ဟားဗတ်ဥပဒေကျောင်းရဲ့ အစီရင်ခံစာတစ်စောင်… [မြန်မာပြည်က စစ်ဗိုလ်ချုပ်ကြီး (၃) ဦး… အရိုးတွန်သံများ… နှင့် ICC…]

..
ဟားဗတ်ဥပဒေဌာနရဲ့ နိုင်ငံတကာလူ့အခွင့်အရေးကွင်းဆင်းလေ့လာမှု အစီရင်ခံစာက မြန်မာနိုင်ငံအရှေ့ပိုင်း [သံတောင်-ကရင်ပြည် နယ်] မှာ တပ်မတော်ရဲ့ ၂၀၀၅-၂၀၀၈ ခုနှစ်အတွင်း ပြုခဲ့တဲ့ထိုးစစ်မှာ “စစ်ရာဇ၀တ်မှု၊ လူသားမျိုးနွယ်အားဆန့်ကျင်တဲ့ ရာဇ၀တ်မှု” တွေ ကျူးလွန်ခဲ့ကြောင်း နိုဝင်ဘာ ၂၀၁၄ မှာ ဖော်ပြခဲ့ပြီး “Command Responsibility - အမိန့်ပေး-တာဝန်ရှိ” ပုဂ္ဂိုလ်တွေအဖြစ် ဗိုလ်ချုပ် ကိုကို၊ ဗိုလ်မှူးချုပ်ခင်ဇော်ဦး၊ ဗိုလ်မှူးချုပ်မောင်မောင်အေးတို့ (၃) ဦးလို့ ထောက်ပြထားပြီး ၎င်းဌာနက စုဆောင်းထားတဲ့ အထောက် အထားတွေက နိုင်ငံတကာရာဇ၀တ်မှုခုံရုံးရဲ့ ဥပဒေ အပိုဒ်ခွဲ (၅၈) နဲ့ ကိုက်ညီတာမို့ သူတို့ကို ဖမ်းဝရမ်းထုတ်နိုင်ကြောင်း အဆိုပြုထား ပါတယ်။
..
အစီရင်ခံစာကို မြန်မာနဲ့ မြန်မာ-ထိုင်းနယ်စပ်ကို ခရီး (၁၁) ကြိမ်၊ လူပေါင်း (၃၀၀) ကျော်တွေ့ဆုံပြီး၊ အင်တာဗျူး (၁၅၀) ပြုလုပ်ပြီး- အင်တာဗျူးမှာတော့ တပ်မတော်ထိုးစစ်ကြောင့် ထွက်ပြေးလွတ်မြောက်လာသူတွေ၊ နှိပ်စက်ညှင်းပန်းခံရသူတွေ၊ မျက်မြင်သက်သေတွေ၊ ပေါ်တာဆွဲခံရသူတွေ၊ တပ်မတော်အရာရှိတွေနဲ့ အဆက်အသွယ်ရှိတဲ့ ကျေးရွာလူကြီးတွေ၊ တပ်မတော်သားဟောင်းတွေ၊ စစ်ရေး ကျွမ်းကျင်သူတွေ၊ ဓါတ်ပုံအထောက်အထားတွေ ပါဝင်ပြီး၊ အခြားလူ့အခွင့်အရေး အစီရင်ခံစာ (၁၂) စောင်ရဲ့ အထောက်အထားတွေ ကို လေ့လာပြီး ၂၀၀၅-၂၀၀၆ ခုနှစ်အတွင်း တပ်မတော်ရဲ့ လှုပ်ရှားပြုမူပုံတွေကို တရားဝင်မှတ်တမ်းပြုစုခဲ့ပါတယ်။ အဆိုပါအစီရင်ခံစာကို “သံတောင်မြို့နယ်” အစီရင်ခံစာလို့လဲ ရည်ညွှန်းပြီး မှတ်တမ်းအပြည့်အစုံမှာ စာမျက်နှာ (၁၅၀၀) ပါဝင်ပါတယ်။
..
