စတင်ပြေးဆွဲမယ့် အများပိုင်သယ်ယူပို့ဆောင်ရေးစနစ်ပထမအဆင့်မှာ မူလကားတွေနဲ့သာ ကနဦး ပြေးဆွဲဦးမယ်
ဇန်န၀ါရီလ (၁၅) ရက်မှာ စတင်ပြေးဆွဲမယ့် အများပိုင်သယ်ယူ ပို့ဆောင်ရေးစနစ်ပထမအဆင့်မှာ အချက် (၂) ချက်သာ ပြောင်းလဲ မှာဖြစ်ပြီး ပြေးဆွဲနေတဲ့ကားတွေကတော့ မူလအတိုင်းရှိနေဦးမှာဖြစ်တယ်လို့ ရန်ကုန်တိုင်းဒေသကြီး သယ်ယူပို့ဆောင်ရေးကြီးကြပ်ကွပ်ကဲမှုအာဏာပိုင်အဖွဲ့ (YRTA) ၊ Operation Team အဖွဲ့ဝင် ကိုတရုတ်လေးက 5plus ကိုပြောပါတယ်။
အဲဒီ ပြောင်းလဲလိုက်တဲ့အချက် (၂) ချက်ကတော့ မထသစီမံအုပ်ချုပ်မှုမရှိတော့တဲ့အချက်နဲ့ ပြိုင်မောင်းလုမောင်းတွေ မရှိတော့မယ့်အချက်တို့ ဖြစ်တယ်လို့ သူကပြောပါတယ်။
မထသစီမံအုပ်ချုပ်တဲ့ စနစ်ကနေ ယာဉ်ပိုင်ရှင်တွေ စီမံအုပ်ချုပ်တဲ့ စနစ်ကို ပြောင်းလဲပြီး ယာဉ်ပိုင်ရှင်တွေရဲ့ အပေါ်မှာ YRTA က ကွပ်ကဲမှာဖြစ်ကာ ပြိုင်မောင်း လုမောင်းမဖြစ်တော့အောင် ခရီးစဉ်လမ်းကြောင်းတစ်ခုမှာ လိုင်း နံပါတ် (၁)ခု သာထားရှိပြေးဆွဲတော့မှာလည်းဖြစ်ပါတယ်။
စတင်ပြေးဆွဲမယ့်ရက်မှာ ယာဉ်တံဆိပ်တွေကို ပြောင်းလဲမှာ ဖြစ်ပြီး YRTA စာတန်းနဲ့ ယာဉ်လမ်းကြောင်း နံပါတ်တို့ကို တပ်ဆင်ထားမှာဖြစ်တယ်လို့ သိရပါတယ်။
ဒုတိယအဆင့်မှာတော့ စတင်တဲ့နေ့ကနေ ၃ လအတွင်း အစိုးရက ယာဉ်အသစ်ဝယ်ယူ အစားထိုးပေးမှာဖြစ်သလို GPS ၊ CCTV ၊ ယာဉ်စီးခ ငွေပေးကတ်စနစ်တွေနဲ့ ဘတ်စ်ကားမှတ်တိုင်တွေကို စနစ်ကျအောင် ဆောင်ရွက် မှာဖြစ်တယ်လို့ ကိုတရုတ်လေးက ပြောပါတယ်။
လက်ရှိမှာ အများပိုင် သယ်ယူပို့ဆောင်ရေးစနစ် စတင်ဖို့ ကုမ္ပဏီ ၈ ခုဖွဲ့စည်းထားပြီး ပြေးဆွဲဖို့ လျာထားတဲ့ ခရီးစဉ်လမ်းကြောင်း ၅၇ ခုကိုလည်း အစိုးရက ထုတ်ပြန်ကြေညာထားပါတယ်။
Sources; 5plus
Subscribe to:
Post Comments (Atom)
No comments:
Post a Comment