Latest News

Sunday, October 21, 2018

တမန်းအိုအို ပျိုးပျိုပျို

တမန်းအိုအို ပျိုးပျိုပျို


ဇာတိ၊ ပုည၊ ဂုဏ်မာန မြင့်မားမှုနှင့်အတူ တစ်သီးတစ်သန့်တည်ရှိသည့်  လူ့ဘောင် အဖွဲ့အစည်းတစ်ရပ်  မှီတင်းနေထိုင်ရာ ဂျပန်နိုင်ငံသည် စည်းမျဉ်းတင်းကျပ်လှ သည့် လူဝင်မှုကြီးကြပ်ရေးမူဝါဒကို ဖြေ လျှော့လျက် နိုင်ငံခြားသား အလုပ်သမား များကို     ပိုမိုဝင်ရောက်ခွင့်ပေးနိုင်ရေး  ဥပဒေမူဘောင်သစ်   ရေးဆွဲချမှတ်ရန် ဝန်ကြီးချုပ် ရှင်ဇိုအာဘေး၏ အစိုးရအဖွဲ့ က စီစဉ်ဆောင်ရွက်လျက်ရှိသည်ဆိုသော သတင်းတစ်ပုဒ်ကို ကျွန်ုပ် ဖတ်ရှုရသော အခါ  နိုင်ငံ့စီးပွားနှင့်  လုပ်သားအင်အား ဆက်နွှယ်မှု အခြင်းအရာကို စေ့ငုလေ့လာ မိလေ၏။

''တမန်းအိုအို ပျိုးပျိုပျို'' ဟူဘိသို့ပင် တမန်းပုပ်နေသော   လယ်ကွင်းတွင် ပျိုး အရွယ်တော်ကိုစိုက်လျှင် စပါးအထွက် ကောင်းသည်ဟူသော သဘောတရား အတိုင်းပင်   လူအိုလူမင်း(ဝါ)သက်ကြီး ရွယ်အိုတိုးလာမှုကြောင့် လုပ်သားအင်အား  တစ်စတစ်စကျဆင်းနေသော နိုင်ငံတွင်တက်သစ်စအရွယ် နိုင်ငံခြားသား လုပ်သား
များ၏ အင်အားကိုရယူ၍ လုပ်ဆောင်လျှင် စီးပွားတိုးချေရာ၏ဟု ကျွန်ုပ်တွေးတောမိသည်။

လူမျိုးဂုဏ်၊ ဇာတိဂုဏ်

ယထာဘူတကျကျ စဉ်းစားလေသော် လူမျိုးဂုဏ်၊ ဇာတိဂုဏ်မောက်သော ဂျပန် လူ့ဘောင်က ဝန်ကြီးချုပ် အာဘေး၏ မူဝါဒ
အရွေ့အပေါ်  မည်သည့်အတိုင်းအတာ အထိ သည်းခံထွေထွေရှိပါအံ့နည်းဟူ၍ လည်း ဆင်ခြင်ပိုင်းခြားမိရာသည်။

လူဦးရေ ကျုံ့လာနေသော ဂျပန်နိုင်ငံ၌ သက်ကြီးရွယ်အို တိုးလာမှုကြောင့် ထိခိုက် နစ်နာမှုအဖြစ်ရဆုံး လုပ်ငန်းကဏ္ဍများ၌ လာမည့်နှစ်မှအစပြု၍ လစ်ဟာနေသော အလုပ်နေရာများတွင်   နိုင်ငံခြားသား
အလုပ်သမားများကို ခွင့်ပြုနိုင်ရေးအတွက် ဥပဒေသစ်တစ်ရပ်   ပေါ်ထွက်လာရန် ဝန်ကြီးချုပ် အာဘေးက ပြင်ဆင်ဆောင်ရွက်
လျက်ရှိနေသည်ဆို၏။

