မိတ်ဆွေကောင်း၊ မိတ်ဆွေစစ်၊ မိတ်ဆွေမှန် စိတ်ဓာတ်မွေးမြူပါ

မိတ်ဆွေကောင်း၊ မိတ်ဆွေစစ်၊ မိတ်ဆွေမှန် စိတ်ဓာတ်မွေးမြူပါ

၁၉၃ဝ ပြည့်နှစ်မှစ၍  သြဂုတ်လ (၂) ရက်ရောက်တိုင်း  မိတ်ဆွေများ အထိမ်းအမှတ်   ရက်တစ်ရက်သတ်မှတ်ပြီး  ခင်မင်မှုအထိမ်းအမှတ်ကတ်ကလေးတွေ  ပြုလုပ် ရောင်းချရာမှ စတင်ခဲ့တဲ့ ခင်မင်မှု  အထိမ်းအမှတ်ပြုရက်တစ်ရက်၊ ဒီအထိမ်း အမှတ် ကတ်ကလေးတွေကို  ရောင်းကြဝယ်ကြဖလှယ်ကြရာ  စီးပွားရေး အမြတ်ထုတ်ကြ တဲ့  လုပ်ငန်းတစ်ခုအဖြစ်  အများပြည်သူက မြင်လာကြရာမှ  အမေရိကမှာ ၁၉၄ဝ ပြည့်နှစ် နှစ်လယ်လောက်မှစ၍ တဖြည်းဖြည်း  မှေးမှိန်ပျောက်ကွယ်လုနီးပါး   ဖြစ်ခဲ့ ဖူးပါတယ်။ အာရှမှာတော့ ခင်မင်ရင်းနှီးတဲ့ မိတ်ဆွေများအကြား လက်ဆောင်များ  ဖလှယ်ကြခြင်းဖြင့် အခမ်းအနားလေးတွေကျင်းပတဲ့  နှစ်တစ်နှစ်ရဲ့ ရက်တစ်ရက် ရက်ကိုFriendship day   အဖြစ် သတ်မှတ်ခဲ့ကြတဲ့ရာဇဝင်လည်း ရှိခဲ့ပါတယ်။
တည်ငြိမ်အေးချမ်းရေးပြယုဂ်
ကမ္ဘာကြီးအနေနဲ့    မိတ်ဆွေမရှိရင်   ငြီးငွေ့စရာကောင်းတဲ့   ကမ္ဘာကြီးမဖြစ်စေဖို့    ကမ္ဘာ့မိတ်ဆွေများကောင်းကျိုးပြု အပြည်ပြည်ဆိုင်ရာ အဖွဲ့အစည်းတစ်ခုက ၁၉၅၈  ခုနှစ်ကစပြီး နှစ်စဉ်  ဇူလိုင်လ ၃ဝ ရက်နေ့တိုင်းကို က္ဘာ့မိတ်ဆွေများနေ့ အဖြစ် သတ်မှတ်ပြီး  အဆိုပြုတင်ပြရာမှ ၂ဝ၁၁ ခုနှစ်  ဇူလိုင်လ ၃ဝရက်နေ့မှာတော့  ကုလ သမဂ္ဂအထွေထွေညီလာခံကနေ အပြည်ပြည်ဆိုင်ရာ မိတ်ဆွေများနေ့ကို    ငြိမ်း ချမ်းရေးကို မြတ်နိုးတန်ဖိုးထားမှု ပြယုဂ်တစ်ရပ်အနေနဲ့  သတ်မှတ်ခဲ့တာလည်း  ဖြစ်ပါတယ်။
ယနေ့ခေတ်မှာတော့ Online  Social  Media  များတွင်  လည်းကောင်း၊  လူမှုအဖွဲ့အစည်းအတွင်း လှုပ်ရှားမှုများစွာဖြင့် လည်းကောင်း၊     အသွင်မတူကွဲပြား ခြားနားတဲ့    နောက်ခံ အမျိုးမျိုးရှိကြတာကို  လုံးဝလျစ်လျူရှုပြီး  မိတ်ဆွေများနေ့ကို အမှတ်တရကျင်းပနေကြတာကိုလည်း တွေ့မြင်နေရပါတယ်။ နိုင်ငံတစ်နိုင်ငံနဲ့ တစ်နိုင်ငံ၊   လူမျိုးတစ်မျိုးနဲ့တစ်မျိုးအကြား၊   အဖွဲ့အစည်းတစ်ခုနှင့်တစ်ခုအကြား   ငြိမ်းချမ်းရေးကြိုးပမ်းအားထုတ်မှုတွေနဲ့     ငြိမ်းချမ်းရေးပေါင်းကူးတံတားတွေ  တည်ဆောက်နိုင်ကြဖို့ကိုလည်း ရည်ရွယ်ကျင်းပကြတာလည်းဖြစ်ပါတယ်။
