စစ်ကိုင်းတိုင်းဒေသကြီး မုံရွာမြို့ မြို့တော် ခန်းမရှေ့တွင် ဖေဖော်ဝါရီ ၄ ရက်နေ့နံနက်ပိုင်း က" တရားဥပဒေ စိုးမိုးရေးအတွက် သန်းပေါင်းများစွာသော ဦးနေ၀င်းများ မြန်မာပြည်တွင် ရှိသေးတယ် သိထား" စာတမ်းများရေးထိုးထားသော တီရှပ် အကျီ င်္များ အား လူထုထံ ဖြန့်ဝေခြင်းကို တက်ကြွလှုပ်ရှားသူ များမှ ဆောင်ရွက်ခဲ့ကြောင်း သတင်းရရှိသည်။
၎င်းတီရှပ် အကျီ င်္ များ နောက်ကျောတွင် ပြီးခဲ့သည့် နှစ်က ရန်ကုန် လေဆိပ်၌ တရားလွှတ်တော် ရှေ့နေ ဦးကိုနီအား သေနတ်ဖြင့် ပစ်သတ်ခဲ့သော ကြည်လင်းအား အုတ်နီခဲဖြင့်ပစ်ပေါက် ဖမ်းခဲ့သူ တက္ကဆီ သမား ဦးနေ၀င်းအား ရည်ရွယ်၍ အုတ်နီခဲကျုိးပုံ လိုဂိုကိုလည်းထည့်သွင်းထားသည်။ြ
ဖေဖ်ာဝါရီ ၂ ရက်နေ့က ရန်ကုန် မြို့တွင် သေနတ်သမားဦးကြည်လင်း နှင့်အပေါင်းအပါတို့ကို တရား ရုးံချိန်း ထုတ်စဉ် "မင်းတို့ ထမင်းဝအောင်စားထား" စာတန်းပါ လက်ညှိုးထုိး ဒီဇိုင်း တီရှပ်များကို ဦးကြည်လင်းအား ၀န်းရံသူ လူတစ်စုမှ လာရောက်ဝေငှ ပြီးနောက် မုံရွာမြို့တွင် ယခု ကဲ့သို့ အုတ်နီခဲ ပုံပါ တီရှပ်များဖြင့် တန်ပြန်ကမ်းပိန်း ပေါ်ထွက်လာခြင်းဖြစ်သည်။
ကိုသစ္စာ-မုံရွာ
No comments:
Post a Comment