ရခိုင်ရိုးရာ မင်္ဂလာဆောင်ပွဲဓလေ့ - ဆောင်းပါး

ရခိုင်တိုင်းရင်းသားလူမျိုးများသည် ရိုးရာ ဓလေ့ထုံးတမ်းစဉ်လာများကို ထိန်းသိမ်း စောင့်ရှောက်လေ့ရှိကြရာ ရခိုင်ရိုးရာ မင်္ဂလာဆောင်အခမ်းအနားကိုလည်း ယနေ့ အချိန်ထိ ထိန်းသိမ်းကျင့်သုံးလျက်ရှိကြပေ သည်။ သမက်က ယောက္ခမအိမ်သို့ လိုက်ပါ နေထိုင်သောကြောင့် ရခိုင်ရိုးရာမင်္ဂလာဆောင် အပြီးတွင် ရခိုင်တို့က ''သမက်တက်ပွဲ''ဟု ခေါ်ကြသည်။

မင်္ဂလာဆောင်ကျင်းပရန် သတို့သား၊ သတို့သမီး ရွေးချယ်ခြင်း၊ အချိန်ကာလ ရွေးချယ်သတ်မှတ်ခြင်းတို့ကိုလည်း အစဉ်အလာ အတိုင်း ပြုလုပ်ကြပေသည်။ ရခိုင်လူပျို၊ အပျို တို့ အရွယ်ရောက်လျှင် အိမ်ထောင်ဖက်ကို အများအားဖြင့် မိဘတို့က ရွေးချယ်ပေးလေ့ ရှိသည်။ သားရှင်မိဘများက ချွေးမလောင်း ရွေးချယ်ပြီး သမီးရှင်မိဘများနှင့် ဆွေးနွေး ကာ စေ့စပ်ကြောင်းလမ်းကြသည်။ စေ့စပ် ကြောင်းလမ်းရာတွင် အသွင်းဖိုးကို ညှိနှိုင်းပြီး ရွှေ၊ ငွေ၊ လယ်ယာ စသည်တို့ကို သားရှင် မိဘများက ပေးရသည်။ စေ့စပ်ကြောင်းလမ်း ပွဲကို သမီးရှင် မိဘများအိမ်၌ ကျင်းပပြီး ယောက်ျားလေးဘက်မှ ခေါ်ထားသော ဗေဒင် ဆရာ နှစ်ဦးတို့က ဇာတာချင်းယှဉ်၍ နေ့သင့် နံသင့်ပါက ယောက်ျားလေးဘက်မှ အသွင်းဖိုး ပေးကာ စေ့စပ်ကြောင်းလမ်းကြသည်။

မင်္ဂလာမဆောင်မီ တစ်ရက်အလိုတွင် လက်ဖက်ထုပ်၊ ကွမ်းယာများနှင့် မင်္ဂလာ ဆောင် ဖိတ်ကြားကြသည်။ ထိုနေ့တွင်ပင် ငယ်လင်ငယ်မယား အညွန့်ရှိသော အမျိုး သမီးတစ်ဦးက သတို့သားအိမ်မှဆန်ကို သတို့ သမီးအိမ်သို့ ပို့ပေးရသည်။ ဆန်မှာလည်း နို့ဆီဘူး နှစ်ဘူး၊ လေးဘူး စသည်ဖြင့် စုံဂဏန်း ဖြစ်ရသည်။ မင်္ဂလာဆောင်မည့် နံနက်အရုဏ် တက်အချိန် သတို့သမီးအိမ်၌ပင် မင်္ဂလာ မြှောက်သည်ဆိုရာ၌ ဘုန်းကြီးဆွမ်းကပ်ပြီး မင်္ဂလာတရားနာခြင်း၊ ဘိုးဘွား၊ လူကြီးမိဘ များအား ကန်တော့ခြင်း၊ မင်္ဂလာအခမ်းအနား ကျွမ်းကျင်သူက နံ့သာရည်ဖြင့် သတို့သားက သတို့သမီးအား ပက်ဖျန်းခြင်းပင်ဖြစ်သည်။