ကမ္ဘာ့ကုလသမဂ္ဂအနေနဲ့က  တရားမျှတမှုတွေကင်းမဲ့နေတဲ့၊  စစ်မက်တွေထူ ပြောနေတဲ့၊ ဆင်းရဲမှုတွေပြည့်လျှံနေတဲ့ ဒီကမ္ဘာကြီးက  လူသားအားလုံး၊ နိုင်ငံ အားလုံးကို  မိတ်ဆွေများအဖြစ်  ခင်ခင်မင်မင်ရင်းရင်းနှီးနှီး  ချစ်ခင်မြတ်နိုးမှုတွေ မပျက်ကြရလေအောင်  နိုးနိုးကြားကြား စိတ်ဝင်တစားနဲ့ သတိချပ် စေချင်တဲ့ သဘောပါ။   မိတ်ဆွေဖြစ်မှုကတစ်ဆင့်  တစ်ဦးနဲ့တစ်ဦး ခင်မင်ရင်းနှီးလာပြီး  ရဲဘော်ရဲဘက်စိတ်နဲ့   ခိုင်မာတဲ့  ယုံကြည်မှုကြိုးစတွေနဲ့     ရစ်ပတ်နှောင်ဖွဲ့ပြီး     ဖွံ့ဖြိုးမှုကို   ရယူတည်ဆောက်စေလိုတာပါ။ ကုလသမဂ္ဂရဲ့    ခိုင်မာသောယုံကြည် မှုတည်ဆောက်ခြင်းကနေ ယနေ့ ကမ္ဘာမှာအရေးတကြီး လိုအပ်နေတဲ့ ရေရှည် တည်တံ့ခိုင်မြဲတဲ့ တည်ငြိမ်အေးချမ်းမှု အရွေ့တစ်ခုကို မဖြစ်မနေကြိုးပမ်းရွေ့လျား ကြဖို့ ကမ္ဘာ့မိတ်ဆွေများနေ့ကနေတစ်ဆင့် မီးမောင်းထိုးပြလျက်ရှိပါတယ်။
မြန်မာ Friendship
မြန်မာနိုင်ငံတွင်လည်း ပြည်နယ်တိုင်းမြို့ရွာတွေမှာ My Friend Campaign  မိတ်ဆက်ပွဲတွေ၊ လူငယ်အချင်းချင်း တွေ့ဆုံပွဲတွေ၊ ရဟန်းသံဃာတွေကို ဆွမ်း ကျွေးလှူဒါန်း ကုသိုလ်ပြုပြီး လုပ်ဆောင်တဲ့အစဉ်အလာတွေလည်းရှိခဲ့ပါတယ်။ ဒါနသီလဘာဝနာအားထုတ်ကျင့်ကြံဖို့    နှိုးဆော်တာတွေလည်းရှိခဲ့ပါတယ်။ အထိမ်းအမှတ် ကျပန်းစကားပြောပြိုင်ပွဲကျင်းပပြီး လူငယ်တွေ ဝင်ရောက် ယှဉ်ပြိုင် ခဲ့ကြကာ ဆုတွေပေးကြပါတယ်။ အပြန်အလှန်ဆုတောင်းမေတ္တာပို့သကြပါတယ်။ Online  ကနေ မိတ်ဆွေတွေအချင်းချင်း အပြန်အလှန်ငယ်ဘဝပုံရိပ်တွေမျှဝေ ကြပါတယ်။
ဦးတည်ချက်တူပေမယ့် ကျင်းပရက်တွေမတူညီကြ
