မဝေးလေသော ငြိမ်းချမ်းရေး

မဝေးလေသော ငြိမ်းချမ်းရေး

လွန်ဆန်မရသော အကြောင်းတရားများ
-------------------------------------------
လွတ်လပ်ရေး ရခဲ့သည်မှာ နှစ်ပေါင်း မနည်းခဲ့ပြီ။ သို့သော် လွတ်လပ်ရေးနှင့်
အတူ ပေါက်ဖွားလာသော ပြည်တွင်း စစ်မီးလျှံကြောင့် လွတ်လပ်ပါရဲ့
မလွတ်လပ်ခြင်းများ ဖြစ်ခဲ့သည်။ အာဏာရှင်စနစ် ပေါက်ဖွားရှင်သန်ရန်
ရေခံမြေခံ ဖြစ်ခဲ့ရသည်။ ထို့အတူ ပြည်သူအပေါင်းအတွက် ငြိမ်းချမ်းရေး
ပျောက်ဆုံးခဲ့ရသည်။ ပို၍ ဆိုးသည်မှာ လက်နက်ကိုင်တို့ ရှင်သန်လှုပ်ရှားရာ
နယ်စပ်ဒေသများတွင် ဖွံ့ဖြိုးရေးအတွက် မညီမျှမှုများ ဖြစ်ပေါ်လာပြီး
ထိုမညီမျှမှုများကြောင့်ပင် ထပ်မံ၍ အထင်လွဲမှုများ၊
လက်နက်စွဲကိုင်မှုများ ပေါ်ပေါက် ရှည်ကြာလာခဲ့ပြန်သည်။

အခုလို လွန်စွာ ယေဘုယျကျအောင်ပြောလိုက်ခြင်းကိုပင် သဘောမတူမှုများ
ရှိနိုင်ပါသည်။ ကွဲလွဲသော အမြင်များ ရှိနိုင်ပါသည်။ သဘောမတူညီမှုများ
ရှိနိုင်ပါသည်။ သဘောတူမှု အတိမ်အနက် မတူမှုများ ရှိနိုင်ပါသည်။
မငြိမ်းချမ်းသော ဒေသများတွင် နေလာရသူများ၊ အာဏာရှင်လက်အောက်မှ
လွတ်မြောက်မှန်း မလွတ်မြောက်မှန်း မသေချာသူများအနေဖြင့် စိတ်ခံစားချက်အရ
“အကဲဆတ်” နေမည်မှာ ပြောရန်မလို။ သို့သော် လက်ရှိ ဖြစ်ပွားနေသော
ပဋိပက္ခများ၊ စစ်ပွဲများသည် ငြိမ်းချမ်းရေး ဖြစ်စဉ်အတွက် လွန်ဆန်မရသော
အကြောင်းတရားများသာ ဖြစ်လေသည်။ ယင်းတို့ကို ရှိနေမှန်း သိနေပြီးမှ၊
သေသေချာချာ သုံးသပ်လေ့လာပြီးမှ ကျော်ဖြတ်ရန် အားထုတ်ရမည်မှာ သေချာသလောက်
ဖြစ်လေသည်။

ဒေါ်အောင်ဆန်းစုကြည်နှင့် လူငယ်တို့၏ ငြိမ်းချမ်းရေး စကားဝိုင်း
--------------------------------------------------------------------
NLD အစိုးရ တက်လာပြီးနောက် ငြိမ်းချမ်းရေးအတွက် အားထုတ်လာသည်။ ၂၁ ရာစု ပင်လုံညီလာခံ ပထမပိုင်း ကို ကျင်းပခဲ့သည်။ ထိုသောအခါမှ ပြည်သူတို့သည်
ငြိမ်းချမ်းရေးရရန် ခက်ခဲလှသော အခြေအနေ အတိမ်အနက်ကို ရိပ်စားမိလာသည်။ ဒေါ်အောင်ဆန်းစုကြည် ထမ်းထားရသော မနိုင်ဝန်ကို မှန်းဆ မိလာသည်။ ငြိမ်းချမ်းရေးကို ဖြစ်အောင်လုပ်ဖို့ အားထုတ်နေမှန်း သိလာသည်။ သို့သော် ဖြစ်မှ ဖြစ်ပါ့မလားဟု စိုးရိမ်စိတ်ဖြင့် စောင့်ကြည်မိကြသည်။ ကူလည်း ကူညီချင်သည်။ မည်သို့ ကူညီရမှန်းလည်း မသိ။ လက်ရှိပြည်သူ၏ ခံစားချက်
အနေအထား။

