Latest News

Monday, August 6, 2018

နွားနို့နှင့် ကျန်းမာရေး

နွားနို့နှင့် ကျန်းမာရေး

နွားနို့ကို ကျိုချက်သောက်ပါ

လူအချို့က နွားနို့ကိုအစိမ်းလိုက်  ဆားအနည်းငယ်ထည့်၍   သောက်တတ်ကြပါတယ်။ ထိုသို့သောက်ခြင်းက လူကိုဘေးဖြစ် စေတတ်ပါတယ်။အဘယ်ကြောင့်ဆိုသော် နွားမကြီးတွင် ရောဂါဝေဒနာရှိခြင်း၊ နွားနို့ညှစ်သူတွင် ရောဂါရှိခြင်း၊ နွားနို့ညှစ်သူ၏ လက်မသန့်ရှင်းခြင်း၊ နို့ညှစ်ရာတွင် အသုံးပြုသော ပစ္စည်းများ မသန့်ရှင်းခြင်းစတာတွေကြောင့် နွားနို့မှတစ်ဆင့် သောက်သုံးသူထံသို့ ကူးစက်ရောဂါများ ပြန့်ပွားစေနိုင်ပါတယ်။ ဥပမာအနေဖြင့် သုတမျှဝေရပါလျှင် -

-  တီဘီရောဂါပိုးပါဝင်သော နွားနို့ကို မိနစ် ၂ဝ ခန့်အပူပေးမှ ၎င်းပိုးသေစေနိုင်ပါတယ်။

-  သားလျှောရောဂါပိုးပါဝင်သော နွားနို့ကို ၁၅ မိနစ် အပူပေးမှ ၎င်းပိုးသေစေနိုင်ပါတယ်။

-  ခွာနာလျှာနာရောဂါပိုးပါဝင်သော နွားနို့ကိုမိနစ် ၂ဝ ခန့်အပူပေးမှ  ၎င်းပိုးသေစေနိုင်ပါတယ်။

-နို့အုံရောင်ရောဂါဖြစ်စေတတ်သော ပိုးအများစုက လူကိုမကူးစက်နိုင်သော်လည်း၊ နို့အုံရောဂါဖြစ်သော Streptococcus ပိုးမွှားရောဂါဖြစ်နေသော နွားမ၏ နွားနို့ကို သောက်သုံးမိပါက ၎င်းပိုးမွှားရောဂါကူးစက်ခံရပြီး အာသီးရောင်ခြင်း၊ လည်ပင်းနာခြင်း၊ အင်ပျဉ်အနီရောင်ထွက်ခြင်း၊ ဖျားနာခြင်းတွေ ဖြစ်လာနိုင်ပါတယ်။

- သန့်ရှင်းသော နွားနို့ထဲမှာလည်း ဗက်တီးရီးယားပိုးတွေ ပါဝင်နေတတ်ကြပါတယ်။ သန့်ရှင်းသော နွားနို့တစ်စီစီတွင် ဗက်တီးရီးယားပိုးကောင်ရေ ၄ဝဝဝ ကျော်ခန့် ပါဝင်နေကြပြီး  မသန့်ရှင်းသောနွားနို့တွင်   ဗက်တီးရီးယား ပိုးကောင်ရေတစ်သိန်းကျော်ထိ ပါဝင်နိုင်ပါတယ်။

ဒါကြောင့်စိတ်ချရအောင် နွားနို့ကိုအနည်းဆုံး မိနစ် ၂ဝ ကြာတဲ့အထိ ကျိုချက်ပြီးမှသာ သောက်သုံးသင့်ပါတယ်။

နွားနို့စားဖွယ်စုံ

နွားနို့ကိုပွက်ပွက်ဆူအောင် ချက်ပြီး ဆား သို့မဟုတ်   သကြားအနည်းငယ်ထည့်၍ သောက်ကြသလို နို့အေးအဖြစ်လည်း သောက်ကြပါတယ်။ နွားနို့ သို့မဟုတ် နို့မှုန့်ကိုကော်ဖီ၊ လက်ဖက်ရည်၊ ဟောလစ်၊ မိုင်လို၊ အိုဗာတင်း၊ ကိုကိုးစသည်တို့နှင့်ရောဖျော်၍လည်းကောင်း၊

