အကောင်းအဆိုးအမှားအမှန်ဆိုတာမသိပဲနဲ့ အသက်ရှင်နေတဲ့လူ
“မိုက်မဲတွေဝေသောသူ” တဲ့။ မိုက်မဲတွေဝေသောသူဆိုတာက အဓိပ္ပာယ်အမျိုးမျိုးပေါက်နိုင်ပါတယ်။ ဒီမှာဆိုလိုတာက အမှားအမှန် အကောင်းအဆိုး ကုသိုလ်အကုသိုလ်ကို မသိတဲ့လူလို့ အဓိပ္ပာယ်ပေါက်တယ်။ တွေဝေတယ်ဆိုတာက အမှန်ကိုမသိတာကို တွေဝေတာလို့ခေါ်တယ်။ ဒါ့ကြောင့် မိုက်မဲတွေဝေဆိုတာက လူသတ်တာ၊ ဓါးပြတိုက်တာ အဲဒါမျိုးကိုမဆိုလိုဘူးနော်။ မသိတာ နားမလည်တာကို ပြောတာ။ အမှားအမှန်၊ အကောင်းအဆိုး၊ ကုသိုလ်အကုသိုလ်ကို မသိဘူး။ အဲဒါကိုမသိရင်လည်းပဲ အသက်ရှင်နေလျှက် ဘဝသေနေသောသူလို့ ပြောရတော့မှာပဲ။
“ကိုယ့်ဘဝမှာ ဘာကိုကျေနပ်မှုရသလဲ” ဆိုတဲ့မေးခွန်းကို ဘုန်းကြီးမေးတယ်။ မေးတော့ ဒကာ ဒကာမတွေ တော်တော်များများဖြေကြပါတယ်။ ကိုယ့်အတွေးနဲ့ ကိုယ်ခံစားရသလိုဖြေကြတယ်။ ဖြေတဲ့အဖြေတွေတော့ မတူဘူး။ အဲဒီမှာ ဒကာကြီးတစ်ယောက်ဖြေလိုက်တာ တော်တော်ကောင်းတယ်။ သူ့အဖြေက ဘယ်လိုလဲဆိုတော့ “အမှား အမှန်ဆိုတာ ခွဲခြားပြီးသိလာတာကို တပည့်တော်ဘဝမှာ ကျေနပ်စရာအကောင်းဆုံးလို့ ယူဆပါတယ်’ တဲ့။ တော်တော် လေးလေးနက်နက်စဉ်းစားပြီး ဖြေလိုက်တာပဲ။ သူများဖြေတာကို နောက်ကလိုက်ပြီးဖြေတာ မဟုတ်ဘူး။ နားထောင်လို့ကောင်းတဲ့အဖြေမျိုး ဖြေတာလည်းမဟုတ်ဘူး။ သူခံစားရတာကို ဖြေလိုက်တာပဲ။
ဘုန်းကြီးတို့ငယ်ငယ်တုန်းကလည်း ဒီလိုပဲ။ စာပေအမျိုးမျိုးဖတ်တယ်။ အတွေးအခေါ်တွေ အမျိုးမျိုးဖတ်တယ်။ ဘာသာတရားတွေ အမျိုးမျိုးလေ့လာတယ်။ ဒီလိုနဲ့ပဲ လေ့လာရင်း လေ့လာရင်းနဲ့ ကုသိုလ်ဆိုတာ စိတ်ရဲ့သဘာဝ၊ စိတ်ရဲ့အရည်အသွေးဆိုတာကို သဘောပေါက်လာတယ်။ အကုသိုလ်ဆိုတာလည်းပဲ စိတ်ထဲမှာဖြစ်တဲ့ မကောင်းတဲ့သဘာဝ၊ မကောင်းတဲ့အရည်အသွေးတစ်မျိုးပဲ။ ဘုန်းကြီး အရင်တုန်းကယူဆထားတာ ကုသိုလ် အကုသိုလ်ဆိုတာ တစ်ယောက်ယောက်က ဒါကုသိုလ် ဒါအကုသိုလ်ဆိုပြီးတော့ သတ်မှတ်ပေးလိုက်တာပဲ။ အဲဒီတော့ သူလည်း သူ့ဟာသူကြိုက်သလိုသတ်မှတ်၊ ကိုယ်လည်း ကိုယ့်ဟာကိုယ်ကြိုက်သလိုသတ်မှတ်မှာပေါ့။ ဒီလို ယူဆလိုက်တာ။
တစ်ချို့ဘာသာတရားတွေမှာ အရက်သောက်တာ အပြစ်မရှိဘူး။ ဗုဒ္ဓဘာသာတရားမှာကျတော့ အရက်သောက်တာ အကုသိုလ်ပဲ။ အပြစ်ရှိတယ်လို့ဆိုထားတော့ ဟိုဘာသာက အပြစ်မရှိဘူးပြောတယ်။ ဒီဘာသာမှာက အပြစ်ရှိတယ်လို့ပြောတယ်။ အဲဒီတော့ ဘယ်ဟာကိုလက်ခံရမှာလဲ။ ဘယ်သူက မှန်တာလဲ။ ဘက်မလိုက်ပဲဆုံးဖြတ်ပါဆိုရင် ဘယ်လိုလုပ်ပြီး ဆုံးဖြတ်မလဲ။
