ငြိမ်းချမ်းရေး ထိုးစစ်

ငြိမ်းချမ်းရေး ထိုးစစ်

နှစ်သစ်ကို ထိုးစစ်ဖြင့် စဖွင့်သည်။ လက်ရုံးဖြင့် ယှဉ်ရသော ထိုးစစ်တော့ မဟုတ်ပါ။ နှလုံးရည်အားစမ်းသည့် ထိုးစစ်ဖြစ်သည်။

အမျိုးသားပြန်လည် သင့်မြတ်ရေးနှင့် ငြိမ်းချမ်းရေးဗဟိုဌာန (NRPC) ကို နေပြည်တော်၌ စတင်ဖွင့်လှစ်ပြီး ယင်းနေ့၌ပင် နိုင်ငံတစ်ဝန်းမှ လူငယ်ကိုယ်စားလှယ် ၁၈ ဦးနှင့် ငြိမ်းချမ်းရေးစကားဝိုင်းကို တစ်ဆက်တည်း ပြုလုပ်ခဲ့သည်။  ဇန်နဝါရီလ ၁ ရက်နေ့တွင် ဖြစ်သည်။

ထိုစကားဝိုင်းမှတစ်ဆင့် တပ်မတော်နှင့် လက်နက်ကိုင်များကို သတင်းစကားအချို့ ပါးလိုဟန်လည်း ရှိသည်။

“ပစ်ရင်းခတ်ရင်းနဲ့ ငြိမ်းချမ်းရေးဆိုတာ မရနိုင်ပါဘူး”ဟု ဒေါ်အောင်ဆန်းစုကြည်က ဆိုသည်။

အစိုးရ၏ နံပါတ်တစ် အစီအစဉ်ဖြစ်သော ငြိမ်းချမ်းရေး တည်ဆောက်မှု လုပ်ငန်းစဉ်ကို အရှိန် ယူရတော့မည်ဖြစ်ရာ နောက်ထပ် ငြိမ်းချမ်းရေး စစ်မျက်နှာ တစ်ခုကို ဒေါ်အောင်ဆန်းစုကြည်က တီထွင်ဖွင့်လှစ်လိုက်ခြင်းဖြစ်သည်။ ငြိမ်းချမ်းရေး စကားဝိုင်းကို မြန်မာ့အသံနှင့် ရုပ်မြင်သံကြားက တိုက်ရိုက် ထုတ်လွှင့်သဖြင့်  စိတ်ဝင်တစား စောင့်ကြည့်သူလည်း များလှသည်။

ငြိမ်းချမ်းရေး ဘာကြောင့်မရသလဲ၊ ငြိမ်းချမ်းရေး ရအောင် ဘာလုပ်ခဲ့ဖူးသလဲ ဟူသည့် မေးခွန်းများဖြင့် စကားဝိုင်းရှိ လူငယ်များကို ရုတ်တရက် တွေဝေသွားစေသလို ကြည့်ရှုနားထောင်နေသူများကိုလည်း မိမိကိုယ်ကိုယ် ပြန်လည် မေးခွန်းထုတ်ရန် လှုံ့ဆော်ခဲ့သည်။

၂၁ ရာစု ပင်လုံညီလာခံ ပထမအကြိမ် ကျင်းပစဉ်ကလည်း လက်နက်ကိုင်များ အပါအဝင် အဖွဲ့အစည်း အသီးသီး၏ သဘောထား စာတမ်းများ တင်သွင်းဖတ်ကြားမှုကို ရုပ်မြင်သံကြားက တိုက်ရိုက်  ထုတ်လွှင့်ပြသခြင်းဖြင့် အဖြူ အမည်း အညို  ရောင်စုံသဘောထားများကို ပြည်သူတို့အား သိစေခဲ့ပြီးဖြစ်သည်။
ယခု အလှည့်ကျလာသည်က လူငယ် ကိုယ်စားလှယ်များ ဖြစ်သည်။

ကတိုက်ကရိုက် စီစဉ်ခဲ့ပုံရသော ငြိမ်းချမ်းရေး စကားဝိုင်းတွင် ပါဝင်သူ လူငယ် ကိုယ်စားလှယ်များ၏ ကိုယ်စားပြုမှု ပြဿနာ၊ မတက်ရောက်ဘဲ ကန့်ကွက်ခဲ့သူများ စသည့် အဖုအထစ်အချို့ ကြုံခဲ့သော်လည်း ပထမဆုံးအကြိမ်ဖြစ် လူငယ်တို့ အသံထွက်ခွင့်ရသော ပွဲတစ်ခုဖြစ်ခဲ့သည်။

