မင်္ဂလာပါ ၂၀၁၇

မင်္ဂလာပါ ၂၀၁၇

ကျွန်တော်တို့ လူမှုဝန်းကျင်၌ တစ်နေ့တာ ကုန်ဆုံးခြင်း ရောက်ချိန်တွင် နဖူးပေါ်လက်တင်ကာ ဒီကနေ့ လူသားထု ကောင်းကျိုးအတွက် အကျိုးအမြတ် မည်ရွေ့မည်မျှ ဖော်ဆောင်နိုင်ခဲ့သလဲ၊ မှားယွင်းမှုနှင့် မည်ရွေ့မည်မျှ တိုးတိုက်ခဲ့ရသလဲ၊ ဘယ်သို့ဘယ်ပုံ ပြန်လည်ဆယ်ယူ ကောက်တင်နိုင်မလဲ ဆိုတာပဲ ဖြစ်ပေသည်။

၂၀၁၆ ဆိုသည့် ရက်စွဲများကို နှုတ်ဆက်လက်ပြခဲ့ရပေပြီ။ ကျွန်တော့်ဦးနှောက် မင်မိုရီထဲ စာရင်းတို့ထားခဲ့ပြီး ကောင်းမွန်သည့် ဖြစ်ရပ်ကလေးများကိုတော့ အထူးတလည် အားပေးမှုပြုကြရပေမည်။ လက်ရှိဘ၀ထဲက ဖြစ်စဉ်များဆီ မျှော်ကြည့်မိတော့ အားလျော့ စိတ်ပျက်ဖွယ်များက ထောင့်ပေါင်းစုံမှ မျက်စပစ်ကာ ကြိုလင့်နေကြပေသည်။ တကယ်တမ်းမှာတော့ လူသားတစ်ဦးအတွက် အသက်ရှူ ခွင့် အတိုင်းအတာ ကာလမှာ မများလှပါ။ ဒီအထဲကမှ အချိန်ကာလတွေကို ဆစ်ပိုင်းကြည့်မည်ဆိုပါလျှင် အိပ်စက်ချိန်က ဘယ်ရွေ့၊ လုပ်ငန်းခွင်၌ ရုန်းကန်လှုပ်ရှားချိန်က ဘယ်မျှ၊ လမ်းပန်းဆက်သွယ်ရေးအတွက် ဘယ်အတိုင်းအတာ စသဖြင့်ရှိပေရာ ဒီအထဲကမှ ရသမျှ အချိန်ကလေးများဖဲ့ယူကာ အများအကျိုးဖြစ်ဖွယ် ပရဟိတလှုပ်ရှားမှုများဘက် ဦးစားပေးဖို့ အချိန်တစ်ခုဖြင့် သတ်မှတ်ထည့်သွင်းကြဖို့ လိုအပ်ပါသည်။ အရင်းအနှီးကြီးမားစွာ မြှုပ်နှံဖို့မလိုဘဲ စိတ်ကောင်း နှလုံးကောင်းလေး တစ်ခုဖြင့် ကွက်လပ်ကလေးများ ဖြည့်ပေးကြမည်ဆိုလျှင်ဖြင့် နတ်လူသာဓု ခေါ်ဆိုကြမည့် အလှမြင်ကွင်းများသာ ဖြစ်ပေသည်။

ကျွန်တော်တို့ စိတ်ဓာတ်များကို အညစ်အကြေး မတင်အောင် ပြုနိုင်ကြပြီဆိုလျှင်တော့ လောကကြီး သာယာဖို့အတွက် တွေးပူစရာ မလိုတော့ပါပြီ။ သည်အခါ စိုးရွံ့ပူပန်မှုများ၊ အနိဋ္ဌာရုံမြင်ကွင်း အပေါင်းတို့နှင့်လည်း လမ်းခွဲလက်ပြနိုင်မည် ဖြစ်ပါသည်။ လက်ခံရရှိထားခဲ့ကြသည့် သင်ခန်းစာတွေက များလှပါသည်။ လုပ်အားနှင့်လစာ မမျှတမှုများ၊ လူ့အခွင့်အရေး ချိုးဖောက်သည့် ဖြစ်ရပ်များ၊ တရားဥပဒေအား လက်တစ်လုံးခြားပြုကာ အနိုင်အထက်ပြုမှုများ၊ ဆင်းရဲသား လယ်သမားပိုင် လယ်ယာမြေများ အဓမ္မသိမ်းဆည်းမှု၊ ဗိုလ်ကျမှုများ၊ အကျင့်ပျက် ခြစားမှုများဖြင့် ဘ၀များစွာတို့ ဆင်းရဲတွင်းထဲ အောင်းခဲ့ကြရသည်။ မတရားမှုအပေါင်းဖြင့် အနံ့တွေက တလှိုင်လှိုင်။ ဒီအဆိုး သံသရာအတွင်းမှ ရုန်းထွက်နိုင်ဖို့ ဆိုသည်ကတော့ ကျွန်တော်တို့၏ အတိတ်ဘ၀များဆီမှ ၀ဋ်ကြွေးများ ပါလာခဲ့ကြသလို လက်ရှိနိုင်ငံတော်၏ အထောက်အပံ့များလည်း လိုအပ်လှပါသည်။

