ကျန်းမာသက်ရှည်ခြင်း၏ လျှို့ဝှက်ချက်များ(၇) ရာသီဥတုနှင့်ကျန်းမာရေး

ကျန်းမာသက်ရှည်ခြင်း၏  လျှို့ဝှက်ချက်များ(၇)   

ရာသီဥတုနှင့်ကျန်းမာရေး

ကံ၊ စိတ်၊ ဥတု၊ အာဟာရဟူ၍ ရောဂါဖြစ်စေသော အကြောင်းတရားလေးပါးကို ပြောလေ့ရှိကြသည်။ မှန်၏။ ရောဂါဖြစ်စေသော အကြောင်းတရားများတွင် 'ဥတု' သည်လည်း တစ်ခုအပါဝင်ဖြစ်၏။

ရာသီဥတုအေးလျှင် အဆစ်အမျက်များသို့ သွားသော သွေးကြောများကျဉ်းသွားသဖြင့် အဆစ်ရောင် ရောဂါအခံရှိသူများ၊ အဆစ်တောင့်ခြင်း၊ ကိုက်ခြင်း၊နာခြင်းများ ခံစားရ၏။ အေးသောအခါ အဆုတ်လေပြွန်များ ကျဉ်းလေ့ရှိသဖြင့် ပန်းနာရင်ကျပ်ထလေ့ရှိ၏။ အအေးမိ နှာစေးချောင်းဆိုးနှင့် တုပ်ကွေးအဖြစ်များ၏။ အေး၍နှလုံးသွေးကြောများ ကျဉ်းနေတတ်သောကြောင့် နှလုံးတိုက်ခိုက်ခံရခြင်းပိုများ၏။

ပူပြင်းသောရာသီတွင် ခေါင်းတစ်ခြမ်းကိုက်ရောဂါ ပိုဆိုးတတ်၏။ (အပူချိန်မြင့်လျှင် ဦးနှောက်သွေးကြောများပိုကျယ်သည်) အပူကြောင့်လေဖြတ်ခြင်း (Heat Stroke) ဖြစ်လေ့ရှိ၏။ ချွေးထွက်များပြီး ရေဓာတ်ခန်းခြောက်မှုကြောင့် သွေးပေါင်ချိန်ကျ၏။ နေပြင်းသောအခါ နေလောင်ခြင်း (Sun Burn) မှသည် အရေပြား ကင်ဆာအထိဖြစ်နိုင်သည်။

ကာကွယ်ပေးနိုင်

လေပြင်းများသည် အရေပြားကိုလျင်မြန်စွာ ခြောက်သွေ့စေသည်။ ပူသောရာသီတွင် လေထုစိုထိုင်းမှုနည်း၏။ အရေပြားစိုထိုင်းမှုလည်းကျ၏။ အရေပြားခြောက်သွေ့၏။ ယားယံစေ၏။ အရေပြားကို ကာကွယ် ထားသော အဆီလွှာ (Skin’s Protective Lipid  Barrier)
ကိုပျက်စီးစေ၏။ ဒိုင်မီသီကုန်း (Dimethicones)ခေါ် ဆီလီကုန်း (Silicone) တစ်မျိုးကို လိမ်းပေးခြင်းအားဖြင့် အရေပြားစိုထိုင်းမှုကို ထိန်းပေးနိုင်၏။ အခန်းတွင်း ၌လည်း စိုထိုင်းစေသောစ်(Hummidifier)ကို ထား ပေးခြင်းဖြင့် အိပ်နေစဉ် အရေပြားခြောက်သွေ့ခြင်းမှ ကာကွယ်ပေးနိုင်သည်။

ဆောင်းရာသီကာလတွင် အခန်းအောင်းနေလေ့ရှိကြသဖြင့် ပြင်ပအလင်းရောင်၊ နေရောင်တို့နှင့် ထိတွေ့မှုနည်းသောအခါ ဆက်ဒ်ရောဂါ (SAD-Seasonal Affective Disorder)ဖြစ်တတ်သည်။ ဆက်ဒ်ရောဂါဖြစ်သောအခါတွင် ဆာဒ် (SERT) ခေါ် ဓာတုပစ္စည်းတစ်မျိုးပိုမိုထွက်ရှိလာပြီး ဆီရိုတိုနင်(Serotonin) ကိုကျစေသည်။ ဆီရိုတိုနင်သည် ပျော်ရွှင်မှုကိုဖြစ်စေ သည်။ ဆီရိုတိုနင်ကျသောကြောင့် မပျော်ရွှင်နိုင်ဘဲ ဝမ်းနည်းမှုကိုဖြစ်စေသည်။

