Latest News

Thursday, September 6, 2018

လေနီရိုင်းကိုဆန်ကာပျံသည့် ငှက် – အပိုင်း (၆) လောအယ်စိုး –


‘အစ်ကို လူအသစ်တစ်ယောက်ရောက်လာတယ်။ ဟင်္သာတမြို့သား စမူထန်
လို့ခေါ်တယ်။ အဲဒါ ကျွန်တော်မိတ်ဆက်ပေးမလို့ပါ’

ဝမ်းသာအားရဖြင့် ကျွန်တော်လည်း ‘ကျေးဇူးပြုပြီးခေါ်ခဲ့ပါ’ ဟုပြောတော့၊
မိတ်ဆက်ပေးမည့် ကျွန်တော့်မိတ်ဆွေကဆက်ပြီး ‘အစ်ကိုရေ၊ သူလည်း
အစ်ကို့လိုပဲ လူပျိုကြီးပဲနော်’ ဟု ဆိုသောအခါ ပို၍ပျော်သွားသည်။

မိမိအသက်(၃၉) နှစ်ထဲရောက်နေပေပြီ။’ဟေ့ကောင်…လုပ်ဦးနော်’ဟု
ကျောင်းနေဖက်သူငယ်ချင်းများကဆိုသောအခါ၊’အေး..ငါဘာလုပ်ရမှာလဲ
သူငယ်ချင်းရာ’ဟူ၍သာအဖြေပေးနိုင်သည်။

 အသက်(၃၅) နှစ်ကျော်ကျော်လူပျိုကြီး၊အပျိုကြီးတို့သည်ကျွန်တော့်လိုပင်
တက္ကသိုလ်ကဇာတ်လမ်း၊အလုပ်ခွင်တုန်းကနှလုံးသားမှတ်တမ်းသမိုင်းအမျိုးမျိုး
ရှိနေခဲ့ကြပြီးနောက်ဆုံးယခုအချိန်ထိမစွံရေးချ၊မစွံဖြစ်နေခြင်းဖြစ်ကောင်းဖြစ်နိုင်သည်။
‘ဟာ..အဲဒီလူပျိုကြီးကဇီဇာကြောင်လွန်းပါတယ်’ဟူ၍ပြောသံများ
ကြားရသောအခါဝန်ခံပါ၏။ကျွန်တော်လည်းကိုယ့်အတွေးနှင့်ကိုယ်၊ကိုယ့်ရည်မှန်းချက်၊
ကိုယ့်ခံယူချက်နှင့်ကိုယ်ဆိုတော့ပြုံး၍ခေါင်းညိတ်ရုံသာရှိတော့သည်။
ကျွန်တော်ကရှိသလောက်လေးလူပျိုကြီးဣနြေ္ဒကိုထိန်းပြီး၊
အရွယ်လွန်ရင်ခုန်သံများကိုလူမသိသူမသိကြိုးစား၍ ဖုံးကွယ်ထားပေမယ့်…

‘အမိုးရေလုပ်ဦးနော်။သားကြီးက(၄ဝ)နားကပ်နေပြီ။အမိုးမရှိရင်သူ
ဘယ်သူနဲ့နေခဲ့မလဲ’

ဆိုသောအပြောများနောက်သလိုလို၊အတည်ပြောသလိုမျိုးတွေခံရပေါင်းလည်း
များပြီ။ဝါရှင်တန်ဒီစီမြို့တွင်နေထိုင်သည့်သူနာပြုတက္ကသိုလ်မှပါမောက္ခဟောင်းကြီး
ဆရာမဒေါ်ကေသီလုံးကလည်းသနားသဖြင့်၊