လူတစ်ဦးအဖို့ ကောင်းဆိုးဆုံးဖြတ်ရာ၌ ထိုသူ၏ စိတ်ထားက ပဓာနကျပါသည်။ စိတ်ထားကလေး ဖွေးသန့်နေပါမှ ထိုသူ၏ ပြောဆိုလှုပ်ရှားမှု အရာရာတိုင်းက အကောင်းဘက်သို့ တိမ်းညွတ်နိုင်ပါမည်။ ထို့အတူ လူတစ်ယောက်၏ စိတ်အခြေခံက အဆိုးဘက် ယိမ်းယိုင်နေခဲ့ပြီဆိုလျှင် သူ၏လုပ်ရပ်များ အပေါ်မှ ကောင်းကျိုးရလဒ်တို့ကို မျှော်မှန်းဖို့ ဝေးလှမ်းနေမည် ဖြစ်ပေသည်။ လူတစ်ဦးအတွက် စိတ်ဓာတ်အခြေခံ မည်မျှအရေးပါလှသည်ကို မဟာဂန္ဓာရုံ ဆရာတော်ကြီးက ဤသို့လမ်းညွှန်ပြခဲ့ပေသည်။

“မည်သူမဆို မိမိ၏ ကိုယ်မှု၊ နှုတ်မှု၊ စိတ်မှုတို့ကို ကောင်းသည်ထက် ကောင်းအောင် အစဉ်ပြုပြင်နေသင့်သည်။ သေသည်အထိ အမြဲပြုပြင်နေရမည်” ဟုမိန့်မှာခဲ့သည့်အတိုင်း ကျွန်တော်တို့ တစ်ဦးချင်းစီ၏ စိတ်ထားများ အကောင်းဘက်သို့ ရွေ့လျားချီတက်ကြမည် ဆိုလျှင်တော့ ကျွန်တော်တို့အားလုံး၏ အနာဂတ်နှင့်အတူ နိုင်ငံတော်ပုံရိပ်များလည်း ဘက်ပေါင်းစုံ၌ လင်းလက်တောက်ပနေမည်မှာ သေချာလှပေသည်။

၂၀၁၆ ဆိုသည့် ကာလအပိုင်းအခြား တစ်ခုနှင့်လည်း နှုတ်ဆက်လက်ပြခဲ့ကြပြီး ဖြစ်ပေသည်။ ထိုကာလအတွင်း ကောင်းခြင်းတို့ဖြင့် ထုံမွှမ်းသည့် ဖြစ်ရပ်တို့နှင့်လည်း ပွေ့ဖက်ခဲ့ကြရသည်။ အရုပ်ဆိုး အကျည်းတန်မှုတို့ဖြင့်လည်း မကြုံလိုပါလျက် ဆုံခဲ့ကြသည်။ သည်အထဲကမှ မနှစ်မြို့ဖွယ်တို့ကို ဆက်လက် အလံမထူဝင့်စေဖို့၊ ရှောင်ရှားနိုင်ဖို့ သင်ခန်းစာ ယူကြရပေမည်။ ၂၀၁၇ ခုနှစ်တွင် ထိုဖြစ်စဉ်မျိုးများအတွက် အကာအကွယ်၊ အထိန်းအကွပ်များဖြင့် ကြပ်မတ်ကြရပေမည်။ ဥပမာအားဖြင့် မော်တော်ကားစီး ခရီးသည်များအား ယာဉ်မောင်းနှင့် ယာဉ်နောက်လိုက်တို့၏ အနိုင်ကျင့် စော်ကားမှုဖြစ်စဉ်များ၊ ရိုက်နှက်တိုက်ခိုက်သည့် ဖြစ်ရပ်များအား သက်ဆိုင်ရာတို့၏ ထိရောက်သည့် ကာကွယ်မှုများဖြင့် ဖြေရှင်းသင့်ပေသည်။ မူးယစ်ဆေးဝါးများအား သက်ဆိုင်ရာတို့၏ ထိရောက်သည့် ကာကွယ်မှုများဖြင့် ဖြေရှင်းပေးသင့်ပေသည်။ မူးယစ်ဆေးဝါးများ တားမနိုင်ဆီးမရ နိုင်ငံအတွင်း ၀င်ရောက်နေမှုနှင့်အတူ ကားတစ်စီးလုံး တင်ဆောင်လာခဲ့သည့်တိုင် ပိုင်ရှင်မဲ့ဖြစ်ရပ်များက ဥပဒေစိုးမိုးမှုအပေါ် လှောင်ရယ်နေဘိသို့ ရှိပေသည်။ ထိုဖြစ်ရပ်မျိုးများ ရှေ့လာမည့် နှစ်သစ်ခါသမယ၌ ထပ်မံ၍မပေါ်ပေါက်ရေး အတွက်လည်း အာရုံထဲထည့်ကာ ဖြေရှင်းကြရပေမည်။ ထို့အတူ မြားမြောင် ရှုပ်ထွေးလှစွာသော လူမှုဒုက္ခအပေါင်းမှ ခုန်ရှောင်နိုင်ရေးအတွက် တတ်စွမ်းသည့်ဘက်မှ ပါဝင်ရုန်းကြွရင်းဖြင့် ဆင်းရဲတွင်းမှ ကြိုးစားရုန်းထွက် ကြရပေမည်။ တစ်ယောက်ချင်းအားဖြင့် စုပေါင်း တွန်းလှန်ကြခြင်းဖြင့် အောင်မြင်မှု ပုံရိပ်များကို ပိုင်ဆိုင်ကြရပေမည်။

