Latest News

Sunday, September 2, 2018

ဆက်ရက်မင်း၏ စည်းစိမ်နှင့် ယမမင်း၏ စီရင်ချက်များ



ဆက်ရက်မင်း၏ စည်းစိမ်နှင့် ယမမင်း၏ စီရင်ချက်များ

လူ့သမိုင်းနှင့် အတူစခဲ့သောယမကာ

လူတို့  အရက်သောက်သောအလေ့အထသည် ရှေးပဝေသဏီမှ စခဲ့သည်။

တရုတ်နိုင်ငံမြောက်ပိုင်း   ဟီနန်ပြည်နယ်၏ ရွာတစ်ရွာတွင် သမိုင်းမတင်မီခေတ်က မြေအိုးများကို တူးဖော်တွေ့ရှိခဲ့သည်။  ထိုမြေအိုးများအတွင်းတွင် စပျစ်သီး၊ ဘယ်ရီသီး၊ ပျားရည်နှင့် ဆန်တို့ကိုရောစပ်၍ ကစော်ဖောက်ထားသော အရည်တစ်မျိုးတွေ့ရပြီး ဘီစီ ၇ဝဝဝ - ၆၆၅ဝ အချိန်ကဖြစ်ကြောင်း ခန့်မှန်းကြသည်။

သက်တမ်းအရင့်ဆုံးသော ဝိုင်အရက်ကို ဂျော်ဂျီ ယာနိုင်ငံတွင် တွေ့ရှိခဲ့သည်။ ယူရေစီယစပျစ်သီးမှ ပြုလုပ်ထားပြီး သက်တမ်း ၈ဝဝဝ ခန့်ရှိသော ဝိုင်အရက် ဖြစ်သည်။

စာရေးသူတို့  မြန်မာနိုင်ငံတွင် ပုဂံခေတ်မှစ၍ သေရည်ကို တွင်ကျယ်စွာသောက်သုံးနေပြီဖြစ်ကြောင်း ကျောက်စာမှတ်တမ်းများအရ သိရသည်။

မျက်မှောက်ခေတ်ကမ္ဘာကြီးတွင်  အမျိုးအစား ၃ဝဝ ကျော်သော အရက်တို့သည် လူမှုအသိုင်းအဝိုင်း၏ အစိတ်အပိုင်းတစ်ခု ဖြစ်လာသည်။ ပျော်၍သောက်ခြင်း၊ စိတ်ညစ်၍သောက်ခြင်း၊ အထိမ်းအမှတ်အဖြစ်သောက် ခြင်း၊ ဆေးဖြစ်ဝါးဖြစ်သောက်ခြင်း၊  မိတ်ဖြစ်ဆွေဖြစ် သောက်ခြင်း  စသော  သောက်ခြင်းပေါင်းများစွာဖြင့် အရက်မပါလျှင် ပွဲမစည်တော့ချေ။

ယမကာနှင့် တို့မြန်မာ

ကုလသမဂ္ဂ ကမ္ဘာ့ကျန်းမာရေးအဖွဲ့ကြီး၏ ၂ဝ၁၄ ခုနှစ် ထုတ်ပြန်ချက်တွင် ကမ္ဘာ့လူဦးရေ၏ ၂ ဒသမ ၃ ရာခိုင်နှုန်းသည် အရက်စွဲနေကြပြီး ၁ ဒသမ ၈ ရာခိုင် နှုန်းသည် အရက်ကြောင့် ရရှိသော ရောဂါတစ်မျိုးမျိုး ခံစားနေရကြောင်း ဖော်ပြထားသည်။ ၂ဝ၁၂ ခုနှစ်တွင် စုစုပေါင်း သေဆုံးသူများ၏ ၅ ဒသမ ၈ ရာခိုင်နှုန်းသည် အရက်ကြောင့်ဖြစ်ကြောင်း တွေ့ရှိရသည်။