‘အေး..ငါလည်းဆုတောင်းပြီးမင်းနဲ့သင့်တော်တာတွေရှာပေးနေတယ်’ဆိုပြီး
ကျွန်တော့်ကိုအားမငယ်ရန်မကြာခဏဖုန်းဆက်တိုင်းအားပေး၏။
ဝါရှင်တန်ဒီစီမြို့ရှိဗမာစကားပြောခရစ်ယာန်ဘုရားကျောင်း၌ဆရာမကြီး၏
စေတနာအစွမ်းနှင့်လူပျိုကြီး၊အပျိုကြီးတို့စွံသွားကြသည့်အတွဲတွေကလည်း(၃)
(၄)တွဲလောက်ရှိနေပေပြီ။အန်တီကြီးကိုဘုရားရှင်ကောင်းချီးပေးပါစေ။
‘ရပါတယ်အန်တီရယ်’ဟူ၍သာစိတ်မဝင်စားသလိုပုံစံမျိုးနှင့်ပြောရသော်လည်း၊
‘ငါလည်းအိမ်ထောင်ကျဖို့သင့်ပြီ’ဆိုတာကိုကျွန်တော်မိမိကိုယ်ကိုဘယ်လိုမှလိမ်၍မရ။
ခရစ်ယာန်ဘုရားကျောင်းများနှင့်အခြားမိတ်ဆွေအမေရိကန်တချို့၏မင်္ဂလာပွဲတို့ကို
တက်တိုင်းကျွန်တော်မိမိကိုယ်ကိုမိမိဒေါသထွက်နေသည်။ဘာရယ်ကြောင့်မှန်းမသိ။
အခုလည်း’စမူထန်’ဆိုသောလူပျို၊အသက်(၄ဝ)ကျော်ကျော်လူပျိုကြီး
တစ်ယောက်နှင့်မိတ်ဆွေသစ်ဖြစ်ရမည်ဆိုသောကြောင့်ပျော်သွားသည်။ဘာဖလိုမြို့၏
မြန်မာအသိုင်းအဝိုင်းရှိလူပျိုကြီးများသမဂ္ဂတွင်အဖွဲ့ဝင်သစ်တစ်ဦးတိုးလာခြင်းသည်
အလွန်မှမင်္ဂလာရှိသောအကြောင်းအရင်း၊သတင်းကောင်းဖြစ်သည်။ကြိုဆိုပါ၏
ရဲဘော်ကြီးမူထန်ခင်ဗျား။

အရပ်ကအနည်းငယ်ပုသည်။အမြဲတမ်းကြိုးစားပြီး၊ပြုံးနေတတ်သူ၊အလိုလို
နေရင်းသူတစ်ပါးကိုအားနာနေတတ်သောသူသည်’စမူထန်’ဆိုသောပုဂ္ဂိုလ်ဟုပင်
အဓိပ္ပာယ်ဖွင့်ဆိုရပေလိမ့်မည်။

‘ကျွန်တော်ကဟင်္သာတသားပါ။ပုသိမ်တက္ကသိုလ်ကနေမြန်မာစာအဓိကနဲ့
ပြီးတာပါ။မဟာဘွဲ့အတွက်ဆက်တက်နေရင်းနဲ့နိုင်ငံရေးလုပ်ပြီးတော့ထောင်ကျ၊
အလုပ်ထွက်နဲ့ဘဝအနာဂတ်အတွက်ဘာမှစဉ်းစားလို့မရတာနဲ့မလေးရှားကိုထွက်ခဲ့
တာပါ။’

မြစ်ဝကျွန်းပေါ်မှထင်ရှားသောဟင်္သာတသားကရင်လူမျိုးတို့သည်ကရင်
လေသံဝဲမှုရာခိုင်နှုန်းအလွန့်အလွန်နည်းကာဗမာစကားကိုပြောဆိုနိုင်ကြသောသူများ
ဖြစ်သည်။