ကုလသမဂ္ဂက မတူကွဲပြားခြားနားသော အုပ်စုများအကြား၊ နိုင်ငံများအကြား၊  လူမျိုးဘာသာများအကြား ငြိမ်းချမ်းရေးကို  အားပေးမြှင့်တင်ရန်  ရည်ရွယ်ပြီး နှစ်စဉ် ဇူလိုင်လ ၃ဝ ရက်နေ့မှာ ကမ္ဘာ့နိုင်ငံတိုင်းတွင် အစိုးရများ၊ အဖွဲ့အစည်းများ၊ အစုအဖွဲ့များအလိုက် လှုပ်ရှားမှုများ၊ အထိမ်းအမှတ်ပွဲများ ကျင်းပရန် တိုက် တွန်းနှိုးဆော်ထားပါတယ်။  ဒီလှုပ်ရှားမှုတွေသည်  စည်းလုံးညီညွတ်မှု၊ အပြန် အလှန်နားလည်မှုနှင့် ပြန်လည်သင့်မြတ်ရေးတို့ကိုလည်း ဦးတည်စေလိုတာ ဖြစ်ပါ တယ်။ ကမ္ဘာ့မိတ်ဆွေများနေ့ဟာUNရဲ့ ဦးတည်ချက်ကို လိုက်နာစောင့်ထိန်း ကြတဲ့နေ့တစ်နေ့ဖြစ်သလို အများပြည်သူရုံးပိတ်ရက်အဖြစ်တော့ သတ်မှတ်မထား ပါဘူး။ ဒါပေမဲ့ တချို့နိုင်ငံတွေမှာ ကျင်းပတဲ့ပိတ်ရက်တွေ မတူညီကြတာလည်း တွေ့ရပါတယ်။ အမေရိကန်နဲ့ အိန္ဒိယအပါအဝင် နိုင်ငံအတော်များများမှာ နှစ်စဉ် သြဂုတ်လရဲ့ပထမဆုံး တနင်္ဂနွေနေ့ကို မိတ်ဆွေများနေ့အဖြစ် ကျင်းပပြီး လက် ဆောင်ကတ်တွေ ပန်းတွေလဲလှယ်တာ၊ ပျော်ရွှင်ဖွယ်ရာအခမ်းအနားတွေ ကျင်းပ ကြတာလည်း လေ့လာမိပါတယ်။ အချို့နိုင်ငံ၊ အချို့ အဖွဲ့အစည်းတွေမှာတော့ မိမိတို့ နိုင်ငံ အဖွဲ့အစည်းရဲ့ ဓလေ့ထုံးတမ်းအစဉ်အလာအရ က္ဘာ့ မိတ်ဆွေများလကို ဖေဖော်ဝါရီလို့ သတ်မှတ်ခြင်း၊ မေလတတိယပတ်ကို မိတ်ဆွေသစ် မိတ်ဆွေ ဟောင်းများအပတ်စဉ်အဖြစ် သတ်မှတ်ခြင်း၊ အမျိုးသမီးများ၏ မိတ်ဆွေများ နေ့တစ်နေ့ အဖြစ်လည်း နှစ်စဉ်သြဂုတ်လ တတိယတနင်္ဂနွေနေ့ကို သတ်မှတ်ပြီး မိတ်ဆွေများကို   အထူးဂရုပြု   အလေးအနက်ထား   ကျင်းပကြတာလည်း   ရှိပါ တယ်။
မတူကွဲပြားမှုကို အလေးအမြတ်ပြုတဲ့ ဒီက္ဘာ့မိတ်ဆွေများနေ့ဟာ အပြန်အလှန် နားလည် ယုံကြည်မှုကို တည်ဆောက်ရာမှာ လူငယ်တွေရဲ့အရေးပါမှုကို အသိ အမှတ်ပြုပြီး နောင်အနာဂတ်ကို ခေါင်းဆောင်မယ့် ကမ္ဘာ့ခေါင်းဆောင်တွေ အဖြစ် လည်း အသိအမှတ်ပြုထားတာဖြစ်ပါတယ်။
မိတ်ဆွေတု၊ မိတ်ဆွေယောင်ဆိုတာ
