Latest News

Tuesday, January 10, 2017

ပြန်ကြားရေးဝန်ကြီးဌာန Webportal တိုက်ခိုက်ခံရ

ပြန်ကြားရေးဝန်ကြီးဌာန Webportal တိုက်ခိုက်ခံရ

အစိုးရ သတင်းများကို ထုတ်ပြန်လျှက်ရှိသော ပြန်ကြားရေးဝန်ကြီးဌာန၏ Webportal ဖြစ်သော www.moi.gov.mm တိုက်ခိုက်ခံခဲ့ရကြောင်း ပြန်ကြားရေး ဝန်ကြီးဌာနက ဇန်နဝါရီလ ၁၀ ရက်နေ့ ရက်စွဲဖြင့် ထုတ်ပြန်ထားသည်။

၎င်းတို့၏ Webportal ကို ဇန်နဝါရီလ ၇ ရက်နေ့ ည ၉ နာရီခွဲအချိန်မှစပြီး DoS ဖြင့် တိုက်ခိုက်ခဲ့ပြီး နောက်တနေ့ နံနက်တွင် ကြည့်ရှု၍ မရတော့ကြောင်း၊ အဆိုပါတိုက်ခိုက်မှုတွင် ပြည်ပအခြေပြု IP နံပါတ်များဖြင့် အများဆုံး တိုက်ခိုက်ခဲ့ခြင်းကို တွေ့ရှိရကြောင်း ထုတ်ပြန်ချက်တွင် ဖော်ပြထားသည်။

www.moi.gov.mm ကို ဇန်နဝါရီလ ၉ ရက်နေ့တွင် ပြန်လည် ကြည့်ရှုနိုင်ပြီ ဖြစ်သော်လည်း ပြည်ပနိုင်ငံများနှင့် Mobile ဖုန်းများမှ ကြည့်ရှု၍ မရသေးကြောင်းနှင့် ပြည်တွင်းပြည်ပနှင့် Mobile ဖုန်းများမှ ပြန်လည် ကြည့်ရှုရရှိနိုင်ရေး အတွက် ပို့ဆောင်ရေးနှင့် ဆက်သွယ်ရေး ဝန်ကြီးဌာနနှင့် ပူးပေါင်း ဆောင်ရွက်လျက် ရှိသည်ဟုသိရသည်။

Sources: Irrawaddy

No comments:

Post a Comment