ဖာလူဒါ၊  ရေခဲမုန့်၊ နို့အေးချောင်း၊ စတော်ဘယ်ရီဖျော်ရည်၊ သခွားမွှေးဖျော်ရည်တို့နဲ့ ရော၍လည်းကောင်း မိမိနှစ်သက်ရာ အပူအအေးစားနိုင်ပါတယ်။  နွားနို့ကို  ပြုပြင်ဖန်တီး၍ မလိုင်၊ ဒိန်ချဉ်၊ နို့ဓမ်းမလိုင်၊ နို့ဓမ်းဖျော်ရည်၊ နို့ခဲ၊ ထောပတ်၊ ချိစ် စသည်ဖြင့် စားသောက်နိုင်ပါတယ်။

နွားနို့နှင့် ကျန်းမာရေး

- ဥတုဘောဇနသင်္ဂဟကျမ်းတွင်  နို့မျိုးဟူသမျှသည် အဆီသြဇာရှိ၏။  ချိုဆိမ့်၏။ လေ၊ သည်းခြေကိုနိုင်၏။ ပျံ့နှံ့လွယ်၏။   သလိပ်ကိုပွားစေတတ်၏။  လတ်တလောချင်း သုက်ကိုပွားစေနိုင်၏။ များသောအားဖြင့်  လူခပ်သိမ်းတို့နှင့် သင့်၏။ အသား၊ ပညာတို့ကိုပွားစေတတ်၏။

မေထုန်ကို  များစွာမှီဝဲစေနိုင်၏။ အရွယ်ကိုတည်စေနိုင်၏။ အရိုးကျိုးကို  ဆက်တတ်၏။ အိုခြင်း၊ နာခြင်းကိုပျောက်၍ အသက်ကိုရှည်စေနိုင်၏။ ဝမ်းသက်သောသူ၊  အော့အန်သောသူ၊  ဝမ်းချုပ်သောသူတို့၏ သြဇာကိုပွားစေတတ်၏။ သလိပ်မရှိသော အဖျားဟောင်း၌လည်းကောင်း၊ သုက်ကုန်ခန်းခြင်း၊ မူးဝေခြင်း၊ စိတ်ပျံ့လွယ်ခြင်းတို့၌  လည်းကောင်း၊ ဝမ်းကိုက်နာ၊ ဘေးထိုးရင်ကျပ်နာ၊ ဆီး၊ ဝမ်း၊ လေ လမ်းမှား၍ အောက်သို့ မသက် အထက်သို့ ဆန်တက်သောအနာ၊ ဆီးအိမ်၌  ဖြစ်သောအနာ၊ မြင်းသရိုက်နာ၊ ရတ္တပိတ်နာ၊ ဝမ်းသွန်ဝမ်းပျက် သက်သာရနာ၊ မိန်းမတို့၏  အင်္ဂါဇာတ်၌ဖြစ်သော အနာ၊ မောပန်းခြင်း၊ နုံးခြင်း၊ နွမ်းနယ်ခြင်းတို့၌ သင့်၏။ ကိုယ်ဝန်လျှောသော အနာ၌ အမြဲသင့်၏။  လူငယ်၊  လူအို၊ထိခိုက်ရှနာသောသူ၊  အားခွန်ကုန်ခန်းသောသူ၊ လေပူဆာ၍ ချီသောသူ၊  ပိန်သောသူတို့၌ အမြဲအလွန်သင့်၏။ မုန့်ထက်  ရှစ်ဆကြေခဲ၏ဟုဆိုထားပါတယ်။

-မြန်မာ့ဆေးကျမ်းတွင် နွားနို့သည် အဆီသြဇာရှိ၍ချိုဆိမ့်၏။  ပုပ်သောအနာ၊ သွေးနာ၊ လေနာ၊ ချောင်းဆိုးတို့ကိုနိုင်၏။

လေသည်းခြေကိုနိုင်၏။ သလိပ်နှင့် သုက်ကိုပွားစေ၏။ခွန်အားနှင့်ကာမကို အားပေး၏။ အသက်ရှည်စေ၏။ ပညာ၊ အရွယ်၊   အဆင်းတို့ကို  တည်မြဲစေ၏။