သတို့သမီး၏အိမ်တွင် မင်္ဂလာလက်ဆုံ ထမင်းပွဲအတွက် အညွန့်ရှိသူ အမျိုးသမီးက သတို့သားအိမ်က လာပို့သောဆန်နှင့် သတို့ သမီးအိမ်မှ ဆန်များကိုရော၍ ချက်ရသည်။ ထိုထမင်းနှင့် ကောက်ညှင်းထမင်းကိုရော၍ မင်္ဂလာထမင်းပြင်ရသည်။ ကောက်ညှင်း ကဲ့သို့ မကွဲမကွာစေးကပ်၍ တစ်သက်လုံး မခွဲမခွာပေါင်းသင်းနိုင်စေရန် ရည်ရွယ်ခြင်း ဖြစ်သည်။ မင်္ဂလာလက်ဆုံ ထမင်းပွဲတွင် ငကံသား(အကြေးရှိသောငါး)ကို ကံကောင်း စေရန် ရည်ရွယ်၍လည်းကောင်း၊ ကြက်သား၊ ဘဲဥ၊ ပုစွန်၊ မျောက်ဥ၊ ရွှေဖရုံသီးဟင်းတို့ကို ချမ်းသာကြွယ်ဝစေရန်၊ သားသမီးရတနာ ထွန်းကားစေရန် ရည်ရွယ်၍လည်းကောင်း ထည့်သွင်းရသည်။ ကြက်တွင် အူစုံ၊ အသည်း စုံ ပါရပေသည်။ ပုစွန်တုပ်တွင် နှုတ်ခမ်းမွေး များပင် မပြတ်စေရ အင်္ဂါစုံရပေသည်။ အကျိုးအပဲ့ အနာအဆာများ မပါရအောင် ဂရုစိုက်၍ ပြင်ဆင်ရသည်။ ငါးတွင်လည်း အကြေးမကွာရ၊ ဆူးတောင်များ မကျိုးစေရ အောင်(အင်္ဂါစုံအောင်) ပြင်ဆင်ရသည်။ မင်္ဂလာပန်းကန်ပေါ်တွင် ကောက်ညှင်းထမင်း၊ ပုစွန်တုပ်အကြီး နှစ်ကောင်၊ ငှက်ပျောသီး နှစ်လုံး၊ ဘဲဥနှစ်လုံး တင်ထားရသည်။ မင်္ဂလာ လင်ပန်းတစ်ချပ်ပေါ်တွင် ပရိတ်ချည်ပတ်ထား သော မြေ (သို့မဟုတ်)ကြေးရေစင်အိုး နှစ်လုံး တွင် သပြေညွန့်ကိုတည်၍ နေ့နံသင့်သော ပန်းညွန့်နှင့် ပေဖူးလွှာခေါ် အခါစာကို ထိုးစိုက်ထားရသည်။ အခါစာဆိုသည်မှာ သတို့သားဘက်မှ ဗေဒင်ဆရာက နေ့နံသင့် တွက်ချက်၍ သတို့သမီးနှင့် မိတ်ဖက်ဖြစ် သော မည်သည့်ပန်းကို ပန်ဆင်ရမည်၊ ရေစင် အိုးတွင် မည်သည့်ပန်းစိုက်ရမည်ဟု ရေးထိုး ထားသော စာပင်ဖြစ်သည်။

လက်ထပ်ပွဲကျင်းပမည့်နေ့လယ်ပိုင်းတွင် သတို့သမီးအိမ်သို့ သတို့သမီး၏အဖော် အပျို များသည် ဝတ်ကောင်းစားလှဝတ်ဆင်၍ လက်ဖွဲ့များ သွားရောက်ပေးလေ့ရှိသည်။ ထိုသို့သွားရောက်၍ လက်ဆောင်များ ပေးကမ်း ခြင်းနှင့် သတို့သမီးအား ၄င်း၏အဖော်အဖြစ် စောင့် ရှောက်ခြင်းကို သမီးစောင့်သည်ဟု ခေါ်ဆို ကြသည်။ သမီးစောင့်ပွဲသည် သတို့သမီး ဘက်မှ ပြုလုပ်ရသော သတို့သမီး၏ ဧည့်ခံပွဲပင် ဖြစ်သည်။ အပျိုများပြန်သွားပြီးနောက် ညနေ ခင်းတွင် မင်္ဂလာပွဲကို ဆက်လက်ကျင်းပသည်။ ဖိတ်ကြားထားသော ဧည့်ပရိသတ်များက မိမိတို့နှင့် ရင်းနှီးသည့်ဘက်သို့ သွားကြသည်။ မင်္ဂလာအချိန် ကျရောက်သောအခါ သတို့သား နှင့် ¤င်း၏ပရိသတ်များက သတို့သမီး၏အိမ်သို့ စီတန်း၍သွားကြသည်။ သမက်ရှင် (သတို့သား)သည် သမီးရှင်(သတို့သမီး)အိမ်သို့ တက်ရသဖြင့် မင်္ဂလာပွဲကို သမက်တက်ပွဲဟု ခေါ်သည်။

