ရခိုင်ပြည်နယ် ဝန်ကြီးချုပ်နှင့် ဝန်ကြီးများသည် မြို့နယ်ဌာနဆိုင်ရာ တာဝန်ရှိသူများလိုက်ပါ၍ အမ်းမြို့ အ၊ထ၊က (၁)မှ ဆရာ/မများ ကျောင်းသားသူ မိဘများ၊ ကျောင်းသား/သူများ နှင့်တွေ့ဆုံခဲ့ကာ ၂၀၁၆/၂၀၁၇ပညာသင်နှစ် ၁၀ တန်းစာမေးပွဲ အောင်ချက်မြင့်မားနိုင်ရေးအတွက် ဆွေးနွေးညှိနှိုင်း အဖြေရှာခဲ့ပြီး လိုအပ်ချက်များ ၊ အားနည်းချက်များအား ဖြည့်ဆည်း ပြင်ဆင်နိုင်ဖို့ ဆွေးနွေးခဲ့ကြည်။
ဆက်လက်ပြီး ပြည်နယ်ဝန်ကြီးချုပ်နှင့် ဝန်ကြီးများသည် ဌာနဆိုင်ရာတာဝန်ရှိသူများနှင့် အတူ အမ်းမြို့ အ၊ထ၊က(၃) နှင့် အ၊ထ၊က(၂) ကျောင်းများသို့ သွားရောက်ကာ ၁၀ တန်းစာမေးပွဲ အောင်ချက်မြင့်မားနိုင်ရေးအတွက် ကျောင်းဆရာ/မများ ကျောင်းသား/သူများ၊ ကျောင်းသားမိဘများနှင့်တွေ့ဆုံခဲ့ကာ သင်ကြားရေးပိုင်း မြင့်တင်သင်ကြားနိုင်ဖို့၊ဘာသာရပ်အလိုက် ဆရာ/မများ ပြည့်စုံနိုင်ဖို့အတွက် ဆွေးနွေးခဲ့ကြပြီး လိုအပ်သည်များပြင်ဆင်နိုင်ရန် မှာကြားခဲ့သည်။
အဆိုပါ ပညာရေးမြင့်တင်နိုင်ရေးအတွက် တွေ့ဆုံမှုတွင် အ၊ထ၊က(၁) လျှပ်စစ်မီးလင်းရေးအတွက် လျှပ်စစ်မီတာဘောက်(စ်)တတ်ဆင်နိုင်ရန်အတွက် ရခိုင်ပြည်နယ် ဝန်ကြီးချုပ်မှ အလှူငွေ ကျပ် (၄)သိန်းကို လှူဒါန်းပေးအပ်ခဲ့ကာ အ၊ထ၊က(၃) တွင် ကွန်ပျူတာနှင့် ပရင်တာ ဝယ်ယူနိုင်ရေးတို့အတွက် အလှူငွေကျပ် (၅)သိန်းကို ရခိုင်ပြည်နယ်ဝန်ကြီးချုပ်မှ ပေးအပ်လှူဒါန်းခဲ့ပါသည်။
ယနေ့ ခရီးစဉ်တွင် ရခိုင်ပြည်နယ်ဝန်ကြီးချုပ် ဦးညီပုနှင့်အတူ လူမှုရေးဝန်ကြီး ဒေါက်တာချမ်းသာ၊ လျှပ်စစ် ၊စက်မှုနှင့် လမ်းပန်းဆက်သွယ်ရေးဝန်ကြီး ဦးအောင်ကျော်ဇံ၊ စည်ပင်သာယာရေးဝန်ကြီး ဦးမင်းအောင်တို့နှင့်ပြည်နယ်အဆင့် ဌာနဆိုင်ရာ များ ၊ ခရိုင်အဆင့် ဌာနဆိုင်ရာများ ၊ မြို့နယ်ဌာနဆိုင်ရာများမှ တာဝန်ရှိသူများ လိုက်ပါခဲ့သည်။
Ref; U Nyi Pu
No comments:
Post a Comment