မြန်မာနိုင်ငံ၏   အရက်သောက်သုံးမှုပမာဏမှာ နှစ်စဉ်တစ်ဦးလျှင်  သုည ဒသမ ၁ လီတာနှုန်းရှိသည်။ ထိုပမာဏမှာ မြန်မာနိုင်ငံလူဦးရေ၏ ၇၄ ရာခိုင်နှုန်း ဖြစ်သော အသက် ၁၅ နှစ်နှင့်အထက် အရွယ်ပိုင်း တွင်ဖြစ်ပြီး ၁၉၆ဝ ပြည့်နှစ်မှ ၂ဝ၁ဝ ပြည့်နှစ်အထိ မတိုးမလျော့ဘဲ ထိုနှုန်းအတိုင်း ရှိနေသည်။

၂ဝ၁ဝ ပြည့်နှစ်တွင် အသက် ၁၅ နှစ်အထက် အမျိုးသား ၂ ဒသမ ၇ ရာခိုင်နှုန်းသည်  အရက်ကြောင့် ဖြစ်ပေါ်သောဆိုးကျိုးနှင့် ရောဂါတစ်မျိုးမျိုးကို ခံစားနေ ရပြီး ၁ ဒသမ ၃ ရာခိုင်နှုန်းသည် အရက်စွဲနေကြကြောင်း တွေ့ရှိရသည်။

ဘီယာကို မြန်မာတို့ အများဆုံးသောက်ကြပြီး ၈၂ ရာခိုင်နှုန်းရှိသည်။ အရက်ပြင်း(ရမ်၊ ဝီစကီ စသည်) နှင့် ဝိုင်အရက်သောက်ကြသူများမှာ ၁၂ ရာခိုင်နှုန်း နှင့် ခြောက်ရာခိုင်နှုန်း အသီးသီးရှိကြသည်။

မြန်မာနိုင်ငံ၏  ထူးခြားသောအချက်တစ်ခုမှာ အရက်ကို ရာသက်ပန်ရှောင်ကြဉ်သူများ အရေအတွက် ဖြစ်သည်။ မြန်မာနိုင်ငံ  လူဦးရေ၏  ၈၄ ဒသမ ၁ ရာခိုင်နှုန်း (အမျိုးသား အမျိုးသမီး အပါအဝင်) သည်  အရက်ကို ရာသက်ပန်ရှောင်ကြဉ်ကြသည်။  ထိုပမာဏ မှာ ကမ္ဘာတစ်ဝန်းလုံး၏ ပမာဏဖြစ်သော ၄၈ ဒသမ ၃ ရာခိုင်နှုန်းထက်လည်းကောင်း၊ အရှေ့တောင်အာရှ၏ ပမာဏဖြစ်သော ၇၆ ဒသမ ၅ ရာခိုင်နှုန်းထက်လည်း ကောင်း ပိုမိုများပြားလေသည်။

တရားတော်၏ အဆုံးအမဖြစ်သည်ဟု စာရေးသူ ခံစားမိပါသည်။  တရားတော်၏  ကျေးဇူးကိုလည်း အောက်မေ့မိပါသည်။

ဆက်ရက်မင်း၏ စည်းစိမ်

အရက်သည်  အဘယ်ကြောင့်  စွဲလမ်းစေနိုင် သနည်း။   အရက်သောက်လိုက်သည်နှင့်  သွေးထဲမှ တစ်ဆင့် လျင်မြန်စွာ ဦးနှောက်ဆီသို့ ရောက်ရှိသွားသည်။

ဦးနှောက်ဆဲလ်များသည် အရက်ကို လက်ခံရရှိ သည်နှင့် မော်ဖင်း၏အာနိသင်နှင့် ဆင်တူသော ဓာတ် တစ်မျိုးကို ထုတ်လုပ်ကြသည်။ ထိုဓာတ်ကို ခန္ဓာကိုယ် အတွင်းမှ ထုတ်လုပ်သည့် မော်ဖင်းဟု အဓိပ္ပာယ်ရသည့် ''အင်ဒိုဖင်း''ဟု အမည်ပေးထားသည်။ အင်ဒိုဖင်းဓာတ် ထွက်လာသည်နှင့် အရက်သောက်သောသူသည် မြူးကြွ ရွှင်လန်းသောခံစားမှုကို ခံစားရတော့သည်။