သတို့သမီးအိမ်သို့သွားရာတွင် သတို့သား နှင့် ¤င်း၏ပရိသတ်သည် နဂါးခေါင်းလှည့် နှင့် ရင်မဆိုင်ရအောင် ဗေဒင်တွက်ထားသည့် အတိုင်း လှည့်လည်၍ သွားရသည်။ သျှောင် ထမ်းသူ၊ သေတ္တာထမ်းသူ (သတို့သား၏ ဖခင်နှင့် အရပ်လူကြီးများ)၊ ရေစင်အိုးထမ်းသူ၊ အညွန့်အုပ်ကိုင်သူ (သတို့သား မိခင်နှင့် အမျိုး သမီးကြီးများ၊ သတို့သား၏ မိတ်ဆွေများ)က တန်းစီ၍ လိုက်ပါကြသည်။ လူပျိုရံက ဓားကို ထမ်း၍ သတို့သား၏ဘေးမှ လိုက်ပါလာ သည်။ ရခိုင်ရိုးရာစည်တော်သမားများ ကလည်း စည်တော်တီး၍ လိုက်ပါကြသည်။

သတို့သမီးအိမ်သို့ ရောက်သောအခါ သတို့သားသည် ချက်ချင်းအိမ်ပေါ်သို့ တက်ခွင့်မရဘဲ မဏ္ဍပ်တွင်း၌ ရပ်တန့်နေသည်။ ပထမဦးစွာ သတို့သမီးဘက်မှ အညွန့်ရှိသူ အမျိုးသမီးက အိမ်ရှေ့လှေကားရင်းသို့ ဆင်း လာပြီး သတို့သားဘက်မှ ယူဆောင်လာသော အညွန့်အုပ်ကို လှမ်းယူရသည်။ ထိုအညွန့်အုပ် ကို မင်္ဂလာမြှောက်ရန် သတို့သမီးရှေ့ရှိ မင်္ဂလာစားပွဲပေါ်တွင် တင်ထားရသည်။ ထိုစားပွဲပေါ်တွင် မင်္ဂလာထမင်းပန်းကန်နှင့် ရွှေဖရုံသီးဟင်း၊ ငကံသားဟင်း စသည့် ဟင်းခွက် ငါးခွက်တင်သည်။ စပါးစေ့များကြဲ၍ ငွေဒင်္ဂါးနှစ်ပြား တင်ထားသည်။

အညွန့်အုပ်မှာ ငါးအုပ်၊ ကိုးအုပ် စသည် ဖြင့် ဆင်းရဲချမ်းသာအလိုက် ပါရှိတတ်သည်။ အညွန့်အုပ်များ၏ အရေအတွက်မှာ မဂဏန်း သာ ဖြစ်ရသည်။ ပထမအညွန့်အုပ်ထိန်းသူ အမျိုးသမီးက ပဒေးညွန့်နှစ်ညွန့်၊ မျောက်ညွန့် နှစ်ညွန့်၊ စံပယ်ကုံးနှစ်ကုံး၊ ဒေါင့်တလိပ်ပန်း နှစ်ကုံးတို့ကို သတို့သမီးအား ပန်ဆင်ပြီးမှ အခြားပန်းများကို တစ်စုံကျစီ ပန်ဆင်ပေး သည်။ ထိုသို့ မပန်ဆင်မီ သတို့သမီး ဆောင်းထားသော သျှောင်မျက်နှာဖုံးကိုဖွင့်ရန် အတွက် မျက်နှာဖုံးဖွင့်ကြေးပေးရသည်။