ဝန်ကြီးချုပ် အာဘေးမှာ နိုင်ငံခြားသား လုပ်သားများ   ခေါ်ယူနိုင်ရေးကိစ္စကို အရေးတကြီး ကိစ္စရပ်တစ်ခုအဖြစ် စိတ်စော
နေပုံရပြီး  လွှတ်တော်တွင်  ယင်းကိစ္စနှင့် ပတ်သက်၍   အချေအတင်  ဆွေးနွေး ငြင်းခုံကြခြင်း မရှိမီမှာပင် လာမည့် ဧပြီလ
မှစ၍ မူဝါဒအပြောင်းအလဲ အစပျိုးရန် လုပ်ဆောင်လိမ့်မည်ဟု တာဝန်ရှိသူများက ပြောကြားကြသည်။

အကယ်၍ နိုင်ငံခြားသား လုပ်သားခေါ် ယူခြင်းဆိုင်ရာ ဥပဒေစည်းမျဉ်းများ ချမှတ် နိုင်မည်ဆိုလျှင် ဂျပန်နိုင်ငံတွင် ၁၉၉ဝ ပြည့်
လွန်နှစ်များနောက်ပိုင်း လူဝင်မှုကြီးကြပ်ရေးဆိုင်ရာ မူဝါဒကို အောက်ခြေသိမ်း ပြင်ဆင်ပြောင်းလဲရာ ရောက်ပေလိမ့်မည်။

ဂျပန်နိုင်ငံသည် ၁၉၉ဝ ပြည့်လွန်နှစ် များက အာရှနိုင်ငံများမှ  လူငယ်များအား 'သင်တန်းသားများ' အဖြစ်  ခေါ်ယူမှုကို
စတင်ခွင့်ပြုပေးခဲ့သည်။

အာရှတိုက်သား အလုပ်သင်များ

အာရှတိုက်သား 'အလုပ်သင်များ' အဖြစ်
သိရှိကြသော အစီအစဉ်တစ်ရပ်ကို ၁၉၉၃ ခုနှစ်တွင် စတင်ခဲ့သည်။ ယင်း အစီအစဉ် ၏ ဦးတည်ချက်မှာ ဖွံ့ဖြိုးဆဲနိုင်ငံများအား ကျွမ်းကျင်မှုနည်းပညာ လွှဲပြောင်းပေးရေး ဖြစ်၏။   သို့ရာတွင်   အနည်းဆုံးလုပ်ခ သတ်မှတ်ချက်အောက်သာ    ပေးသည့် လုပ်ငန်းခွင်များသို့ ယင်းအစီအစဉ်မှ မွေး ထုတ်ပေးလိုက်သော ပညာသင်လူငယ်များ ရောက်ရှိသွားသည့် ရလဒ်ပေါ်ထွက်ခဲ့၏။ 

ဂျပန်နိုင်ငံ၌ ပညာသင်ယူကာ အလုပ် လုပ်ကိုင်ခွင့်ရရှိစေမည်ဟူသော မက်လုံး ပေးမှုအရ ရောက်ရှိနေကြသော နိုင်ငံခြား  သား ကျောင်းသား  ကျောင်းသူများမှာ လက်မည်းကြီးများအဖြစ်ရှိနေသော ပွဲစား များထံြေ<ွကးမြီတနင့်တပိုး တင်ရှိနေသည် ဆိုသော သတင်းများကိုလည်း မီဒီယာများ က ပုံမှန်လိုလိုပင် ထုတ်လွှင့်မှုရှိနေသည် ကို  ထောက်ချင့်၍   ဖွံ့ဖြိုးဆဲနိုင်ငံများမှ လူငယ်များ ဘဝတက်လမ်းရှာရင်း ဂျပန် နိုင်ငံတွင် ဒုက္ခလှလှ တွေ့ရသည့်အဖြစ် သနစ်များရှိနေဆဲဟု သိရပြန်သည်။

