တောင်သာ အောက်တိုဘာ-၄
မန္တလေးတိုင်းဒေသကြီး၊တောင်သာမြို့နယ်အတွင်းကိုင်းကျေးရွာအုပ်စု၊ကျောက်ဆောက်ကျေးရွာရှိရှေးဟောင်းရွှေဂူကြီးဘုရားဝန်းအတွင်းတည်ထားကိုယ်းကွယ်သောဦးရွှေစင်ဘုရားမှာအောက်တိုဘာလ(၄)ရက်၊နံနက်(၁၀)နာရီခွဲကမိုးရွာသွန်းမှုကြောင့်ပြိုကျပျက်စီးခဲ့ရာမှ ရှေးဟောင်းကြေးဘုရားဆင်းတုတော်(၂၆)ဆူ၊ကျောက်ဆင်းတု(၅)ဆူ၊ဓာတ်တော်မြေအိုးနှင့်ဓာတ်တော်ပုလင်းများ၊ကြွေစင်ခွက်အကွဲများ၊မြေအိုးကွဲများနှင့်ကျောက်လင်ပန်း(၂)ခုတို့တွေ့ရှိခဲ့ပါသည်။
လက်ရှိကျောင်းထိုင် ဆရာတော်ဦးစန္ဒိမာနှင့် ကျေးရွာသားများ၏ ပြောကြားချက်အရ ဦးရွှေစင်ဘုရားကို ဆရာတော်ဦးရွှေစင်ကိုယ်တိုင်စေတီငယ်တစ်ဆူတည်းထားကိုးကွယ်၍အဓိဌာန်ဝင်ပြီးတရားအားထုတ်ခဲ့ရာ(၅)ရက်မြောက်နေ့တွင်ဆရာတော်ပျံလွန်တော်မူနေသည်ကိုတွေ့ရှိရကြောင်း၊အဓိဌာန်မဝင်မီဆရာတော်မှကပ္ပိယကြီးအားအဓိဌာန်(၇)ရက်မပြည့်မီနေရာမှရွေ့ပြောင်းခြင်းမပြုရဟုမှာထား၍ ရုပ်ကလပ်တော်အားအဓိဌာန် ဝင်သောဦးရွှေစင်စေတီတော်အတွင်း၌သာထားရန၊်(၇)ရက်မြောက်သော နေ့တွင်ရုပ်ကလပ်တော် ပျောက်ကွယ် သွားကြောင်း ပြောကြားခဲ့ပါသည်။
ကျောက်ဆောက်ရွှေဂူကြီးဘုးရားသည်ပုဂံရွှေဂူကြီးဘုရာနှင့်ပုံစံတူဖြစ်ကြောင်း ယခုတွေ့ရှိသောဘုရားများကလည်းပုဂံခေတ်က ရှေးဘုရားများဖြစ်နိုင်ကြောင်းပြောကြားခဲ့သည်။ရှေးဟောင်းဘုရားရုပ်ပွားတော်များကိုမြို့နယ်အုပ်ချုပ်ရေးမှူးဦးဝေလင်းထွန်းဦးဆောင်၍ဌာနဆိုင်ရာများ၊ကျေးရွာအုပ်ချုပ်ရေးမှူး၊ဂေါပကအဖွဲ့များနှင့်အတူ
ကြည့်ရူစစ်ဆေးပြီးသက်ဆိုင်ရာရှေးဟောင်းသုတေသနဦးစီးဌာနသို့တင်ပြသွားမည်ဖြစ်သည်။
ယခုစေတီတော်သန့်ရှင်းရေးနှင့်တွေ့ရှိသောရှေးဟောင်းရုပ်ပွားတော်များထပ်မံမပျက်စီး၊မပျောက်ပျက်စေရေးကိုဆရာတော်နှင့်ကျေးရွာလူကြီးများကဂရုတစိုက်ထိန်းသိမ်းစောင့်ရှောက်ရန်နှင့်ဆက်လက်လုပ်ဆောင်ရမည့်ကိစ္စရပ်မျာကိုဆွေးနွေးတိုင်ပင်ခဲ့ကြောင်းသိရသည်။
ကျော်မျိုးနိုင်(တောင်သာ)
No comments:
Post a Comment