ထိုဆက်ဒ်ရောဂါ မဖြစ်စေရန် အေးသောရာသီ များတွင် အိမ်တွင်း အမြဲအောင်းမနေဘဲ ရံဖန်ရံခါ အပြင်ထွက်၍ ပြင်ပအလင်းရောင်၊ နေရောင်နှင့် ထိတွေ့ပေး သင့်သည်။ သို့မဟုတ် အလင်းပေးသေတ္တာ
(Light  Box - Oyrm Sunlight Jr) မှအလင်းရောင်ကို ထိတွေ့ပေးရသည်။

အရေပြားကို နေရောင်ထိတွေ့ပေးခြင်းဖြင့် ဗီတာမင်ဒီကို ရစေသည်။ နေရောင်မထိတွေ့ရလျှင် ဗီတာမင်ဒီ ချို့တဲ့ခြင်းကြောင့် ကြွက်သားအားနည်းခြင်း၊ အနည်းငယ် ထိရုံဖြင့် အလွန်နာကျင်ခြင်း၊ အိပ်ငိုက်ခြင်းတို့ကိုဖြစ်စေသည်။ ထိုအခါ နေရောင်ထဲ ထွက်ပေးခြင်းဖြင့် လည်းကောင်း သို့မဟုတ် အစားအစာထဲတွင် ဗီတာမင်ဒီကြွယ်ဝသော အဆီများသောငါး (ဥပမာ - ဆယ်မွန်၊ တူနာ)၊ အားဖြည့်နို့ (Fortified Milk) စသည်တို့ပါ အောင် စားပေးရမည်။ လိုအပ်ပါက ဗီတာမင်ဒီ (၃) ၆ဝဝ IUကို တစ်နေ့တစ်ကြိမ် သောက်သုံးသင့်
သည်။

အေးသောလေသည် လေပြွန်ကြွက်သားများကို ကျုံ့စေသည်။ လေပြွန်ကို ကျဉ်းစေသည်။ အသက်ရှူရခက်ခဲခြင်း၊ အသက်ရှူကျပ်ခြင်းဖြစ်တတ်သည်။ သင်သည် ထိုသို့ဖြစ်တတ်ပါက နှာခေါင်စည်းကို တပ်ခြင်းဖြင့် အသက်ရှူထုတ်ရာမှထွက်လာသော အနွေးဓာတ် ကြောင့် ဝင်လာသောလေကို နွေးစေသည်။

လျင်မြန်စွာဖြစ်ပွားစေ

ဆောင်းရာသီတွင် လူများအပြင်မထွက်ဘဲ အိမ်တွင်းအောင်းနေကြခြင်းသည် အအေးမိ၊ နှာစေး၊ ချောင်းဆိုး၊ တုပ်ကွေး၊ ဗိုင်းရပ်ရောဂါများ ကူးစက်မှုကို လျင်မြန်စွာဖြစ်ပွားစေသည်။ ဗိုင်းရပ်စ်များသည် အရေပြားပေါ် တွင် သုံးနာရီ၊ အခန်းမျက်နှာပြင်များပေါ်တွင် လေးနာရီထိ ရှိနေနိုင်သည်။ အရေးကြီးဆုံးမှာ လက်ကို သေသေချာချာ စင်ကြယ်အောင် ဆေးပေးဖို့လိုပေသည်။ နှာစေးချောင်းဆိုးဖြစ်နေသူများကို ဝေးဝေးမှ ရှောင်ရမည်။