အထက်တွင် ညွှန်းဆိုခဲ့သည့် ပြဿနာ ရပ်များကို ဖြေရှင်းပေးနိုင်မည့် နည်းလမ်း များပါရှိသော ဥပဒေစည်းမျဉ်းသစ်များကို   ရေးဆွဲပြဋ္ဌာန်းနိုင်ရန်   ဂျပန်အစိုးရက ပြင်ဆင်နေပြီဆိုခြင်းမှာ ဖွံ့ဖြိုးဆဲနိုင်ငံများမှ တက်လမ်းရှာလိုသော    နိုင်ငံခြားသား လုပ်သားများအတွက်   သတင်းကောင်း တစ်ရပ်ဖြစ်ပေလိမ့်မည်။

ဥပဒေစည်းမျဉ်းသစ်အရ နိုင်ငံခြားသား လုပ်သားများကို   အိမ်ရှင်နိုင်ငံမှ အလုပ် သမားများနည်းတူ  လုပ်ခလစာရလာနိုင်
ဖွယ်ရှိပြီး မိမိကျင်လည်ရာ လုပ်ငန်းကဏ္ဍ အတွင်း လုပ်ငန်းခွင်တစ်ခုမှ အခြားတစ် ခုသို့ ကူးပြောင်းနိုင်ခွင့်လည်းရလာနိုင်ပေ
သည်။

သို့ဖြစ်စေကာမူ နိုင်ငံခြားသား လုပ်သား
များ  ဝင်လာလျှင်  သူတို့၏ လုပ်ငန်းခွင် အခြေအနေမှာ   ပိုမိုတိုးတက်လာရန် အကြောင်းမရှိသလို အနည်းဆုံးလုပ်ခကို လည်း   တိုးမြှင့်ပေးလိမ့်မည်မဟုတ်ဟု ကုလသမဂ္ဂ စီးပွားရေးပူးပေါင်းဆောင်ရွက် ရေးနှင့်    ဖွံ့ဖြိုးရေးအဖွဲ့(အိုင်အီးစီဒီ)၏ စီးပွားရေးပညာရှင်ဟောင်းနှင့် ဥပဒေပြု အမတ်တစ်ဦးဖြစ်သူ ယိုအိချိကာနဲကိုက ပြောကြားသည်။ ကာနဲကိုသည် ယခုအခါ သတင်းအချက်အလက်နည်းပညာ (အိုင်တီ) ကုမ္ပဏီတစ်ခုတွင်  အလုပ်လုပ်ကိုင်နေသူဖြစ်သည်။

ဝန်ကြီးချုပ်အာဘေး၏ အစိုးရအဖွဲ့က လုပ်အားခ တိုးမြှင့်ရေး အစီအစဉ်တစ်ရပ် ကို အကောင်အထည်ဖော်ပြီး 'ငွေကျုံ့မှု' တိုက်ဖျက်ရေး အစီအမံများကို ချမှတ်ဆောင်ရွက်နေသည့်တိုင်အောင် နိုင်ငံခြား သား လုပ်သားများကို အိမ်ရှင်လုပ်သား များနည်းတူ တန်းတူရည်တူ အခွင့်အရေး ပေးရန်မှာ အလုပ်ရှင်များဘက်မှ တွန့်ဆုတ်
မှု ရှိနိုင်သေးသည်။

ထိုစဉ်အတွင်း နိုင်ငံခြားသား လုပ်သားများအား တိုးမြှင့်လက်ခံရေးအစီအစဉ်ကို အစိုးရအဖွဲ့က ပြန်လည်ရုပ်သိမ်းပေးရန် လွန်ခဲ့သည့် ရက်သတ္တပတ်က လူ ၁ဝဝ ကျော်က   မြို့တော်တိုကျိုရှိ  ဂင်ဇာအရပ်တွင် စုဝေးကာ ဆန္ဒပြခဲ့ကြသည်။