အရိုးကျိုးလျှင် ဆက်စေနိုင်၏။  အဖျားအို၊  အဖျားဟောင်း၊  သွေးအားနည်းရောဂါ၊ သွေးတိုး၊ ရင်ကျပ်နာ၊ လေမတက်ဘဲ လေထသည့်ရောဂါ၊ သွေးအန်၊ သွေးလျှံနာ၊ အပူရောဂါ၊ မောပန်းအားနည်းသောရောဂါ၊  ကိုယ်ဝန်လျှောစေသော ရောဂါ၊ ပိန်ကြုံရောဂါတို့အတွက် အထူးသင့်လျော်၏။   ဓာတ်သဘောအရ သီဟတေဇော၊ သီဟ ပထဝီဓာတ်စာဖြစ်၏ ဟုဆိုထားပါတယ်။

-ဗြိတိသျှဆေးကျမ်းတွင်  နွားနို့ချိုသည် လူသား၏ ခန္ဓာကိုယ်ဖွံ့ဖြိုးမှုနှင့် အသက်ရှည်မှုအတွက် လိုအပ်သော အာဟာရဓာတ် အားလုံးကိုပေးစွမ်းနိုင်၏။အရိုးပျော့ရောဂါ၊  သွေးစိမ့်သော ရောဂါနှင့် အခြားရောဂါ  အများအပြားကိုလည်း ကာကွယ်ပေးနိုင်၏ဟုဆိုထားပါတယ်။

-နွားနို့တွင် ပရိုတင်း၊ ဗီတာမင်ဘီ၊ ဗီတာမင်ဒီနှင့်  သတ္တုဓာတ်အမျိုးမျိုးတို့ အပြင် အော်ဂဲနစ်ဓာတ်ပေါင်းစုများ မြင့်မားစွာပါရှိနေတာကြောင့် ကာယအားနှင့်ဉာဏအားကို  ဖြစ်စေတဲ့အတွက်  နွားနို့ဟာအရွယ် သုံးပါးမရွေး သောက်သုံးသင့်တဲ့ အာဟာရပြည့် ဖြည့်စွက်စာ ဖြစ်ပါတယ်။

-နွားနို့ထဲမှာ  ကယ်စီယမ်၊  ပရိုတင်းတို့အပြင် ဗီတာမင်အီး၊ စီလီနီယမ်၊ ဇင့်တို့ ကဲ့သို့ သော ခန္ဓာကိုယ်အကျိုးပြုဓာတ်တိုး ဆန့်ကျင်ပစ္စည်းတွေ ပါရှိနေတာကြောင့် ကိုယ်ခံစွမ်းအားကို အထူးကောင်းမွန်စေတဲ့အပြင် ခန္ဓာကိုယ်ကို ဆိုးကျိုးဖြစ်စေတဲ့ ဖရီးရယ်ဒီကယ်များ  အန္တရာယ်မှ  ခုခံကာကွယ်ပေးနိုင်ပါတယ်။

-အရိုးနှင့်သွားများ၏   သိပ်သည်းဆကို ခိုင်ခံ့စေဖို့အတွက်  ကယ်စီယမ်၊ သတ္တုဓာတ်များနဲ့ ပရိုတင်းတို့က  မရှိမဖြစ် လိုအပ်ပါတယ်။ ၎င်းဓာတ်များအားလုံးကို နွားနို့တစ်ခွက်မှ လုံလောက်စွာ ရရှိနိုင်ပါတယ်။

-သဘာဝ မြက်စားနွားမှ  နို့ထဲတွင်ပါရှိသော အိုမီဂါ-၃ အဆီဓာတ်များက နှလုံးရောဂါအမျိုးမျိုးနှင့်တကွ  နှလုံးရောဂါကြောင့် ဖြစ်စေတတ်တဲ့ လေငန်းရောဂါ  ဖြစ်ခြင်းတို့မှလည်း ထိထိရောက်ရောက် ကာကွယ်ပေးနိုင်ပါတယ်။