တစ်ပြိုင်နက်တည်းမှာပင် အခြားဓာတ်တစ်မျိုးလည်း ထွက်လာသည်။ ထိုဓာတ်ကိုယင်း၏ ဖွဲ့စည်းပုံပေါ် မူတည် ၍ ''ဒိုပါမင်း''ဟု မှည့်ခေါ်ထားသည်။ ဒိုပါမင်း သည်လည်း အင်ဒိုဖင်းကဲ့သို့ပင် မြူးကြွရွှင်လန်းမှုကို ဖြစ်စေသည်။

ထိုအခြင်းအရာများကြောင့် အရက်သည် စွဲလမ်းစရာ ယမကာတစ်ခု ဖြစ်လာတော့သည်။

သို့ရာတွင် စာရေးသူတို့  ခန္ဓာကိုယ်တွင်  ပြင်ပမှ ဝင်လာသော တစိမ်းတစ်ရံဖြစ်သော အရာများကို ချေမှုန်း ဖျက်ဆီးပစ်သော အစွမ်းသတ္တိရှိသည်။ နမ်းပါများလျှင်ပြယ် ဆိုသောစကားဖြင့် ထိုအစွမ်းသတ္တိကို နားလည်နိုင်သည်။ မည်မျှ စူးရှမွှေးကြိုင်သောရနံ့ဖြစ်စေ နမ်းရှူပါများလျှင် အနံ့ပြယ်သွားသည်။ ထိတွေ့ပါများသောအခါ အနံ့ခံအာရုံ သည် ထိုအနံ့အပေါ်၌ ယဉ်ပါးလာသည်။ မွှေးကြိုင်သော အနံ့ကိုလိုလျှင် ပိုမိုစူးရှပြင်းထန်သောရနံ့ လိုအပ်လာသည်။

ခန္ဓာကိုယ်အတွင်းသို့  အရက်ဝင်ရောက်လာသည်နှင့် အရက်ကိုချေဖျက်သော အစွမ်းသတ္တိသည် စတင် အလုပ် လုပ်တော့သည်။  ထိုအစွမ်းသတ္တိ၏   အာနိသင်သည် ဝင်လာသော အရက်ပမာဏနှင့် တိုက်ရိုက်အချိုးကျသည်။ အဓိပ္ပာယ်မှာ   အရက်များများသောက်လေ  အရက်ကို ဖျက်ဆီးသောအစွမ်း ပိုထက်လေဖြစ်သည်။ သမင်မွေးရင်း ကျားစားရင်းဖြစ်သည်။

ထိုအခါ မြူးကြွရွှင်လန်းသော   ခံစားမှုကို ရရှိရန် တစ်နည်းအားဖြင့် ရေချိန်ကိုက်ရန် အရက်ကို တစ်စထက် တစ်စ ပိုမိုသောက်လာရတော့သည်။

သို့ရာတွင် မြူးကြွရွှင်လန်းစေသည်ထက် အဆပေါင်း များစွာ ဆိုးရွားသော အာနိသင်များ အရက်တွင်ရှိနေသည်။

ယမမင်း၏ စီရင်ချက်များ

အရက်စွဲသူများ သေဆုံးလျှင် ရောရုဝငရဲသို့ ကျစေ ဟု ယမမင်းက စီရင်ချက်ချကြောင်း ဆရာတော်များ ဆုံးမ သည်ကို စာရေးသူတို့ငယ်စဉ်က မှတ်သားရဖူးသည်။