ကမ္ဘာပေါ်မှာ ကြောက်စရာအကောင်းဆုံးဟာ မိတ်ဆွေတု၊ မိတ်ဆွေယောင်များ သာဖြစ်ပါတယ်။ ကိုယ်ဒုက္ခရောက်နေစဉ် ဖယ်ခွာရှောင်ပြေးသူဟာ မိတ်ဆွေတုပါ၊ အားကိုးအားထားရာ မဖြစ်ဘဲ နောက်ကျော ဓားနဲ့ထိုးသူဟာ မိတ်ဆွေယောင်ပါ။ နိုင်ငံတစ်နိုင်ငံအနေနဲ့ ကြည့်မယ်ဆိုလျှင်လည်း နိုင်ငံတွင်းမှီတင်းနေထိုင်ကြတဲ့ တစ်စုတစ်ဖွဲ့ဟာ အခက်အခဲအကျပ်အတည်းများစွာနဲ့ ဒုက္ခရောက်နေပြီဆိုလျှင် ကျန်အဖွဲ့အားလုံးနှင့်လည်း သက်ဆိုင်ပတ်သက်နေတာမို့  တစ်ဖွဲ့ပျက်စီးလျှင် ကျန် အဖွဲ့တွေလည်း ပျက်သုဉ်းနိုင်တာမို့ အားလုံးက ပြစ်တင်ရှုတ်ချခြင်းထက် အားပေး ကူညီဖေးမတဲ့ စိတ်ထားနဲ့ သစ္စာရှိရှိ ဝိုင်းဝန်းကူညီဆောင်ရွက်ပေးခြင်းဟာ မိတ်ဆွေ ကောင်း ပီသခြင်းပါပဲ။ အထူးသဖြင့် သဘောထား ရပ်တည်ချက်တွေ၊ နောက်ခံ အကြောင်းတရားအမျိုးမျိုးနဲ့ အမြင်မတူမှုတွေရှိနေတဲ့နိုင်ငံတွေ၊ အဖွဲ့အစည်း တွေမှာ ဆိုလျှင် ခက်ခက်ခဲခဲနှင့် တည်ဆောက်ထားရတဲ့ ပြန်လည်သင့်မြတ်ပြီး မိတ် ဆွေတွေဖြစ်နေကြပြီးမှ နားလည်မှုလွဲတာရယ်၊ သံသယစိတ် ဝင်တာရယ် အဲဒီ နှစ်ခုဝင်လာပြီဆိုရင် ရင်းနှီးမှုရပြီးသား မိတ်ဆွေတွေအဖြစ်ကနေ ရန်သူတောင် ပြန်ဖြစ်သွားတတ်ကြပါတယ်။  ဒါကြောင့် နားလည်မှုပေးဖို့နဲ့ သံသယစိတ်မထား ကြဖို့ဆိုတာ မိတ်ဆွေစစ်၊ မိတ်ဆွေကောင်း ရရှိခြင်းရဲ့ အရေးပါတဲ့အချက်တွေ ဆိုတာ ထင်ရှားပါတယ်။
ဒီနေ့ဒီအချိန်မှာ လူ့အသိုင်းအဝိုင်းတစ်ခုမှာပဲဖြစ်ဖြစ်၊ က္ဘာပေါ်မှာပဲဖြစ်ဖြစ် မိတ်ဆွေစစ်၊ မိတ်ဆွေကောင်း၊ မိတ်ဆွေမှန်ဆိုတာ တကယ့်ရှားပါးပစ္စည်းဖြစ်သွား ပါပြီ။ မွေးသည်မှ သေသည်အထိ ချမ်းသာမှုနောက်လိုက်၊ လိုချင်တပ်မက်မှုတွေနဲ့ ကိုယ်ကျိုးစီးပွားအလေးထားမှုတွေနဲ့ အထီးကျန်ဆန်ပြီး မိတ်ဆွေမှန်တွေရှားပါး လာကာ လူတစ်ဦးချင်းစီမှာကော၊ က္ဘာပေါ်မှာပါ တွေ့မြင်လာနေရပါပြီ။ မိတ်ဆွေ အစစ်အမှန်ရှားပါးလာပေမယ့် ကိုယ့်အပေါ် ခုတုံးလုပ် ကောက်ကျစ် ဖြတ်ခုတ်မယ့် မိတ်ဆွေယောင်တွေတော့ ပိုများလာသလို ခံစားမိကြမှာပါ။
မိတ်ဆွေဖွဲ့ကြပါ
