သာယာဝတီ ဖေဖော်ဝါရီ ၃
ပဲခူးတိုင်းဒေသကြီး လက်ပံတန်းမြို့နှင့် ဧရာဝတီတိုင်း ဒေသကြီးမှ ဟင်္သာတမြို့တို့ကြား ဆက်သွယ်ထားသော လက်ပံတန်း-ဟင်္သာတကားလမ်းသည် ကီလိုမီတာအား ဖြင့် ၃၂ ဒသမ ၅၉ ကီလိုမီတာရှိပြီး ပဲခူးတိုင်းဒေသကြီး အစိုးရက စီမံခန့်ခွဲနေသော တိုင်းဒေသကြီးချင်းဆက် သည့် လမ်းဖြစ်သည်။
လက်ပံတန်း-ဟင်္သာတ ကားလမ်းကို ၁၉၉၀-၁၉၉၁ ဘဏ္ဍာရေးနှစ်က စတင်ဖောက်လုပ်ခဲ့ပြီးနောက် ပြုပြင် ထိန်းသိမ်းခြင်းလုပ်ငန်းကို ၂၀၁၁-၂၀၁၂ ဘဏ္ဍာရေးနှစ် မှစ၍ ၂၀၁၆-၂၀၁၇ ဘဏ္ဍာရေးနှစ်အထိ ပြည်ထောင်စု အစိုးရ၏ ခွင့်ပြုရန်ပုံငွေ ကျပ် ၂၉၁ ဒသမ ၁၇ သန်း၊ ပဲခူးတိုင်းဒေသကြီးအစိုးရအဖွဲ့၏ ငွေလုံးငွေရင်း ခွင့်ပြု ရန်ပုံငွေ ကျပ် ၄၀၆၉ ဒသမ ၂၅၂ သန်း၊ တိုင်းဒေသကြီး ပြင်/ထိန်းခွင့်ပြုရန်ပုံငွေ ကျပ် ၆၁၄၀ ဒသမ ၅၅၇ သန်း တို့ဖြင့် သာယာဝတီခရိုင် လမ်းဦးစီးဌာနက တာဝန်ယူ ပြုပြင်ခဲ့သည်။
ယခု ၂၀၁၈-၂၀၁၉ ဘဏ္ဍာနှစ်တွင်လည်း အဆိုပါ လက်ပံတန်း-ဟင်္သာတ ကားလမ်းကို တိုင်းဒေသကြီး အစိုးရအဖွဲ့၏ ငွေလုံးငွေရင်း ခွင့်ပြုရန်ပုံငွေများဖြင့် လမ်းချဲ့ခြင်း၊ ကတ်္တရာခင်းခြင်း၊ တံတားများပြုပြင်ခြင်း၊ ကွန်ကရစ်တံတားများ အသစ်တည်ဆောက်ခြင်း စသည့် အဆင့်မြှင့်တင်ခြင်းလုပ်ငန်းများကို သာယာဝတီခရိုင် လမ်းဦးစီးဌာနကပင် တာဝန်ယူ၍ ဆက်လက်ဆောင်ရွက် လျက်ရှိကြောင်း သိရသည်။
ခရမ်းစိုးမြင့်
No comments:
Post a Comment