အကယ်စင်စစ် အရက်စွဲသူများသည် သေသည်၏အခြားမဲ့၌မဟုတ်ဘဲ မျက်မှောက်ဘဝမှာပင် ဆိုးရွားသော ခံစားမှုများခံစားရစေရန် ယမမင်းက စီရင်ချက်ချပြီးဖြစ်သည်။

အဘယ်ကြောင့်ဆိုသော် ခန္ဓာကိုယ်အတွင်း ရောက်ရှိ သည်နှင့် အရက်သည် နည်းမျိုးစုံဖြင့် နှိပ်စက်လေတော့ သည်။

အရက်သည် ဆဲလ်ကိုဖုံးအုပ်ထားသော အဆီလွှာ ကို ပျက်စီးစေသဖြင့် အရက်နှင့်ထိတွေ့သည်နှင့် ဆဲလ်များ ပျက်စီးသွားတော့သည်။    အရက်ပြန် (မီသနော) ၏ ပိုးများကို     သေစေနိုင်သော   အာနိသင်ကဲ့သို့ဖြစ်သည်။အရက်ပြန် (မီသနော)နှင့်   အရက်(အီသနော) တို့မှာ ရုပ်ဂုဏ်သတ္တိ နီးစပ်တူညီကြသည်။(အရက်ပြန် (မီသနော)သည် ခန္ဓာကိုယ်အတွက် အလွန်ပြင်းထန်သောအဆိပ် ဖြစ်သည်) ထို့ကြောင့် အရက်စွဲသောသူများ၏ ဦးနှောက် သည် ကျန်းမာသောသူများ၏ ဦးနှောက်ထက်  ကြုံလှီ သေးငယ်နေသည်ကို တွေ့ရသည်။

အရက်သည် ကိုယ်တွင်းသို့ရောက်လျှင် စွမ်းအင်ကို ထုတ်ပေးသည်။ အရက် တစ် ဂရမ်လျှင် ခုနစ် ကီလိုကယ်လိုရီ နှင့် ညီမျှသောစွမ်းအင် ထွက်လာသည်။ အသားဓာတ် နှင့် ကစီဓာတ်တို့မှထွက်သော စွမ်းအင်ထက် နှစ်ဆခန့် ပိုများ၏။ သို့သော် အရက်တွင် စွမ်းအင်ထွက်စေခြင်းမှလွဲ၍ အခြားအာဟာရတန်ဖိုးမရှိချေ။ ထို့ကြောင့် အရက်သောက် သူများသည် အရက်မှ ရရှိသောစွမ်းအင်ကြောင့် အစာ မစားဘဲ နေနိုင်ကြသည်။ ထိုအခါ အာဟာရချို့တဲ့ခြင်းများ ဖြစ်ပေါ်လာသည်။

အရက်၏ ဆဲလ်များကိုဖျက်ဆီးသော အာနိသင်ကို အသည်းတွင်လည်း တွေ့ရသည်။ အသည်းသည် ကိုယ် တွင်းသို့ဝင်လာသော အရက်များကို  တစုတဝေး  လက်ခံ ရာ ပထမဦးဆုံးသော ဌာနဖြစ်သည်။ အသည်းဆဲလ်များ သည်   အရက်မှ  ရရှိသောစွမ်းအင်ကို အဆီအဖြစ် ပြောင်းလဲကြသည်။ ထိုအခါ အသည်းဆဲလ်များအတွင်း အဆီများ စုဝေးလာသည်။ တစ်စတစ်စ အဆီများ များပြား လာသောအခါ အသည်းဆဲလ်များ ပေါက်ကွဲပျက်စီးသွား တော့သည်။ ပျက်စီးသွားသော ဆဲလ်များ၏နေရာတွင် အမျှင်တစ်သျှူးများ အစားထိုး ဝင်ရောက်လာကြသည်။ အမျှင်တစ်သျှူးများသည်      အမာရွတ်တစ်သျှူးများ ဖြစ်ကြသည်။ ခြေ၊ လက် ပြတ်ရှဒဏ်ရာရလျှင် ပေါ်လာ သော အမာရွတ်များနှင့် အတူတူပင်ဖြစ်သည်။ ထိုအခါ အသည်းသည် မာကျောလာပြီး အသည်းခြောက်ခြင်းဟုခေါ်ဆိုသောရောဂါ စတင်တော့သည်။

