Latest News

Friday, February 9, 2018

မိုးကုတ်နှစ်(၈ဝဝ)ပြည့်ပွဲတော် တိုင်းရင်းသားရိုးရာအကရှစ်ဖွဲ့ ပါဝင်ဖျော်ဖြေမည်

မိုးကုတ်နှစ်(၈ဝဝ)ပြည့်ပွဲတော် တိုင်းရင်းသားရိုးရာအကရှစ်ဖွဲ့  ပါဝင်ဖျော်ဖြေမည်

မိုးကုတ် ဖေဖော်ဝါရီ ၉

မိုးကုတ်မြို့မှုံကွင်း၌ မတ် ၂၉ ရက်မှ ၃၁ ရက်နေ့အထိပထမဆုံးအကြိမ်ကျင်းပမည့် မိုးကုတ်နှစ် (၈ဝဝ) ပြည့်ပွဲတော်တွင် တိုင်းရင်းသားရိုးရာအက ရှစ်ဖွဲ့ခန့် ပါဝင်ဖျော်ဖြေသွားမည်ဖြစ်ကြောင်း အဆိုပါပွဲတော်ဖြစ်မြောက်ရေးကော်မတီ ပြန်ကြားရေးမှူး ဦးမင်းသူရထံမှသိရ သည်။

''ကျွန်တော်တို့က အခုကျင်းပမယ့်နှစ် (၈ဝဝ) ပြည့် ပွဲတော်
အတွက် တိုင်းရင်းသားရိုးရာအက ရှစ်ဖွဲ့လျာထားပါ တယ်။ နောက်ထပ်အငြိမ့်အဖွဲ့လည်း ပါဝင်ဖျော်ဖြေဦး မှာပါ။ ဖျော်ဖြေမယ့် တိုင်းရင်းသားတွေကတော့ ရှမ်း၊ကချင်၊ ကရင်၊ မွန်၊ မြန်မာ၊ ပလောင်၊ ကိုးကန့်၊ ကယား၊ချင်း၊ ရခိုင်ဒီတိုင်းရင်းသားတွေက ဖျော်ဖြေပေးမှာပါ''ဟု  ပြန်ကြားရေးမှူး ဦးမင်းသူရက ပြောသည်။

''အခုနှစ် (၈ဝဝ) ပြည့်ပွဲတော်ကျင်းပတာ ဒါပထမဆုံး အကြိမ်ပါ။ခရီးသွားလုပ်ငန်းဖွံ့ဖြိုးလာဖို့နဲ့ မြို့ဂုဏ်ကိုမြှင့်တင်တဲ့သဘောရယ်။ နောက်ပြီးတော့ ဒေသခံတွေရဲ့အလုပ်ကိုင်အခွင့်လမ်းများ ပေါ်ထွန်းလာစေရန် ရည်ရွယ်ပြီးတော့ ကျင်းပရခြင်းဖြစ်ပါတယ်။ ပွဲတော်ကကွင်းတစ်ကွင်းလုံး ဘယ်သူမဆို အခမဲ့ပါ။ စိတ်ဝင်စားတဲ့သူတွေ ကံစမ်းလို့ရအောင် ကံစမ်းမဲကူပွန်ရောင်းချပေးတဲ့ အစီအစဉ်ပါဝင်ပါတယ်။ ဒီပွဲတော်ကရရှိတဲ့ ရန်ပုံငွေကိုတော့ ဒေသဖွံ့ဖြိုးရေးအတွက် အဓိကသုံးစွဲသွားမှာပါ'' ဟု ¤င်းက ဆက်လက်ပြောကြားသည်။

မိုးကုတ် နှစ် (၈ဝဝ) ပြည့် ပွဲတော်အကြိုအနေဖြင့် အားကစားပွဲများနှင့် စာပေပြိုင်ပွဲများကို ကျင်းပပေးလျက်ရှိပြီးပွဲတော်ရက်အတွင်း မတ် ၃ဝ ရက်တွင် သံဃာတော်များ အားဆွမ်းဆန်စိမ်းလောင်းလှူခြင်း၊ စတုဒိသာကျွေးမွေးခြင်း၊ ကံစမ်းမဲဖွင့်လှစ်ခြင်း၊ နိုင်ငံကျော်အနုပညာရှင်များမှ မိုးကုတ်နှစ် (၈ဝဝ)ပြည့်  Main Theme  Songသီချင်းသီဆိုခြင်း၊ ဗိုလ်ချုပ်ကြေးရုပ် ဖွင့်လှစ်ခြင်း၊ အငြိမ့်အကများဖြင့် ဖျော်ဖြေခြင်း၊ တိုင်းရင်းသားအကများဖြင့် ဖျော်ဖြေခြင်းနှင့် မိုးကုတ်မြို့ခံ လူငယ်ဂီတအဖွဲ့များမှ ဖျော်ဖြေခြင်းစသည့် ဖျော်ဖြေမှုများပါဝင်ကြောင်း သိရသည်။