ဖြတ်သန်းလာကြသောလူမျိုးရေးပဋိပက္ခ၊သမိုင်းအဖြစ်အပျက်ကိုနာကြည်း
သင်ခန်းစာယူပြီးကရင်၊ဗမာလူမျိုးတို့ငြိမ်းချမ်းစွာနေထိုင်သောမြို့ဟုကျွန်တော်
မှတ်ယူပါသည်။မြန်မာနိုင်ငံ၏ဂီတသူရဲကောင်းချစ်စမ်းမောင်သည်ဟင်္သာတနယ်သား
ဖြစ်သည်။ဟင်္သာတဇာတိနယ်ဖွားကရင်လူမျိုးဖြစ်စေ၊ဗမာလူမျိုးဖြစ်စေချစ်စမ်းမောင်
ကိုယ်တိုင်လည်းသူ့နာမည်အတိုင်းလူသားတွေကိုချစ်ခင်ပြီးနှိမ့်ချသောဂီတသူရဲကောင်း
ကြီးဖြစ်သည်။ခရစ်ယာန်ဘာသာဝင်ဖြစ်ပြီး၊သူ၏ဂီတပွဲများမစမီအမြဲတမ်းသီဆို
သူများနှင့်တီးခတ်သောသူ၏ဝိုင်းတော်သားများနှင့်အတူဆုတောင်းဝတ်ပြုပြီးမှတီးခတ်
တတ်သူတစ်ယောက်ဖြစ်သည်။

ယခု၊ဟင်္သာတ’စမူထန်’၊ဗမာလိုအဓိပ္ပာယ်တိုက်ရိုက်ယူပါက’မောင်နေထွက်’
သည်ကျွန်တော်ကဲ့သို့ပင်ဂီတာလည်းမတီးတတ်၊သီချင်းလည်းမဆိုသောပုဂ္ဂိုလ်
ဖြစ်သည်။

အနောက်ပိုးကရင်လူမျိုးဖြစ်သည်။ကျွန်တော်နေထိုင်သောဘာဖလိုမြို့သည်
ကရင်၊ဗမာ၊အင်္ဂလိပ်ဘာသာစကားကိုပြောဆိုတတ်သောသူတို့အတွက်ရေတိုကာလ
အားဖြင့်အဆင်ပြေသောမြို့ဖြစ်သည်။ကျွန်တော်သည်အမေရိကန်နိုင်ငံကိုရောက်ရှိ
သည့်အချိန်မှခြောက်နှစ်ကျော်ကျော်ကာလအထိ၊ဒုက္ခသည်များနေရာချထားရေး၊သူတို့
တစ်တွေ၏အဆိုအရအမေရိကန်တွင်ဘဝသစ်စသောသူများတို့ကိုကူညီသောရုံးတစ်ရုံး
၌စကားပြန်အဖြစ်လုပ်ကိုင်ခဲ့ပါသည်။

သို့သော်မြစ်ဝကျွန်းပေါ်မှအနောက်ပိုးကရင်လူမျိုးဖြစ်သူ’စမူထန်’အတွက်ဒီ
ဘာဖလိုမြို့မှာကရင်ဘာသာစကားဘာသာပြန်ဆိုမှု၌အခက်အခဲများတွေ့ရပေတော့
သည်။

