နောက်ဖေးလမ်းကြား ဥယျာဉ်တွေ
ရန်ကုန်မြို့ကို သန့်ရှင်းပြီး စိမ်းလန်းတဲ့မြို့တော် တစ်ခုအဖြစ် ရောက်ရှိအောင် ကြိုးစားနေသလို တိုးတက်ဖွံ့ဖြိုးမှု ပုံရိပ်ဖြစ်တဲ့ အထပ်မြင့်အဆောက်အအုံတွေကိုလည်း စည်းမျဉ်း စည်းကမ်း နဲ့အတူ ခွင့်ပြုပေးမှုတွေရှိနေပါတယ်။ ရန်ကုန်ကို သန့်ရှင်းတဲ့ စီးပွားရေးမြို့တော်တစ်မြို့အဖြစ် ပုံဖော်တဲ့အခါ မြို့တွင်းရဲ့ နောက်ဖေးလမ်းကြားတွေမှာ နောက်ဖေးလမ်းကြားဥယျာဉ် တွေ ဖော်ထုတ်နေရာမှ အခုမိုးရာသီအကုန်မှာ နောက်ထပ် နောက်ဖေးလမ်းကြားနှစ်ခုကို ထပ်မံဖော်ထုတ်သွားမယ်လို့ ပြောပါတယ်။
''ထပ်မံဖော်ထုတ်မယ့် နောက်ဖေးလမ်းကြား ဥယျာဉ်မှာ လှူအခွင့်အရေးနဲ့ ပတ်သက်တဲ့ အကြောင်းအရာတွေကို ထုတ်ဖော်ပြသသွားမယ်''လို့ ရန်ကုန်တိုင်းဒေသကြီး ပန်းဘဲတန်းမြို့နယ် တိုင်းလွှတ်တော်ကိုယ်စားလှယ် ဦးသန်း နိုင်ဦးက ပြောကြားထားပါတယ်။ အခု မိုးရာသီအကုန်မှာ ထပ်မံဖော်ထုတ်မယ့် နောက်ဖေးလမ်းကြား ဥယျာဉ်နှစ်ခုက ရန်ကုန်မြို့ ပန်းဘဲတန်းမြို့နယ်အတွင်းမှာ ဖြစ်ပါတယ်။
ရန်ကုန်မြို့တွင်း ခြောက်မြို့နယ်မှာရှိတဲ့ နောက်ဖေး လမ်းကြားတွေဟာ ယခင်တည်ဆောက်ကတည်းက နေရာ ကျယ်ဝန်းပေမယ့် နေထိုင်သူတွေရဲ့ စည်းကမ်းမဲ့အမှိုက် စွန့်ပစ် မှုတွေ၊ နေရာကျူးကျော်မှုတွေကြောင့် ပတ်ဝန်းကျင်ညစ်ညမ်း မှုနှင့် အမှိုက်နဲ့စွန့်ပစ်ပစ္စည်းတွေများပြားနေတာမို့ အကျည်းတန် မြင်ကွင်းနှင့် သန့်ရှင်းသပ်ရပ်မှု အားနည်းခဲ့တာတော့ အမှန် ပါပဲ။
အခုဆိုရင် ရန်ကုန်တိုင်းဒေသကြီးအစိုးရ၊ ရန်ကုန်မြို့တော် စည်ပင်သာယာရေးကော်မတီ၊ လွှတ်တော်ကိုယ်စားလှယ်နဲ့ ဒို့အိမ်အ¸တွေ ပူးပေါင်းပြီး ကြိုးစားအကောင်အထည်ဖော်ခဲ့ တာမို့ အောင်မြင်မှုတွေ ရရှိခဲ့ပါတယ်။
အခု မိုးရာသီအကုန်မှာ နောက်ဖေးလမ်းကြား ဥယျာဉ် အသစ်နှစ်ခု ထပ်မံပြုလုပ်မှာကတော့ ပန်းဘဲတန်းမြို့နယ်မှာ ရှိတဲ့ ၃၁ လမ်း အောက်ဘလောက်နဲ့ ၃၂ လမ်း အောက်ဘလောက် တို့မှာရှိတဲ့ နောက်ဖေးလမ်းကြားတွေမှာ ဥယျာဉ်တည်ဆောက် ပေးဖို့ စီစဉ်နေခြင်းဖြစ်ပါတယ်။ ဒီလို နောက်ဖေးလမ်းကြား ဥယျာဉ် အကောင်အထည်ဖော်တဲ့အခါ အရင်လိုပုံစံမျိုး မဟုတ်ဘဲ လှူအခွင့်အရေးကြေညာစာတမ်းပါ အချက်အလက် တွေကို အသိပညာပေးကာတွန်းတွေနဲ့ ပုံဖော်မွမ်းမံသွားမယ် လို့ သိရပါတယ်။
