မြန်မာနိုင်ငံအတွင်းအတွင်းရှိ ပင်လယ်ရေပိုင်နက်တွင်တူးဖော်လျက်ရှိသော ကမ်းလွန်ရေနံနှင့် သဘာဝဓာတ်ငွေ့လုပ်ကွက်များအတွက် လိုအက်သောကုန်ပစ္စည်းများအားထောက်ပံ့ပေးနိုင်သည့် ကုန်ထောက်စခန်းအား ဧရာဝတီတိုင်းဒေသကြီး ငရုတ်ကောင်းမြို့နယ် နံ့သာဖူးကျေးရွာတွင် တည်ဆောက်သွားမည်ဖြစ်ကြောင်း တိုင်းဒေသကြီးအစိုးရအဖွဲ့ရုံးမှ သတင်းရရှိခဲ့သည်။
"ကုန်ထောက်စခန်းဆိုတာက မြန်မာနိုင်ငံပင်လယ်ရေပိုင်နက်အတွင်း တူးဖော်နေတဲ့ကမ်းလွန်ရေနံနဲ့သဘာဝဓာတ်ငွေ့လုပ်ငန်းတွေမှာ အသုံးပြုနေတဲ့စက်ပစ္စည်းတွေ စားသောက်ကုန်ပစ္စည်းတွေကိုထောက်ပံ့တဲ့စခန်းပာ မြန်မာနိုင်ငံမှာတော့အရင်တုန်းက ဒီလိုမျိုးထောက်ပံ့ရေးစခန်းမရှိတော့ ရေနံနဲ့သဘာဝဓာတ်ငွေ့တူးဖော်တဲ့ ကုမ္ပဏီတွေကသူတို့လိုအပ်တဲ့ပစ္စည်းတွေရဖို့ ထိုင်း ၊ စင်္ကာပူနိုင်ငံတို့နဲ့ချိပ်ဆက်ဆောင်ရွက်ပါတယ် ဒီစခန်းပြီးသွားရင်တော့ မြန်မာနိုင်ငံနဲ့ပဲချိပ်ဆက်ဆောင်ရွက်မှာဖြစ်တဲ့အတွက် နိုင်ငံအတွက်များစွားအကျိုးရှိမှာပါ"လမ်းပန်းဝန်ကြီးဦးဝင်းဌေးကပြောသည်။
ကမ်းလွန်ကုန်ထောက်ပံ့ရေးစခန်း A.6 (Offshore Suppy Base) အား MPRL. E&P ကုမ္ပဏီ မှ US ဒေါ်လာ ၃၀ ဘီလီယံအကုန်အကျခံကာ ငရုတ်ကောင်းမြို့နယ် နံ့သာဖူးကျေးရွာတွင် စတင်တည်ဆောက်မည်ဖြစ်ကြောင်း ၄င်းကဆက်ပြောသည်။
ငရုတ်ကောင်းအမ်းခြေသည် ရေနက်ခြင်း ၊ သဘာဝလှိုင်းဒဏ်လေဒဏ်များကို ကာကွယ်နိုင်စွမ်းရှိခြင်း ၊ ရင်းနှီးမြုပ်နှံမှုစာရိတ်နည်းပါးခြင်းနှင့် လုပ်ကွက်များကိုအချိန်တိုအတွင်းထောက်ပံ့ပေးနိုင်ခြင်း စသည့်အချက်အလက်များနှင့်ကိုက်ညီမှုရှိသည့်အတွက် ကမ်းခြေကုန်ထောက်စခန်းတည်ဆောက်ရန်ရွေးချယ်ခဲ့ခြင်းဖြစ်ကြောင်း MPRL. E&P ကုမ္ပဏီ၏ တာဝန်ရှိသူကပြောသည်။
အထက်ပါကမ်းခြေထောက်ပံ့ရေးစခန်း တည်ဆောက်ရန်မြေနေရာရွေးချယ်တိုင်းတာမှုများကို မြန်မာနိုင်ငံအတွင်းထားဝယ် ၊ မော်လမြိုင် ၊ သီလဝါ (သာကေတ) ၊ ငရုတ်ကောင်း နှင့် ကျောက်ဖြူ မြို့နယ်များတွင် လည်းအကောင်ထည်ဖော်နေသည်။
ထက်ဝဠာမင်း
No comments:
Post a Comment