မန္တလေး၊ဒီဇင်ဘာ၁၂
မန္တလေး မဟာအောင်မြေမြို့နယ်အတွင်းရှိ ဘုန်းကြီးကျောင်းဝင်းတစ်ခုမှာ ဒီဇင်ဘာ ၁၁ ရက် မွန်းလွဲ ၁၂ နာရီ ၁၅ မိနစ်ခန့်က တရုတ်နိုင်ငံထုတ်နဲ့ အိန္ဒိယနိုင်ငံထုတ် ပေါက်ကွဲစေတတ်တဲ့ပစ္စည်းတွေ၊ ဆက်စပ်ပစ္စည်းတွေနဲ့အတူ လူနှစ်ဦးအားဖမ်းဆီးရမိထားကြောင်း နယ်မြေခံသတင်းတပ်ဖွဲ့ တွေဆီကစုံစမ်းသိရပါတယ်။
မန္တလေးတိုင်းဒေသကြီး မှုခင်းအကူဌာနစုမှဒုရဲမှူးဌေးမြင့်ဦးစီးတဲ့ရဲအုပ်အောင်ဇော်မိုးနဲ့အဖွဲ့၊ စစ်အင်ဂျင်နီယာတပ်ရင်း ၉၁၀(မန်း)မှ ဗိုလ်ကြီးအောင်သူ ၀င်းနဲ့အဖွဲ့၊ ခေတ္တမခရခွဲ(၃)ရဲမှူးစိုးနိုင်နဲ့အဖွဲ့၊ မန္တလေးခရိုင်မှုခင်းအကူဌာနစိတ်မှရဲအုပ်ကြည်ဇင်နဲ့အဖွဲ့ နယ်မြေခံအမှတ်(၇)ရဲစခန်းမှစခန်းမှူးရဲအုပ် ကျော်သူနဲ့အဖွဲ့၊ မမစ(၉)မှနယ်ထိန်းခေါင်းဆောင်ရဲအုပ်မိုးဝင်းစိန်နဲ့အဖွဲ့၊ သက်သေဒေ၀န်းအရှေ့ရပ်ကွက်မှအကွက်မှူးဦးတင့်ကို၊ စိန်ပန်းရပ်ကွက်မှ အကွက်မှူးဦးဌေးကျော်၊ ချမ်း/နောက်ရပ်ကွက်မှအကွက်မှူးဦးရှိန်းပိုင်တို့ပါဝင်တဲ့ ပူးပေါင်းအဖွဲ့ဟာ မဟာအောင်မြေမြို့နယ် ဒေးဝန်းအရှေ့ရပ်ကွက်၊ အကွက်အမှတ် ၂၉၄၊ ညောင်ကုန်းရပ်ရှိ ရေပန်းဘုန်းကြီးကျောင်းတိုက်၊ လက်ဖက်အုပ်ဘုန်းကြီးကျောင်းဝင်းအတွင်း ပေါက်ကွဲစေတတ်တဲ့လျှပ်စစ်ဒီတို နေတာတွေသိုလှောင်ထားတယ်ဆိုတဲ့သတင်းအရ ၀င်ရောက်ရှာဖွေခဲ့ရာမှ အမှန်တကယ်ပဲ အဲဒီပစ္စည်းတွေတွေ့ရှိခဲ့တယ်လို့ နယ်မြေခံသတင်းတပ်ဖွဲ့ တာဝန်ရှိသူတစ်ဦးကပြောပါတယ်။
ကျောင်းဝင်းအတွင်းရပ်ထားတဲ့ လိုက်ထရပ်ယာဉ်ရှေ့ခန်းမှာ ကိုသူရိန်ဖြိုး(ခ)သူရိန်အားတွေ့ရှိပြီး ယာဉ်နောက်ခန်းမှာတော့ အမိုးနီးယားနိုက်ထရိတ်မြေ ဆီအိတ် ၄ အိတ်အနက် မြေဆီအိတ် ၁ အိတ်အတွင်းမှ ရောင်စုံဝါယာကြိုးတွေတပ်ဆင်ထားတဲ့ တရုတ်နိုင်ငံထုတ်ဒီတိုနေတာ(ခ)လျှပ်စစ်စနက်တံ ၂၀၀၊ ကိုရဲစိမ်းအောင်ဆိုသူနေထိုင်တဲ့ သွပ်မိုးအုတ်ကာကျောင်းဆောင်မြေအောက်ခန်းအတွင်း ရောင်စုံဝါယာကြိုးတွေတပ်ဆင်ထားတဲ့ တရုတ်နိုင်ငံထုတ် ဒီတို နေတာ(ခ) လျှပ်စစ်စနက်တံ ၁၃၁ ချောင်း နဲ့ ဂျပ်စက္ကူဗူးအတွင်းထည့်ထားတဲ့ အိန္ဒိယနိုင်ငံထုတ် SOD တံဆိပ်ပါ မီးရှို့ဒီတိုနေတာ ၁၇၃ ချောင်း၊ လူမနေ တဲ့ပစ္စည်းသိုလှောင်ရုံ ၃ လုံးအတွင်း GARRY တံဆိပ်ပါ ပီနံအိတ်ချုပ်စက် ၁ လုံး နဲ့ SONY တံဆိပ်ပါပီနံအိတ်ချုပ်စက် ၁ လုံး၊ အရှည် ၂၅ ပေရှိမီးပလပ်ခုံပါမီးကြိုး ၁ ချောင်း၊ စင်ထွာတံဆိပ်ပါဒစ်ဂျစ်တယ်ကတ္တား ၁ လုံး၊ ပေါက်ကွဲစေတတ်တဲ့ပစ္စည်းတွေနဲ့ရောစပ်အသုံးပြုလို့ရတဲ့ မြေဆီအိတ် မျိုးစုံအလုံး ၂၅၀၊ ပေါက်ကွဲစေတတ်တဲ့ပစ္စည်းတွေနဲ့ရောစပ်အသုံးပြုလို့ရတဲ့မီးသွေးအိတ် ၂ လုံး၊ ကျောင်းဝင်းအတွင်းရပ်ထားတဲ့ကိုရဲစိမ်းအောင်ရဲ့အဖြူ ရောင် CRV အမျိုးအစားယာဉ်တစ်စီးတို့ကို သိမ်းဆည်းရမိလိုက်တာလို့သိရပါတယ်။
ဒီအမှုနဲ့ပတ်သက်ပြီး နယ်မြေခံအမှတ် ၇ ရဲစခန်းက (ပ)၄၇၇/၂၀၁၆ ပေါက်ကွဲစေတတ်သောဝတ္ထုပစ္စည်းများအက်ဥပဒေပုဒ်မ ၅ အရ အမှုဖွင့်အရေးယူ ဆောင်ရွက်ဖို့စီစဉ်ထားတယ်လို့လည်းသိရပါတယ်။
စောထွေး
#PopularNews
No comments:
Post a Comment