Latest News

Wednesday, December 5, 2018

ပြန်ကြားရေးဝန်ကြီး ဦးဖေမြင့်၏ ၇ ကြိမ်မြောက် မီဒီယာညီလာခံတွင် ပြောဆိုချက်ကို ဆန့်ကျင်ကန့်ကွက်ကြောင်း မီဒီယာအဖွဲ့အစည်းပေါင်း ၁၆ ဖွဲ့က ကြေညာချက်ထုတ်ပြန်


ပြန်ကြားရေးဝန်ကြီး ဦးဖေမြင့်၏ ၇ ကြိမ်မြောက် မီဒီယာညီလာခံတွင် ပြောဆိုချက်ကို ဆန့်ကျင်ကန့်ကွက်ကြောင်း မီဒီယာအဖွဲ့အစည်းပေါင်း ၁၆ ဖွဲ့က နေပြည်တော် မီဒီယာညီလာခံတွင်ပင် ကြေညာချက်ထုတ်ပြန်၍ စုပေါင်း ကန့်ကွက်လုိုက်ကြသည်။

ကြေညာချက် အပြည့်အစုံမှာ အောက်ပါအတုိုင်းဖြစ်သည်။

သတ္တမအကြိမ်မြောက်မီဒီယာဖွံ့ဖြိုးရေးညီလာခံတွင် ပြန်ကြားရေးဝန်ကြီးဦးဖေမြင့်၏ မိန့်ခွန်းပါ ပြောကြားချက်များအပေါ် မီဒီယာအဖွဲ့အစည်းများမှ ကန့်ကွက်ကြောင်း သဘောထားထုတ်ပြန်ချက်။

၅ ဒီဇင်ဘာ ၂၀၁၈

၁။ အစိုးရပိုင်မီဒီယာများသည် အစိုးရနှင့်ပြည်သူအကြားဆက်သွယ်ပေါင်းကူးရန် ရည်ရွယ်ချက်ဖြင့် မည်သည့်အစိုးရတက် တက် ပုံစံမျိုးစုံဖြင့် ဆက်လက်တည်ရှိသွားမည်ဟု ယုံကြည်ကြောင်း ဝန်ကြီး၏ ပြောဆိုချက်သည် ဒီမိုကရေစီနိုင်ငံတစ်ခု၏ စရိုက်လက္ခဏာနှင့် ညီညွတ်ခြင်းမရှိဟု ကျွန်ုပ်တို့မှ ယုံကြည်သည်။ ဒီမိုကရေစီနိုင်ငံတစ်ခု၏ စတုတ္ထမဏ္ဍိုင်သည် ဒီမိုကရေစီစံနှုန်းနှင့် ဒီမိုကရေစီလူ့အဖွဲ့အစည်းကို ရေရှည်တည်တံ့ခိုင်မြဲစေရန် ထိန်းကျောင်းနေသည့် အခြေခံအုတ် မြစ်ဖြစ်သည်။ ထိုကြောင့် ယင်း၏အဓိက တာဝန်မှာ နိုင်ငံ၏ အခြားမဏ္ဍိုင်(၃)ရပ်ကို ထိန်းကျောင်းရန် ဖြစ်သည်။ အစိုးရက မီဒီယာတာဝန်ကိုယူကာ သတင်းထုတ်ပြန်နေမည်ဆိုလျှင် ယင်းသည် ဝါဒဖြန့်ချီိမှုသာ ဖြစ်ပြီး၊ နိုင်ငံပိုင်မီဒီယာက အစိုးရ၏ မှားယွင်းသောလုပ်ဆောင်ချက်များကိုထောက်ပြဝေဖန်ထိန်းကျောင်းရန်မည်သို့မျှမဖြစ်နိုင်။

၂။ အယ်ဒီတာလွတ်လပ်ခွင့် (Editorial Independence) နှင့် သတင်းသမားလွတ်လပ်ခွင့်သည် ထုတ်ဝေသူ အပါအဝင် ငွေကြေးထောက်ပံ့သူအလှူရှင်များ၏ သြဇာလွှမ်းမိုးမှုရှိနေကြောင်း နှင့် ထိုသြဇာမှ လွန်ဆန်နိုင်မှုရှိ မရှိ ဝန်ကြီးက မေးခွန်းထုတ်ပြောဆိုခဲ့သည်။ စင်စစ် နိုင်ငံပိုင်ဘဏ္ဍာငွေကို အသုံးပြုပြီး တည်ဆဲအစိုးရနှင့် တပ်မတော်၏ သြဇာကို ခံနေသည့် ၀ါဒဖြန့်ချိရေးမီဒီယာများဆက်လက် တည်ရှိနေခြင်းကိုလည်း စိုးရိမ်ကြောင်း ထည့်သွင်းပြောဆိုမှ မှန်ကန်မည်ဟု ယုံကြည်သည်။