အရက်သည်  ဦးနှောက်၏   လုပ်ဆောင်မှုများကို ထုံထိုင်းနှေးကွေးသွားစေသည်။   ထိုအာနိသင်ကြောင့် သတိနှင့် မှတ်ဥာဏ်ချွတ်ယွင်းလာခြင်း၊ အာရုံစူးစိုက်၍မရ ခြင်း၊  လျှာလေးအာလေးဖြစ်လာခြင်း၊ လမ်းလျှောက်လျှင် ဒယီးဒယိုင်ဖြစ်လာခြင်း၊     အမူအရာပြောင်းလဲခြင်း၊ ဆင်ခြင်တုံတရား ကင်းမဲ့လာခြင်း စသည်တို့ ဖြစ်ပေါ်လာသည်။

အရက်ကို  ချေဖျက်ရာတွင်   ထွက်ပေါ်လာသော ကြားခံဓာတ်ပေါင်းတစ်ခုမှာ ကင်ဆာရောဂါကို ဖြစ်စေ သည်။ ထို့ကြောင့် ခံတွင်း၊ အစာမျိုပြွန်၊ လေရှူပြွန်၊ အစာ အိမ်၊ အူမကြီးအသည်းကင်ဆာများကို အရက်စွဲသူများတွင် တွေ့ရသည်။

ဆိုးရွားလှသော အရက်၏ နှိပ်စက်ချက်မှာ ရုပ်ပိုင်း ဆိုင်ရာ စွဲလမ်းမှုဖြစ်သည်။ ဦးနှောက်နှင့် ခန္ဓာကိုယ်၏ ဆဲလ်များ ပုံမှန်အလုပ်လုပ်ရန် အရက်ကိုတောင်းဆိုလာ ကြခြင်းဖြစ်သည်။ ထိုအဆင့်ရောက်လျှင် အရက်ကို မြူးကြွ ပျော်ရွှင်သောခံစားမှုအတွက် သောက်ရခြင်းမဟုတ်တော့ဘဲ ပုံမှန်နေထိုင် သွားလာလုပ်ကိုင်နိုင်ရန် သောက်ရခြင်းဖြစ် လာသည်။  အရက်မသောက်ရလျှင်   ချွေးထွက်ခြင်း၊ ခြေတုန်လက်တုန်ဖြစ်ခြင်း၊   စိတ်ဂနာမငြိမ်ဖြစ်ခြင်း၊ စိတ်ဖောက်ပြန်ခြင်း၊ အိပ်မရခြင်း၊ သတိလစ်ခြင်း၊ စိတ်ဓာတ် ကျခြင်း၊ မိမိကိုယ်ကို အဆုံးစီရင်ခြင်းတို့ ဖြစ်ပေါ်လာသည်။

ထို့ကြောင့် အရက်ကြောင့်ဖြစ်သော ဆိုးကျိုးများနှင့် အမျိုး ၂ဝဝ ကျော်သော ရောဂါများသည် မျက်မှောက်ဘဝ မှာပင် ယမမင်း၏ စီရင်ချက်များနှင့် တူတော့သည်။

အရက်လှောင်အိမ် ဆန်းစစ်ချက်

အရက်စွဲခြင်းသည်   တစ်ရက်၊  တစ်လအတွင်း ပေါ်ပေါက်လာခြင်းမဟုတ်ဘဲ  နှစ်ရှည်လများ  စွဲမြဲစွာ သောက်ခြင်းကြောင့် ဖြစ်ပေါ်သော အခြင်းအရာဖြစ်သည်။