စီးပွားရေးလောကမှ ကျွမ်းကျင်သူတို့ကတော့ ၂၀၁၇ ခုနှစ်ကို ကျွန်တော်တို့နိုင်ငံအတွက် ကံကောင်းခြင်းများ ယူဆောင်လာပေးမည့် နှစ်သစ်သမယဟု ဆိုကြပေသည်။ ရေးဆွဲအကောင်အထည် ဖော်လျက်ရှိသည့် ရင်းနှီးမြှုပ်နှံမှု ဥပဒေသစ်အရ နိုင်ငံခြားသားနှင့် နိုင်ငံသားလုပ်ငန်းရှင်များ အတွက်ပါ ကျယ်ပြန့်သည့် ရင်းနှီးမြှုပ်နှံမှု အခွင့်ကောင်းများ ခံစားနိုင်ကြတော့မည်ဟု ဆိုပေသည်။ ဒီဥပဒေသာ အတည်ပြုပြီးပြီ ဆိုလျှင်ဖြင့် ရင်းနှီးမြှုပ်နှံဖို့ စောင့်လင့်နေသူများ အင်နှင့်အားနှင့် ၀င်လာကြလိမ့်မည်ဟုလည်း မျှော်လင့်နေကြပေသည်။ ၂၀၁၇ ခုနှစ်တွင် အသက်ဝင်လာမည့် ရင်းနှီးမြှုပ်နှံမှု ဥပဒေသစ်တွင် အားနည်းချက်များလည်း ပြင်ဆင်ထားပြီးဟု သိရပေသည်။

ဆွဲဆောင်မှုများဖြင့် ပြည်ပရင်းနှီးမြှုပ်နှံမှုများကို ဖိတ်ခေါ်လျက် ရှိကြောင်းများလည်း ပြောကြားသံများ နားဆင်ရပေသည်။ အထူးသဖြင့် ၂၀၁၇ ခုနှစ် ဒုနှစ်ဝက်ကာလတွင် မြန်မာနိုင်ငံ၏ နိုင်ငံခြားရင်းနှီးမြှုပ်နှံမှု၊ ကုန်သွယ်မှုနှင့် နိုင်ငံတကာမှ အထောက်အပံ့ အကူအညီများ ပိုမိုရရှိလာနိုင်ပြီး ၂၀၁၆ ခုနှစ် တစ်နှစ်လုံး အိပ်မောကျနေခဲ့သည့် မြန်မာ့စီးပွားရေး ပြန်လည်ဦးမော့လာမည်ဟုလည်း ပညာရှင်များက ယုံကိုးနေကြပေသည်။

စောစောက ပြောကြားခဲ့သလိုပင် ၂၀၁၇ ကိုဝိုင်းဝန်း၍ တန်ဖိုးမြှင့်ကြသူတွေထဲ တစ်ယောက်တစ်အားအဖြစ် ပါဝင်စာရင်းတို့ကြရပေမည်။ ကျွန်တော်တို့အဖွဲ့ထဲ ပါဝင်အားဖြည့်ကြမည့် သူများကိုလည်း ဖိတ်ခေါ်သမှု ပြုရပေသည်။ ဒီအခါကျတော့ ၀ိုင်းဝန်းလှုပ်ရှားခြင်းဖြင့် ပိုမို၍ ပျော်ရွှင်အားတက်ကြရမည် ဖြစ်သလို “အတူတူစားတော်မြိန်” ဆိုသည့် စကားရပ်အပေါ် ထောက်ပံ့မှုပြုရာလည်း ရောက်မည်ဖြစ်ပေသည်။

၂၀၁၇ ခုနှစ်၏ ရက်စွဲများ ဆေးရောင်စုံ ပန်းချီကားတစ်ချပ်ဖြစ်ရေး ကျွန်တော်တို့၏ စုပေါင်းလက်များဖြင့် ပါဝင်ရောခြယ်ကြပါမှ နိုင်ငံတော်၏ အနာဂတ်ကာလများလည်း တစ်နှစ်ထက်တစ်နှစ် ပိုမိုရုပ်လုံးကြွတက်ကာ ရွှန်းမျစ်လှပသော မုခ်ဦးဆီသို့ . . .“မင်္ဂလာပါ... ၂၀၁၇...”

Sources; ရွှေဒါးမောင်လေးရည် Eleven Media Group