ထိုအချိန် ၂၀၁၇ခုနှစ် နှစ်သစ်တွင် ဒေါ်အောင်ဆန်းစုကြည်သည် အခြားသော
ခြေတစ်လှမ်း လှမ်းလိုက်သည်။ လူငယ်များနှင့် ငြိမ်းချမ်းရေး စကားဝိုင်းကို
ပြည်သူသို့ တိုက်ရိုက် လွှင့်ထုတ်ခဲ့ခြင်း ဖြစ်လေသည်။ ရုတ်တရက်တော့
နိုင်ငံတော်၏ အတိုင်ပင်ခံ ပုဂ္ဂိုလ် ခြေလှမ်းကို နားမလည်။ လက်နက်ကိုင်
ထိပ်သီးခေါင်းဆောင်များ အကြိမ်ကြိမ် ဆွေးနွေးညှိနှိုင်း
ကြိုးပမ်းနေကြသည့်တိုင် မအောင်မြင်ခဲ့သည့် ကိစ္စကို မလောက်လေးမလောက်စား ကလေးများနှင့် ဘာရလာဒ်ပေါ်မှာ မို့လဲ ဟု တွေးမိသည်။ နောက်မှ ဒေါ်အောင်ဆန်းစုကြည်၏ ရည်ရွယ်ရင်းကို မမီမကန်း မှန်းဆကြည့်မိသည်။

သော့ချက်ကျသော စကားလုံးများ
----------------------------------

ဆွေးနွေးပွဲကို အာရုံစိုက် နားထောင်ကြည့်မိသောအခါ လူငယ်အများစုသည်
စကားလုံးအသုံးအနှုန်း မတူညီသည်မှအပ ငြိမ်းချမ်းရေး မရရခြင်း၏ အခြေခံ
အကြောင်းတရားများကို ဖမ်းဆုတ်မိသည်ဟု ယူဆမိသည်။
ဒေါ်အောင်ဆန်းစုကြည်ကိုယ်တိုင် ထပ်တလဲလဲ ပြောနေသော စကားလုံးများကို
အာရုံစိုက်နားထောင်သောအခါ သေ့ာချက်စကားများကို ကြားလာရသည်။
များသောအားဖြင့် ငြိမ်းချမ်းရေး လုပ်ငန်းစဉ်များအတွက် နိုင်ငံတကာ
စာအုပ်များကို ဖတ်ရချိန်တွင် ကြားလေ့ ရှိသော စကားလုံးမျိုးများ။
အကျိုးစီးပွား ခွဲဝေမှု၊ ဘုံသဘောတူညီချက် စသည်ဖြင့်။ သို့သော် နိုင်ငံတကာ
စာအုပ်များတွင် မပါသော စကားလုံးကိုလည်း နိုင်ငံတော်၏ အတိုင်ပင်ခံ
ပုဂ္ဂိုလ် တဖွဖွ ပြောသွားသည်။ ပြည်ထောင်စု စိတ်ဓာတ်။

နိုင်ငံရေးသမားတို့ ပြောသော စကားများကို အမျိုးအစား ခွဲကြည့်လျှင်
ဆွဲဆောင်ခြင်း၊ တိုက်တွန်းခြင်း၊ ဆန့်ကျင်ခြင်း၊ ငြင်းချက်ထုတ်ခြင်း စသော
စကားများနည်းတူ အရေးပါသော အမျိုးအစားတစ်ရပ်မှာ “အဓိပ္ပါယ် ဖွင့်ဆိုခြင်း”
ဖြစ်လေသည်။ ဗိုလ်ချုပ်အောင်ဆန်းဖြစ်စေ၊ ဒေါ်အော်ငဆန်းစုကြည်ဖြစ်စေ
စကားလုံးတို့ကို မကြာခဏ အဓိပ္ပါယ် ဖွင့်ဆိုခဲ့ကြသည်။ ယခု ပြည်ထောင်စု
စိတ်ဓာတ်ဆိုသည်မှာလည်း တဖန် အဓိပ္ပါယ်ဖွင့်ဆိုရမည့် စကားလုံး ဖြစ်လာလေပြီ။
ဒေါ်အောင်ဆန်းစုကြည် အလေးအနက်ထား၍ ပြောသွားသော စကားသည် ငြိမ်းချမ်းရေး၏
သော့ချက် စကားလုံး ဖြစ်လာပေပြီ။ ပြည်ထောင်စု စိတ်ဓာတ်နှင့် ပတ်သက်၍
ဆွေးနွေးပွဲများ၊ ဒီဘိတ်များ ပြုလုပ်ကြရဦးမည်။ အရေးပါလွန်း၍ ဖြစ်သည်။

