ဒုတိယကမ္ဘာစစ်ကြီးပြီးဆုံးပြီး ၁၉၄၅ ခုနှစ် စက်တင်ဘာလ၌ အရှေ့တောင်အာရှစစ်သေနာပတိချုပ် ဗိုလ်ချုပ်ကြီး မောင့်ဘက်တန် နှင့် မြန်မာ့မျိုးချစ်တပ်မတော်စစ်သေနာပတိ ဗိုလ်ချုပ်အောင်ဆန်းတို့ သိရိလင်္ကာ(သီဟိုဠ်ကျွန်း)၌ တွေ့ဆုံ၍ ကန္ဒီစာချုပ်ကို ချုပ်ဆိုခဲ့သည်။ ထိုစာချုပ်တွင် မြန်မာ့မျိုးချစ်တပ်မတော်မှ တပ်သား (၅၂၀၀) နှင့် အရာရှိ (၂၀၀) တို့ကို မြန်မာနိုင်ငံရှိ ဗြိတိသျှတပ်မတော်ထဲတွင် ထည့်သွင်းဖွဲ့စည်းရန် သဘောတူထားခဲ့သည်။ ထိုစာချုပ်အပြီးတွင် ဗိုလ်ချုပ်ကြီးမောင့်ဘက်တန်က ဗိုလ်ချုပ်အောင်ဆန်းအား အရေးကြီးသောစကားများပြောခဲ့သည်။
"ဗိုလ်ချုပ်အောင်ဆန်း ဗြိတိသျှတပ်မတော်မှာ ဗိုလ်မှူးချုပ်ရာထူး လက်ခံပြီးအမှုထမ်းပါ"(မြန်မာအမျိုးသားတစ်ယောက်အားပေးသော အမြင့်ဆုံးရာထူးပင်)
တစ်ဆက်တည်းတွင် မောင့်ဘက်တန်က "ဗိုလ်ချုပ်အောင်ဆန်း...ခင်ဗျားဆုံးဖြတ်ဖို့ အချိန်ရောက်ပြီ။ ခင်ဗျားရဲ့ရှေ့ဘ၀ခရီးမှာ ဗြိတိသျှနန်းရင်းဝန်ချာချီလို အမျိုးသားခေါင်းဆောင် လုပ်မှာလား ဒါမှမဟုတ် နပိုလီယံအပေါ် အောင်ပွဲခံခဲ့တဲ့ ဗြိတိသျှ ဗိုလ်ချုပ်ကြီး ၀ယ်လင်တန်လိုစစ်ခေါင်းဆောင်လုပ်မှာလား။ ခင်ဗျား တစ်ခုကိုရွေးချယ်တော့ဗျာ။ တစ်ချိန်တည်းမှာ နိုင်ငံရေးရော စစ်ခေါင်းဆောင်ရောလုပ်လို့မဖြစ်ဘူး"
ဗိုလ်ချုပ်တစ်ချက်ငိုင်သွားသည်။ စဉ်းစားပါဦးမည်ဟုဆိုကာ ဘာမှပြန်မဖြေခဲ့။
ကန္ဒီမြို့မှအပြန် ဗိုလ်ချုပ်အောင်ဆန်းသည် မောင့်ဘက်တန်ထံသို့ စာတစ်ဆောင်ရေးတော့သည်။ ထိုစာမှာအောက်ပါအတိုင်းဖြစ်သည်။
ကျွန်ုပ်၏ချစ်လှစွာသော လော့ဒ်လူဝစ်စ် မောင့်ဘက်တန် ဗြိတိသျှတပ်မတော်၏ ဗိုလ်မှူးချုပ်ရာထူး ကျွန်တော့်အားပေးအပ်ခန့် ထားမည်ကို ကျွန်တော်လက်မခံနိုင်ပါ။ ကျွန်တာ့်အနေဖြင့် တပ်မတော်မှထွက်ကာ နိုင်ငံရေးဘက်သို့ ၀င်ရောက်တော့မည်ဖြစ်ပါသည်။
ကျွန်တော့်အနေနှင့် စစ်တပ်တွင် ဆက်လက်တာဝန် မထမ်းဆောင်နိုင်တော့ သည့်အတွက် အထူးဝမ်းနည်းလျက်ရှိပါသည်။ ကျွန်တော့် အဖို့မှု စစ်တပ်တွင်တာဝန်ထမ်းဆောင်ရခြင်းကို အခြားအခြားသော လုပ်ငန်းဆောင်တာများထက် ပိုမိုနှစ်သက်တန်ဖိုးထားသည်မှာ အမှန်ပင်ဖြစ်ပါသည်။