ထို့ကြောင့် အဆိုးထဲမှ အကောင်းတစ်ခုမှာ မိမိကိုယ် မိမိ  အရက်စွဲနေခြင်းရှိ၊ မရှိ ဆန်းစစ်ခြင်းဖြင့် အချိန်မီ သိရှိနိုင်ခြင်းဖြစ်သည်။

အဘယ်ကြောင့်ဆိုသော် အရက်ဖြတ်ခြင်း သို့မဟုတ် အရက်စွဲသည်ကို   ကုသခြင်းသည်   မည်သည့်အခါမျှ နောက်ကျသည်ဟူ၍ မရှိခြင်းဖြစ်သည်။ တစ်မိနစ်စောလျှင် တစ်မိနစ်၊ တစ်နာရီစောလျှင် တစ်နာရီ၊ တစ်ရက်စောလျှင် တစ်ရက် မိမိကိုယ်ကို ကယ်တင်နိုင်ခြင်းဖြစ်သည်။

အရက်စွဲနေပြီဟု ရည်ညွှန်းနေသော အချက်များမှာ တစ်ဦးတည်း   လျှို့ဝှက်စွာသောက်ခြင်း၊   တစ်ချိန်က စိတ်အားထက်သန်ခဲ့သော အမှုကိစ္စများအပေါ် စိတ်ဝင် စားမှုမရှိတော့ခြင်း၊ အရက်သောက်ခြင်းကို အခြားသော တာဝန်များထက် ရှေ့တန်းတင်လာခြင်း၊ အရက်မသောက် ရလျှင် မနေနိုင်သော လက္ခဏာများပေါ်လာခြင်း၊ အရက် သောက်နေရခြင်းအတွက် မိမိကိုယ်မိမိ အပြစ်တင်ခြင်း၊ တစ်နေ့တာကို အရက်သောက်ခြင်းဖြင့် စတင်ရခြင်း၊ အရက် ကြောင့် ဆိုးကျိုးများ ဖြစ်ပေါ်လာပါလျက် ဆက်သောက် နေခြင်းနှင့် စသောက်မိလျှင် အတိုင်းအဆမရှိသောက်ခြင်း တို့ဖြစ်သည်။

မိမိကိုယ်ကို လွယ်ကူစွာဆန်းစစ်နိုင်ရန် အမေရိကန် နိုင်ငံ မြောက်ကယ်ရိုလိုင်းနားတက္ကသိုလ်မှ ဒေါက်တာ ဂျွန်အီဝင်းသည် ၁၉၆၈ ခုနှစ်တွင် မေးခွန်း လေးခုပါသော ဆန်းစစ်ချက်တစ်ရပ်ကို ဖော်ပြခဲ့သည်။ ထိုဆန်းစစ်ချက်ကို CAGE  ဟု အတိုကောက်ခေါ်သည်။ အရက်ဖြတ်လို သောဆန္ဒ (CUT)၊ ပတ်ဝန်းကျင်၏ ဝေဖန်မှုအပေါ် စိတ်ပျက်စိတ်ဆိုးသောခံစားချက်   (ANNOYED)၊ မိမိကိုယ်ကိုအပြစ်တင်ခြင်း (GUILTY) နှင့် နံနက် အိပ်ရာထချိန်တွင်  အရက်သောက်ရခြင်းကိစ္စ  (EYE-OPENER) တို့ကို ရည်ညွှန်းထားသည်။

CAGE  အက္ခရာလေးလုံးကို စကားလုံးတစ်လုံး အဖြစ်ယူလျှင်  လှောင်အိမ်ဟု   အဓိပ္ပာယ်ရသည်။ ထို့ကြောင့် ထိုဆန်းစစ်ချက်ကို လူတစ်ဦးတစ်ယောက် အရက်လှောင်အိမ်အတွင်း ကျရောက်နေခြင်းကို သိနိုင် သောဆန်းစစ်ချက် သို့မဟုတ် အရက်လှောင်အိမ်ဆန်းစစ် ချက်ဟု အလွယ်ခေါ်ဆိုနိုင်မည် ထင်သည်။

