ကျိုက်ထို စက်တင်ဘာ ၁၆
ကျိုက်ထိုမြို့နယ်ကျိုက်ထီးရိုးတောင်တန်း၌ ယနေ့ နံနက် ၆ နာရီခွဲခန့်၌ မိုးသည်းထန်စွာရွာသွန်းမှုကြောင့် ကျိုက်ထိုမြို့နယ် ကင်မွန်းချောင်းကျေးရွာကျိုက်ထီးရိုးရင်ပြင်တော်အနီးမုဆိုးတောင်၌ဥာဏ်တော်အမြင့်ပေ ၃၀ ခန့်ရှိ မုဆိုးတောင်စေတီတော် ၏ အောက်ခြေအား မိုးကြိုးထိမှန်ခဲ့ကြောင်းသိရသည်။
အဆိုပါမိုးကြိုးထိမှန်ခမှုကြောင့် လူနှင့်တိရိစ္ဆာန်ထိခိုက်ဒဏ်ရာရရှိမှုမရှိသော်လည်းစေတီတော်တွင်ဗုဒ္ဓဟူးဂြိုလ်တိုင်၌(၃)ပေပတ်လည်ခန့် အင်္ဂတေများကွာကျကာ၊စနေထောင့်ရှိ မီးဆလိုက်ငယ်တစ်ခုလောင်ကျွမ်းပျက်စီးခဲ့ကြောင်း၊ယင်းစေတီတော်ပျက်စီးမှုအား ကျိုက်ထီးရိုးစေတီ တော်ဂေါပကအဖွဲ့ဝင် ဦးတင်ဝင်းနှင့်မြို့နယ်သာသနာရေးမှူးဦးဝေနိုင်တို့အဖွဲ့မှသွားရောက်ကြည့်ရှုစစ်ဆေးပြီးပြန်လည်ပြုပြင်နိုင်ရေးအတွက်စီစဉ်ဆောင်ရွက်လျက်ရှိကြောင်းသိရသည်။
ဝင်းမောင်(ကျိုက်ထို)
No comments:
Post a Comment