အေးသောအခါ အဆစ်အမျက်ကိုက်ခြင်းကို သိပ္ပံနည်းဖြင့် တိကျစွာမရှင်းပြနိုင်သော်လည်း ဖြစ်နိုင်သည်များမှာ အအေးဓာတ်သည် အဆစ်ပတ်ပတ်လည်ရှိ ကြွက်သားများ၊ ကြွက်စွန်းကြောများ၊ အရွတ်များကို ကျုံ့စေခြင်း၊ အာရုံကြောများကို ဆွဲခြင်းတို့ကြောင့်လည်းကောင်း၊ လေထုဖိအားနည်းသောအခါ အဆစ်ပတ် ပတ်လည်ရှိ တစ်သျှူးပျော့များသည် ပွလာပြီး အဆစ်ပေါ်ဆွဲခြင်းဖြင့်လည်းကောင်း အဆစ်အမျက်ကိုက်ခြင်း  ကို ဖြစ်စေသည်ဟု ယူဆကြသည်။

ထို့ကြောင့်  အေးသောအခါ  ကွေးမနေဘဲ လမ်းလျှောက်ခြင်း၊  စက်ဘီးစီးခြင်း   စသည့် ကိုယ်လက်လှုပ်ရှားလေ့ကျင့်ခန်းများလုပ်ခြင်းဖြင့် ကိုယ်ခန္ဓာကို နွေးထွေးလာစေရုံသာမက အဆစ်အမျက်တောင့်တင်း
ခြင်း၊   ကိုက်ခဲခြင်းတို့ကို  လျော့ပါးစေသည်။ ထို့ပြင် ကိုယ်အလေးချိန်ကို လျှော့ချပေးခြင်းဖြင့် အဆစ်များ (အထူးသဖြင့် ဒူးနှင့်ခါး)ပေါ် ဝန်ပိခြင်းကို လျော့ပါးစေ သည်။

ရာသီဥတုနှင့်ကျန်းမာရေး ဆက်စပ်ပုံကို အတွေ့အကြုံတစ်ခုဖြင့် တင်ပြလိုပါသည်။ စာရေးသူ၏ မိခင်သည် စာရေးသူတာဝန်ကျရာ တောင်ကြီးမြို့သို့ အလည်အပတ်လာစဉ်က ဖြစ်၏။ တောင်ကြီးမှာ ထိုစဉ်ကဆောင်းရာသီဖြစ်၍ အလွန်အေးပါသည်။ အမေ့မှာ သွေးတိုးရောဂါအခံရှိ၍ အလွန်အေးသော တောင်ကြီးမြို့  ဆောင်းဥတုနှင့်  တွေ့သောအခါ   သတိမေ့မြော သွား၍ စဝ်စံထွန်းဆေးရုံကြီးသို့ တင်လိုက်ရသည်အထိ ဖြစ်ပါသည်။ ဆေးရုံတွင် သမားတော်ကြီးများက အထူးကြပ်မတ်ကုသပါသော်လည်း ဆေးရုံတွင် ရက်သတ္တတစ်ပတ်ကြာသည်အထိ သတိပြန်လည်၍ မလာပါ။ စာရေးသူလည်း သည်လိုအေးသည့်နေရာတွင် ဆက်ထားလျှင် အမေ၏ အသက်အန္တရာယ် စိုးရိမ်ရသည်ကို တွေးမိသဖြင့် ဆေးရုံမှ လက်မှတ်ထိုး၍ ဆင်းကာ ရထားအထက်တန်းအိပ်ခန်းဖြင့် ရန်ကုန်သို့ ခေါ်ဆောင်ခဲ့ပါ သည်။ ရန်ကုန်သို့ မရောက်မီ ရာသီဥတုပူသော သာစည်ဘူတာသို့အရောက်တွင် အမေကောင်းစွာ သတိရလာပါသည်။ တောက်လျှောက် ကောင်းသွားခဲ့ပါသည်။

တစ်ကိုယ်ရေသန့်ရှင်းရေးနှင့် ကျန်းမာရေး

တစ်ကိုယ်ရေသန့်ရှင်းရေးသည် ကျန်းမာသက်ရှည် ခြင်းအတွက် အရေးကြီးသည်။ ခန္ဓာကိုယ်တွင်းကိုယ်ပတွင် ရောဂါပိုးများစွာရှိသည်။ အရေပြား၊ နှာခေါင်း၊ပါးစပ်၊လည်ချောင်း၊ နားနှင့် ဆံပင်တွင် ပုံမှန်နေထိုင် သော ပိုးများ(Normal Flora)ရှိသည်။ အခြားဒွါရများဖြစ်သော မိန်းမကိုယ်၊ စအို စသည်တို့တွင်လည်း ပိုးများစွာရှိသည်။