မည်သို့ပင်ဆိုစေ ဤဖြစ်ရပ်က ရွှေ့ပြောင်း
အခြေစိုက်နေထိုင်မှု ဆန့်ကျင်ရေးစိတ်ဓာတ်
ဂျပန်ပြည်သူများအတွင်း    တစ်စိတ်တစ်ဒေသရှိနေပုံကို    ဖော်ကျူးလျက်ရှိသည်။ ဤသည်မှာ ဖွံ့ဖြိုးဆဲနိုင်ငံများ၌ ရွှေ့ပြောင်းအခြေစိုက်နေထိုင်မှု ဆန့်ကျင်ရေး စိတ်ဓာတ် ပြည်သူများအတွင်း ရှိနေပုံကို ညွှန်းဆိုလေသည်။

ဂျပန် အကျိုးစီးပွားက ပထမ

'အမေရိကန် အကျိုးစီးပွားက ပထမ' (American First) ဟူသော အမေရိကန် သမ္မတ ဒေါ်နယ်ထရန့်၏ ကြွေးကြော်သံ နည်းတူ 'ဂျပန် အကျိုးစီးပွားက ပထမ' ဟူသော ကြွေးကြော်သံကို ထင်ဟပ်လျက် ရွှေ့ပြောင်းအခြေစိုက်နေထိုင်မှုဆန့်ကျင်ရေး
လှုပ်ရှားမှု ဆန္ဒပြပွဲ ဖြစ်ပေါ်ခဲ့သည်။

ဂျပန်နိုင်ငံ၌ လက်ယာစွန်းရောက် ပါတီ
များမှာ လူထုထောက်ခံမှု မရှိသလောက် နည်းပါးလှသော်လည်း ရွှေ့ပြောင်းအခြေ စိုက်နေထိုင်မှု ဆန့်ကျင်သူများ တိုးပွားလာ နေကြောင်း   ကိုကူးရှီကန်းတက္ကသိုလ်မှ ပါမောက္ခ အာရီကိုဆူဇူကီးက ပြောကြား သည်။

မည်သို့ပင်ဆိုစေ ဂျပန်နိုင်ငံ၌ လုပ်သား  အင်အားလျော့နည်းလာသည့် ပြဿနာကို အလုပ်ရှင်များ     ရင်ဆိုင်လာရချိန်တွင် ပြည်ပလုပ်သားများကို      ခေါ်ယူရန် အကြောင်းဖန်လာခဲ့ပေပြီ။

မိမိတို့၏  ကုမ္ပဏီများတွင်  လုပ်သား အင်အားပြည့်မီခြင်းမရှိဟု   ဂျပန်နိုင်ငံရှိ ကုမ္ပဏီအရေအတွက်၏ သုံးပုံနှစ်ပုံခန့်က ထုတ်ဖော်ပြောဆိုခဲ့ကြသည်။

ဂျပန်အစိုးရအဖွဲ့အနေဖြင့်  နိုင်ငံ့စီးပွား ရေးတိုးတက်မှုကို ပိတ်ပင်တားဆီးနေသည့် လုပ်သားအရင်းအမြစ်   ချို့တဲ့လာသည့် ပြဿနာကို မလွဲဧကန် ဖြေရှင်းပေးနိုင်ရန် လုပ်ဆောင်လာရပေတော့မည်။

ပြည်ပနိုင်ငံများမှ လုပ်သား မည်ရွေ့ မည်မျှ ခေါ်ယူမည်ကို ယခုအချိန်အထိ ဆုံးဖြတ်ရခြင်းမရှိသေးပါဟု အစိုးရအဖွဲ့ အတွင်းဝန်ချုပ် ဟိုရှိဟီဒဆုဂ က ပြောကြားခဲ့သည်။

