၁၅ ဧပြီ ၂၀၁၉၊မန္တလေးမြို့
မန္တလေး နန်းတွင်းထောင်ထွက်နိင်ငံရေးအကျဉ်းသားဟောင်း
ဦးစိန်ပန်းတစ်ယောက်ရွှေဘိုဆေးရုံမှာ၂၀၁၉ ဧပြီ ၁၃ ရက်နေ့ညနေ ၆ နာရီခန့်
ကွယ်လွန်ဆုံးပါးသွားတယ်လို့ဦးအောင်စိုးမြင့်(Aung Soe Myint)ထံကတဆင့်
သိရှိရပါတယ်။
ဦးစိန်ပန်း(သာစည်)ဟာနိုင်ငံရေးအကျဉ်းသားဟောင်းများ
ကွန်ရက် (အထက်ဗမာပြည်)ရဲ့အဖွဲ့ဝင်လည်းဖြစ်ပါတယ်။
"သူကစစ်မှုထမ်းဟောင်းတစ်ယောက်ပါ။
တပ်ကြပ်အဆင့်အထိတာဝန်ထမ်းဆောင်ခဲ့ဖူးတယ်။
မြေမြှုပ်မိုင်းနင်းမိရာကနေခြေတစ်ဖက်ပြတ်လို့မို့
ခြေတုတပ်ထားရတယ်။
ပျဉ်းမနား သကြားစက်မှာတာဝန်ကျနေတုန်း
၈၈ အရေးတော်ပုံကြီးအတွင်းပြည်သူနဲ့အတူပါဝင်ခဲ့လို့
ထောင်ဒဏ်အပြစ်ပေးခံခဲ့ရတာ"လို့ဦးနေဝင်း(တိမွေးကု ဆရာဝန်)က
ဦးစိန်ပန်းနဲ့ပတ်သက်ပြီးရေးသားဖော်ပြထားပါတယ်။
ဦးစိန်ပန်းဟာဇန်နဝါရီလ နောက်ဆုံးပတ်အတွင်း
ကျောက်ကပ်ရောဂါအပြင်ဦးခေါင်းအတွင်း
အကြိတ်ဒဏ်ရာကြောင့်သတိလစ်လျက် အနေအထားနဲ့
မန္တလေးပြည်သူ့ဆေးရုံကြီးဦးနှောက်၊အာရုံကြောဌာနမှာ
အရေးပေါ်ဆေးကုသမှုခံယူခဲ့ရဖူးတယ်။
ဒီတုန်းက"နိုင်ငံရေးအကျဉ်းသားဟောင်းများ
ကျန်းမာရေးကူညီစောင့်ရှောက်မှုအစီအစဉ်"အနေနဲ့
ဦးစိန်ပန်းထံ သွားရောက်တွေ့ဆုံအားပေးခဲ့ပါသေးတယ်။
မိသားစုက ကျွန်းလှမှာ နေထိုင်ပြီးသမီးအကြီး ၈ တန်း၊
သမီးငယ် ၄ တန်းတို့ကျန်နေရစ်ပါတယ်။
ယခုလို ဦးစိန်ပန်းကွယ်လွန်ဆုံးပါးရတဲ့အတွက်
မိသားစုနဲ့အတူထပ်တူထပ်မျှ ဝမ်းနည်းရပါတယ်။
ဦးစိန်ပန်းတစ်ယောက်ကောင်းရာသုဂတိလားရောက်ပါစေ !!
#နိုင်ငံရေးအကျဉ်းသားဟောင်းများကျန်းမာရေးကူညီစောင့်ရှောက်မှုအစီအစဉ်
#သတင်းရင်းမြစ်
Aung Soe Myint
No comments:
Post a Comment