အစီရင်ခံစာက တပ်မတော်ရဲ့ တောင်ပိုင်းတိုင်းနဲ့ တပ်မ (၆၆) ရဲ့လုပ်ရပ် [လူ့အခွင့်အရေးချိုးဖောက်မှု] တွေကို စုံစမ်းလေ့လာပါတယ်။ နိုဝင်ဘာ ၂၀၀၅ မှာ တောင်ပိုင်းတိုင်းရဲ့ အမိန့်နဲ့ စစ်သားတွေဟာ ကရင်ပြည်နယ်မြောက်ပိုင်း, သံတောင်မြို့နယ်, ဟီးဒေါကော [Hee Daw Kaw] ရွာကို လက်နက်ကြီးနဲ့ ပစ်တယ်။ ထွက်ပြေးတဲ့ ရွာသားတွေကိုပါ ပစ်တယ်။ ဖမ်းဆီးတယ်။ ရွာသားတစ်ဦးကို ပစ်သတ် တယ်။ အိမ်ခြေအလုံး (၃၀) ဆယ်မီးရှို့တယ်။ ရွာထဲမှာ မြေမြှုပ်မိုင်းတွေ ထောင်တယ်။ “နယ်မြေရှင်းလင်းရေး” စီမံကိန်းတွေနဲ့ အခြားရွာ သားတွေကို ထွက်ပြေး၊ ပြန်လာလို့မရအောင် လုပ်ခဲ့တယ်။ သံတောင်မြို့နယ်အတွင်းက ကျေးရွာအားလုံးနီးပါး အဲဒီလို တိုက်ခိုက်ခံခဲ့ ရတယ်။
..
သုံးနှစ်အတွင်းမှာ မြန်မာနိုင်ငံအရှေ့ပိုင်းမှာ ရွာပေါင်း (၁၀၀) ကျော် တိုက်ခိုက်ခံခဲ့ရတယ်။ ဟီးဒေါကောရွာဟာ အဲဒါတွေထဲက တစ်ခု သာ ဖြစ်တယ်။ ၂၀၀၆ ဖေဖေါ်ဝါရီမှာ တပ်မ (၆၆) နဲ့ အခြားတပ်ရင်း (၇) ရင်းပူးပေါင်းပြီး ကရင်ပြည်နယ်မြောက်ပိုင်းနဲ့ ပဲခူးတိုင်း အရှေ့ ခြမ်းကို ထိုးစစ်ပြုခဲ့တယ်။ တပ်မတော်ရဲ့ ရည်ရွယ်ချက်နဲ့မူကတော့ အရပ်သားတွေကို Karen National Liberation Army [KNLA] ထိမ်းချုပ်နယ်မြေထဲကနေ တပ်မတော် ထိမ်းချုပ်နယ်မြေထဲရောက်ဖို့နဲ့ ထိုင်းဘက်ကို တွန်းထုတ်ဖို့ ဖြစ်တယ်။ [စကားချပ်-ပခုံးမှာ အပွင့်တွေ၊ အခက်တွေ ချိပ်ဖို့၊ သူရဘွဲ့တွေ ရဖို့၊ ရာထူးတက်ဖို့ဆိုရင် တိုက်ပွဲတွေက လိုအပ်နေမှာ ဖြစ်တယ်]။
..