မိတ်ဆွေများနေ့မှာ မိတ်ဆွေဖွဲ့ခြင်းဖြင့် အပြန်အလှန် နှုတ်ဆက်စေချင်ပါတယ်။ လိပ်စာကတ် ကလေးတွေ အပြန်အလှန်ပေးခြင်းဖြင့် တစ်ယောက်အကြောင်း တစ် ယောက် သတင်းစကားပါးနိုင်ကြပါတယ်။  လိပ်စာကတ်ပေးခြင်းဟာ စီးပွားရေး နှင့်လူမှုရေးကျင့်ဝတ်စံနှုန်းတစ်ခုလည်းဖြစ်ပါတယ်။ ပတ်ဝန်းကျင်နဲ့ကင်းကွာလို့ မရနိုင်တဲ့လောကအသိုင်းအဝိုင်းမှာ ကိုယ့်လိုအင်ဆန္ဒပြည့်ဝဖို့အတွက်တော့ အများ နဲ့ ပေါင်းသင်းဆက်ဆံနေရမှာပဲဖြစ်ပါတယ်။ ဒီလိုပဲ အဖွဲ့အစည်းတစ်ခု၊ ဒေသတစ်ခု၊ လူမျိုးတစ်ခုဟာလည်း လုံခြုံမှု၊ စိတ်အေးချမ်းသာ ပျော်ရွှင်ရဖို့ ဖွံ့ဖြိုးတိုးတက်လိုမှု၊ တည်ငြိမ်အေးချမ်းလိုမှုအတွက် အခြားသောသူတွေ၊ အဖွဲ့တွေနဲ့ ဘယ်လောက် ပဲနားလည်မှုတွေ၊ ယုံကြည်မှုတွေ ဝေးကွားနေပါစေ အဆင်ပြေပြေ ဆက်ဆံပြော ဆိုနိုင်ဖို့အတွက် စာနာကိုယ်ချင်းစာစိတ်အပြည့်နဲ့ အတ္တကို ရှေ့တန်းမတင်ဘဲ မိတ် ဆွေဖွဲ့တတ်ကြဖို့ လိုအပ်ပါတယ်။
အမုန်းစိတ်များချုပ်ငြိမ်းစေချင်
မိတ်ဆွေများနေ့ကို အမှတ်တရ အမှီပြုလျက် လူအချင်းချင်းအကြား အမုန်းစိတ် တွေကို လျှော့ချဖယ်ရှားဖို့ ကိုယ်ကအစပြုပြီး ဖော်ရွေပြုံးရွှင်တတ်သူ၊ ကူညီဖေး မတတ်သူ၊ ကိုယ်ချင်းစာနာတတ်သူ၊ ပေးကမ်းရက်ရောသူ၊ အလိုက်သိ အလျှော့ ပေးတတ်သူ၊ ဘာသာတရားကိုင်းရှိုင်းပြီး ရိုသေလေးစား တတ်သူ၊ နူးညံ့သိမ်မွေ့ပြီး စိတ်ထားမြင့်မြတ် သဘောထားကြီးသူ၊ မေတ္တာတရား ကြီးမားပြီး မျှဝေခံစား တတ်သူဖြစ်အောင် ကြိုးစားအားထုတ်ကြရအောင်ပါ။ ဒီလိုစိတ်ထားကောင်းလေး တွေနဲ့ ရန်လိုနိုင်ထက်စီးနင်း အနိုင်ကျင့်မှုတွေကို မြန်မာ့လူ့ ဘောင်က ဖယ်ရှားကြရ အောင်ပါ။ အငြိုးထားအာဃာတ တရားတွေကို ချုပ်ငြိမ်းအောင်ဆောင်ရွက်ကြရအောင်ပါ။ ယဉ်ကျေးသော၊ အတ္တ မများသော၊ အလျှော့အတင်းလုပ်တတ်သော၊ သည်းခံနိုင်စွမ်းများသော အနာဂတ်မျိုးဆက်သစ်များကို မွေးမြူလေ့ကျင့်ပေးကြ ရအောင်ပါ။ တစ်ဦးမေတ္တာတစ်ဦး ရိုးသားစွာဖြန့်ဝေခြင်းဖြင့် အမုန်းတရားတွေကို ဖယ်ရှားနိုင်ပါစေ။
မိမိစိတ်ထားနဲ့တန်တဲ့လက်ဆောင်
