အရင်တစ်ခေါက်တုံက အိတ်ဖွင့်ပေးစာ (၁) ဆိုပြီးတော့ သန်လျင်ရေနံချက်စက်ရုံ ဗုံးခွဲတယ်ဆိုပြီး ဗိုလ်ချုပ်ကြီး ခင်ညွန့်မတရား ဖမ်းဆီး အကျဉ်းချခံထားရတဲ့ သန့်ဇော်အကြောင်း ရေးခဲ့ပါတယ်။ ဒီတပါတ်မှာတော့ ဗိုလ်ချုပ်ကြီး တို့ရဲ့ မတရားတဲ့ အမိန့်တွေကို နောက်ဆုံးအချိန်ထိ တိုက်ပွဲဝင်ခဲ့တဲ့ ကိုအောင်ကျော်မိုးအကြောင်းကို ပြောပါမယ်။ သူဘာကြောင့် သေရသလဲ ဆိုတော့ အဲဒီအချိန် ၁၉၉၈ ခုနှစ် သာာယ၀တီထောင်မှ ထောင်ပိုင်ဖြစ်ခဲ့တဲ့ ထောင်ပိုင်ကြီး ၀င်းမြင့်နဲ့ အဖွဲ့တွေ ၀ိုင်းရိုက်သတ်လို့ သေရတယ်လို့ ပြောရမှာပါ။ အဲဒီလိုဆိုတော့ ကိုအောင်ကျော်မိုး ရိုက်အသတ်ခံရတာဟာ ဗိုလ်ချုပ်ကြီးနဲ့ မဆိုင်ဖူးလို့ ပြန်ရှင်းန်ိုင်ပါတယ်။ ဒါပေမဲ့ ကျနော်ကတော့ ဗိုလ်ချုပ်ကြီးမှာ တာဝန်ရှိတယ်လို့ ယုံကြည်ပါတယ်။ ဘာဖြစ်လို့လဲ ဆိုတော့ ပြသနာကို အသေအချာ စုံစမ်းစစ်ဆေးမူမလုပ်တာရယ်၊ ထောင်တွင် နှိပ်စက်ညှင်းပမ်းမူတွေရှိနေတာကို သိသိကြီးနဲ့ မသိချင်ယောင်ဆောင်ထားတာရယ်က ဗိုလ်ချုပ်ကြီးတို့က ကိုယ့်ရဲ့လက်အောက်ငယ်သားတွေကို နှိပ်စက်ညှင်းပမ်းခွင့်ပေးထားသလို၊ လိုင်စင်ထုတ်ပေးထားသလို ဖြစ်နေပါတယ်။ ဒါကြောင့်လည်း ကျနော်က မြန်မာနိ်ုင်ငံမှာ နှိပ်စက်ညှင်းပမ်းမူတွေက အစိုးရက ကျူးလွန်နေတာပါလို့ ကျနော်စွပ်စွဲနေခြင်းဖြစ်ပါတယ်။
၁၉၉၇ ခုနှစ်ကနေ စပြီးတော့ သီးသန့်နဲ့ သာမန်သီးသန့်အကျဉ်းသားတွေကို အထူးသဖြင့် ယူဂျီအမူနဲ့ ဖမ်းဆီးခြင်း ခံထားရတဲ့ နိ်ုင်ငံရေးအကျဉ်းသားတွေကို အကျဉ်းထေင်ဥပဒေအရ ခံစားခွင့်ပြုထားတဲ့ အခွင့်အရေးတွေကို ရုပ်သိမ်းလိုက်တာက စတဲ့ ပြသနာပါ။ အဲဒီအချိန်က စခဲ့တဲ့ မတရားတဲ့အမိန့်ဟာ အခု အစိုးရသစ်လို့ ပြောနေတဲ့ ဦးသိန်းစိန်ကလည်း လက်ကိုင်ထားနေတုံးပါဘဲ။ ကိုအောင်ကျော်မိုးဟာ ၁၉၈၉ ခုနှစ် ဂျူလိုင်လ ၂၀ ရက်နေ့မှာ ဗမာပြည်ကွန်မြူနစ်ပါတီရဲ့ ယူဂျီတစ်ယောက်ဖြစ်တယ် ဆိုပြီး အဖမ်းခံခဲ့ရပါတယ်။ စစ်ကြောရေးကာလ အတွင်းမှာလည်း ပြင်းပြင်းထန်ထန် နှိပ်စက်ခြင်းကို ခံခဲ့ရပါတယ်။ အဲဒီနောက် သူ့ကို ထောင်ဒဏ် ၂၀ ဆိုပြီး အကျဉ်းနည်းနဲ့ အမိန့်ချခဲ့ပါတယ်။ မျှတတဲ့ တရားစီရင်မူ ဆိုတာလည်း ရခဲ့တာ မဟုတ်ပါဖူး။