အရင်က နောက်ဖေးလမ်းကြားဥယျာဉ်တွေ ဖော်ဆောင် ခဲ့ရာမှာ နံရံဆေးရေးပန်းချီတွေ၊ အလှအပနဲ့ စိတ်ဝင်စားဖွယ် ပုံဖော်မှုတွေ၊ ကလေးငယ်တွေ ဆော့ကစားနိုင်တဲ့ ကစားကွင်း ငယ်တွေစတဲ့ နေရာပါဝင်ခဲ့ပါတယ်။ ပြည်သူတွေအနေနဲ့ စည်းကမ်းမဲ့ အမှိုက်စွန့်ပစ်မှုတွေအပြင် သဘာဝပတ်ဝန်းကျင် မညစ်ညမ်းအောင် ဝိုင်းဝန်းထိန်းသိမ်းမှုနဲ့ သန့်ရှင်းသပ်ရပ်မှုရဲ့ အကျိုးကို လက်တွေ့သိရှိအောင် အသိစိတ်တွေကိန်းအောင်း စေခဲ့ပါတယ်။
စီးပွားရေးမြို့တော် ရန်ကုန်ကို ဘက်ပေါင်းစုံက ဖွံ့ဖြိုး တိုးတက်အောင် နည်းလမ်းမျိုးစုံနဲ့ ကြိုးစားအကောင်အထည် ဖော်တဲ့ နေရာမှာ အခုလို နောက်ဖေးလမ်းကြားတွေမှာ သန့်ရှင်း သပ်ရပ်တဲ့ ဥယျာဉ်ငယ်တွေ ဖြစ်ထွန်းပေါ်ပေါက်လာမှုကို ကြိုဆိုရမှာ ဖြစ်ပါတယ်။ အခက်အခဲတွေရှိပေမယ့် နောက်ပိုင်း မှာ မြို့တော်နေ ပြည်သူတစ်ရပ်လုံးရဲ့ ရင်ထဲ၊ အသိထဲမှာ စည်းကမ်းမဲ့အမှိုက်စွန့်ပစ်မှု၊ သန့်ရှင်းသပ်ရပ်အောင် ပူးပေါင်း ပါဝင်လာနိုင်မှု၊ တစ်အိမ်ထောင်စုချင်းမှသည် လမ်းအလိုက်၊ ရပ်ကွက်အလိုက် အသိစိတ်ဓာတ်ရှိရှိနဲ့ လက်တွဲကာ ပတ်ဝန်း ကျင် သန့်ရှင်းသာယာလှပရေးကို အလေးထား ဆောင်ရွက်လာ စေမှာ ဖြစ်ပါတယ်။
ဒီလိုနောက်ဖေးလမ်းကြားဥယျာဉ်တွေ ထွက်ပေါ်လာ အောင် အားထုတ်ရာမှာ ရန်ကုန်မြို့တော်စည်ပင်သာယာရေး အဖွဲ့က ဥယျာဉ်အကောင်အထည်ဖော်မယ့် နောက်ဖေးလမ်း ကြားရဲ့ ကြမ်းခင်းဧရိယာကုန်ကျမှုငွေကြေးကို တာဝန်ယူ ကျခံပေးဖို့ ရှိနေပါတယ်။ ဒါ့အပြင် နောက်ဖေးလမ်းကြားရဲ့ ဥယျာဉ်အဖြစ် အလှဆင်မှုအပိုင်းကို ဒို့အိမ်အဖွဲ့နဲ့ လွှတ်တော် ကိုယ်စားလှယ်တွေ၊ တိုင်းအစိုးရအဖွဲ့တွေက ဝိုင်းဝန်းပါဝင် ဖြည့်ဆည်းပေးကြမှာ ဖြစ်ပါတယ်။ ရန်ကုန်တိုင်းဒေသကြီး အစိုးရအဖွဲ့ကလည်း ၂ဝ၁၈-၂ဝ၁၉ ဘဏ္ဍာရေးနှစ်မှာ ဘတ်ဂျက် လျာထားတောင်းဆိုထားတယ်လို့ ပြောပါတယ်။