အနောက်ပိုးကရင်ဘာသာစကားနှင့်အရှေ့ပိုးကရင်ဘာသာစကား(ကရင်
ပြည်နယ်၊မွန်ပြည်နယ်၊တနင်္သာရီတိုင်းတို့ရှိပိုးကရင်လူမျိုး)တို့ကအတိုင်းအတာ
ကြီးကြီးမားမားကွာခြားမှုရှိသည်။တော်တော်များများပြောဆိုမှုများကတစ်ဦးနှင့်တစ်ဦး၊
ကရင်အချင်းချင်းပင်နားမလည်တော့အနောက်ပိုးကရင်ဘာသာနှင့်စကောကရင်ဘာသာ
စကားတို့ကခြားနားမှုပို၍ကြီးသည်။စာဖတ်သူတို့အားဘာသာစကားကိစ္စ၌လူပြိန်း
ဖြစ်သောကျွန်တော်ကလူပြိန်းနားလည်သလောက်သာရှင်းပြနိုင်သည်ကိုခွင့်လွှတ်
တော်မူကြပါ။သက်ဆိုင်ရာဘာသာစကားပါရဂူ၊ပညာရှင်တို့ကပို၍ရှင်းပြနိုင်ပေမည်။
ထို့ကြောင့်ဒီဘာဖလိုမြို့၌ကရင်လူမျိုးဟူသောခေါင်းစဉ်အောက်တွင်
စကောကရင်လူမျိုးနှင့်အရှေ့ပိုးကရင်လူမျိုးသာအများဆုံးဖြစ်သည်။
မပင်မပန်းဘဲဘဝတူလူပျိုကြီးအချင်းချင်းကိုအလုပ်အကိုင်ရှာဖွေပေးလိုသောဆန္ဒဇောဖြင့်’စမူထန်’အား
ကရင်အချင်းချင်းနားလည်အောင်ဒီလူက’ပဒိုမန်းရှာနဲ့
ဒေါက်တာစင်သီယာမောင်’တို့လိုပိုးကရင်လူမျိုးပါဟူ၍သာမိတ်ဆက်ပေးရသည်။
မြန်မာ့သမိုင်းတွင်ဖြစ်စေ၊ကရင့်လူမျိုးသမိုင်းတွင်ဖြစ်စေ၊မြစ်ဝကျွန်းပေါ်ဇာတိနွယ်၊
အနောက်ပိုးကရင်လူမျိုးဖြစ်သောလုပ်ကြံခံရသည့်ပဒိုမန်းရှာနှင့်ဒေါက်တာစင်သီယာမောင်
တို့သည်ကျွန်တော်၏နှလုံးသားမှလှိုက်လှိုက်လှဲလှဲလေးလေးနက်နက်လေးစားသောသူ
နှစ်ဦးဖြစ်သည်။

ထို့ကြောင့်’စမူထန်’ကိုမိတ်ဆက်လျှင်အထက်ပါဖော်ပြချက်ဖြင့်သာ
မိတ်ဆက်ရပေတော့သည်။

ကြိုးစား၍ဂုဏ်တင်ပေးသော်လည်းလူပျိုကြီး’စမူထန်’တစ်ယောက်အရှေ့
ပိုးကရင်ဘာသာစကားနှင့်စကောကရင်ဘာသာစကားတို့ကိုဒီဘာဖလိုမြို့ကိုရောက်မှ
ဖုတ်ပူမီးတိုက်သင်၍မရရှာတော့။သူ့အပြစ်လည်းမဟုတ်။
ထို့ကြောင့်လူပျိုကြီးစမူထန်သည်အနောက်ပိုးကရင်လူမျိုး၊ဗမာ-အင်္ဂလိပ်
စကားပြန်အလုပ်ကိုအချိန်ပိုင်းရရှိသွားပေတော့သည်။ကျွန်တော်လည်းဒီမျှလောက်ပင်
တတ်နိုင်သည်။

အသီးသီးအလုပ်တာဝန်ကျရာနေရာများသို့ဘတ်စ်ကားစီး၍တစ်မျိုး၊ကားရှိသော
မိတ်ဆွေများကိုမေတ္တာရပ်ခံပြီးလိုက်ပို့စေခြင်းနည်းကတစ်မျိုး၊မှတ်တိုင်တွင်ကားစောင့်
နေစဉ်သို့မဟုတ်လမ်းလျှောက်နေတုန်းကားဖြင့်ဖြတ်မောင်းသွားသူများကကရုဏာစိတ်
ကြီး၍ရပ်၍ခေါ်တင်ကာလိုရာသို့မေတ္တာဖြင့်ပို့ပေးခြင်းတို့ဖြင့်သာကျွန်တော်တို့လူပျိုကြီး
နှစ်ဦးစခန်းသွားရသည်။