-သိပ္ပံနည်းကျ    ဓာတ်ခွဲစမ်းသပ်ချက်များ အရ နွားနို့ထဲရှိဗီတာမင်ဘီနဲ့ တန်ဖိုးမြင့် သတ္တုဓာတ်များက  ခန္ဓာကိုယ်ကြီးရဲ့ ဇီဝဖြစ်စဉ်ကို ကောင်းစွာ စွမ်းဆောင်နိုင်စေ၍ ခန္ဓာကိုယ်တွင်းရှိသကြား၊ အင်ဆူလင်နဲ့ ဂလူးကို့စ်ပမာဏတွေကို ထိန်းညှိ ပေးထားနိုင်တာကြောင့် ဆီးချိုသွေးချို ရောဂါတွေကို မပြင်းထန်အောင် နွားနို့က ထိန်းပေးထားနိုင်ကြောင်း  လေ့လာသိရှိရပါတယ်။

-နွားနို့တစ်ခွက်သောက်ပြီးနောက် ဆာလောင်မွတ်သိပ်မှုကို ပြေပျောက်စေပြီး အာသာပြေသွားတဲ့ ခံစားမှုကို ရရှိစေတာကြောင့် နောက်ထပ်အစာ စားလိုစိတ်ကို ချိုးနှိမ်ပေးထားနိုင်ပါတယ်။  ဒါကြောင့် ကိုယ်အလေးချိန် လျှော့ချလိုသူများ အနေဖြင့် ဆာလောင်မွတ်သိပ်မှုကို ဖြေရှင်းရာ၌ အခြားသော ဆီကြော်မုန့်တွေကို မစားဘဲ နွားနို့ကိုသာ သောက်ပေးသင့်ပါတယ်။

-အပူအစပ်စားပြီးနောက်  အအေးခံထားသော  နွားနို့သောက်ပေးခြင်းဖြင့် အစာအိမ်နာရောဂါ   မဖြစ်စေတော့ပါဘူး။    (နို့အေးမဟုတ်ပါ)

-ခန္ဓာကိုယ်တွင်း အဆိပ်အတောက်ပြေစေရန်အတွက် ကညွတ်ဥ   (ကညွတ်ပင်ရဲ့ အမြစ်)ကိုနွားနို့နဲ့ကျိုချက်သောက်ပါ။

-မျက်စိအားကောင်းစေဖို့အတွက် နွားနို့        နေ့စဉ်သောက်ပေးသင့်ပါတယ်။

-သွေးနီဥနည်းသောသူများ နို့နဲ့နို့ထွက်ပစ္စည်းများ စားပေးသင့်ပါတယ်။

-နာလန်ထစ ခံတွင်းပျက်သူများအတွက် လက်တစ်ဆုပ်စာ ပမာဏရှိသော မြင်းခွာရွက်ပင်များကို အမြစ်ပါအောင် နုတ်၍ ရေစင်စင်ဆေးပြီးနောက်  နွားနို့ ၂၅ ကျပ်သားနှင့်ရောပြုတ်ကျိုပြီး ရလာသော ဆေးရည်ကို  တစ်ဝက်တိတိခွဲ၍ နံနက်တစ်ကြိမ် ညတစ်ကြိမ်သောက်ပေးခြင်းဖြင့် လျင်မြန်စွာ အင်အားဖြစ်လာပြီး စားဝင် အိပ်ပျော်လာပါလိမ့်မယ်(အကယ်၍ နာတာရှည် အိပ်မပျော်သူများ အနေဖြင့်လည်း ထိုဆေးရည်ကို တစ်နေ့နှစ်ကြိမ် သောက်ပေးခြင်းဖြင့် အိပ်ဆေးမလိုဘဲ နှစ်ခြိုက်စွာ အိပ်ပျော်စေနိုင်ပါတယ်)

-မြင်းခွာရွက်မှုန့်ကို နွားနို့၊ သကြားတို့နဲ့ ရောသောက်ပေးခြင်းဖြင့်  ဦးနှောက်ကြည်လင်၍ မှတ်ဉာဏ်အားကောင်းစေပါတယ်။

-အရွယ်မတိုင်ခင် ဆံပင်မဖြူအောင် ချိစ်၊ဆိတ်နို့၊ နွားနို့၊ ဒိန်ချဉ် စတဲ့နို့နဲ့နို့ထွက်ပစ္စည်းများ စားပေးသင့်ပါတယ်။