၃။ သတင်းသမားများသည် နိုင်ငံသားများ ဖြစ်သဖြင့် နိုင်ငံချစ်စိတ်နှင့် အမျိုးသားရေးစိတ်ရှိရန် ပြောကြားချက် သည် သတင်းသမားများလိုက်နာရသော ကျင့်ဝတ်နှင့် သတင်းလွတ်လပ်ခွင့်အား များစွာအဟန့်အတား ဖြစ်စေပါသည်။ စာနယ်ဇင်းပညာသည် ကမ္ဘာလုံးဆိုင်ရာဖြစ်ပြီး၊ နိုင်ငံတစ်နိုင်ငံတည်း၏ အရေးကိစ္စမဟုတ်ပေ။

၎။ မြန်မာနိုင်ငံမီဒီယာလွတ်လပ်ခွင့် အညွှန်းကိန်းများ ကျဆင်းလာကြောင်း အစီရင်ခံစာများ ရေးသားထုတ်ပြန်ခဲ့သည့် ပြည်တွင်းပြည်ပအဖွဲ့အစည်းများသည် ဘက်လိုက်ခဲ့ကြောင်းနှင့် အမှတ်ပေးပုံ ပွင့်လင်းမြင်သာမှု မရှိကြောင်း ဝန်ကြီး၏ပြောဆိုမှုသည် အစီရင်ခံစာများပါ သုသေသနနည်းပညာနှင့် အဓိက ရှာဖွေတွေ့ရှိချက် များအပေါ် ရှင်းလင်းချက် များအား မျက်ကွယ်ပြု ပြောဆိုနေခြင်းသာ ဖြစ်သည်။ ထိုသို့မဟုတ်ဘဲ ပြည်တွင်း ပြည်ပ အဖွဲ့အစည်းများ၏ မီဒီယာ လွတ်လပ်ခွင့်အဆင့်အတန်းအား တညီတ ညွှတ်တည်း မီးမောင်းထိုးပြနေမှု အပေါ် ယင်းအရှိတရားကို လက်ခံမှသာ လွတ်လပ်ခွင့်ကျဆင်းစေသည့် ပြဿနာ ရပ်များကို အတူလက်တွဲရှာ ဖွေနိုင်မည်ဖြစ်သည်။

ထို့ကြောင့် ပြည်ထောင်စုဝန်ကြီး၏ အထက်ပါ ပြောဆိုချက်များသည် သတ္တမအကြိမ်မြောက် မီဒီယာဖွံ့ဖြိုး တိုးတက်ရေး ညီလာခံ၏ ရည်ရွယ်ချက်နှင့် ဆန့်ကျင်နေသောကြောင့် အောက်ပါမီဒီယာနှင့် အရပ်ဖက်အဖွဲ့အစည်းများက အပြင်းအထန် ကန့်ကွက်ရှုတ်ချလိုက်ပါသည်။

Article 19
မြန်မာမီဒီယာဖွံ့ဖြိုးရေးစင်တာ (Center for Myanmar Media Development)
ချင်းမီဒီယာကွန်ယက် (Chin Media Network)
လွတ်လပ်သောထုတ်ဖော်ပြောဆိုခြင်း မြန်မာ (Free Expression Myanmar)
တောင်ကြီးဂျာနယ်လစ်အသင်း (Taunggyi Journalist Association)
မြန်မာဂျာနယ်လစ်ကွန်ယက် (Myanmar Journalist Network)
မြေလတ်ဂျာနယ်လစ်ကွန်ယက် (Myae Latt Journalist Network)
မြန်မာဂျာနယ်လစ်ကွန်ယက် - ဧရာဝတီ (Myanmar Journalist Network - Ayarwaddy)
မြန်မာဂျာနယ်လစ်ကွန်ယက် - မုံရွာ (Myanmar Journalist Network - Monywa)
မြန်မာအမျိုးသမီးဂျာနယ်လစ်အသင်း (Myanmar Women Journalist Society)
မြန်မာမီဒီယာရှေ့နေများကွန်ယက် (Myanmar Media Lawyer Network)
မြန်မာသတင်းသမားများကာကွယ်ရေးကော်မတီ (Protection Committee for Myanmar Journalists)
ပဲန် မြန်မာ (Pen Myanmar)
ပြည်ကြီးခင် (Pyi Gyi Khin)
မြန်မာနိ်ုင်ငံတောင်ပိုင်းဂျာနယ်လစ်ကွန်ယက် (Southern Myanmar Journalist Network)
လားရှိုးသတင်းသမားများအဖွဲ့ (Lashio Reporters Group)



No comments:

Post a Comment