ပထမတော့ မဆုံးဖြတ်နိုင်ဘူး။ နောက်တော့မှ တစ်ဖြည်းဖြည်း စိတ်ရဲ့သဘာဝ၊ စိတ်ရဲ့အရည်အသွေးဆိုတာကို လေ့လာတဲ့အခါမှာ သတိကောင်းနေတာ၊ သမာဓိကောင်းနေတာ၊ ကြည်လင်နေတာ၊ စိတ်အေးချမ်းနေတာ၊ စိတ်မှာသန့်ရှင်းနေတာ၊ စိတ်မှာနူးညံ့နေတာ၊ အဲဒါဟာ အင်မတန်အဆင့်မြင့်တဲ့စိတ်။ အဲဒီတော့ အရက်သောက်လို့ရှိရင် ဘယ်နှယ့်နေမလဲ။ စကားတွေ မှားကုန်ရော။ ကိုယ့်မိဘဆရာသမားတောင်မှ လေးလေးစားစားမပြောနိုင်တော့ဘူး။ ရိုင်းရိုင်းစိုင်းစိုင်း စော်စော်ကားကားစကားတွေ ပြောလာတယ်နော်။ တကယ်များများသောက်လို့ရှိရင် လမ်းတောင်မလျှောက်နိုင်တော့ဘူး။ တခြားလည်းပဲ သတိလက်လွတ်ပြီးတော့ မကောင်းတာတွေ အများကြီးလုပ်မိမယ်။ အရက်မူးပြီးတော့ မလုပ်သင့်တာတွေလုပ် မပြောသင့်တာတွေပြောပြီးမှ တစ်ခါတစ်လေ ကိုယ့်ဟာကိုယ်ပြန်ရှက်ရတယ်။
အဲဒီအချိန်မှာ သတိလည်းမကောင်းဘူး။ သမာဓိလည်းမကောင်းဘူး။ မေတ္တာ ကရုဏာဖြစ်ဖို့ တော်တော်ခဲယဉ်းပါတယ်။ အရက်သောက်ပြီးမူးနေတဲ့သူတွေ များသောအားဖြင့် ဒေါသဖြစ်နေကြတာများတယ်။ သည်းခံတာတို့ ခွင့်လွှတ်တာတို့ဖြစ်ဖို့ သူ့မှာတော်တော်ခဲယဉ်းတယ်။ မဖြစ်နိုင်ဘူး။ အဲဒီတော့ အရက်သောက်လိုက်လို့ သတိအားနည်းသွားတာဟာ ကျန်တဲ့ ကောင်းတဲ့စိတ်တွေကိုပါ ဖြစ်ခွင့်မပေးတော့ဘူး။ မကောင်းတဲ့စိတ်တွေဖြစ်ဖို့ကိုပဲ သူက အားပေးတော့တာ။ သူက ကြောက်စရာအကောင်းဆုံးအရာပဲ။ ဒါ့ကြောင့် အရက်သောက်တာ သတိကိုအားနည်းစေတဲ့အတွက်ကြောင့် ဒါ မကောင်းတာသေချာသွားပြီနော်။ ဘယ်သူ့ကိုမှ မေးစရာမလိုတော့ဘူး။ ကိုယ့်စိတ်ကိုကိုယ်ပြန်ကြည့်ရင် သိနိုင်တယ်။ အဲဒီတော့ အကုသိုလ်ဆိုတာ သတ်မှတ်ချက်မဟုတ်ဘူး။ သဘာဝတရားဆိုပြီးတော့ သဘောပေါက်လာတယ်။
ဒီလို ကုသိုလ် အကုသိုလ်ဆိုတာ သတ်မှတ်ချက်မဟုတ်ဘူး။ သဘာဝတရားလို့ သဘောပေါက်လိုက်တဲ့အချိန်ဟာ ဘဝမှာအင်မတန်ထူးခြားတဲ့အချိန် ဘဝမှာအကြီးအကျယ်ပြောင်းလဲမှုတစ်ခု ဖြစ်သွားတဲ့အချိန်ပဲ။ အကုန်လုံးပြည့်စုံအောင် သဘောပေါက်သွားပြီလို့တော့ မဆိုလိုဘူး။ နောက်ထပ် လေ့လာနေရသေးတယ်။ ကုသိုလ်တွေ ဘယ်လောက်ထိနက်နဲသလဲ ဘယ်လောက်ထိသိမ်မွေ့သလဲဆိုတာ လေ့လာရသေးတယ်။ အကုသိုလ်မှာလည်း တစ်ချို့ အင်မတန်သိမ်မွေ့တဲ့အကုသိုလ်တွေ ရှိတယ်။ အကုသိုလ်မှန်းတောင် မသိလိုက်ဘူး။ အဲဒါ ပိုပြီးတော့ သတိ သမာဓိကောင်းလာတဲ့အခါကျမှ ကြည့်တဲ့အခါမှာ မြင်ရတယ်။ လောဘမှန်းမသိလောက်အောင် သိမ်မွေ့တဲ့လောဘတွေ ရှိတယ်။ မာနမှန်းမသိလောက်အောင် သိမ်မွေ့တဲ့မာနတွေ ရှိတယ်။ မနာလိုဝန်တိုစိတ်မှန်းမသိလောက်အောင် သိမ်မွေ့တဲ့စိတ်တွေလည်း ရှိတယ်။
အဲဒီတော့ အကောင်းအဆိုး အမှားအမှန်ဆိုတာကို မသိပဲနဲ့ အသက်ရှင်နေရတဲ့လူက ဘယ်လိုလူလဲ။ အသက်ရှင်နေလျှက် ဘဝသေနေသောသူလို့ ခေါ်ရမှာပဲ။ လူပီသတဲ့လူလို့လည်း မပြောနိုင်တော့ဘူး။တိရစ္ဆာန်လိုနေတဲ့လူလို့ပဲ ပြောရမှာပဲနော်။
အသိဥာဏ်ဟာ အသက်ဝင်စေတယ်
အမှန်တရားတစ်ခုခုကို ကိုယ်ပိုင်အသိဥာဏ်နဲ့သိလိုက်ရတဲ့အချိန်မှာ ဘဝဟာ အသက်ဝင်လာပြီ။ ကိုယ့်စိတ်က အသက်ဝင်လာပြီ။ ကိုယ့်အသိဥာဏ်ကလည်း အသက်ဝင်လာပြီလို့ ပြောလို့ရတယ်။ ကိုယ်ပိုင်ဥာဏ်နဲ့မသိပဲနဲ့ မှတ်ရုံ မှတ်ထားတဲ့အဆင့်ဟာ တကယ်အသက်မဝင်သေးဘူးနော်။ ကိုယ်ပိုင်ဥာဏ်နဲ့သိတဲ့အဆင့်ရောက်မှ တကယ်အသက်ဝင်သွားတာ။ တစ်ခုခုကိုသိလိုက်ရတာဟာ ဘဝကိုပိုပြီးတော့အသက်ဝင်စေတဲ့ သဘာဝတစ်ခုဖြစ်တယ်။ အသိဥာဏ်ဟာ အသက်ဝင်စေတယ်လို့ ဆိုရမယ်။
ဒါ့ကြောင့် တစ်နေ့တာမှာ တစ်ခုခုကို ထူးထူးခြားခြားလေးသိလိုက်ရမှသာ အဲဒီနေ့ဟာ အသက်ရှင်နေရတာ အဓိပ္ပာယ်ရှိတဲ့နေ့ပဲ။ ဘာမှ ထူးထူးခြားခြားမသိရပဲနဲ့ လုပ်နေကျအလုပ်တွေလုပ်၊ ပြောနေကျ အပြောတွေပြောပြီးတော့ ပိုက်ဆံတွေဘယ်လောက်ပဲရနေရနေ အဲဒါ တကယ်အသက်ရှင်နေတဲ့နေ့၊ တကယ်အသက်ဝင်တဲ့နေ့လို့ မပြောနိုင်ဘူး။ ဒါ့ကြောင့် အသက်ရှင်နေတယ်လို့ပြောလို့ရအောင်၊ အသက်ဝင်နေတယ်လို့ပြောလို့ရအောင် အဓိပ္ပာယ်ရှိတာတစ်ခုခုကို လုပ်နေရမယ်။ တန်ဖိုးရှိတာတစ်ခုခုကို လုပ်နေရမယ်။ စိတ်ပါလက်ပါ လုပ်နေရမယ်။ အသိဥာဏ်နဲ့ လုပ်ရမယ်။ ပိုပိုပြီးတော့ သိလာနေရမယ်။ အသိဥာဏ် တိုးနေရမယ်။ ဒါ ဘုန်းကြီးခံစားရတဲ့အတိုင်း ပြောပြတာနော်။ ကိုယ့်ဟာကိုယ်လည်း စဉ်းစားကြည့်ပါ။ တစ်ခုခုကို နက်နက်နဲနဲသိလိုက်ရတဲ့အချိန်မှာ ကိုယ့်စိတ်မှာဘယ်လိုဖြစ်လာသလဲ။ ကိုယ်တိုင်လည်း ကြုံဖူးမှာပါ။
Sources; ဆရာတော်ဦးဇောတိက/Kanaung
No comments:
Post a Comment