္စတွေ ဒီနှစ်ခုရောပြီး မေးသွားတာ ဖြစ်ပါတယ်။     ဒီဟာ တွေအတွက် ဒေါက်တာ ကိုဖီအာနန်ရဲ့ အစီရင်ခံစာကို ကြည့်လိုက်ရင်  ဒီနှစ်ခုစလုံး ကို ကိုင်တွယ်ထားတာ ပါပါတယ်။  ဥပမာဆိုရင် နိုင်ငံသားဖြစ်ရေးဆိုတာ ရေရှည် ကိစ္စပါ။   ဒေါက်တာ ကိုဖီအာနန် ကော်မရှင်က အချက် ၈၈ ချက် အဆိုပြုထားပါတယ်။ အဲဒီအချက်တွေထဲက    ၈ဝ  ကျော် ပြီးသွားပါပြီ။  ၈၁ ချက် ပူးပေါင်းဆောင်ရွက် အကောင်အထည်ဖော်လို့ ပြီးသွားပါပြီ။ ကျန်တဲ့  ၆ ချက်၊    ၇ ချက်က  ကော်မရှင်ရဲ့  အစီရင်ခံစာထွက်လာကတည်းက တချို့ကိစ္စတွေက ရေရှည်ကိစ္စတွေမို့   တစ်လှမ်းချင်း၊  တစ်လှမ်းချင်းလုပ်ရမယ်လို့ ပြောထားပြီးသား ဖြစ်ပါတယ်။ ဒီအတိုင်းပဲ တစ်လှမ်း ချင်းတစ်လှမ်းချင်း လုပ်ရမှာပါ။

အမျိုးမျိုးသောအမြင်တွေကို   နားထောင်ရ
နိုင်ငံတစ်နိုင်ငံရဲ့ နိုင်ငံသားဥပဒေဆိုတာလည်း တစ်လှမ်းချင်း တစ်လှမ်းချင်း လုပ်ရမယ့်ကိစ္စပါ။  အရင်  ဒီပြဿနာတွေမဖြစ်ခင် ကျွန်မတို့ အစိုးရတက်ပြီး ၂ဝ၁၆ ခုနှစ် မေလကတည်းက  ရခိုင်ပြည်နယ် တရားဥပဒေစိုးမိုးရေးနဲ့ ဖွံ့ဖြိုးရေးအတွက် ဗဟိုကော်မတီတစ်ခုဖွဲ့ပါတယ်။ အဲဒီကော်မတီဟာ ရခိုင်ပြည်နယ်ရဲ့  ရေရှည်ပြဿနာ တွေ ဖြေရှင်းဖို့လိုတယ်ဆိုတာ သဘောပေါက်လို့ ဖွဲ့တာ ဖြစ်ပါတယ်။ ဒါပေမယ့်  ဒီဗဟို ကော်မတီကနေပြီး အလုပ်မစတင်နိုင်ခင်ပဲ  ပထမဦးဆုံး   အကြမ်းဖက်တိုက်ခိုက်မှု တွေ ဖြစ်ပေါ်လာပြီးတော့  တခြားကိစ္စတွေပေါ်လာတာဖြစ်ပါတယ်။ ကျွန်မတို့ဟာ တစ်လှမ်းချင်း တစ်လှမ်းချင်း ပြဿနာတွေ ဖြေရှင်းသွားရမှာပါ။ ခုနက သတင်း ထောက်ပြောသွားတဲ့အထဲမှာ  နိုင်ငံအထဲမှာကို  အမြင်တွေအမျိုးမျိုးရှိတယ်လို့   ပြောပါတယ်။ ‘ဒါမှန်ပါတယ်။ ကျွန်မတို့ အစိုးရအနေနဲ့ အမျိုးမျိုးသော အမြင်တွေကို   နားထောင်ရပါတယ်။ ပြင်ပက ပုဂ္ဂိုလ်တွေကတော့ ကိုယ်ကြိုက်တဲ့အမြင်၊ ကိုယ်စိတ်ဝင် စားတဲ့  အမြင်ကိုပဲ ကြည့်လို့ရပါတယ်။ ပြည်တွင်းမှာရှိတဲ့   အစိုးရတစ်ခုဆိုတာက  အမြင်အားလုံးကို စဉ်းစားရပါတယ်။

နည်းပညာပိုင်းဆိုင်ရာ အထောက်အကူပေး
အမြင်အားလုံးကို  ထည့်သွင်းပြီးတော့ အဲဒီဟာအားလုံးအပေါ်မှာ ဖြေရှင်းနိုင်တဲ့  အမြင်တစ်ခုကို  ရှာရပါတယ်။ ကျွန်မတို့  အခု  စုံစမ်းစစ်ဆေးရေး ကော်မရှင်အနေနဲ့တော့ သူတို့ရဲ့ လုပ်ပိုင်ခွင့်တွေကို  ကျယ်ကျယ်ပြန့်ပြန့်ပေးထားမှာပါ။  စုံစမ်းစစ်ဆေးရေး အဖွဲ့ထဲမှာပါတဲ့   အဖွဲ့ဝင်တွေကလည်း  အရည်အချင်းပြည့်စုံတယ်လို့  ကျွန်မတို့ ထင်ပါတယ်။ ဂျပန်နိုင်ငံရော၊ တခြားမိတ်ဆွေနိုင်ငံတွေကရော လိုအပ်လို့ရှိရင်တော့  နည်းပညာပိုင်းဆိုင်ရာ အထောက်အကူတွေ ပေးလိမ့်မယ်လို့ မျှော်လင့်ပါတယ်''ဟု ဖြေကြားသည်။

