း
ဧရာဝတီတိုင်းဒေသကြီး မအူပင်မြို့နယ် တလုတ်လပ် အနောက် ၄ မိုင်ကျေးရွာမှာ နိုဝင်ဘာ ၂၄ ရက် ညနေပိုင်းက ငါးကန်ထဲမှာ အိုင်ပက်နေတဲ့ ငါးကန်လုပ်သား ၂ ဦးကို ခေါင်းဖြတ်သတ်ခဲ့တဲ့ လူသတ်မှုတခု ဖြစ်ပွားခဲ့ပါတယ်။
ငါးကန်လုပ်သား ဦးလင်းလင်းနဲ့ ဦးမောင်ထူးဟာ ငါးကန်ထဲမှာ အိုင်ပက်နေတုန်း အရက်မူးပြီး ငါးကန်ပိုင်ရှင်ကို သတ်ဖို့လာတဲ့ ဦးစိမ်းညိုနဲ့ စကားများပြီး ဦးစိမ်းညိုဟာ လက်ထဲအသင့်ပါလာတဲ့ ကိုင်းခုတ်ဓားနဲ့ ခုတ်ကာ ခေါင်းဖြတ်သတ်ခဲ့တာလို့ မအူပင်မြို့မရဲစခန်းက ပြောပါတယ်။
“ငါးကန်ပိုင်ရှင်နဲ့ သတ်တဲ့သူက ငါးကန်ကပ်လျှက်တွေပါ။ ငါးကန်ကိစ္စနဲ့ အမှုအခင်းတွေ ဖြစ်ခဲ့ဖူးတာ ရှိတယ်။ အဲဒါမကျေနပ်လို့ သတ်ဖို့သွားရင်း ငါးကန်အလုပ်သမားတွေနဲ့ တွေ့ပြီး ဓားနဲ့ခုတ်လိုက်တာမှာ ခေါင်းတွေပြတ်သွားတော့ ခေါင်းတွေကို တခြားတနေရာ သခွားခင်းထဲသွားပစ်ထားတာပါ” လို့ ဧရာဝတီတိုင်းဒေသကြီးရဲတပ်ဖွဲ့မှူးရုံးက ဒုရဲမှုးကြီး ခင်မောင်လတ်က ပြောပါတယ်။
“ခေါင်းဖြတ်သတ်ခဲ့ပြီး ကန်ဘောင်ပေါ်မှာကိုယ်လုံးတွေပဲ ထားခဲ့တယ်။ ဖမ်းပြီးကတည်းက အခုချိန်ထိ မူးနေလို့ ဘာကြောင့်သတ်တာလဲဆိုတာ အမူးပြေမှ အသေးစိတ်ကို ထပ်စစ်လို့ရမယ်။ ဖြစ်တဲ့နေရာကလည်း လမ်းသွားလမ်းလာမရှိဘဲ သေတဲ့သူ ၂ ယောက်နဲ့ သတ်တဲ့သူတစ်ယောက် သူတို့ ၃ ယောက်ပဲရှိနေတယ်” လို့ မအူပင်မြို့မရဲစခန်းက ရဲအုပ်မျိုးဇော်သက်က ပြောပါတယ်။
အဲဒီလူသတ်မှုကို မအူပင်မြို့မရဲစခန်းမှူး ဒုရဲမှူး ဝင်းဇော်ဗိုလ် ခေါင်းဆောင်တဲ့ နယ်ထိန်းရဲတပ်ဖွဲ့နဲ့ မအူပင်ခရိုင်ရဲတပ်ဖွဲ့မှုးရုံးက ဒုစရိုက်နှိမ်နင်းရေးအဖွဲ့တို့က အချိန်နှင့်တပြေးညီ သွားရောက်ဖမ်းဆီးနိုင်ခဲ့ပါတယ်။
မအူပင်မြို့မရဲစခန်းက ဦးစိမ်းညိုကို ရာဇသတ်ကြီးဥပဒေပုဒ်မ-၃၀၂ နဲ့ ဖမ်းဆီးစစ်ဆေးနေတယ်လို့ မအူပင်မြို့မရဲစခန်းက သိရပါတယ်။
မြမင်းဦး(ပုသိမ်)
DVB
No comments:
Post a Comment