မြန်မာသက္ကရာဇ် ၅၇၉ ခုနှစ် မိုးမိတ်နှင့် မိုးလှိုင်ကိုအစိုးရသော စော်ဘွားကြီးသိုဟန်ဖတ် လက်ထက်တွင်သဖန်းပင်ရွာစတည်ကာ ရှမ်းမုဆိုးသုံးဦးမှ နီမြန်းသော ပတ္တမြားကို စတင်တွေ့ရှိခဲ့ပြီး မိုးကုတ်ဟူ၍ ဖြစ်တည်ခဲ့ကာ ယခုမြန်မာသက္ကရာဇ် ၁၃၇၉ ခုနှစ်သည် မိုးကုတ်မြို့တည် နှစ် (၈ဝဝ) ပြည့်ခြင်းပင်ဖြစ်ကြောင်း မိုးကုတ်မြို့နယ် ဒေသဆိုင်ရာအချက်အလက် မှတ်တမ်းများအရ သိရသည်။

မိုးကုတ်မြို့သည် ပင်လယ်ရေမျက်နှာပြင်အထက် ပေ ၃၈ဝဝ တွင်တည်ရှိပြီး ပေ ၅ဝဝဝ ကျော် အမြင့်ရှိသည့်တောင်တန်းမျာ ဝန်းရံထားကာ မန္တလေးမြို့၏မြောက်ဘက် ၁၂၈ မိုင်အကွာအဝေးရှိရာ ရှေးအခါကမိုးကုတ်ကို ရှမ်းဘာသာစကားဖြင့် မိန်းကွက်၊ မိန်းကု(ပ)၊ မိန်းကတ်ဟူ၍ အမျိုးမျိုးခေါ်ဆိုခဲ့ကြပြီး ကမ္ဘာကျော်ပတ္တမြား၊နီလာကျောက်မျက်ရတနာမျိုးစုံထွက်ရှိရာ ဒေသဖြစ်၍Ruby Land  အဖြစ် ကမ္ဘာက အသိအမှတ်ပြုခဲ့ရသည်။ နဒီလှိုင်း(​ကြေးမှုံ)

No comments:

Post a Comment

Blog Archive

Tags

Accident Ad Agriculture Article Astrology Aung San Suu Kyi Bagan Beauty Bogale Book Car Cartoon celebs Crime Crony Daily Popular Danubyu Dedaye Dhamma Dr Hla Myat Thway Education ELection Entertainment Environment Foreign Affairs General General Aung San General Knowledge Gossip Gov Health Herbal Hinthada History Hluttaw Ingapu Interview Job Kangyidaunt kyaik Lat Kyangin Kyaunggon Kyonpyaw Latputta Laymyethna Lemyethna Letter Ma Shwe Moe Mahn Johnny Maubin Mawlamyinegyun Media MMP MMP 1 money Myan Aung Myanmar Idol Myaungmya Myo Min Paing News Ngapudaw Ngathaingchaung NLD Nyaung Tone Opinion Pagoda Pantanaw Party Pathein People Photo Places Poem Police Politic Political Prisoner Popular Project Pyapon Quote School Bus Song Speech Sport Sports Student SYW SYW 1 Technology Thabaung Time Ayeyar Tourism Trailer Travel U Ba Hein U Ko Ni U Kyaw Myint U Win Htay USDP Video Wakhama Weather World News Yekyi Zalun စိတ်အဟာရ ရသစာများ စိုက်ပျိုးရေး ထူးဆန်းထွေလာ ဒီရေတော နာရေး ဗဒေငျ မဘသ မုံရွာ လယ်သိမ်းမြေသိမ်း လူပုဂ္ဂိုလ်များ လူပျောက်ကြော်ငြာ အရှင်သုစိတ္တ (မော်ကျွန်း) အရှင်သုစိတ္တ (မော်ကျွန်း) ဆရာတော် အထွေထွေ ဝေဖန်ရေး ထွေအုပ် ​မော်​တင်​စွန်း နိုင်ငံရေးအကျဉ်းသား

Labels

Recent Post