တကယ်တော့ ရန်ကုန်မြို့တွင်းရဲ့ နောက်ဖေးလမ်းကြား တွေဟာ မူလကတည်းက ကျယ်ဝန်းပြီး သန့်ရှင်းသပ်ရပ်မှု ရှိခဲ့ပေမယ့် အချိန်ကာလသက်တမ်းကြာမြင့်လာတာနဲ့အမျှ လူတွေရဲ့ စည်းကမ်းမဲ့အမှိုက်စွန့်ပစ်မှု၊ ထိန်းသိမ်းမှုအားနည်း ချက်တွေကြောင့် တဖြည်းဖြည်းနဲ့ အဆင့်အတန်း နိမ့်ကျလာ တာ ဖြစ်ပါတယ်။
ရန်ကုန်မြို့တွင်းမှာ နောက်ဖေးလမ်းကြားဥယျာဉ်တွေ ကို ၂ဝ၁၆ ခုနှစ်ကစပြီး အကောင်အထည်ဖော် ဆောင်ရွက် ခဲ့တာ အခုဆိုရင် ပန်းဘဲတန်းမြို့နယ်မှာ နောက်ဖေးလမ်းကြား ဥယျာဉ် သုံးခု၊ ကျောက်တံတားမြို့နယ်မှာ နောက်ဖေးလမ်းကြား ဥယျာဉ်တစ်ခုရှိနေပြီ ဖြစ်ပါတယ်။ ပထမဆုံး ၂ဝ၁၆ ခုနှစ်မှာ စတင် အကောင်အထည်ဖော်ခဲ့တဲ့ နောက်ဖေးလမ်းကြား ဥယျာဉ်မှာတော့ ပန်းဥယျာဉ်ငယ်တစ်ခု၊ ကလေးကစားကွင်း တစ်ခုအပြင် အနားယူနိုင်တဲ့အနေအထား အခြေအနေမျိုး ဖြစ်အောင် ထုတ်ဖော်ထားတာဖြစ်ပါတယ်။
တချို့ နောက်ဖေးလမ်းကြားဥယျာဉ်တွေမှာတော့ ရန်ကုန် ရဲ့ ရှေးဟောင်းဓာတ်ပုံတွေ ချိတ်ဆွဲပြသထားပြီး ပန်းအိုး၊ သစ်ပင်၊ နံရံဆေးရေးပန်းချီတွေနဲ့ စိတ်ဝင်စားမှုဖြစ်စေအောင် ပုံဖော်ထားပါတယ်။ နောက်ဖေးလမ်းကြားဆိုတာနဲ့ စွန့်ပစ် အမှိုက်တွေနဲ့ ပြည့်နှက်နေတဲ့ ဆိုးရွားတဲ့ မြင်ကွင်းပုံရိပ်တွေ ကို သန့်ရှင်းသပ်ရပ်ပြီး ကြည်နူးဖွယ်ရာ၊ နှစ်လိုဖွယ်ရာပုံရိပ် အဖြစ် ထွက်ပေါ်လာအောင် ပြောင်းလဲပေးထားတာ ဖြစ်ပါ တယ်။
ဒီလို နောက်ဖေးလမ်းကြားတွေကို ဥယျာဉ်အဖြစ်ကနေ အားကစားကွင်းတွေအဖြစ် ပြောင်းလဲစေနိုင်တာဟာ ပြည်သူ တွေရဲ့ စိတ်ဓာတ်အကျင့်၊ စည်းကမ်းတွေကို ပြောင်းလဲစေဖို့ တွန်းအားပေးမှုတစ်ရပ်လည်း ဖြစ်စေပါတယ်။ နောက်ဖေး လမ်းကြားဆိုတာ အမှိုက်စွန့်ပစ်စရာနေရာအဖြစ် ကာလ တာရှည်စွာ စိတ်ထဲစွဲမြဲနေတဲ့အကျင့်ကို ပြောင်းလဲစေတဲ့ အပြင် ဖြစ်ပေါ်လာတဲ့ သန့်ရှင်းသပ်ရပ်တဲ့ သွင်ပြင်ဥယျာဉ်ကို ထိန်းသိမ်းစောင့်ရှောက်ရမယ့် ကောင်းမွန်တဲ့ အသိစိတ်ကို လည်း ကိန်းအောင်းစေတာမို့ ရန်ကုန်မြို့ရဲ့ နောက်ဖေး လမ်းကြားဥယျာဉ်တွေ ပိုမိုဖြစ်ပေါ်လာစေဖို့တော့ လိုအပ်နေ တာအမှန်ပါပဲ။
ဝေယံဦး
No comments:
Post a Comment