ကဏ္ဍငါးရပ်

နိုင်ငံခြားသားလုပ်သား ခေါ်ယူရေး အစီ
အမံသစ်အရ အကျုံးဝင်သည့် လုပ်ငန်း
နယ်ပယ်များမှာ သက်ကြီးရွယ်အို ပြုစုစောင့်
ရှောက်ရေး (လူမှုဝန်ထမ်း) ကဏ္ဍ၊ ဆောက်
လုပ်ရေးကဏ္ဍ၊ သင်္ဘောတည်ဆောက်ရေး ကဏ္ဍ၊ စိုက်ပျိုးရေးနှင့် မွေးမြူရေးကဏ္ဍ၊ ဟိုတယ်လုပ်ငန်းကဏ္ဍတို့ဖြစ်ကြကြောင်း ဂျပန်မီဒီယာများက ရေးသားဖော်ပြခဲ့ကြ သည်။

အစီအမံသစ်အရ     နိုင်ငံခြားသား လုပ်သားဦးရေကို စံချိန်တင် အရေအတွက် အထိ ဆွဲဆောင်သွားမည်ဟု မျှော်လင့်ရ သည်။ ဂျပန်နိုင်ငံ၏ လူဝင်မှုကြီးကြပ်ရေး မူဝါဒတွင် အကြီးအကျယ် ပြောင်းလဲမှု
အဖြစ် ရှုမြင်ရကြောင်း ရွှေ့ပြောင်းအလုပ် သမားများကို အကူအညီပေးရေး အဖွဲ့ အစည်းဖြစ်သော ဂျပန်ရောက် ရွှေ့ပြောင်း
လုပ်သားများဆိုင်ရာ သွေးစည်းညီညွတ်ရေးကွန်ရက်မှ  အက်ပေးတိုရီက  ပြောကြား သည်။

သို့ရာတွင်      ရွှေ့ပြောင်းနေထိုင်မှု ဆန့်ကျင်ရေးလှုပ်ရှားသူများက  ဝန်ကြီးချုပ် အာဘေး၏   မူဝါဒအရွေ့အပေါ်  ဘဝင်
မကျမှုနှင့်အတူ ဝေဖန်စကားဆိုကြသည်။

ဂျပန်နိုင်ငံသည် နိုင်ငံခြားလုပ်သားများ အပေါ် မှီခိုအားထားမှု မြှင့်တင်ခြင်းထက် မိမိတို့၏ နိုင်ငံသားများအတွက် လုပ်ငန်းခွင်
အခြေအနေ     ပိုမိုတိုးတက်လာစေရန်  ရန်ပုံငွေ      တိုးမြှင့်သုံးစွဲသင့်ကြောင်း အမျိုးသားရေးဝါဒီများက  ပြောကြားကြ သည်။

ပြည်ပလုပ်သားများကို ပိုမိုခေါ်ယူခြင်း မပြုမီ နိုင်ငံသားများတွေ့ကြုံနေရသော အလုပ်လက်မဲ့ ပြဿနာကို ဦးစွာဖြေရှင်း သင့်ကြောင်း အမျိုးသားရေး အကျိုးစီးပွား ဦးထိပ်ထားသူများက ပြောကြားကြသည်။