စစ်မှန်တဲ့မိတ်ဆွေကောင်းတစ်ယောက်ကို ပိုင်ဆိုင်ချင်တယ်ဆိုရင်တော့ ကိုယ့်ရဲ့ အတ္တကို ရှေ့တန်းမတင်ပါနှင့်၊ ဒေါသအစား မေတ္တာသာပေးပါ။ မိမိက စိတ်ထား ပြည့်ဝမှုကို ပြသပေးပါ။ စိတ်ကောင်းထားမှသာ စိတ်ထားလည်းကောင်းမှာပါ။ တကယ့်ကိုယ့်အတွင်းစိတ်ထဲက ဖြစ်ပေါ်လာတဲ့ရိုးသားယဉ်ကျေးတဲ့ စိတ်ထား ကောင်းရှိမှလည်း  စိတ်ကောင်းရှိတဲ့မိတ်ဆွေတွေနဲ့  တွေ့နိုင်မှာပါ။  ကိုယ်အမူအရာ ယဉ်ကျေးမှုထက်နူးညံ့သိမ်မွေ့တဲ့စိတ်နှလုံးသားခံစားမှုကို ပြသင့်ပါတယ်။ အကျိုး စီးပွားချင်းမတူရင် ရန်သူမည်တတ်တာမို့ သူ့အကျိုး ကိုယ့်အကျိုး အပြန်အလှန် လေးစားမှုပြပြီး အကျိုးစီးပွားချင်း နီးစပ်အောင် ညှိနှိုင်းပြုပြင်လျှက် မိတ်ဆွေ ဖြစ်အောင် တည်ဆောက်သင့်ပါတယ်။ သူ့အကျိုးစီးပွား ဆုတ်ယုတ်ပျက်စီးမှာကို မလိုလားတဲ့ ကျေးဇူးပြုတတ်တဲ့ ကောင်းမွန်တဲ့စိတ်နှလုံးကောင်းမျိုး မွေးစေချင် ပါတယ်။ ကိုယ်တစ်ယောက်တည်းနဲ့ ကိုယ်လို ချင်တာ၊ ကိုယ်လုပ်ချင်တာလုပ်ယူလို့ ခက်ခဲတတ်တဲ့အတွက် တစ်ယောက်တည်းခွဲထွက်လို့မရတဲ့ လူ့ဘောင်အဖွဲ့အစည်း မှာ လူတွေအားလုံးကို ကိုယ့်ဘဝရဲ့ ခရီးဖော်တွေအဖြစ် သတ်မှတ်ပြီး လူတိုင်းကို မထီမဲ့မြင်မပြုဘဲ လေးလေးစားစား ဆက်ဆံစေချင်ပါတယ်။ အမုန်းတရားမဖွဲ့ဘဲ အပြုံးနဲ့တွေ့ဆုံပြီး မိတ်ဆွေကောင်းဆိုတဲ့ စိတ်နှလုံးကို မွေးမြူကြရပါမယ်။
တကယ်တော့မိတ်ဆွေများနေ့ဆိုတာ နေ့တိုင်းသတ်မှတ်ထားရမယ့် အခြေ အနေပါ။ ထိုသို့ဆိုလျှင် ဒီနေ့ဒီချိန် ဒီအခါသမယမှာ မိမိရဲ့မိတ်ဆွေ အနည်းအကျဉ်း လေးနဲ့ မိမိအခန်းကျဉ်းလေးထဲမှာပဲဖြစ်ဖြစ်၊ ကိုယ့်ရပ်ရွာ ကိုယ့်ဒေသ ကိုယ့်အဖွဲ့လေး မှာပဲဖြစ်ဖြစ်၊ နောက်ဆုံး ဘားဆိုင်မှာပဲ ဖြစ်ဖြစ် မိတ်ဆွေများနေ့ကို ဂုဏ်ပြုကျင်းပပြီး ပျော်စရာကောင်းတဲ့ဘဝကို တည်ဆောက်ကြပါ။ အချင်းချင်းယုံကြည်ရတဲ့သူငယ် ချင်းမျိုး၊ အချင်းချင်း မှီခိုအားထားရတဲ့ သူငယ်ချင်းမျိုးနဲ့ ခင်မင်ခွင့် တွေ့ကြုံခွင့် ရနိုင်ကြပါစေ။ အခြားသူတွေအတွက် စစ်မှန်သော မိတ်ဆွေကောင်း ဖြစ်နိုင်ကြ ပါစေ။ မိတ်မပျက်ယုံကြည်မှုတည်ဆောက်လျက် တည်ငြိမ်အေးချမ်းသာယာ ရေးအတွက် ခရီးဆက် ကြပါစို့ဟု နှိုးဆော်တိုက်တွန်းလျက်။        ။

ဒေါက်တာ-မြတ်မိုး