အမျိုးသားသန္ဓေအောင်ခြင်းအတွက်  နွားနို့အစွမ်း

-ခွေးလှေးယားသီးနု(အစိမ်း)ကို အရိပ်ထဲမှာ ခြောက်အောင်လှန်းပြီး  နွားနို့ ၂၅ကျပ်သားနဲ့  ရောကျို၍ နေ့စဉ် တစ်ဇွန်းကျ မှီဝဲသောက်သုံးပါ  (သုက်ရည်ယိုခြင်းကို ကောင်းကျိုးပြုပါတယ်)

-ကျွဲခေါင်းသီးကို  မှုန့်ညက်နေအောင်ပြုလုပ်ပြီးနောက် နွားနို့နဲ့ စိမ်သောက်ပေးခြင်းဖြင့် သုက်ခန်းရောဂါပျောက်ကင်းပြီး သုက်ဓာတ်ပွားလာစေပါတယ်။

-ဗာဒံစေ့ငါးလုံး၊  ငရုတ်ကောင်းငါးစေ့၊ ချင်းခြောက်နှစ်ပဲသားတို့ကို သကြားသင့်သလိုထည့်ကာ  သမအောင်ရောနယ်၍ ညက်ညက်ဝါးပြီးမှ မျိုချပါ။  ထို့နောက် နွားနို့ပူပူ တစ်ခွက်ကို တစ်ငုံချင်းသောက်ပါ။ ဤအချိုးအဆအတိုင်း ညအိပ်ခါနီး သောက်ပေးခြင်းဖြင့် သုက်ထွက်မြန်သူ၊သုက်လွှတ်မြန်သူ၊  သုက်ဓာတ်ခိုင်မာမှု မရှိသူများကို ကောင်းကျိုးပြုပါတယ်။

လှပမှုရေးရာများအတွက် နွားနို့

-နွားနို့ထဲမှာပါတဲ့  လက်တစ်အက်စစ်က အရေပြားပေါ်ရှိ   အမည်းရောင်များကို တဖြည်းဖြည်းလျော့ပါးသက်သာစေတဲ့ အစွမ်းသတ္တိပါရှိနေတာကြောင့် တင်းတိပ်နဲ့ မှည့်ခြောက်များကို လျော့ပါးစေတဲ့အပြင် အသားအရေကိုပါ ဝင်းမွတ်တောက်ပြောင် လာစေပါတယ်။  ဝါဂွမ်းလုံးလေး အပေါ် နွားနို့အစက်ချပြီးနောက် မျက်နှာပေါ် အသာအယာ တို့ပေးပါ။ အချိန် ၁ဝ မိနစ်အကြာမှာရေသန့်ဖြင့်  မျက်နှာသစ်ပါ။ ဤသို့တစ်နေ့ နှစ်ကြိမ် လုပ်ပေးရုံမျှဖြင့်တစ်လခန့်အကြာမှာ တင်းတိပ်နဲ့ မှည့်ခြောက်များ ပြေပျောက်သွားစေပါတယ်။ (နောက်တစ်နည်း) နွားနို့နှင့် ပျားရည်တို့ကို ရောစပ်လိမ်းပေးပြီးနောက် အချိန် ၁ဝ မိနစ်ခန့်  အကြာမှာမျက်နှာသစ်ပေးပါ။

-ဆောင်းရာသီ အသားပပ်၊ အသားခြောက်ခြင်းအတွက် ရက်သတ္တတစ်ပတ်ကို တစ်ကြိမ်လောက် နွားနို့(အစိမ်း)ဖြင့် မျက်နှာသစ်ပေးပါဦး။နွားနို့က အသားအရေကို ဖြူစင်ဝင်းမွတ်ရုံသာမက၊ အစိုဓာတ်ကိုပါ  ထိန်းပေးနိုင်တာကြောင့် ဆောင်းရာသီမှာ  အသားအရေခြောက်သွေ့ကြမ်းတမ်းနေမှာကို စိတ်မပူရတော့ပါဘူး။