အရက်လှောင်အိမ်ဆန်းစစ်ချက်၏မေးခွန်းနှင့် ရမှတ်များမှာ

၁။ အရက်သောက်ခြင်းကို  ဖြတ်မှဖြစ်မည်ဟု  ခံစားမိ ပါသလား။

 ခံစားမိပါသည်……---(၁) မှတ်

 မခံစားမိပါ…………----(ဝ) မှတ်

၂။ အရက်သောက်ခြင်းကြောင့် ပတ်ဝန်းကျင်၏ ဝေဖန်မှု အပေါ် စိတ်ပျက်စိတ်ဆိုးခြင်း ဖြစ်မိပါသလား။

 ဖြစ်မိပါသည်………(၁) မှတ်

 မဖြစ်မိပါ……………-(ဝ) မှတ်

၃။  အရက်သောက်ခြင်းကြောင့် မိမိကိုယ်ကို အပြစ် တင်မိပါသလား။

 တင်မိပါသည်……-(၁) မှတ်

 မတင်မိပါ…………-(ဝ) မှတ်

၎။  တစ်နေ့တာကို အရက်သောက်ခြင်းဖြင့် စတင်ရပါ သလား။

 စတင်ရပါသည်……(၁) မှတ်

 မစတင်ရပါ…………-(ဝ) မှတ်

ထိုမေးခွန်းလေးခုကို ဖြေဆိုပြီးနောက် ရမှတ်များ ကို ဒေါက်တာဂျွန်က ဤသို့မှတ်ချက်ပေးပါသည်။

ရမှတ် တစ်မှတ်ရလျှင်   ပိုမိုအသေးစိတ်သော မေးခွန်း ၂၂ ခုကို ဖြေဆိုသင့်သည်။   ထိုမေးခွန်းကို အတိုကောက် MAST ဟုခေါ်ပြီး (http://alcoholism.about.com/od/tests/a/mast.htm)တွင် ဝင်ရောက် ဖြေဆိုနိုင်သည်။

ရမှတ် နှစ်မှတ် သို့မဟုတ် သုံးမှတ်ရလျှင် အရက်စွဲ ရန်   အလားအလာ/ များစွာ အလားအလာရှိနေပြီ ဖြစ်သည်။

ရမှတ် လေးမှတ်ရလျှင်  ထိုသူသည် အရက်စွဲနေပြီ ဖြစ်သည်။

ထိုမေးခွန်းများဖြင့် အရက်စွဲနေခြင်းရှိ၊ မရှိ အလွယ် တကူ ဆန်းစစ်နိုင်ပြီး မိမိကိုယ်ကို အချိန်မီပြုပြင်နိုင်သည်။

ဤဆောင်းပါးဖြင့်  မျှဝေလိုသည်မှာ   လူ့သမိုင်းနှင့် အတူစခဲ့သော အရက်သောက်သည့် အလေ့အထသည် ဆိုးကျိုးများစွာနှင့် ရောဂါများစွာကို ဖြစ်ပေါ်စေသော မိမိကိုယ်မိမိ    အဆိပ်ကျွေး၍   ဖျက်ဆီးပစ်နေခြင်း ဖြစ်သည်။

အရက်က မိမိခန္ဓာကိုယ်ကို နှိပ်စက်နေခြင်းသည် ယခု မျက်မှောက်ဘဝမှာပင် ယမမင်း၏ စီရင်ချက်များနှင့် တူတော့သည်။

အရက်ဖြတ်ခြင်းသည် မည်သည့်အခါမှ နောက်ကျ သည်ဟု မရှိပါ။

မိမိကိုယ်မိမိ   ဆန်းစစ်၍  အချိန်မီကယ်တင် သင့်ပါသည်။      ။


ပါမောက္ခဒေါက်တာမောင်

No comments:

Post a Comment