နှစ်ရှည်ဆောင်ရွက်သွားဖို့လို
ရခိုင်ပြည်နယ်  အရေးကိစ္စနှင့် ပတ်သက်၍ ဂျပန်နိုင်ငံ၏ သဘောထား အခြေအနေ နှင့် စပ်လျဉ်း၍  ဂျပန်နိုင်ငံခြားရေးဝန်ကြီးက ''ရခိုင်ပြည်နယ်မှာဖြစ်တဲ့ကိစ္စတွေက   အင်မတန်နက်နဲ ရှုပ်ထွေးတဲ့  ကိစ္စတွေဖြစ်ပါတယ်။  လူ့အခွင့်အရေး၊    လူသားချင်းစာနာ ထောက်ထားမှုတွေသာမကဘဲ ပြည်နယ်တစ်ခုလုံးရဲ့   ဆင်းရဲနွမ်းပါးမှု လျှော့ချရေး အတွက်ပါ   ကူညီဆောင်ရွက်ပေးသွားပါမယ်။  နိုင်ငံတော်၏   အတိုင်ပင်ခံပုဂ္ဂိုလ်     ဒေါ်အောင်ဆန်းစုကြည်က ဒီလိုမျိုးကိစ္စတွေအတွက် ခိုင်ခိုင်မာမာဆောင်ရွက်နေတဲ့ အခြေအနေမှာ ရှိပါတယ်။ ဒီလိုမျိုးဆောင်ရွက်မှုက ပိုပြီးတော့ မြန်မြန်ဆန်ဆန်  ဆောင်ရွက်ရမယ်ဆိုတဲ့အသံလည်း ကြားပါတယ်။ သို့သော်လည်း   လူ့အသိုင်းအဝိုင်း  နှစ်ခုအကြား ပြေလည်မှုရရှိဖို့     ကိစ္စအပါအဝင် ဆောင်ရွက်မှုတွေက  ခိုင်ခိုင်မာမာနဲ့ နှစ်ရှည်ဆောင်ရွက်သွားဖို့  လိုအပ်ပါတယ်။

ဂျပန်အစိုးရအနေနဲ့   ခက်ခဲတဲ့ အခြေအနေကိစ္စတွေကို    ဖြေရှင်းဆောင်ရွက် နေရတဲ့ မြန်မာအစိုးရနဲ့အတူ ကူညီဆောင်ရွက်သွားမှာ ဖြစ်ပါတယ်။ မြန်မာအစိုးရရဲ့   ဆောင်ရွက်မှုတွေကို ဂျပန်အစိုးရအနေနဲ့ နိုင်ငံတကာအသိုင်းအဝိုင်းကို   ရှင်းပြသွားမှာ ဖြစ်ပါတယ်။      လွတ်လပ်တဲ့ စုံစမ်းစစ်ဆေးရေးကော်မရှင်ကို ဂျပန်နိုင်ငံက ကုလသမဂ္ဂနဲ့ ပူးပေါင်းဆောင်ရွက်တဲ့ကိစ္စတွေ၊ ဒီလို ကိစ္စမျိုးနဲ့  ပတ်သက်ပြီး ဆောင်ရွက်ပေးဖို့  မြန်မာဘက်ကို တောင်းဆိုခဲ့ပါတယ်။ ပြီးတော့ ဒီလိုမျိုးကိစ္စတွေကို မြန်မာအစိုးရ တစ်ခုပြီးတစ်ခု ဆောင်ရွက်နေတဲ့အတွက် ကျွန်တော်တို့ အစိုးရက တန်ဖိုးထားပါတယ်''ဟု ဖြေကြားသည်။

No comments:

Post a Comment

Blog Archive

Tags

Accident Ad Agriculture Article Astrology Aung San Suu Kyi Bagan Beauty Bogale Book Car Cartoon celebs Crime Crony Daily Popular Danubyu Dedaye Dhamma Dr Hla Myat Thway Education ELection Entertainment Environment Foreign Affairs General General Aung San General Knowledge Gossip Gov Health Herbal Hinthada History Hluttaw Ingapu Interview Job Kangyidaunt kyaik Lat Kyangin Kyaunggon Kyonpyaw Latputta Laymyethna Lemyethna Letter Ma Shwe Moe Mahn Johnny Maubin Mawlamyinegyun Media MMP MMP 1 money Myan Aung Myanmar Idol Myaungmya Myo Min Paing News Ngapudaw Ngathaingchaung NLD Nyaung Tone Opinion Pagoda Pantanaw Party Pathein People Photo Places Poem Police Politic Political Prisoner Popular Project Pyapon Quote School Bus Song Speech Sport Sports Student SYW SYW 1 Technology Thabaung Time Ayeyar Tourism Travel U Ba Hein U Ko Ni U Kyaw Myint U Win Htay USDP Video Wakhama Weather World News Yekyi Zalun စိတ်အဟာရ ရသစာများ စိုက်ပျိုးရေး ထူးဆန်းထွေလာ ဒီရေတော နာရေး ဗဒေငျ မဘသ မုံရွာ လယ်သိမ်းမြေသိမ်း လူပုဂ္ဂိုလ်များ လူပျောက်ကြော်ငြာ အရှင်သုစိတ္တ (မော်ကျွန်း) အရှင်သုစိတ္တ (မော်ကျွန်း) ဆရာတော် အထွေထွေ ဝေဖန်ရေး ထွေအုပ် ​မော်​တင်​စွန်း နိုင်ငံရေးအကျဉ်းသား

Labels

Recent Post