သတို့သမီးအား ပန်းဆင်ပြီးနောက် အညွန့်အုပ်ထိန်းသူ အမျိုးသမီးများ စုံညီစွာ ဆင်းလာပြီးမှ သတို့သားသည် မင်္ဂလာဆောင် ရန် အိမ်ပေါ်သို့ တက်ခွင့်ရသည်။ လှေကား ရင်းတွင် သတို့သမီး၏ညီမက သတို့သားခြေ ကို ရေနှင့်လောင်း၍ ခြေဆေးခတောင်းလျှင် ငွေပေးပြီးမှ သတို့သားသည် ကိုယ်ရံတော် နှစ်ဦးနှင့်အတူ သတို့သမီး၏ လက်ယာဘက် တွင် ထိုင်ရသည်။ မင်္ဂလာ လက်ထပ်ထိမ်းမြား ပွဲကို စတင်သောအခါ အညွန့်ရှိသူ အမျိုးသမီး က ချည်ခင်ကိုကိုင်ပြီး သတို့သားနှင့် သတို့ သမီး လက်ကို သုံးပတ်၊ ငါးပတ်၊ ခုနစ်ပတ် စသည်ဖြင့် ပတ်ရသည်။ ရေစင်အိုးနှစ်လုံး၊ သတို့သား၏ အိပ်ရာလိပ်နှင့် သေတ္တာတို့အပြင် မင်္ဂလာထမင်းပွဲကို ချည်ခင်ဖြင့် ရစ်ပတ်သည်။ ထိုသို့ပြုလုပ်သည်ကို မြားသည်ဟုခေါ်သည်။ ထို့နောက် မင်္ဂလာထမင်းကို လက်ဆုံစားကြ ရသည်။

မင်္ဂလာလက်ဆုံစားရာတွင် သတို့သား၏ဖခင်က သတို့သမီးနှင့် မျက်နှာချင်းဆိုင် ထိုင်၍လည်းကောင်း၊ သတို့သမီး၏ ဖခင်က သတို့သားနှင့် မျက်နှာချင်းဆိုင်ထိုင်၍လည်း ကောင်း ထမင်းထုပ်ခံရန် ပဝါဖြူများ ဖြန့်ထား ရသည်။ သတို့သားနှင့် သတို့သမီးတို့သည် မင်္ဂလာထမင်းပွဲတွင်ရှိသော ထမင်းကို တစ်ဆုပ်ချင်းဆုပ်ပြီး ဖခင်များ၏ ပဝါဖြူထဲ သို့ ထည့်ရသည်။ ထမင်းခုနစ်ဆုပ်ထည့်ပြီး လျှင် ဖခင်များက လက်ဖွဲ့ငွေ ပေးကမ်းကြ သည်။ တစ်ဖန် မိခင်များကိုလည်း ထိုနည်း အတူ ထမင်းဆုပ်ခုနစ်ဆုပ် ထည့်ရသည်။ ထို့နောက် သတို့သားနှင့် သတို့သမီး တစ်ဦး နှင့်တစ်ဦး ထမင်းခုနစ်ဆုပ်စီပေး၍ စားသောက် ကာ ရေဖလားတွင် အတူလက်ဆေးကြရ သည်။ ထို့နောက် အညွန့်ရှိပြီး ဂုဏ်သရေရှိ သော ဇနီးမောင်နှံတို့က သတို့သားနှင့် သတို့ သမီးတို့၏ ညာလက်များကိုယူပြီး လက်ထပ် ပေးသည်။ ရေစင်များသွန်းလောင်းပြီး မင်္ဂလာ ရှိသော စကားများ၊ မင်္ဂလာရတုများကို ရွတ်ဆို ၍ ထိမ်းမြားပေးလိုက်သည်။