ဒါပေမဲ့ ၁၊ ၉၃ ဆိုပြီး ၁၀ နှစ်အထက်တွေ ၁၀ နှစ်တည်ဆိုတဲ့ လွတ်ငြိမ်းအမိန့်ထွက်လာတော့ သူက ထောင်ဒဏ် ၂၀ ကနေပြီးတော့ ၁၀ နှစ်ဖြစ်သွားခဲ့ပါတယ်။
ထောင်ထဲမှာ ပုံမှန်ထောင်ကျတယ် ဆိုရင် ၁၀ နှစ်ကျရင် ထောင်ကပေးတဲ့ လျှော့ရက်နဲ့ဆိုရင် ၆ နှစ်နဲ့ ၈ လဆိုလွတ်ပါတယ်။ အခြားသာမန်အမူတွေမှာတော့ ပိုက်ဆံပေးပြီး လျှော့ရက်ကို ထောင်ပိုင်ဆီက ၀ယ်လေ့ရှိပါတယ်။ ဒါကလည်း ထောင်အာဏာပိုင်တွေအတွက်တော့ လုပ်စားကွက်ကြီးပေါ့။ ဒီလိုနည်းနဲ့ ထောင်အာဏာပိုင်တွေ ကြီးပွားချမ်းသာနေကြတာတွေကိုလည်း ခင်ဗျားတို့ ထောက်လှမ်းရေးတွေ သိသိကြီးနဲ့ အရေးမယူဘဲ မသိချင်ယောင်ဆောင်နေကြတာပါ။
ရသင့်ရထိုက်တဲ့ အခွင့်အရေးကို သိထားတဲ့ အတွက် အဲဒီအခွင့်အရေးအတိုင်း ကိုအောင်ကျော်မိုး ထောင်အာဏာပိုင်အဆင့်ဆင့်ကို တင်ပြပါတယ်။ ဒါပေမဲ့ ထောင်အာဏာပိုင်တွေကို ဒါဟာ သူတို့ချမှတ်ထားတာ မဟုတ်ဘဲ အထက်က ချတဲ့ အမိန့်လို ပြောဆိုပါတယ်။ အဲဒါဆို အဲဒီ အထက်က လူတွေနဲ့ စကားပြောချင်တယ် တွေ့ဖို့ စီစဉ်ပေးပါဆိုတော့လည်း မစီစဉ်ပေးပြန်ပါဖူး။ အဲဒီလိုနဲ့ တင်ပြလို့ မရနိုင်တဲ့အဆုံးမှာမှ ကိုယ့်အခွင့်အရေး ရဖို့အတွက်ကို အစာငတ်ခံ ဆန္ဒပြတဲ့ အဆင့်ထိ ရောက်ရတာပါ။
ကျနော်လည်း သိထားပါတယ်။ ကျနော်တို့ဟာ အကျဉ်းထောင်ထဲမှာ နေနေရတယ် ဆိုပေမဲ့ ကျနော်တို့ကို ထိမ်းချုပ်နေတာဟာ ထောက်လှမ်းရေးဖြစ်တယ်ဆိုတာကိုဘဲ။ အကျဉ်းထောင်က တာဝန်ရှိတာက ကျနော်တို့ ထွက်မပြေးဖို့နဲ့ ကျနော်တို့ ထောင်ထဲမှာ ဘယ်လိုနေထိုင်တယ် ဆိုတာကို ခင်ဗျားတို့ဆီကို ပုံမှန်သတင်းပို့နေ ဖို့ပါဘဲ။ အကြောင်းအရာ တော်တော်များများကို ဗိုလ်ချုပ်ကြီးတို့ဘဲ စီမံခန့်ခွဲနေတာပါ။ ဒါကြောင့်မို့လို့လဲ ဗိုလ်ချုပ်ကြီးတို့ဆီမှာ တာဝန်ရှိတယ်လို့ ပြောနေတာပါ။