အနာဂတ်ကာလတွင် မြန်မာနိုင်ငံနှင့် ဗြိတိသျှနိုင်ငံတို့အကြား ပဋိပက္ခများလည်း ဖြစ်ပေါ်လာနိုင်မည်။ သို့သော်မဖြစ်ပေါ်လည်းပဲ ရှိနေနိုင်သောအခြေအနေ၌ပင် ကျွန်တော်တို့အား အမျိုးမျိုး အဖုံဖုံ ကျေးဇူးပြုပြီး ကျွန်တော့်အသည်းနှလုံးထဲ၌ ချစ်ခင်စွာထားရှိရမည့် ပုဂ္ဂိုလ်တစ်ယောက်ကို တုံ့ပြန်ကျေးဇူးဆပ်သည် သဘောဖြင့် လူကြီးမင်းကမ်းလှမ်းသည့်အတိုင်း စစ်တပ်တွင် အမှုထမ်းလိုလှပါသည်။
သို့သော်လည်း ဖဆပလအဖွဲ့ချုပ်အတွင်းမှ ရဲဘော်များ၏ ကန့်ကွက်ချက်ရှိနေပြီး သူတို့၏ သဘောထားကို မပယ်လှန်ဘဲ လိုက်နာရမည့်အနေအထားလည်း ရှိနေသည်။ ယခုအခါ များ စွာကြီးမားလေးလံလိမ့်မည်ဟု မျှော်လင့်ရပြီး လက်တွေ့တွင်မှု ထိုမျှကြီးမားလေးလံခြင်း ရှိချင်မှရှိမည်ဖြစ်သော နိုင်ငံရေးလောကကို ၀င်ရောက်ရန်အတွက် စစ်တပ်ကိုစွန့်ခွာခြင်းမပြုမီ ချစ်မိတ်ဆွေကြီးအား နှုတ်ခွန်းဆက်သခဲ့ပါသည်။
နောင်အနာဂါတ်ကာလတွင် မည်သို့သော အခြေအနေများဖြစ်ပေါ် လာစေကာမူ ကျွန်ုပ်တို့အကြားယခုရရှိပြီးသည့် ခိုင်မြဲသည့်ရင်းနှီးမှုကို မပျက်ယွင်းစေရဟုလည်း မျှော်လင့်ပါသည်။ ချစ်မိတ်ဆွေကြီး အား အထူးပန်ကြားလိုသည်မှာ ကျွန်တော်လက်ဆောင်ပေးအပ်ခဲ့သော ဂျပန်ဆာမူရိုင်းဓားကို အရှေ့တောင်အာရှစစ်ပွဲကြီးအတွင်း၌ ကျွန်တော်တို့အား မိတ်ဆွေကြီးက ပြုဖူးသောကျေးဇူးတရားကို ကျေးဇူးဆပ်သည့်အထိမ်းအမှတ်အဖြစ် အမြဲထာဝရ အသိအမှတ်ပြု သိမ်းဆည်းထားရန်ပင် ဖြစ်ပါသည်။
ချစ်မိတ်ဆွေကြီးအား အစဉ်သတိရလျက်
သင်၏ချစ်လှစွာသော-
အောင်ဆန်း
ဗိုလ်ချုပ်အောင်ဆန်း၏ မေတ္တာစာသည် ပွင့်လင်းမှုနှင့်လျို့ဝှက်မှုကို လည်ကောင်း ၊ နှစ်လိုမှုနှင့် ကြုံးဝါးမှုကိုလည်ကောင်း တစ်ပြိုင်နက် ရောယှက်တင်ပြထားသော စာတစ်စောင်ဖြစ်ရာ သမိုင်းတန်ဖိုးကြီးလှသည်။
Ref
မှတ်ဖွယ်မှတ်ရာ မြန်မာ့ဗဟုသုတ ၁၀၀ - နန္ဒာမိုးကြယ်
မြန်မာ့စွယ်စုံကျမ်း
#AyeSay
www.ayesay.com.mm
#သုတဇုန်
Copy and share ကိုကို မာ
No comments:
Post a Comment