ဒေသတွင်းအဖွဲ့အစည်းတွေ၊ နိုင်ငံတကာအဖွဲ့အစည်းတွေ၊ ကုလသမဂ္ဂ၊ အမေရိကန်၊ နိုင်ငံတကာကြက်ခြေနီအဖွဲ့နဲ့ အခြားအဖွဲ့တွေက မြန်မာစစ်တပ်ရဲ့ ကြမ်းတမ်းတဲ့ ထိုးစစ်များကို မှတ်တမ်းတင်၊ ရှုတ်ချကျပြီး အစီရင်ခံစာတွေက “clear” - နယ်မြေရှင်းလင်းရေးအတွင်းမှာ အရပ်သားများစွာ သေဆုံးခဲ့ရပြီး၊ အရပ်သား (၄၂၀၀၀) ကျော် ရွှေ့ပြောင်းခံခဲ့ရတယ်လို့ ဆိုတယ်။ ဟားဗတ်ဥပဒေဌာနရဲ့ နိုင်ငံတကာ လူ့အခွင့်အရေးကွင်းဆင်းလေ့လာစုံစမ်းမှုက ရရှိတဲ့ အထောက်အထားတွေဟာ တပ်မ (၆၆) က စစ်သားတွေဟာ “စစ်ရာဇ၀တ်မှု” ဖြစ်တဲ့ [အရပ်သားများကို တိုက်ခိုက်ခြင်း၊ အရပ်သားများကို ရွှေ့ပြောင်းခြင်း၊ နေအိမ်-အဆောက်အအုံများကို သိမ်းခြင်း/ဖျက်ဆီးခြင်း၊ အကြမ်းဖက်လုယက်ခြင်း၊ လူသတ်ခြင်း၊ တရားဆိုင်ခွင့်မပေးဘဲ သတ်ပစ်ခြင်း၊ နှိပ်စက်ညှင်းပန်းခြင်း၊ မဒိမ်းပြုကျင့်ခြင်း၊ လူ့ဂုဏ်သိက္ခာ ကို မငဲ့သည့် အခြားပြုမူမှုများ] နဲ့ “လူသားမျိုးနွယ်အပေါ်ဆန့်ကျင်တဲ့ရာဇ၀တ်မှု” ဖြစ်တဲ့ [အဓမ္မရွှေ့ပြောင်းခြင်း၊ လူသတ်ခြင်း၊ ကျွန်ပြုခြင်း (ပေါ်တာဆွဲခြင်း)၊ နှိပ်စက်ညှင်းပန်းခြင်း၊ မဒိမ်းပြုကျင့်ခြင်း၊ အခြားလူသားမဆန်သည့် ပြုမူမှုများ] ကျူးလွန်ခဲ့တယ်လို့ ဖော်ပြပါတယ်။
..
အဆိုပါအစီရင်ခံစာက - တပ်မတော်ရဲ့ တိုင်းရင်းသားလက်နက်ကိုင် “သူပုန်” အဖွဲ့အစည်းတွေအပေါ် အစဉ်အဆက်ကျင့်သုံးခဲ့တဲ့ "ဖြတ်လေးဖြတ်” – “ရိက္ခာ၊ ငွေကြေး၊ သတင်းအချက်အလက်၊လူအင်အားစုဆောင်းမှု” ဖြတ်တောက်ခြင်းစတဲ့ မူဝါဒဟာ “Crime against humanity” မြောက်တယ်လို့လဲ ထောက်ပြထားပါတယ်။ တပ်မတော်ရဲ့ သတ်မှတ်ချက်ဖြစ်တဲ့ “အနက်ရောင်နယ်မြေ” - ရန်သူနယ်မြေလို့ သတ်မှတ်တာကြောင့် စစ်သားတွေက စစ်ဆင်ရေးမှာ " ကျေးရွားတွေကို လက်နက်ကြီးနဲ့ပစ်၊ အရပ်သားတွေကို တိုက်ခိုက်၊" တွေ့-ပစ်”၊ မိုင်းထောင် နိုင်တယ်၊ “အညိုရောင်နယ်မြေ” မှာတော့ အရပ်သားတွေကို အဓမ္မလုပ်အားပေး [စကားချပ် - လက်နက်-စစ်ပစ္စည်း-ရိက္ခာများ သယ်ဆောင်စေ၍ စစ်ကြောင်း၏ ရှေ့မှ တက်ခိုင်းခြင်း - “လူသားမိုင်းရှင်းလင်းရေး” ဟု လူသိများ] ခိုင်းစေနိုင်တယ်လို့ ဖော်ပြတယ်။
..
နိုင်ငံတကာရာဇ၀တ်မှုခုံရုံးရဲ့ ဥပဒေအပိုဒ်ခွဲ (၂၅) နဲ့ (၂၈) တို့အရ အဆိုပါရာဇ၀တ်မှုကြီးတွေဟာ ကျူးလွန်ခဲ့သူပုဂ္ဂိုလ်တစ်ဦးချင်းစီကို ခုံရုံးက စစ်ဆေးတရားစီရင်ဖို့ လုံလောက်တယ်လို့ ဆိုပါတယ်။ မိမိလက်အောက်ငယ်သားတွေက ပြုမူခဲ့တာကို မထိန်းချုပ်နိုင်ခဲ့တာ ဖြစ်ဖြစ်၊ အဆိုပါရာဇ၀တ်မှုတွေကို မှေးမှိန်ထိမ်ချန်စေခဲ့တာဖြစ်ဖြစ်၊ အစီရင်ခံဖို့ပျက်ကွက်ခဲ့တာဖြစ်ဖြစ်၊ ကိုယ်တိုင်ပါဝင်ခဲ့တာဖြစ်ဖြစ်၊ မတားဆီးခဲ့တာဖြစ်ဖြစ် စစ်တပ်မှာ “chain of command” - အဆင့်ဆင့်အမိန့်ပေးတဲ့ စနစ်အရ အထက်က အမိန့်ပေးသူက အဆိုပါ ရာဇ၀တ်မှုကြီးတွေအတွက် တာဝန်ရှိ-တာဝန်ခံမှာဖြစ်တယ်လို့ ဖော်ပြပါတယ်။
..
