ဖျာပုံ ဧပြီ ၁၈
ဧရာဝတီတိုင်းဒေသကြီး၊ ဖျာပုံခရိုင်၊ ဖျာပုံမြို့နယ် ၊ချောင်းတွင်းကျေးရွာအုပ်စု၊ ရွာမ(၁)နယ်မြေတွင် ဧပြီလ (၁၇)ရက် မွန်လွဲ ၃ နာရီခွဲ အချိန်ခန့်က ဖားမြုပ်အကိုက်ခံရ၍ အမျိုးသမီးတစ်ဦးသေဆုံးသွားရသည့် ဖြစ်စဉ်ဖြစ်ပွားခဲ့ကြောင်း သတင်းရရှိသည်။
ဖြစ်စဉ်မှာမစုစုဝင်းသည် " သူ့ထမီအောက်မှာ အကောင်တစ်ကောင်ရှိတယ်လို့ ပြောလို့ ကျွန်တော်က သူ့ထမီကိုလှန်ကြည့်လိုက်တော့ ဖားတစ်ကောင်ထွက်လာတယ်။ ခဏနေတော့ တင်ပါးမှာ စပ်ဖျင်းစပ်ဖျင်း ဖြစ်လာတယ်ပြောလို့ ကြည့်လိုက်တော့ သွေးတွေစို့နေပြီး ဖုလုံးနှစ်လုံးထွက်လာသလို အောင့်တယ်အောင့်တယ် ပြောလို့ ညနေ (၄)နာရီမှာ ဖျာပုံပြည်သူ့ဆေးရုံကြီးသို့ ဆေးကုသမှုခံယူဖို့ တင်လိုက်တယ်၊။ ဆေးရုံမှာလည်း မြွေဆိပ်ဖြေဆေးသာရှိပြီး ဖားဆိပ်ဖြေဆေးမရှိသေးဘူး
လို့ ဆရာမတွေ ပြောပြချက်အရ သိရပါတယ် '' ဟု ကွယ်လွန်သူအမျိုးသမီး၏ ခင်ပွန်းဖြစ်သူ ဦးဖြိုးသူရက ပြောသည်။
အဘအမည်ဦးသိန်းဝင်းအသက်(၅၄)၏သမီးမစုစုဝင်း အသက် (၂၆)နှစ်သည် ဧပြီလ (၁၇)ရက်တွင် နေအိမ်၌ ခင်ပွန်းနှင့် အတူရှိနေစဉ် ဖားပြုပ်မှ ထမီထဲဝင်ပြီး တင်ပါးကို အကိုက်ခံရ၍ ဖျာပုံဆေးရုံကြီးသိုတက်ရောက် ဆေးကုသမှုခံယူရာမှ ဧပြီလ ၁၇ ရက်နေ့ ည (၇)နာရီအချိန်ခန့်တွင် ဖားအဆိပ်တက်၍ သေဆုံးသွားခဲ့ရခြင်းဖြစ်ကြောင်း သိရသည်။
ဖားပြုပ်ကိုက်ခံခဲ့ရ၍ မသေဆုံးမှီတွင် ရင်ပူခြင်း၊ အော့အန်ခြင်း၊ ခေါင်းမူး၊ မျက်စိပြာ၊ နာခေါင်းအဝမှ အမြှုပ်များထွက်ခြင်းတို့  ရှိခဲ့ကြောင်းလည်း သိရသည်။
အောင်ဝင်းနိုင် (ဖျာပုံ)
ဆက်စပ် ဆောင်းပါး
No comments:
Post a Comment