တိုင်းရင်းသားဒေသတွင် လေကြောင်း ပစ်ကူသုံး၍ တပ်မတော်က စစ်ဆင်ခြင်းကို ကန့်ကွက်သံတို့လည်း ကြားရသည်။ အပြန်အလှန် ယုံကြည်မှု မရှိသဖြင့် ငြိမ်းချမ်းရေး မရခြင်းဖြစ်ကြောင်း အဖြေပေးသူ အချို့လည်း ပါဝင်သည်။ လူငယ် အချင်းချင်း အကြား၌ပင် မယုံကြည်မှု သံသယတို့ရှိနေကြောင်း ငြိမ်းချမ်းရေး စကားဝိုင်းက သက်သေခံခဲ့သည်။

နောက်ထပ် ငြိမ်းချမ်းရေး မျက်နှာစာ တစ်ခုက “ဝ”နှင့် မိုင်းလား ဖြစ်သည်။

ယင်းတို့သည်လည်း ဒေါ်အောင်ဆန်းစုကြည်၏ ငြိမ်းချမ်းရေး ထိုးစစ်တွင် အရေးပါသည့် ဇာတ်ကောင်များဖြစ်သည်။ ၂၁ ရာစု ပင်လုံညီလာခံကို လပိုင်းအတွင်း ထပ်မံ ကျင်းပရတော့မည်ဖြစ်ရာ အဖွဲ့စုံပါ လာရေး “ဝ”၊ မိုင်းလားတို့ကလည်း အခရာ ကျသည်။

ဦးသိန်းဇော် ဦးဆောင်သော ငြိမ်းချမ်းရေး ကော်မရှင် အဖွဲ့ဝင်များ ဒီဇင်ဘာအကုန်တွင် ရှမ်းမြောက်သို့ ခရီး နှင်ပြီးယင်းနှစ်ဖွဲ့မှ ခေါင်းဆောင်များနှင့်  တွေ့ဆုံခဲ့သည်။ ငြိမ်းချမ်းရေး ကော်မရှင်၏ ခရီးစဉ်အပြီး မိုင်းလားဒေသတွင် ဝင်ရောက် တပ်စွဲထားသော နောက်ဆုံးကျန်နေသည့် “ဝ” တပ်ဖွဲ့များ ဆုတ်ခွာမည်ဟု ဆိုလာသည်။

ဒေါက်တာတင်မျိုးဝင်း ဦးဆောင်သည့် ငြိမ်းချမ်းရေး ကော်မရှင်၏ တရုတ် ခရီးစဉ်တွင်လည်း ကူမင်းမြို့အရောက်တွင် “၀”အဖွဲ့များနှင့် တွေ့ဆုံခဲ့ပြီး နှစ်ဖက် ဆွေးနွေး သဘောတူညီချက်အရ မိုင်းလားရှိ “ဝ” တပ်အချို့ ဆုတ်ခွာပေးခဲ့ပြီး ဖြစ်သည်။

ယခု လက်ကျန်တပ်ဖွဲ့များ အပြီးသတ် ဆုတ်ခွာမည်ဟုဆိုရာ ကော်မရှင်၏ခရီးစဉ် အလုပ်ဖြစ်သည်ဟု ဆိုရပေမည်။

““ဝ”မိုင်းလား ခရီးစဉ်က အတော် ကောင်းပါတယ်။ တရုတ်ဘက်ကလည်း “ဝ” ကို ဃြဗ မှာ ပါလာဖို့ တွန်းနေတာတွေ ရှိတယ်”ဟု ငြိမ်းချမ်းရေး ကော်မရှင်နှင့် နီးစပ်သူ တစ်ဦးက မှတ်ချက်ပြုသည်။

စစ်ဖြစ်လုနီးနီး တင်းမာခဲ့သော တပ်မတော်၊ မိုင်းလား၊ “ဝ” သုံးပွင့်ဆိုင်အရေးက စိတ်အေးရပြီ ဖြစ်သည်။

ယခု စိုင်းပြင်းရမည်က ဖေဖော်ဝါရီ လကုန်ပိုင်းတွင် ကျင်းပရမည့် ဒုတိယအကြိမ် ၂၁ ရာစုပင်လုံ။

