ပြဿနာရှာသူ လုပ်ဖော်ကိုင်ဖက်များကို ရင်ဆိုင်ခြင်း

ပြဿနာရှာသူ လုပ်ဖော်ကိုင်ဖက်များကို ရင်ဆိုင်ခြင်း

အလုပ်လုပ်သူဝန်ထမ်းအ တော်များများတွင် တစ်ခါတစ်ရံ အလုပ်ထက်ပိုပြီး စိတ်အနှောင့် အယှက်ပေးနေသောအရာများရှိ သည်။ ထိုအရာမှာ လုပ်ငန်းခွင်တွင် အကြောင်းအမျိုးမျိုးနှင့် ပြဿနာရှာသူလုပ်ဖော်ကိုင်ဖက်များဖြစ်ပါသည်။ အလုပ်ခွင်မှာ ခပ်ဆိုးဆိုးလုပ်ဖော်ကိုင်ဖက်တစ်ယောက်နှင့် မလွှဲသာမရှောင်သာ ပတ်သက်နေရပါက အဆိုပါစိတ်ပင်ပန်းမှုသည် အလုပ်ပင်ပန်းခြင်း ထက် ပိုဆိုး၏။ မည်သို့မည်ပုံတုံ့ ပြန်ရမှန်းမသိ။

တချို့က ကိုယ့်ကိုလာစိတ်အနှောင့်အယှက်ပေးနေခြင်း ရပ်တန့်အောင်လုပ်ချင်တာလုပ်ပါစေဟု သည်းခံ၏။ တချို့ကပြန် လည်လက်တုံ့ပြန်၏။ ကိုယ်၏ လုပ်ဖော်ကိုင်ဖက်က ကိုယ့်ကိုမတရား စိတ်အနှောင့်အယှက်ပေးနေပါလျှင် ဘယ်လိုသည်အခြေအနေကို ပြောင်းလဲရမလဲ။ သည်းခံနေပါသော်လည်း ပိုပိုလွန်ကဲလာ လျှင် ဘယ်လိုကိုင်တွယ်ဖြေရှင်းရမလဲ။ ကျွမ်းကျင်သူများကသည် အချက်နှင့် ပတ်သက်ပြီး စာအုပ်များပင်ရေးသားထုတ်ဝေခဲ့ကြ၏။

‘‘လုပ်ငန်းခွင်မှာ လုပ်ဖော် ကိုင်ဖက်က ဆိုးဆိုးရွားရွားပြုမူ လာတဲ့အခါ ဒါက အတော်လေး ကိုတာသွားပါတယ်။ ဒီကိစ္စကို မဖြေရှင်းနိုင်သရွေ့ ဘယ်လောက်ထိကိုယ့်ကို ဆက်လုပ်နေမယ်ဆို တာ မသိဘူး’’ဟု လုပ်ငန်းခွင်မှာ အနိုင်ကျင့်ဗိုလ်ကျခြင်းစာအုပ်ကို ရေးသားသူ ဂယ်ရီနာမီက ပြောခဲ့ သည်။ များသောအားဖြင့် သည်လိုပြဿနာမျိုးမှာ ကိုယ့်ဘက်က တစ်ခုခုပြန်လည်ဆောင်ရွက်သင့် သည်။ ကိုယ့်မှာလည်း အစွမ်းအစ ရှိသည်၊ အဖြေရှာနိုင်သည်ဆိုတာ ကို သိထားပါဟု လုပ်ငန်းခွင်ပြ​ဿနာများကို အကြံပေးနေသူ မစ်ရှယ်လ်ဝုဒ်ဝက်ဒ်က ဆိုသည်။

လုပ်ငန်းခွင်မှာ လုပ်ဖော် ကိုင်ဖက်က ကိုယ့်အပေါ် ပြဿနာရှာလာပြီ၊ တမင်အပြစ်ရှာနေ သည်ဟု ခံစားရပါက ပထမဆုံးအနေဖြင့် ဘာအကြောင်းကြောင့် လဲဆိုသည်ကို သိအောင်လုပ်သင့် သည်။ တောင်ကယ်ရိုလိုင်နား တက္ကသိုလ်က လက်ထောက် ပါမောက္ခမစ္စတာနေသန်နယ်လ် ဖတ်စ်က လူတွေသည် မိမိတို့၏ အကျိုးစီးပွားကို ထိခိုက်ခြိမ်း ခြောက်ခံရပြီဆိုလျှင် ပေါက်ကွဲ တတ်ကြသည်ဟု ပြောကြားသည်။

‘‘များသောအားဖြင့် သူတို့ကို ပြိုင်ဆိုင်လာပြီလို့ ခံစားလာရရင် အလုပ်မှာရာထူးကြီးတဲ့ လူတွေက ကိုယ့်ထက် နိမ့်ပါးတဲ့လူတွေအ ပေါ် ရန်လိုလာကြတယ်’’ စာရေး ဆရာ ဂယ်ရီနာမီကလည်း သည် ပြောကြားချက်ကို သဘောတူ သည်။ လုပ်ငန်းခွင်မှာ ကျွမ်းကျင် သူများ၊ လူကြိုက်များသူများသည် သည်လိုလုပ်ငန်းခွင်က လူကြီး များ၏ ပစ်မှတ်ဖြစ်လာတတ်သည် ဟု သူက ရှင်းပြသည်။ ထို့ကြောင့်တက်လူများသည် လုပ်ငန်းခွင်က လူကြီးများနှင့် သည်လိုအခြေအ နေကြုံရပါက ကိုယ့်ဘက်ကနေ တာဝန်သိကြောင်း ကျေးဇူးသိ တတ်ကြောင်း ပြသပါက တော်ရုံ ပြဿနာအဆင်ပြေနိုင်သည်ဟု ပါမောက္ခ ဖတ်စ်က ဆိုသည်။

‘‘အီးမေးလ်ပြန်တာလို အ သေးအမွှားလေးကအစ ကိုယ်က သူ့ကိုတလေးတစားရှိကြောင်းပြ ပါ။ သူ့ကြောင့် ဘယ်လိုအဆင်ပြေ ရတယ်၊ သူ့ကို ဘယ်လိုအားကိုး တယ်ဆိုတာ။ မကြာခဏပြော ပေးပါ။ ကျေးဇူးတင်ကြောင်းပြ ပါ။ ဒီနည်းနဲ့ ဖြေရှင်းနိုင်ပါတယ်’’။

တစ်ခါတစ်ရံတွင် အခြေအ နေကိုလည်း ဆန်းစစ်ရန်လိုသည်။ လူတစ်ယောက်ကို ပြဿနာ ကောင်ဟု ပြောခြင်းကလွယ်သည်။ တစ်ခါတစ်ရံမှာလည်း တချို့လူ များက ယဉ်ကျေးမှုကို ဦးစားမပေးသောလူများဖြစ်ပြီး သူတို့သဘာဝ အရ သည်လိုဆက်ဆံနေခြင်း လည်း ဖြစ်နိုင်၏။ သူ့ဘာသာသွေးရိုးသားရိုးပြုမူခြင်းကို ကိုယ်ကပဲ တလွဲထင်နေသလား၊ အကဲဆတ်နေသလား ပြန်ဆန်းစစ်ပါ။ ကိုယ်ကလည်း သူ့အပေါ် ဘာအမှားလုပ်ထားသလဲတွေးကြည့်ပါ။ ကိုယ့်ကိုယ်ကိုယ်လည်း ပြန်လည်သုံးသပ်ရန် လိုအပ်၏။ သို့သော်ကိုယ့်ကိုယ်ကိုယ်အပြစ်ပုံချရန်လည်း မလိုပါ။ ကိုယ့်အပေါ် ရိုင်းရိုင်းစိုင်းစိုင်းဆက်ဆံပါ။ ချက်ချင်းတုံ့ပြန်ပြောဆိုရန် မကြောက်ပါနှင့်ဟု ဆက်ဆံရေးကျွမ်းကျင်သူ ပညာရှင်များက ပြောကြား၏။

‘‘တစ်ခါတလေကျရင် ချက်ချင်းကို တုံ့ပြန်လိုက်တာက ထိ ရောက်တယ်။ ဥပမာပေါ့ အစည်း အဝေးမှာဖြစ်ဖြစ် သူက ကိုယ်မ ကြိုက်တာပြောရင် ငါ့ကို အဲဒီလို မပြောနဲ့၊ ငါမကြိုက်ဘူးလို့ ချက် ချင်းသာပြန်ပြောပါ’’ဟု မစ်ရှယ်လ်ဝုဒ်ဝက်ဒ်က ဆိုသည်။ သည်သ ဘောက မိမိကိုပြဿနာလာရှာပါ က ငြိမ်ခံနေမည့်သူမဟုတ်ကြောင်းသတင်းစကားချက်ချင်းပါးလိုက် ခြင်းဖြစ်၏။

‘‘လူတိုင်းမှာ အလုပ်ခွင်မှာ ယုံကြည်ရသူ မိတ်ဆွေတွေ၊ အကြံပေးနိုင်မယ့်သူတွေရှိသင့်တယ်။ သူတို့က ကိုယ်ပြဿနာတက်တဲ့ အခါ ဘယ်လိုဖြေရှင်းရမယ်ဆို တာ အကြံပေးနိုင်တယ်’’ဟု ပြဿ နာအခြေအနေဆိုးလာပါက အ ထက်လူကြီး (သို့မဟုတ်) ရုံးက လူသားအရင်းအမြစ်ဌာနကို တိုင် ကြားရမည်ဖြစ်သော်လည်း မတိုင်ကြားခင်မှာ ကိုယ်ယုံကြည်သူများ၊ အတွေ့အကြုံရှိသူများနှင့် ဆွေး နွေးတိုင်ပင်သင့်သည်။

