Latest News

Saturday, January 14, 2017

ဒေါ်အောင်ဆန်းစုကြည်နှင့် NCA ထိုးထားသည့် တိုင်းရင်းသား အဖွဲ့များ တွေ့ဆုံမည်

ဒေါ်အောင်ဆန်းစုကြည်နှင့် NCA ထိုးထားသည့် တိုင်းရင်းသား အဖွဲ့များ တွေ့ဆုံမည်


ရန်ကုန်၊ ဇန်န၀ါရီ ၁၄ ။            ။  နိုင်ငံတော် အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည် နှင့် တပ်မတော် ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင် ကို တွေ့ဆုံရန် အပစ်ရပ် လက်မှတ် (NCA) ထိုးထားသည့် တိုင်းရင်းသား လက်နက်ကိုင် (၈) ဖွဲ့မှ စာပေးပို့ထားပြီး အတိုင်ပင်ခံ ဘက်မှ တွေ့ဆုံရန် ပြန်လည် အကြောင်း ကြားထားကြောင်း ပြောရေးဆိုခွင့် ရှိသူ ဦးဇော်ဌေး က မဇ္ဈိမသို့ ပြောသည်။

“အတိုင်ပင်ခံကတွေ့မယ်။ အဲ့တာ့ မနေ့ကပဲ သူတို့ဆီ ဆက်သွယ်ပြီးတော့ ပြောလိုက်တယ် လူကြီးပိုင်းကို ပြောထားတယ် အဲ့တော့ သူတို့က ခေါင်းဆောင်တွေ အားလုံး အဆင်ပြေမယ့် ရက်ပေါ့နော်။ အဲ့ဒါကို ပြန်ပြောပါ ဆိုပြီးပြောထားတယ်။ သူတို့အဆိုပြုတဲ့ ရက်ကို ကျွန်တော်တို့က ရက်နဲ့ ပြန်ညှိရမယ်။ ဘယ်ရက် ဆိုတာ အတိကျ ပြောလို့ မရသေးဘူး" ဟု နိုင်ငံတော် အတိုင်ပင်ခံရုံး ပြောရေးဆိုခွင့် ရှိသူ ဦးဇော်ဌေး က ပြောဆိုသည်။

ဒေါ်အောင်ဆန်းစုကြည်နှင့် တွေ့ဆုံရန် ရက် ညှိနှိုင်း နေသော်လည်း တပ်မတော်ဘက်မှ တွေ့ဆုံရန် ရှိ မရှိကို အတည်ပြုရန် တပ်မတော် တာဝန်ရှိသူ တစ်ဦးကို မဇ္ဈိမက ဆက်သွယ် သော်လည်း ဖုန်းပြန်လည် ဖြေဆိုခြင်း မရှိခဲ့ပေ။

နိုင်ငံတော် အတိုင်ပင်ခံ ပုဂ္ဂိုလ် နှင့် တပ်ချုပ် တို့ကို တွေ့ဆုံနိုင်ရန် NCA ထိုးထားသည့် အဖွဲ့ (၈) ဖွဲ့က ဇန်န၀ါရီ ၁၂ ရက်တွင် စာပေးပို့ တောင်းဆိုထားခြင်း ဖြစ်သည်။

တွေ့ဆုံရာတွင် တစ်နိုင်ငံလုံး အပစ်ရပ်ရေး ကိစ္စ၊ ၂၁ ရာစု ပင်လုံ ကျင်းပရေး ကိစ္စရပ်များကို ဆွေးနွေးကြမည် ဖြစ်ပြီး NCA ထိုးထားသည့် အဖွဲ့များနှင့် ဖြစ်ပေါ်နေသည့် နားလည်မှု လွဲမှားသည့် ကိစ္စများ အပါအဝင် အခက်အခဲ များကို တင်ပြ ဆွေးနွေးသွားမည် ဖြစ်ကြောင်း မြန်မာနိုင်ငံလုံး ဆိုင်ရာ ကျောင်းသားများ ဒီမိုကရက်တစ် တပ်ဦး (ABSDF) ဥက္ကဋ္ဌ ရဲဘော်သံခဲမှ ပြောသည်။

“အထူးသဖြင့် ကတော့ အဖွဲ့အစည်းတွေ တစ်ခုချင်း အလိုက် ရင်ဆိုင်နေရတဲ့ အခက်ခဲတွေပါသလို ရင်ဆိုင် နေရတဲ့ အခက်ခဲတွေလည်း ရှိပါတယ်။ တစ်ဦးနဲ့ တစ်ဦး အခက်ခဲတွေကို ပွင့်ပွင့်လင်းလင်း   ပြောဆိုနိုင်ဖို့ လိုတယ်။ ဒါကြောင့်မို့လို့ တွေ့ဆုံ ဆွေးနွေးတဲ့ နည်းလမ်းတွေနဲ့ ဖြေရှင်းဖို့ ကြိုးစားနေတဲ့ ကာလမှာ ဆုံဖြတ်နိုင်တဲ့သူ အချင်းချင်းကြားမှာ အခုလိုမျိုး တွေ့ဆုံတာက အကောင်းဆုံးလို့ ယုံကြည်လို့ ဆုံးဖြတ်ခဲ့တာပါ" ဟု ရဲဘော်သံခဲ က ပြောဆိုသည်။

တွေ့ဆုံရာတွင် တိုင်းရင်းသားများဘက်မှ တစ်နိုင်ငံလုံး အပစ်ရပ် လက်မှတ် ထိုးထားသည့် ကရင် အမျိုးသား အစည်းအရုံး (KNU) ဥက္ကဋ္ဌ ဗိုလ်ချုပ်ကြီး စောမူတူး စေးဖိုး ဦးဆောင်မည် ဖြစ်ပြီး   မြန်မာနိုင်ငံလုံး ဆိုင်ရာ ကျောင်းသားများ ဒီမိုကရက်တစ် တပ်ဦး (ABSDF) ဥက္ကဋ္ဌ ရဲဘော် သံခဲ၊ ရှမ်းပြည် ပြန်လည် ထူထောင်ရေး ကောင်စီ (RCSS) မှ အကြံပေး ပုဂ္ဂိုလ် ဦးခွန်ဆိုင်း၊ ပအိုဝ်း အမျိုးသား လွတ်မြောက်ရေး အဖွဲ့ချုပ် (PNLO) နာယက ဗိုလ်မှူးကြီး ခွန်ဥက္ကာနှင့် ရခိုင် လွတ်မြောက်ရေး ပါတီ (ALP) ဒု ဥက္ကဋ္ဌ ခိုင်စိုးနိုင်အောင် တို့ တွေ့ဆုံမည် ဖြစ်ကြောင်းသိရသည်။

အဆိုပါ ဆွေးနွေးပွဲတွင် အပစ်ရပ် လက်မှတ် NCA ထိုးထားသည့် အဖွဲ့ဝင်များထဲမှ အဖမ်းခံထားရသည့် လူတချို့ ကိစ္စနှင့် NCA မထိုးရသေးသည့် အဖွဲ့များ လက်မှတ် ရေးထိုးလာရေး ကိစ္စများကိုလည်း ထည့်သွင်း ဆွေးနွေးသွားမည် ဖြစ်ကြောင်း သိရသည်။

Sources; Mizzima


No comments:

Post a Comment