စမူထန်သည်ပါရမီအခံရှိသောပန်းချီဆရာလည်းဖြစ်သည်။သူတစ်စိုက်
မတ်မတ်အာရုံစိုက်ပါကပြောင်မြောက်သည့်ပန်းချီကျော်တစ်ဦးမလွဲမသွေဖြစ်နိုင်သည်။
သို့သော်သူကပန်းချီလည်းဆွဲမည်၊မိသားစုအနာဂတ်အတွက်ငွေသာအဓိက
ဖြစ်သည်ဆိုပြီးရရာအလုပ်ကိုလုပ်မည်။တစ်ခါတစ်ရံမြန်မာနိုင်ငံသို့ပြန်ပြီးသူအကြီး
အကျယ်စီးပွားဖြစ်ခဲ့သောသစ်လုပ်ငန်းနှင့်ရွှေရှာဖွေရေးလုပ်ငန်းကိုလည်းလုပ်ဦးမည်ဟု
တကဲကဲပြောနေသေးသည်။

‘မဟုတ်ဘူး..ဆရာသမား၊ခင်ဗျားပါရမီရှိတယ်။ဒီပန်းချီကိုတော့တစ်နေ့ကို
နည်းနည်းလေးတော့အချိန်ပေးပါ’ဟုကျွန်တော်ကမေတ္တာရပ်ခံသောအခါ၊
ကျေနပ်စွာသူကပြုံးပြီး၊

‘စိတ်ချပါဗျာ။ကျွန်တော်တဖြည်းဖြည်းချင်းအချိန်ပေးပါ့မယ်’ဟူ၍ကျေနပ်စွာဖြင့်
ကျွန်တော့်ကိုအဖြေပေး၏။

သူ၏ပြဿနာကားလူတကာကိုအားနာပြီး၊လှိုက်လှိုက်လှဲလှဲကူညီတတ်ခြင်းပင်
ဖြစ်သည်။သို့သော်ကူညီမည့်သူများကိုကတိပေးပြီးအချိန်များတိုက်၍သွားသလား
တော့မသိ၊ဟိုကိုလည်းမကူညီဖြစ်၊ဒီကိုလည်းလက်လှမ်းမမီဖြစ်ကုန်၍တယ်လီဖုန်းမှ
တစ်ဆင့်မေတ္တာပို့သောအသံများကိုတောင်းပန်နေရသောအကြိမ်ပေါင်းကလည်းတကယ်
မနည်း။

မျက်နှာပြုံးရှိ၍စိတ်ရင်းကောင်းသောမူထန်ကိုဘကြီးမူထန်၊ဦးလေးမူထန်၊
အစ်ကိုမူထန်၊သရာမူထန်၊လူပျိုကြီးကိုမူထန်စသည်ဖြင့်ကျွန်တော်တို့ကရင်နှင့်
မြန်မာအသိုင်းအဝိုင်းအတွင်းတမူထန်တည်းတမူထန်ဖြစ်နေပေတော့သည်။
သူကလည်းကျွန်တော်နှင့်မထူးခြားပါ။ခြေလျင်လျှောက်၊စက်ဘီးအဟောင်း
တစ်စီးနှင့်ဘာဖလိုရွာထဲခြေစကြ်ာဖြန့်၊သူများကားပေါ်ခေါ်တင်လျှင်လိုက်စီးပြီး
တစ်နေ့တာစီခရီးကိုဖြတ်သန်း၍နေသည်။

သူ့ကိုမည်သို့မျှကျွန်တော်ယှဉ်ပြိုင်၍မရသောပါရမီထူးတစ်ခုမှာကလေးကို
အလွန်ချစ်တတ်ပြီးကလေးများကလည်းသူ့နောက်သို့တကောက်ကောက်လိုက်ကာ
‘အန်ကယ်မူထန်၊အန်ကယ်မူထန်၊သရာမူထန်၊ဖထီးမူထန်’နှင့်ဖြစ်၍နေသည်။
သူက(၅)နှစ်(၆)နှစ်အရွယ်များနှင့်လည်းဆော့ကစားတတ်သည်။သူတို့ကိုမုန့်ဝယ်
ကျွေးသည်။မွေးကင်းစအရွယ်များကိုလည်းသားသမီး(၅)ယောက်လောက်ထိန်းကျောင်း
ပြုစုခဲ့သောဖခင်ကြီးကဲ့သို့ရင်တွင်ထွေးပွေ့ထားပြီးသီချင်းလေးနှင့်သိပ်တတ်သည်။
ထိုအခါကျွန်တော်က’ဟေ့လူ..ခင်ဗျားကလူပျိုကြီးမှဟုတ်ရဲ့လား’ဟူ၍သံသယ
စိတ်ကြီးမားသောမေးခွန်းကိုမေးမိသောအခါ..

