တို့ လာတယ်
ရှင်သူတွေချင်း ချစ်ကြဖို့ ရော
လွန်သူတွေကို လွမ်းတဖို့ ရော
လိုလို့ 
ငါတို့  ရောက်လာကြတယ်
မြရာပင်ရိပ်မှာ
တိတ်ဆိတ်စွာ
သခင်သန်းထွန်း လဲလှောင်းခဲ့ရ
ဘိုလီဗီးရားကတောအုပ်ထဲမှာ
ရဲဘော်ချေ လဲလှောင်းခဲ့ရ
လယ်ကွင်းစပ်
မြက်ခင်းလေးမှာ
ငါတို့ ကြယ်ကလေး လဲလှောင်းရ
ကျေနပ်ပါ
အပြည့် အဝ လင်းလက်ခဲ့ပြီးပါပြီကွယ်
ဒီမှာ
ငါတို့ တွေ နဲနဲပါဘဲ
ကြဲကြဲ ဝိုင်းခဲ့ရတယ်
ဒါပေမယ့် ယုံပါ
ဒါ တစ်နိုင်ငံလုံးစာအချစ်ပါ
ငါတို့ အချစ်ဟာ
သေချာတယ်
ဘယ်ခောတ်မဆို
ခောတ်ဝန်ကို ထမ်း
ခောတ်လမ်းကို ဖေါက်သူတွေဟာ
အထီးကျန်ပါ ဘဲ
အဲဒါအတွက်
တို့ အသည်း မကွဲ့ကြဘူး
ဒီအတွက်
တို့ လမ်းကြောင်း
မပြောင်းကြဘူး
ခွင့်လွှတ်ပါ ညီမလေး
ဒါ နိုင်ငံရေးပါ
စီပွါးရှာသူတစ်ယောက်ရဲ့ နာရေးမှာ
နိုင်ငံတော်ကြီးလာခဲ့တယ်
သတင်းစာတွေက
အဲဒါကို တသသ ထုဆစ်နေချိန်မှာ
ညီမလေးရဲ့ နိုင်ငံချစ်က
ဟောဒီ
ကျေးလက်ကားလမ်းလေးဘေးမှာ
တစ်လပြည့်
အမှတ်တရ အခန်းနားလေးမှာ
ညီမလေးရဲ့
လူထုကြား စကားပြောနေပုံ ဗီနိုင်းလေးတစ်ချပ်
မျက်ရည်ကျပြီးဆွဲခဲ့တဲ့ ပန်းချီဆရာလေးရဲ့
ကြယ်လေးပုံ ပန်းချီကားတစ်ချပ်
ပြီးတော့
ခွန်အားဖြည့်မိငယ်ရေ သီချင်းသံလေးတစ်စ
လုံလောက်ပါတယ်
ဒီမှာ
တစ်နိုင်ငံလုံးစာ ချစ်တတ်သူတွေချည်း
သူရဲကောင်းမလေးကို
ရဲဘော်စိတ်အပြည့်နဲ့
ချစ်သူတွေချည်း
"မြေဝသုန်ရေ တို့ ချစ်တဲ့ ရဲဘော်မလေးကို
မင်းစွမ်းသမျှ နွေးထွေးမှုနဲ့ ထွေးပွေ့လိုက်ပါ"
ငါတို့ ဒါဘဲ မှာနိုင်တယ်
ပြီးရင်
တို့ ဆက်သွားကြမယ်
လက်ကမ်းစာရွက်ထပ်ကလေးကို
အိပ်ကပ်ထဲမှာ ဂရုတစိုက်သယ်ခဲ့သလိုမျိုး
ညီမလေးကို
အိပ်ကပ်ထဲမှာ
နွေးထွေးစွာ သယ်ယူရင်းပေါ့။
ေ ခ ဇ က်
13-9-2018
No comments:
Post a Comment