ပြင်ပလောကတွင် လည်းကောင်း၊ ခန္ဓာကိုယ်ပေါ်နှင့် အတွင်းတွင် ပိုးများစွာရှိသော်လည်း၊ ကိုယ်ခံအား (Immunity)၊ အရေပြား၊ အမြှေးပါး စသည်တို့ မပေါက်မပြဲတည်တံ့ခြင်း(Barrier)နှင့် တစ်ကိုယ်ရေသန့်ရှင်းမှု ကြောင့်သာ ရောဂါပိုးများ ခန္ဓာကိုယ်သွေး၊ တစ်သျှူး၊ အတွင်းအင်္ဂါများထဲသို့ မဝင်ရောက်ခြင်း၊ရောဂါမရခြင်းဖြစ်ပါသည်။

တစ်ကိုယ်ရေသန့်ရှင်းရန် လုပ်ဆောင်ရမည့် အချက်
များ -

(က) ရေချိုးခြင်း

ရေချိုးခြင်သည် အရေပြားတွင် ကပ်ငြိနေသော ဖုန်၊ အညစ်အကြေးနှင့် ပိုးမွှားများကို ဖယ်ရှား ပေးသည်။ ရေချိုးရန် အခြေအနေမပေးပါက (ဥပမာ တောတွင်းစခန်းချခြင်း၊ ရေပြတ်လပ်ခြင်း၊
မကျန်းမာခြင်း စသည်) ရေပတ်တိုက်ပေးရမည်။ထို့ပြင် ရေချိုးခြင်းသည် ကိုယ်အပူချိန်ကို ကျစေ
သည်။ အပူများသော အချိန်တွင် အကျိုးရှိသော်
လည်း အေးသောအချိန်၊ ကိုယ်ခံအားနည်းသော အချိန်၊ အထူးသဖြင့် ညနေပိုင်း၊ ညပိုင်းတွင် ရေချိုး
လျှင်   သင့်မသင့်   အရင်စဉ်းစားပြီးမှချိုးပါ။
သို့မဟုတ်ပါက အအေးပတ်ခြင်း၊ လေဖြတ်ခြင်း
ဖြစ်တတ်သည်။

(ခ) သွားတိုက်ခြင်း

သွားတိုက်ခြင်းသည် တစ်ကိုယ်ရေသန့်ရှင်းရေး အတွက် အရေးပါသည်။ ဖလူအိုရိုက်ပါသော သွားတိုက်ဆေးဖြင့် တစ်နေ့နှစ်ကြိမ် နှစ်မိနစ်ခန့် မှန်ကန်စေ့စပ်စွာတိုက်မှ သွားသန့်ရှင်းမည်။

(ဂ)သွားကြားညပ် အစာများထုတ်ခြင်း (Dental Floss)

သွားတိုက်ရုံနှင့် သွားနှင့်ခံတွင်း ကျန်းမာရေး အတွက် မပြည့်စုံပေ။ ညအိပ်ခါနီး သွားမတိုက်မီ သွားကြားညပ်နေသောအစာများကို သွားကြား
ညှပ်ထုတ် ပိုးကြိုး (Dental Floss)ဖြင့် ထုတ်ရ
မည်။ ထိုကဲ့သို့ကြိုးမျိုးမရှိလျှင် ခိုင်ခန့်သေးမျှင် သော နူးညံ့သည့် ကြိုးတစ်ခုခုကို သုံးနိုင်သည်။

(ဃ) ခေါင်းလျှော်ခြင်း

ခေါင်းလျှော်ခြင်းသည် ဆံပင်နှင့် ဦးရေပြားတွင် ကပ်ငြိနေသော အညစ်အကြေးများ၊ ဗောက်များ၊ ပိုးမွှားများကို ဖယ်ရှားပေးသည်။ အနည်းဆုံး
တစ်ပတ်တစ်ကြိမ် ခေါင်းလျှော်သင့်သည်။