လုပ်ဖော်ကိုင်ဖက်က ပြဿ နာရှာလွန်းလာသည့်အခါ နောက် ဆုံးတွင် မတတ်သာဘဲ လူကြီးကို  တိုင်ကြားရမည်ဖြစ်သည်။ သို့ သော် တိုင်ကြားရာတွင် ထိထိ ရောက်ရောက် ကိုင်တွယ်ရန်လို၏။ လူကြီးကို တိုင်ကြားရာ၌ ထိုလုပ် ဖော်ကိုင်ဖက်ကြောင့် ကုမ္ပဏီ၏ စီးပွားရေးကို ဘယ်လောက်ထိ ခိုက်နစ်နာသလဲဆိုသည်ကို အ ရေးပေးပြောကြားသင့်သည်။

‘‘တိုင်တဲ့အခါမှာ စိတ်လှုပ် ရှားပြီး ကိုယ်ရေးကိုယ်တာတွေ သိပ်မပြောမိစေနဲ့။ သူ့အပြုအမူ ကြောင့် လုပ်ငန်းခွင်အဆင်မပြေ ဖြစ်ရတာ၊ ဆုံးရှုံးရတာ၊ ငွေအလ ဟဿဖြစ်ရတာကို အသားပေး ပြီး တိုင်ကြားရမယ်’’ဟု စာရေး ဆရာ ဂယ်ရီနာမီက အကြံပြု၏။

အကန့်အသတ်ရှိပါ

  လူကြီးကိုတိုင်ကြားလျှင်လည်း အဆင်မပြေ၊ ဖြေရှင်းရန် လမ်းလည်းမရှိပါက အကောင်းဆုံးနည်းမှာ ထိုလုပ်ငန်းခွင်ကို စွန့်ခွာရန်သာ ဖြစ်သည်။ သုတေသနပြုချက်များအရ တချို့သောလူအများသည် အလုပ်ခွင်မှာ လုပ်ဖော်ကိုင်ဖက်များနှင့် အဆင်မပြေသော်လည်း ကြိတ်မှိတ်နေကြ၏။ ပထမအချက်က မာနကြောင့်ဖြစ်ပြီး ဒုတိယအချက်မှာ ငွေကြေးကြောင့်ဖြစ်သည်ဟု သိရသည်။

ထို့ကြောင့် ကိုယ့်ကိုအနှောင့် အယှက်ပေးနေသော လုပ်ဖော် ကိုင်ဖက်ကြောင့် လုပ်ငန်းခွင်ကို စွန့်ခွာရသည့်အခါ သူ့ကို ကိုယ်က အရှုံးပေးလိုက်ရသည်ဟု မထင်ပါ နှင့်။ တကယ်တမ်းတွင် ကိုယ်၏ စိတ်နှလုံးချမ်းမြေ့မှုအတွက်သာ ဖြစ်သည်ဟု စာရေးဆရာ ဂယ်ရီနာမီက ပြောကြားသည်။ အောက်ပါ အချက်များက လုပ်ငန်းခွင်မှာ ပြဿနာရှာတတ်သည့် လုပ်ဖော် ကိုင်ဖက်များနှင့် ပတ်သက်ပြီး သိ ထားရမည့်အချက်များဖြစ်၏။

သူတို့အနေအထားကို ထိပါးလာပြီဟု ခံစားရသည့်အခါ လုပ် ငန်းခွင်မှာ လူအများသည် ဆိုးဆိုး ရွားရွားတုံ့ပြန်လေ့ရှိသည်ကို သ ဘောပေါက်ပါ။

- ကိုယ့်ကိုယ်ကိုယ်အကဲဆတ်နေ သလား၊ သူတစ်ပါးအခြေအနေ ကို နားလည်မှုလွဲနေသလား ဆန်းစစ်ပါ။

- အလုပ်မှာ မတော်မလျော်ပြော ဆိုကျင့်ကြံလာပါက ချက်ချင်းပြန် ပြောပါ။

- ကိုယ့်ကိုယ်ကိုယ်အပြစ်မတင်ပါ နှင့်၊ ကိုယ်က အလုပ်မှာ ကျွမ်းကျင် သူဖြစ်လျှင်၊ လူကြိုက်များလျှင် သည်လိုဖြစ်မည်ဆိုတာ သဘော ပေါက်ပါ။

- ပုံကြီးမချဲ့ပါနှင့်၊ ယုံကြည်စိတ် ချရသူများနှင့် တိုင်ပင်ပြီးအရင် ဖြေရှင်းကြည့်ပါ။

- မလိုအပ်ဘဲ မခံစားပါနှင့်၊ သည်လိုအမြဲတမ်းဖြစ်နေပြီဆိုပါက လုပ်ငန်းခွင်ကိုသာ စွန့်ခွာပါ။

ထားထားမြင့် (ကိုးကား Harvard Business Review)



Sources; 7Day News Journal