လုပ်သားလိုအပ်ချက် ကွက်လပ်

မည်သို့ပင်ဆိုစေ ဝန်ကြီးချုပ်အာဘေး က နိုင်ငံ၏ လစ်ဟာနေသော လုပ်သားလို အပ်ချက် ကွက်လပ်ကို ဖြည့်ဆည်းနိုင်ရေး အတွက် လာမည့်ဧပြီလမှစ၍ ကျွမ်းကျင်မှု ရှိသော ကော်လာပြာလုပ်သားများအပါ အဝင် ကျွမ်းကျင်လုပ်သားများကို ဦးရေ ငါးသိန်းခန့်အထိ ပြည်ပမှ ဖိတ်ခေါ်သွားရန် ရည်မှန်းဆောင်ရွက်လိမ့်မည်ဟု သတင်းများ
ပေါ်ထွက်လာရာ သူ့အနေဖြင့် ပြည်တွင်းရှိ အမျိုးသားရေးဝါဒီများ၏ ဆန့်ကျင်မှုကို နိုင်ငံရေးပွတ်တိုက်မှုအဖြစ် တွေ့ကြုံလာ
ရဖွယ်ရှိသည်။ သို့ရာတွင် သက်ကြီးရွယ်အိုဦးရေ တိုးပွားမှု၊ လူဦးရေ နည်းလာမှုတို့နှင့်အတူ စီးပွားရေးတိုးတက်မှုနှုန်းကို ဆက်
လက်ထိန်းထားနိုင်ရေးအတွက် လူဝင်မှု
ကြီးကြပ်ရေးမူဝါဒကို ဖြေလျှော့ပေးတော့ မည်ဟု မျှော်လင့်ရသည်။

တမန်းပုပ်နေသော လယ်ကွင်းတွင် ပျိုး အရွယ်တော်ကို စိုက်လျှင် စပါးအထွက် ကောင်းသည်ဟူသော သဘောတရားနှင့် အညီ သက်ကြီးရွယ်အို တိုးလာမှုကြောင့် ကုန်ထုတ်စွမ်းအား ထိခိုက်မှုမရှိစေရေး အတွက် ပြည်ပလုပ်သားများ ခေါ်ယူရန် ရည်ရွယ်ဆောင်ရွက်သော ဝန်ကြီးချုပ်အာဘေး၏   လူဝင်မှုကြီးကြပ်ရေး မူဝါဒ ဖြေလျှော့မှုသည်    ယင်းနိုင်ငံအတွက် အရေးကြီးလှသည်ဟု  တွေးတောမိရင်း
''တမန်းအိုအို ပျိုးပျိုပျို'' ဟု ကျွန်ုပ် ကျူးရင့်မိပါသတည်း။   

ကိုရင်သြ

No comments:

Post a Comment

Blog Archive

Tags

Accident Ad Agriculture Article Astrology Aung San Suu Kyi Bagan Beauty Bogale Book Car Cartoon celebs Crime Crony Daily Popular Danubyu Dedaye Dhamma Dr Hla Myat Thway Education ELection Entertainment Environment Foreign Affairs General General Aung San General Knowledge Gossip Gov Health Herbal Hinthada History Hluttaw Ingapu Interview Job Kangyidaunt kyaik Lat Kyangin Kyaunggon Kyonpyaw Latputta Laymyethna Lemyethna Letter Ma Shwe Moe Mahn Johnny Maubin Mawlamyinegyun Media MMP MMP 1 money Myan Aung Myanmar Idol Myaungmya Myo Min Paing News Ngapudaw Ngathaingchaung NLD Nyaung Tone Opinion Pagoda Pantanaw Party Pathein People Photo Places Poem Police Politic Political Prisoner Popular Project Pyapon Quote School Bus Song Speech Sport Sports Student SYW SYW 1 Technology Thabaung Time Ayeyar Tourism Trailer Travel U Ba Hein U Ko Ni U Kyaw Myint U Win Htay USDP Video Wakhama Weather World News Yekyi Zalun စိတ်အဟာရ ရသစာများ စိုက်ပျိုးရေး ထူးဆန်းထွေလာ ဒီရေတော နာရေး ဗဒေငျ မဘသ မုံရွာ လယ်သိမ်းမြေသိမ်း လူပုဂ္ဂိုလ်များ လူပျောက်ကြော်ငြာ အရှင်သုစိတ္တ (မော်ကျွန်း) အရှင်သုစိတ္တ (မော်ကျွန်း) ဆရာတော် အထွေထွေ ဝေဖန်ရေး ထွေအုပ် ​မော်​တင်​စွန်း နိုင်ငံရေးအကျဉ်းသား

Labels

Recent Post