‘ဟာ..ဘုရားပေးပေး၊ကျမ်းပေးပေးဒီနေ့အထိလူပျိုကြီးအစစ်ပါဗျာ’ဟု
အလန့်တကြားဖြစ်စေ၊မျက်နှာသေလေးနှင့်ဖြစ်စေအဖြေပေးတတ်သည်။ဒီလိုနှင့်ရဲဘော်
ရဲဘက်လူပျိုသိုးကြီးဖြစ်ကြသောကျွန်တော်တို့နှစ်ဦးသားအလွန်တွဲဖြစ်ခဲ့ကြသည်။
သို့သော်စာဖတ်သူမိတ်ဆွေများရှင်းအောင်ဒီအမေရိကန်၌လိင်တူချင်းလက်ထပ်
ခွင့်ပေးသောဥပဒေပြဋ္ဌာန်းပြီးယောက်ျားအချင်းချင်း၊မိန်းမအချင်းချင်းတသဲသဲဖြင့်
လက်ထပ်နေကြသည်။မိတ်ဆွေယုံအောင်ကျွန်တော်သစ္စာဖြင့်မြန်မာနိုင်ငံမှယောက်ျား
မိတ်ဆွေရင်းများ၊ညီအစ်ကိုများကဲ့သို့တွဲခဲ့ကြသည်ကိုထပ်လောင်း၍အသိပေးပါရစေ။
သူ့မိတ်ဆွေတွေလည်းကျွန်တော့်မိတ်ဆွေ၊သူ့စက်ဘီးလည်းကိုယ့်စက်ဘီး၊
ကော်ဖီဆိုင်ထိုင်ကြသည်။ကားကြုံရှိပါကနိုင်ဂရာရေတံခွန်ကြီးသို့သွားပြီးသဘာဝ
အလှတရားကြီးကိုရင်သပ်ရှုမောခံစားကြသည်။

စမူထန်နှင့်ကျွန်တော်ကြားတွင်ကြီးမားသောပြဿနာကားတစ်ခုပင်ရှိသည်။
သူ၏တယ်လီဖုန်းအားခေါ်ဆိုမှုသံစဉ်ကြားလိုက်ရရင်ဖြင့်သူသည်ရှေးဦးစွာ
နံပါတ်ကိုဦးစွာကြည့်၏။မလေးရှားနိုင်ငံမှခေါ်ဆိုကြောင်းသိသည်နှင့်အလွန့်အလွန်
အရေးကြီးသောအလုပ်ကိုပင်ချက်ချင်းထားကာအလွန်ကြောက်ရွံ့လေးစားစွာဖြင့်ထို
တယ်လီဖုန်းကိုပြော၏။

‘အေးပါစိတ်ချပါအသည်းလေး။နေကောင်းအောင်နေနော်။တားတာ၊စီးယူ’
ဆိုသည်ပင်မကသေး၊ပတ်ဝန်းကျင်အနေအထားကိုတစ်ချက်လေ့လာပြီးအိုင်လပ်ယူ၊
ဆိုပြီးတယ်လီဖုန်းကို’ကျွတ်ကျွတ်’ဆိုပြီးနမ်းပြန်သည်။သူ၏တယ်လီဖုန်းမှနမ်းသံကို
တစ်ဖက်မှနားထောင်သူကြားအောင်အထူးဂရုစိုက်ရသည်။
‘နေပါဦးဆရာသမား..၊အဲဒါဘယ်သူလဲဗျ’ဟုကျွန်တော်ကမေးမိ
သောအခါ..
‘ချစ်သူ၊ချစ်သူအသည်းလေးလေ။လက်ထပ်ဖို့အထိဆုံးဖြတ်လိုက်ပြီးတဲ့
ချစ်သူပါ’ဟုမချိုမချဉ်မျက်နှာလေးဖြင့်ဖြေရှာ၏။