ကိုအောင်ကျော်မိုးနဲ့အဖွဲ့ဟာ ဗိုလ်ချုပ်ကြီးတို့နဲ့ တွေ့ခွင့်တောင်းတဲ့အခါမှာ တွေ့ခွင့်မပေးခဲ့လို့ ဗိုလ်ချုပ်ကြီးတို့ သိအောင် အစာငတ်ခံ ဆန္ဒပြရတာပါ။ ဒါပေမဲ့ ပြသနာကို ဖြေရှင်းပုံက တွေ့ဆုံဆွေးနွေးခြင်းနဲ့ အဖြေရှာတာ မဟုတ်ပဲနဲ့ အကြမ်းဖက် ရိုက်နှက်ဖြေရှင်းခဲ့လို့ ကိုအောင်ကျော်မိုးက သေဆုံးသွားခဲ့ရတာပါ။ ကိုအောင်ကျော်မိုးရဲ့ တောင်းဆိုချက်က ရိုးရိုးလေးပါ။ အကျဉ်းထောင်ရဲ့ ဥပဒေအရ သူဟာလွတ်မြောက်ရမဲ့ အချိန်ဖြစ်နေပြီ။ ဘာကြောင့်မလွတ်ရတာလဲ။ ထောင်အာဏာပိုင်ကလည်း သူတို့ရဲ့ လုပ်ပိုင်ခွင့်ထဲမှာ မရှိတဲ့အတွက် သူတို့ ဖြေရှင်းမပေးနိုင်ပါ။ အထက်ကို တင်ပြပေးပါမယ်။ အထက်ကလည်း ပြန်လည် ဖြေရှင်းခြင်းမပြုတဲ့အတွက် မသေသင့်ဘဲနဲ့ နိုင်ငံရေးအကျဉ်းသားတစ်ယောက် ရိုက်အသတ် ခံလိုက်ရတယ်။
အဲဒီ ကိုအောင်ကျော်မိုး တို့ အစာငတ်ခံဆန္ဒပြနေတဲ့ အချိန်မှာ ကျနော်ဟာလည်း သာယာဝတီထောင် ၃ တိုက် အခန်းနံပါတ် ၅ မှာ ရှိနေပါတယ်။ ကိုအောင်ကျော်မိုး သေဆုံးသွားတဲ့ သတင်းကို ကြားရတဲ့ နေ့ကတော့ ၁၉၉၈ ခုနှစ်မေလ ၁၃ ရက်နေ့ဖြစ်တယ်လို့ ကျနော်မှတ်မိနေပါတယ်။
အကျဉ်းထောင်ဆိုတာ ကျနော်တို့လို နိ်ုင်ငံရေးတက်ကြွလူပ်ရှားသူတွေ ကြောက်သွားအောင်၊ ယုံကြည်ချက်တွေ ယိုင်လဲသွားအောင်၊ ဗိုလ်ချုပ်ကြီးတို့ကို မဆန့်ကျင်ရဲအောင်၊ အကျဉ်းထောင်ထဲမှာ မသေလို့ ပြန်ထွက်လာခဲ့ရင်တောင် ဘာမှ လုပ်ကိုင်စားသောက်လို့ မရအောင် ဗိုလ်ချုပ်ကြီးခင်ညွန့် ရည်ရွယ်ချက်ရှိရှိနဲ့ တည်ဆောက်ခဲ့တာပါ။
အခု ဗိုလ်ချုပ်ကြီးကိုယ်တ်ိုင်လည်း မတရားသဖြင့် ခံစားရတယ်ဆိုတော့ နိုင်ငံရေးအကျဉ်းသားတွေ ဘယ်လိုခံစားရမယ်ဆိုတာကို နားလည်လောက်ပါတယ်။ ဒီတော့ ဗိုလ်ချုပ်ကြီးအနေနဲ့ ကိုယ်လုပ်ခဲ့တဲ့ အရာတွေကို ပြန်စဉ်းစားပါ။ မှားတာကို မှားတယ်လို့ လူသိရှင်ကြား ၀န်ခံပါ။ ဒါဟာ တိုင်းပြည်အတွက် အကောင်းဆုံး ဗိုလ်ချုပ်ကြီး ခင်ညွန့်လုပ်ဆောင်နိ်ုင်တာ ဖြစ်ပါလိမ့်မယ်လို့ အကြံပေးပါရစေ။ အဲဒီအပြင် ဗိုလ်ချုပ်ကြီးတို့ မတရားလုပ်ခဲ့တဲ့ နစ်နာတဲ့ လူတွေအတွက်ကို အကောင်းဆုံးဘယ်လို ပြန်ကုစားပေးမလဲဆိုတာကို စဉ်းစားပါ။ ဖြစ်ပျက်ခဲ့ပြီးတာတွေကို ကျနော်အနေနဲ့ ခွင့်လွတ်လို့ ရကောင်းရနိ်ုင်ပေမဲ့ မေ့လို့တော့ မရန်ိုင်ပါ။
ဘိုကြည်
နိုင်ငံရေးအကျဉ်းသားများ ကူညီစောင့်ရှောက်ရေးအသင်း (မြန်မာနိ်ုင်ငံ)
ဖေဖေါ်ဝါရီ ၉၊ ၂၀၁၂
No comments:
Post a Comment