ဟားဗတ်ဥပဒေဌာနက ၂၀၀၅-၂၀၀၆ (၁) နှစ်ထဲအတွင်းဖြစ်ခဲ့တဲ့ “သံတောင်မြို့” ပရ၀ုဏ်လေးအတွင်းမှာ တပ်မတော်က ကျူးလွန်ခဲ့တဲ့ လူ့အခွင့်အရေးချိုးဖောက်မှုတွေကို စုံစမ်းမှတ်တမ်းတင် ဖော်ပြတာဖြစ်ပါတယ်။ မြန်မာတပ်မတော်နဲ့ တိုင်းရင်းသားလက်နက်ကိုင်တွေ အကြားမှာ ဖြစ်ပွားခဲ့တဲ့-ဖြစ်ပွားနေဆဲ ပြည်တွင်းစစ်ကြီးကတော့ နှစ်ပေါင်း (၇၀) ကျော်ခဲ့ပါပြီ။ လူ့အသက်တွေ ဘယ်လောက်တောင် ဆုံးရှုံးခဲ့ပြီလဲ၊ လူတွေ ဘယ်လောက်တောင် ရွှေ့ပြောင်းခံခဲ့ရပြီးပြီလဲ၊ လူဂုဏ်သိက္ခာမဲ့စွာ ဘယ်လောက်တောင် ဆက်ဆံခြင်းခံခဲ့ရပြီး လဲဆိုတာ ထည့်သွင်းစဉ်းစားစရာပါ။
..
အဆိုပါ ဆိုးရွားတဲ့ ရာဇ၀တ်မှုမျိုးတွေဟာ တိုင်းပြည်ထဲမှာ လူမသိသူမသိ ဖြစ်နေခဲ့တာ ဆယ်စုနှစ်ပေါင်းများစွာ ကြာပါပြီ။ မီဒီယာတွေ ခေတ်မီလာတဲ့ ခေတ်မှသာ လူအများသတိထားမိလားပြီး မီဒီယာတွေက ထုတ်ဖော်ရေးသားတဲ့ အခါမျိုးမှသာ တပ်မတော်က တစ် ယောက်စ-နှစ်ယောက်စကို ထုတ်အရေးယူပြတာမျိုးဘဲ ရှိပါတယ်။ တရားမျှတမှုဆိုတာ စစ်အုပ်ချုပ်ရေးအောက်မှာ ကွယ်ပျောက်ခဲ့တာ ကြာပါပြီ။ “7 ဇူလိုင်… ၈-၈-၈၈… ဒီပဲယင်း… ရွှေဝါရောင်…” … လျစ်လျူရှုခံထားရတဲ့ တရားမျှတမှုအတွက်... အရိုးတွေက တွန်ကျူး နေဦးမှာဘဲ… အဲဒီ “တရားမျှတမှု” ဟာ… မြန်မာနိုင်ငံ မရေးထိုးရသေးတဲ့ သမိုင်းတစ်ခုအဖြစ် ကျန်ရှိနေဆဲ…။
..
ကိုးကား
Harvard Law School. Legal Memorandum: “War Crimes and Crimes against humanity in Eastern Myanmar,” November, 2014. International Human Rights Clinic, pp-1-78. Harvard Law School. http://hrp.law.harvard.edu/…/2014.11.05-IHRC-Legal-Memorand…
..
ကိုချမ်းမှိုင်း
စက်တင်ဘာ ၂၀၁၈