တစ်နိုင်ငံလုံး ပစ်ခတ်တိုက်ခိုက်မှု ရပ်စဲရေး သဘောတူစာချုပ် (NCA)တွင် ရှိရင်းစွဲ တိုင်းရင်းသား လက်နက်ကိုင် ရှစ်ဖွဲ့မှအပ ကျန်သူများ ထပ်မပါလာသေးခြင်းက ဒေါ်အောင်ဆန်းစုကြည်၏ ဦးစားပေး အစီအစဉ်ကို လျော့တိလျော့ရဲဖြစ်စေသည်။

လက်မှတ် မထိုးသေးသူ လက်နက်ကိုင်များအား စောင့်ဆိုင်းရင်း နိုင်ငံရေး ဆွေးနွေးပွဲဆိုင်ရာ မူဘောင်များကိုပင် အပြီးသတ် ပြင်ဆင် တည်းဖြတ်နိုင်ခြင်း မရှိသေးရာ လက်မှတ်ထိုးမည့်အဖွဲ့ ထပ်တိုးမလာလျှင် ဆွေးနွေးပွဲမူဘောင် ကွက်လပ်များကို ဖြည့်နိုင်ဦးမည် မဟုတ်ပါ။

ယင်းအတွက် နှစ်သစ်ကို ငြိမ်းချမ်းရေးထိုးစစ်ဖြင့် ဒေါ်အောင်ဆန်းစုကြည် ဖွင့်လိုက်ခြင်းဟု ဆိုရခြင်းဖြစ်သည်။

NCA တွင် လက်နက်ကိုင်အဖွဲ့များ ထပ်ပါလာအောင် မခေါ်နိုင်လျှင်၊ တပ်မတော်နှင့် တိုင်းရင်းသား လက်နက်ကိုင်များအကြား အရှိန် ပြန်မြင့်လာသော ပဋိပက္ခကို မထိန်းနိုင်ခဲ့လျှင် ဖေဖော်ဝါရီသည် မရေရာမှု များစွာကိုသာ ထပ်မံ ရင်ဆိုင်ရဦးမည်ဖြစ်သည်။

ယခု နှစ်သစ်၏ အဦးအစတွင်  ငြိမ်းချမ်းရေး စကားဝိုင်း အစီအစဉ်ကို ထောက်ခံသူ အများအပြား ရှိနေပြီး၊ ငြိမ်းချမ်းရေး ကော်မရှင်၏ အလုပ်ဖြစ်ခဲ့သော “ဝ”၊ မိုင်းလားခရီးစဉ်က သတင်းကောင်းများ ဖြစ်သည်။

ထိုသတင်းကောင်းများသည် ၂၀၁၇ ခုနှစ်ကို ထုံမွှမ်းနိုင်ပါမည်လော။

လတ်တလောတွင် မူဆယ်၊ မုံးကိုးနှင့် ဂီဒွန်တိုက်ပွဲတို့က ပေးသောအနာများကို ကုစားရမည့်အချိန် ဖြစ်သည်။

ထိုတိုက်ပွဲများတွင် နှစ်ဖက်အရာရှိ စစ်သည် အများအပြား ထိခိုက်ကျဆုံးခဲ့ရာ ဖေဖော်ဝါရီအမီ အပြုံးကိုယ်စီဖြင့် မျက်နှာချင်းဆိုင် ပြန်တွေ့ကြဖို့က အကြီးဆုံးသော စိန်ခေါ်မှု ဖြစ်နေသည်။ ပထမအကြိမ်  ၂၁ ရာစု ပင်လုံတွင် KIA ခေါင်းဆောင် အများအပြား တက်ရောက်ခဲ့သော်လည်း ဖေဖော်ဝါရီအတွက် မသေချာလှပါ။

“ဒီအချိန် နှစ်လအတွင်း ဖြစ်လာအောင် ဝိုင်းတွန်းဖို့လိုတယ်”ဟု ငြိမ်းချမ်းရေး အကျိုးဆောင် တစ်ဦးက မှတ်ချက်ပြုသည်။

ဖေဖော်ဝါရီ ကျင်းပမည့် ၂၁ ပင်လုံအမီ ဒေါ်အောင်ဆန်းစုကြည် ထိုးစစ်များ ဆင်နေရသည်။ နှလုံးရည်ဖြင့် ဆင်ရသော  စစ်ဖြစ်ပါသည်။

Sources; နော်ကိုကို/ The Voice