-နှုတ်ခမ်းအသားမည်းခြင်း အတွက် ငှက်ပျောသီးမှည့်မှည့်ကို နွားနို့၊ ပျားရည်တို့နဲ့ သမအောင်ရောနယ်ပြီးတော့ နေ့စဉ်လိမ်းပေးပါ။ ရက်အနည်းငယ် အတွင်းမှာပင် ထူးခြားတဲ့အာနိသင်ကို လက်တွေ့ခံစားရပါလိမ့်မယ်။ (နောက်တစ်နည်း) နှင်းဆီပွင့်ချပ်လေးတွေကို  ထောပတ်နဲ့ ရောထောင်းပြီးတော့  ရလာတဲ့အနှစ်တွေကို နှုတ်ခမ်းပေါ်အုံတင်ထားပေးပါ။

-ခြောက်သွေ့အဖတ်လန်သော နှုတ်ခမ်းသားများအတွက်ကိုတော့ နွားနို့ကိုပျစ်ပျစ်ကျို၍  အဆီတက်လာသော နို့ကရင်အဆီဖြင့် လိမ်းပေးပါ။

- နွားနို့စစ်စစ်က အရေပြားချိုင်းမည်းခြင်းကို သက်သာစေနိုင်တာကြောင့်  နွားနို့လိမ်းပါ(သို့မဟုတ်) နွားနို့(လက်ဖက်ရည် ဇွန်းနှစ်ဇွန်း)၊ ဒိန်ခဲ (လက်ဖက်ရည်ဇွန်းတစ်ဇွန်း)၊  ဂျုံမှုန့်(လက်ဖက်ရည်ဇွန်း တစ်ဇွန်း)တို့ကို ရော၍ ရလာသောအနှစ်ဖြင့်  လိမ်းပါ။ ၁၅ မိနစ်ခန့်အကြာမှာ ရေအေးဖြင့် သန့်စင်ဆေးကြောပါ။

-ဒိန်ချဉ်၊ သံပရာရည်နဲ့ နနွင်းမှုန့် ရောထားတဲ့ ပျစ်ခဲခဲအနှစ်ကို ချိုင်းပေါ်လိမ်းပေးပြီး နာရီဝက်ခန့်အကြာမှာရေနွေးဖြင့် သန့်စင်ပါ။ နေ့စဉ် အဲဒီလိုပေါင်းတင်ပေးခြင်းဖြင့် ရက်သတ္တ နှစ်ပတ်လောက်ကြာတဲ့အခါ ချိုင်းသားများ သိသိသာသာ ဖြူသွားပါလိမ့်မယ်။

-ကယ်စီယမ် အရင်းအမြစ်ဖြစ်တဲ့ နွားနို့ဟာ   လက်သည်းများအတွက် ခွန်အားဖြစ်စေခြင်း၊  အရှည်မြန်ဆန်ခြင်းတို့ အတွက် အကျိုးပြုပါတယ်။ အကယ်၍ သင့်ခန္ဓာကိုယ်ထဲမှာ ကယ်စီယမ်ဓာတ် အားနည်းနေပါက   လက်သည်းတွေ ကြွပ်ဆတ်ပဲ့ထွက်၍ ခြောက်သွေ့လာပါလိမ့်မယ်။ နွားနို့ကို နံနက်တစ်ကြိမ် ညတစ်ကြိမ်  တစ်ခွက်စီသောက်ပေးပါ။

နွားနို့သောက်စဉ်မှာ ဗီတာမင်ဒီ ကြွယ်ဝတဲ့ မှိုနဲ့ ကြက်ဥတို့တွဲဖက်၍ စားသောက်ပေးခြင်းက လက်သည်းတွေကို    ပို၍မာကျောကာ အရှည်မြန်ဆန်စေပါတယ်။

-မျက်နှာပေါ်က အမွေးအမှင်များအတွက် ကျိုချက်ပြီး အအေးခံထားသော နွားနို့(သို့မဟုတ်) နို့ကရင်ကို   နနွင်းမှုန့်နဲ့ ခပ်ပျစ်ပျစ်ဖျော်စပ်၍   မျက်နှာပေါ်ရှိ အမွေးပေါ်သို့   အသားထဲထိ စိမ့်ဝင်အောင် စက်ဝိုင်းသဏ္ဌာန်ဖိ၍ လိမ်းပေးပါ။ ခြောက်သွားတဲ့အခါ   ရေအေးဖြင့်  ဆေးကြောပါ။ (ရေခဲရေ မဟုတ်ပါ) နွားနို့မသောက်သင့်သူများ

