ကော့ကရိတ် ဖေဖော်ဝါရီ ၂၆
ကရင်ပြည်နယ်၊ ကော့ကရိတ်မြို့၊အာရှလမ်းမကြီး နတ်စင်ကွေ့အနီး၊ ကီလိုမီတာ (၁၅၄)နှင့်(၁၅၅)အကြား ဖေဖော်ဝါရီ ၂၃ရက်နေ့ မွန်းလွဲ ၁နာရီအချိန်ခန့် မြ၀တီဘက်မှ ကော့ကရိတ်ဘက်သို့ ယာဉ်မောင်း အောင်သူထွေး၊ ၃၂နှစ်မောင်းနှင်ပြီး ဇော်မျိုးထိုက်နှင့် ကလောတို့နှစ်ဦးလိုက်ပါလာသော မျက်နှာကျက်ကျောက်ပြားများ တင်ဆောင်ထားသည့် 2C/--- နံပါတ်တပ်(၂၂)ဘီးတွဲယာဉ်သည် ဘရိတ်ပေါက်ကာ အရှိန်မထိန်းနိုင်ဘဲ တစ်ဘက်ယာဉ်ကြောအတွင်းသို့ ရောက်ရှိကာ တိမ်းမှောက်ခဲ့ကြောင်း သတင်းရရှိသည်။
ယာဉ်တိမ်းမှောက်မှုကြောင့် ယာဉ်ပေါ်လိုက်ပါလာသူ ကလောဆိုသူတွင် နဖူးပေါက်ပြဲ၊ခန္ဓာကိုယ်ကျိုးကြေ ဒဏ်ရာများ ရရှိသေဆုံးခဲ့ပြီး အောင်သူထွေးတွင်ဝဲယာပေါင်ရိုးကျိုး၊ နဖူးပေါက်ပြဲ၊ဝှေးစေ့ ပေါက်ပြဲ (စိုးရိမ်ရ)နှင့်ဇော်မျိုးထိုက်တွင် ၀ဲလက်မောင်းရိုးကျိုး၊၀ဲခြေမျက်စေ့၊ ယာခြေသလုံးပေါက်ပြဲဒဏ်ရာစိုးရိမ်ရတို့ အသီးသီးရရှိခဲ့ခြင်းဖြစ်သည်။
ထို့ကြောင့် ယာဉ်မဆင်မခြင်မောင်းနှင်သူ အောင်သူထွေးအားကော့ကရိတ်မြို့မရဲစခန်းကဥပဒေနှင့်အညီအမှုဖွင့်အရေးယူထား ကြောင်း သိရသည်။မင်းသူ/ထွန်းထွန်းထွေး(ဘားအံ)မြန်မာ့အလင်း
No comments:
Post a Comment