(င) လက်ဆေးခြင်း

လက်ဆေးခြင်းသည် တစ်ကိုယ်ရေသန့်ရှင်းရေး တွင် အရေးအပါဆုံးဖြစ်သည်။ လက်မှတစ်ဆင့်
ရောဂါများ ကူးစက်သောကြောင့် ဖြစ်သည်။ ထမင်း
မစားခင်တွင်နှင့် အညစ်အကြေးများ ကိုင်ပြီးလျှင်
သော်လည်းကောင်း၊ အိမ်သာတက်ပြီးလျှင်သော်
လည်းကောင်း၊ လက်ကို နည်းစနစ်မှန်စွာနှင့် စင်ကြယ်စွာ ဆေးသင့်သည်။

(စ) ဝတ်စားဆင်ယင်မှု

သန့်ရှင်းသော၊ ကျန်းမာရေးနှင့်ညီညွတ်သော၊
အပူအအေးမျှတသော အဝတ်အစားများ ဝတ်
ဆင်ခြင်းသည် ကျန်းမာရေးအတွက် အရေးကြီး
ပါသည်။ မသန့်ရှင်းသော အဝတ်များမှ ရောဂါပိုး
များကူးစက်နိုင်ပါသည်။ အဝတ်များ ခြေက်သွေ့
အောင်လှန်းလျှင် နေရောင်ထဲတွင်လှန်းသည်က
အကောင်းဆုံးဖြစ်၏။ နေရောင်သည်ရောဂါပိုး များကို သေစေသည်။

(ဆ) နှာချေချောင်းဆိုးလျှင် တစ်သျှူး၊ လက်ကိုင်ပဝါ အုပ်၍ အခြားသူများနှင့် ဝေးရာတွင် ပြုမူရမည်။

(ဇ)လက်သည်း၊ ခြေသည်းညှပ်ခြင်းဖြင့် လက်သည်း
ကြား၊ ခြေသည်းကြားတွင် ကပ်ငြိနေသော အညစ်
အကြေးများမှ ရောဂါကူးစက်ခြင်းကို ကာကွယ် ပေးသည်။

(ဈ)ရေချိုးပြီးလျှင်သော် လည်းကောင်း၊ ချွေးထွက် သောအခါတွင် လည်းကောင်း၊ မိုးမိပြီးခါစတွင် လည်းကောင်း သန့်ရှင်းသော တဘက်(ပဝါ)ဖြင့်
ခြောက်သွေ့အောင် သုတ်ရမည်။ အထူးသဖြင့် ချိုင်းကြား၊ သားမြတ် အောက်ဘက် (အမျိုးသမီး
များ)၊ ပေါင်ကြား၊ ကပ်ပယ်အိပ် (အမျိုးသားများ)၊ လက်ချောင်းကြား၊  ခြေချောင်းကြား၊  ဆံပင်၊
နားရွက်အနောက်ဘက် စသည့်နေရာများတွင်း
စိုစွတ်နေပါက မှိုပိုးပေါက်ပွား၍ အရေပြားရောဂါ ဖြစ်တတ်သည်။

(ည) ခြေအိတ်၊ အနွေးထည် အမြဲဆောင်ထားပါ။ ပူအိုက်
သော ရာသီပင်ဖြစ်လင့်ကစား ရုတ်တရက် ချမ်း
စိမ့်စိမ့်ဖြစ်လာပါက အနွေးထည်၊ ခြေအိတ်၊ ခေါင်း
စွပ်စသည်ဖြင့် (လိုအပ်သည့်အလျောက်) ချက်
ချင်းဝတ်မှ အအေးပတ်ခြင်းကို ကာကွယ်နိုင် သည်။ အိပ်ရာထဲတွင်လည်း အနွေးထည်၊ ခြေအိတ်
စသည် အသင့်ထားပါ။ တစ်ရေးနိုးချိန်တွင် ချမ်းစိတ်
ဝင်ပါက အဆင်သင့်ဝတ်နိုင်ရန်ဖြစ်သည်။   

ဒေါက်တာဇော်ထွန်းလင်း      ဆေးပညာမဟာသိပ္ပံ