-နွားနို့၊ ဆိတ်နို့၊ ကျွဲနို့  စတဲ့တိရစ္ဆာန်ထွက်နို့များဟာ လူ့ခန္ဓာကိုယ်၏ အစာအိမ်နဲ့  အူလမ်းကြောင်းမှ အကျိအချွဲတွေ ပုံမှန်ထက်ပို၍ထွက်လာစေပါတယ်။

ထိုအကျိအချွဲတွေကို ကင်ဆာဆဲလ်တွေက စားသုံးပစ်တာကြောင့်လည်း ကင်ဆာဆဲလ်တွေ    အားကောင်းလာအောင် တွန်းအားပေးရာရောက်နေပါတယ်။ ဒါကြောင့် ကင်ဆာ ရောဂါသည်များ အနေနဲ့ တိရစ္ဆာန်ထွက် နို့များအစား သကြားမပါတဲ့  ပဲနို့ရည်ကို သောက်ပေးသင့်ပါတယ်။

ပဲနို့ရည်က ကင်ဆာဆဲလ်တွေကို   ယုတ်လျော့စေရုံသာမက  လူကိုခွန်အားဖြစ်စေပါတယ်။

-ဆံသားနှင့်   ဦးရေပြား အဆီပြန်တတ်သူများက   အဆီအအိမ့် လျှော့စားပါ။

အဆီထုတ်ထားသော နွားနို့နဲ့ ဒိန်ချဉ်အမျိုးအစားကိုသာ သောက်ပါ။

-ခန္ဓာကိုယ်တွင်း ယူရစ်အက်စစ်များသူတွေ၊ ဂေါက်ရောဂါ ရှိသူများနဲ့ အဆစ်အမျက် ရောင်ရမ်းနာရှိသူများအတွက် အဆီထုတ်ထားသော   နွားနို့ကိုသာသောက်ပါ။

-နွားနို့က  ဘက်စုံကျန်းမာရေး အတွက် အကျိုးပြုသည်မှာ မှန်သော်လည်း ဆီးကျိတ် ကင်ဆာနှင့် ပါကင်ဆဲန်(ခေါ်) ဇရာအကြို ခြေတုံလက်တုံရောဂါ ရှိသူများ  လိုအပ်သည်ထက်ပို၍   နွားနို့မသောက်သင့်ပေ။

MWD

No comments:

Post a Comment

Blog Archive

Tags

Accident Ad Agriculture Article Astrology Aung San Suu Kyi Bagan Beauty Bogale Book Car Cartoon celebs Crime Crony Daily Popular Danubyu Dedaye Dhamma Dr Hla Myat Thway Education ELection Entertainment Environment Foreign Affairs General General Aung San General Knowledge Gossip Gov Health Herbal Hinthada History Hluttaw Ingapu Interview Job Kangyidaunt kyaik Lat Kyangin Kyaunggon Kyonpyaw Latputta Laymyethna Lemyethna Letter Ma Shwe Moe Mahn Johnny Maubin Mawlamyinegyun Media MMP MMP 1 money Myan Aung Myanmar Idol Myaungmya Myo Min Paing News Ngapudaw Ngathaingchaung NLD Nyaung Tone Opinion Pagoda Pantanaw Party Pathein People Photo Places Poem Police Politic Political Prisoner Popular Project Pyapon Quote School Bus Song Speech Sport Sports Student SYW SYW 1 Technology Thabaung Time Ayeyar Tourism Travel U Ba Hein U Ko Ni U Kyaw Myint U Win Htay USDP Video Wakhama Weather World News Yekyi Zalun စိတ်အဟာရ ရသစာများ စိုက်ပျိုးရေး ထူးဆန်းထွေလာ ဒီရေတော နာရေး ဗဒေငျ မဘသ မုံရွာ လယ်သိမ်းမြေသိမ်း လူပုဂ္ဂိုလ်များ လူပျောက်ကြော်ငြာ အရှင်သုစိတ္တ (မော်ကျွန်း) အရှင်သုစိတ္တ (မော်ကျွန်း) ဆရာတော် အထွေထွေ ဝေဖန်ရေး ထွေအုပ် ​မော်​တင်​စွန်း နိုင်ငံရေးအကျဉ်းသား

Labels

Recent Post