မဆန်းကြယ်သော်လည်း
----------------------------

ပြောရလျှင် လူငယ်နှင့် ငြိမ်းချမ်းရေး စကားဝိုင်းမှ ထူးခြားသော
စကားထွက်မည်ဟု မျော်လင့်မထားပါ။ ထို့ကြောင့်လည်း အတိုင်ပင်ခံပုဂ္ဂိုလ်
ဘာလုပ်သလဲ မဆ၀ါးနိုင်မိခြင်း ဖြစ်သည်။ သို့သော် ဒေါ်အောင်ဆန်းစုကြည်၏
အဖွင့်မိန့်ခွန်းမှ သဲလွန်စ ရသည်။ သည်တော့မှ အထူးအဆန်းကို
မြင်ချင်ကြားချင်မိသော ကိုယ့်ကိုယ်ကိုယ် စိတ်ပျက်ရသည်။ ကျွန်တော်တို့သည်
ဒေါ်အောင်ဆန်းစုကြည်ထံမှ အဆန်းတကြယ်ကို မျှော်လင့် မထားကောင်း။
အဆန်းတကြယ်ကိစ္စများထက် ရှေ့သို့ တိုးတက်ရေးကိုသာ မြင်သင့်သည်။ ကူသင့်သည်။

အဖွင့်မိန့်ခွန်းဝယ် ဒေါ်အောင်ဆန်းစုကြည် ရှင်းလင်းစွာ မိန့်ကြားသွားသည်။
ငြိမ်းချမ်းရေးဖြစ်စဉ်သည် National Ownership ဖြစ်သည်တဲ့။ သည်တော့မှ
ဘ၀င်ကျသည်။ ငြိမ်းချမ်းရေး မရခြင်း၏ အကြောင်းရင်းကို သိပါလျက် တစုံတရာ
လိုအပ်နေသော လူငယ်များ စိတ်ကို လှမ်းမြင်သည်။ ငြိမ်းချမ်းရေး
လုပ်ငန်းစဉ်ဝယ် ကိုယ်လုပ်နိုင်တာ ဘာမှ မရှိဟု ခံစားနေရခြင်း။ ကိုယ်က
ဘေးမှ ထိုင်ကြည့်နေရပြီး ၀င်ရောက်တွန်းအားပေးနိုင်စွမ်း မရှိဟု
ခံစားနေရခြင်း။ ထိုစိတ်ခံစားချက်သည် လူငယ်များလည်း အတူတူ၊
ကျွန်တော်တို့လည်း အတူတူ၊ ပြည်သူအားလုံး အတူတူ။

လုပ်သင့်လုပ်ထိုက်သော အရာ
-------------------------------

ဒေါ်အောင်ဆန်းစုကြည်သည် လုပ်သင့်သောအရာကို နှစ်သစ်ဝယ် မင်္ဂလာရှိစွာ
စတင်လိုက်ခြင်း ဖြစ်လေသည်။ ငြိမ်းချမ်းရေး လုပ်ငန်းစဉ်သည် ပြည်သူအားလုံး
ပါဝင်ရမည်။ ပါဝင်တွန်းအားပေးရမည်။ ပြည်သူ့အင်အားသည် ထိရောက်သည်ဟူသော
ခံစားချက် ရရှိရမည်။ ဒီမိုကရေစီ အခြေခံသည် ပြည်သူ့အားပင် မဟုတ်ပါလား။

ထပ်မံ၍ စီးပွားရေး လုပ်ငန်းရှင်များနှင့်လည်း ငြိမ်းချမ်းရေး စကားဝိုင်း
လုပ်ပါလိမ့်ဦးမည်။ အလွှာအသီးသီး၊ လူလတန်းစားအသီးသီးသည်
ငြိမ်းချမ်းရေးအတွက် အင်အားစိုက်ထုတ်ရတော့မည်။ ထုတ်ခွင့် ရှိတော့မည်။
ကာလများစွာ စကားမဲ့ခဲ့ရသော ပြည်သူ့အသံကို ခမ်းနားထည်ဝါစွာ ထွက်ပေါ်အောင်
ဆွဲထုတ်ရမည်။ ပြည်သူ့အသံသည်သာ ငြိမ်းချမ်းရေးစစ်စစ်ကို
တောင်းဆိုနိုင်လိမ့်မည်။ ပြည်သူသည် အကျိုးစီးပွားအတွက် ငြိမ်းချမ်းရေး
စကားဆိုမည်မဟုတ်။ ငြိမ်းချမ်းရေးအတွက်သာ ငြိမ်းချမ်းရေး စကား
ဆိုလိမ့်မည်။

ငြိမ်းချမ်းရေးကို ဖေါ်ဆောင်ရာတွင် ကိုယ်တိုင်စွမ်းဆောင်နိုင်သည်ဟူသော အသိ
နိုင်ငံသားတိုင်းတွင် ရှိလာစေရန် အားထုတ်ရပါလိမ့်မည်။ တကယ်လည်း
ငြိမ်းချမ်းရေးကို ပြည်သူက ဆောင်ကျဉ်းပေးပါလိမ့်မည်။

ရွှေပြည်တော် မျှော်မဝေးပါ။

----------------သက္ကမိုးညို----------------