ထိုသို့ မင်္ဂလာဆောင်ပြီးနောက် ဧည့်သည် များသည် သတို့သားနှင့် သတို့သမီးတို့၏ ရှေ့တွင်ရှိသော ငွေဖလားနှစ်လုံးထဲသို့ လက်ဖွဲ့ များ ထည့်ကြသည်။ လက်ဖွဲ့ကို သတို့သား နှင့် သတို့သမီးက လက်အုပ်ချီ၍ ခံယူရသည်။ လက်ဖွဲ့ပြီးနောက် သတို့သားသည် သတို့သမီး ဆောင်းထားသော သျှောင်ကိုယူ၍ မင်္ဂလာ စားပွဲပေါ်တွင် ချထားရပြီး မိမိ၏သျှောင်ကို သတို့သမီး၏ ခေါင်းပေါ်တွင် ဆောင်းပေးရ သည်။ သျှောင်တင်သျှောင်ချသည့်အခါ သတို့ သမီးက သတို့သားကိုရှိခိုးရပြီး သျှောင်တင် သျှောင်ချခအဖြစ် သတို့သားက ငွေပေးရ သည်။ လက်ဖွဲ့ငွေများကို သတို့သား၊ သတို့ သမီးအား ပေးအပ်သောအခါ သတို့သမီးက ရှိခိုး၍ယူရသည်။

မင်္ဂလာအခမ်းအနား ပြီးသောအခါ သတို့ သားသည် မင်္ဂလာအခမ်းအနားမှ ထွက်ခွာ သွားခွင့်ရရန်အတွက် သတို့သမီးဘက်မှ သတို့သား၏လူပျိုရံများအား ငွေပေးရသည်။ ထို့နောက် သတို့သားသည် မိတ်ဆွေ သူငယ် ချင်းများအား ကျွေးမွေးဧည့်ခံရန် မိမိအိမ်သို့ ပြန်ရသည်။ သို့ရာတွင် အိမ်ပေါ်မတက်ရဘဲ မဏ္ဍပ်ထဲတွင်သာ နေရသည်။ မိဘအိမ်သို့ မဝင်ရဟူသော စည်းကမ်းချက်မှာ မလိုက်နာ လျှင် မဖြစ်သော စည်းကမ်းတစ်ခုဖြစ်သည်။ ဧည့်ခံပွဲပြီး၍ ညပိုင်းတွင် သတို့သားအား မိတ်ဆွေသူငယ်ချင်းများက သတို့သမီးအိမ် သို့ လိုက်ပို့ကြသည်။ သတို့သားမိတ်ဆွေ သူငယ်ချင်းများက သတို့သမီး မိဘများထံ သတို့သားကိုအပ်၍ ပြန်သွားကြသည်။ မင်္ဂလာဆောင်ပြီး သုံးရက်(သို့မဟုတ်) ငါးရက် (သို့မဟုတ်) ခုနစ်ရက်အကြာတွင် အိမ် ပြန်လည်သွားလေ့ရှိပေသည်။ လူကြီးမိဘ၊ ဆွေမျိုးသားချင်းများအား ကန်တော့သည့် နေ့ဟု သတ်မှတ်ကြသည်။

ယခုအခါတွင် ထိုကဲ့သို့ ရိုးရာမင်္ဂလာ အခမ်းအနားများကို ကျင်းပပြုလုပ်မှု နည်းပါး သွားပြီဟု ဆိုနိုင်ပေသည်။ သို့သော်လည်း ရခိုင်လူမျိုးတို့၏ ရိုးရာယဉ်ကျေးမှုအား တိမ်ကောပပျောက်မသွားစေဘဲ နောင်လာ နောက်သားတို့၏ လက်ဆင့်ကမ်းအမွေအနှစ် တစ်ရပ်အဖြစ် အစဉ်အမြဲထိန်းသိမ်းစောင့် ရှောက်နိုင်စိမ့်သောငှာ ဤဆောင်းပါးအား ရေးသားဖော်ပြလိုက်ခြင်း ဖြစ်ပါတော့သည်။

မာန်သစ်ငြိမ်း(ရှေးဟောင်းသုတေသန)ကြေးမှုံ

ကိုးကားချက်

ယဉ်ကျေးမှုအထူးထုတ်မဂ္ဂဇင်း