‘မဟုတ်ပါဘူးဗျာ။ကျွန်တော်လည်းချစ်သူတွေဘာတွေထားခဲ့တာပါပဲဗျာ။
ခင်ဗျားကလည်းနည်းနည်းတော့ပိုမယ်ထင်တယ်ဗျာ’ဟုစိတ်ထဲမှာရှိသည့်အတိုင်း
ပြောလိုက်မိသောအခါ..
‘ဟာ..ဇာတ်လမ်းတွေရှိလို့ဇာတ်လမ်းတွေရှိခဲ့လို့’ဟူ၍သာအကြောက်
အကန်ဖြင့်ဖြေရှာသည်။

သူ၏တာဝန်ကားမလေးရှားစံတော်ချိန်နှင့်အလိုက်နံနက်စောစောသူ၏ချစ်သူ
ဆိုသောအမျိုးသမီးအိပ်ရာထအောင်တယ်လီဖုန်းဖြင့်နှိုးရသည်။ဟိုကအိပ်ရာဝင်ကာနီး
‘ဂွတ်နိုက်’ဟုနှုတ်ဆက်ပြီး’ကျွတ်ကျွတ်’ဆိုပြီးတယ်လီဖုန်းကိုနမ်းရသေးသည်။

ဆက်လက်ဖော်ပြပါမည်။
အပိုင်း (၁)
အပိုင်း (၂)
အပိုင်း (၃)
အပိုင်း (၄)
အပိုင်း (၅)

No comments:

Post a Comment

Blog Archive

Tags

Accident Ad Agriculture Article Astrology Aung San Suu Kyi Bagan Beauty Bogale Book Car Cartoon celebs Crime Crony Daily Popular Danubyu Dedaye Dhamma Dr Hla Myat Thway Education ELection Entertainment Environment Foreign Affairs General General Aung San General Knowledge Gossip Gov Health Herbal Hinthada History Hluttaw Ingapu Interview Job Kangyidaunt kyaik Lat Kyangin Kyaunggon Kyonpyaw Latputta Laymyethna Lemyethna Letter Ma Shwe Moe Mahn Johnny Maubin Mawlamyinegyun Media MMP MMP 1 money Myan Aung Myanmar Idol Myaungmya Myo Min Paing News Ngapudaw Ngathaingchaung NLD Nyaung Tone Opinion Pagoda Pantanaw Party Pathein People Photo Places Poem Police Politic Political Prisoner Popular Project Pyapon Quote School Bus Song Speech Sport Sports Student SYW SYW 1 Technology Thabaung Time Ayeyar Tourism Trailer Travel U Ba Hein U Ko Ni U Kyaw Myint U Win Htay USDP Video Wakhama Weather World News Yekyi Zalun စိတ်အဟာရ ရသစာများ စိုက်ပျိုးရေး ထူးဆန်းထွေလာ ဒီရေတော နာရေး ဗဒေငျ မဘသ မုံရွာ လယ်သိမ်းမြေသိမ်း လူပုဂ္ဂိုလ်များ လူပျောက်ကြော်ငြာ အရှင်သုစိတ္တ (မော်ကျွန်း) အရှင်သုစိတ္တ (မော်ကျွန်း) ဆရာတော် အထွေထွေ ဝေဖန်ရေး ထွေအုပ် ​မော်​တင်​စွန်း နိုင်ငံရေးအကျဉ်းသား

Labels

Recent Post