ရန်ကုန် စက်တင်ဘာ ၁၁
ရန်ကုန်မြို့ ကျောက်တံတားမြို့နယ် မဟာဗန္ဓုလပန်းခြံလမ်း (အလယ် ဘလောက်)ရှိ City Star Hotel၌ ယနေ့ညနေပိုင်းက မီးလောင်မှု ဖြစ်ပွားခဲ့ကြောင်း သိရသည်။
ဖြစ်စဉ်မှာ ယနေ့ညနေ ၃ နာရီ ၁ဝ မိနစ်ခန့်က ကျောက်တံတား မြို့နယ် အမှတ်(၂)ရပ်ကွက် မဟာဗန္ဓုလပန်းခြံလမ်း (အလယ် ဘလောက်)ရှိ City Star Hotelသုံးလွှာ အခန်းအမှတ် (၃ဝ၅) ရှိ အဲကွန်း အပူလွန်ကဲရာမှ မီးစတင်လောင်ခဲ့သဖြင့် အခန်း အတွင်းရှိ အိပ်ရာနှင့်အသုံးအဆောင် များ ပျက်စီးဆုံးရှုံးခဲ့သည်။
အခင်းဖြစ်နေရာသို့ ကျောက် တံတားမြို့နယ် မီးသတ်စခန်းမှ မီးငြှိမ်းသတ်ယာဉ် လေးစီးအပါအဝင် အခြားမြို့နယ်အသီးသီးမှ မီး ငြှိမ်းသတ်ယာဉ် ၁၂ စီး၊ အထောက် အကူပြုယာဉ် ငါးစီး၊ ကွပ်ကဲမှုယာဉ် သုံးစီးတို့ဖြင့် သန္ဓေ မီးသတ်တပ်ဖွဲ့ဝင် ၁ဝ၈ ဦးနှင့် အရန် မီးသတ်တပ်ဖွဲ့ဝင် ၁၈ ဦးတို့က မီးငြှိမ်းသတ်ခဲ့ကြရာ ညနေ ၃ နာရီ မိနစ်၎ဝ တွင် မီးငြှိမ်းသတ်နိုင်ခဲ့ကြောင်း သိရ သည်။
ဟိုတယ်ဝန်ထမ်းများကလည်း မီးသတ်ဆေးဘူး သုံးဘူးဖြင့် ကနဦး မီးငြှိမ်းသတ်ခဲ့ကြပြီး မီးလောင်ရာ နေရာတစ်ဝိုက်အား ယာဉ်ကြော ပတ်ဆို့မှုမဖြစ်ပွားစေရန် ယာဉ်ထိန်း ရဲတပ်ဖွဲ့ဝင်များက ကူညီ ဆောင်ရွက်ပေးခဲ့ကြောင်း သိရသည်။
အဆိုပါ မီးလောင်မှုကြောင့် ဟိုတယ်မန်နေဂျာ ဦးထွန်းထွန်းဦး အား ကျောက်တံတားမြို့မရဲစခန်းက အရေးယူဆောင်ရွက်ထားကြောင်း သိရသည်။
သတင်း-ပွင့်သစ္စာ
ဓာတ်ပုံ-စိုးမြင့်အောင်
No comments:
Post a Comment