မျက်မှောက်ခေတ် အတွင်းတိမ်ခွဲစိတ်ကုသခြင်း ဆိုသည်မှာ

မျက်မှောက်ခေတ် အတွင်းတိမ်ခွဲစိတ်ကုသခြင်း ဆိုသည်မှာ

အတွင်းတိမ်   ခွဲစိတ်ကုသခြင်းဆိုသည်မှာ ကြည်လင်မှုမရှိဘဲ အလင်းပိတ်လျက် နောက်ကျိ နေသော မျက်စိတွင်းသဘာဝမှန်ဘီလူးကို ဖယ်ရှား၍ လူတို့ဖန်တီးထားသည့် မှန်ဘီလူး အသစ်ကို ထည့်သွင်းပေးခြင်းဖြစ်ရာ ပြည့်ဝ သောအမြင်ကို  မြန်မြန်ရသောကုသမှုဖြစ်၍ ကာယကံရှင်များအတွက်    အလွန်အကျိုးများ ပါသည်။

ခွဲစိတ်ကုသရာတွင်လည်း မေ့ဆေးမသုံးဘဲ ထုံဆေးကိုသာသုံး၍    ကုသသောကြောင့် မေ့ဆေးကြောင့်   ဖြစ်လေ့ဖြစ်ထရှိသည့် ဘေးထွက်ဆိုးကျိုးများမှ  ကင်းဝေးစေမည် ဖြစ်၏။ ထုံဆေးတွင်လည်း  ထုံဆေးထိုးဆေးနှင့်   ထုံဆေးမျက်စဉ်းနှစ်မျိုးစလုံးကို သုံးစွဲနေကြပြီ ဖြစ်ရာ  ထုံဆေးမျက်စဉ်းကိုသုံး၍ ခွဲစိတ် ကုသသောနည်းပညာများတွင်  ကာယကံရှင် အား   ပိုမိုသက်သောင့်သက်သာရှိစေမည် ဖြစ်ပါသည်။  ထို့ပြင် ခွဲစိတ်ကုသမှုမပြုမီ ကြိုတင်စမ်းသပ် စစ်ဆေးမှုများနှင့် ခွဲစိတ် ကုသမှုခံယူပြီးနောက် စစ်ဆေးမှုများပြုရာတွင် လည်း  အတွင်းလူနာအဖြစ် ဆေးရုံတက်ရန် မလိုအပ်ဘဲ ပြင်ပလူနာအဖြစ်နှင့် မိမိတို့  ပုံမှန်နေထိုင်ရာနေအိမ်မှ သက်ဆိုင်ရာ ဆေးရုံ ဆေးခန်းသို့  ဆရာဝန်ချိန်းဆိုသည့်အတိုင်း သွားရောက်ပြသရန်သာ လိုပါသည်။

ခွဲစိတ်ကုသမှုရလဒ်များ အလွန်ကောင်း မွန်ပြီး အမြင်အာရုံဖွံ့ဖြိုးတိုးတက်မှု အခြေ အနေမြင့်မားပါသည်။ ခွဲစိတ်ကုသမှုခံယူပြီး နောက်တွင်လည်း   စောဒကတက်ဖွယ်ရာ ဆိုးကျိုးများ  အလွန်နည်း၏။  သို့ဖြစ်ရာ အတွင်းတိမ်ရှိသူ   မျက်စိဝေဒနာရှင်များ အနေဖြင့် မည်သည့်အချိန်တွင် အတွင်းတိမ်ကို ခွဲစိတ်ကုသမှုခံယူမည်၊ မည်သည့်နည်းပညာကို သုံး၍ ကုသမှုခံယူသင့်သည် စသည်များကိုသာ အဓိကထားဆုံးဖြတ်ပေးရန်လိုအပ်ပြီး ကုသမှု ရလဒ်ကောင်းရန်အတွက်  သံသယဝင်ရန် မလိုအပ်တော့ကြောင်း ဟားဗတ်တက္ကသိုလ်နှင့် တွဲဖက်ထားသော မက်ဆာချူးဆက်အထွေထွေ ရောဂါကုဆေးရုံကြီးမှ   မျက်စိအထူးကု ဆရာဝန်ကြီးDr. Laura Fine က ပြောသည်။

ခွဲစိတ်ကုမှ မြင်ကြရ

အတွင်းတိမ်သည် အသက်အရွယ်ကြီးရင့် မှုကြောင့်ဖြစ်သည့်  သဘာဝဖြစ်စဉ်တစ်ခု ဖြစ်ပါသည်။  အထူးသဖြင့်  အသက် ၈ဝ ဝန်းကျင်ပုဂ္ဂိုလ်များ၏  ထက်ဝက်ခန့်တွင် အတွင်းတိမ်ရှိနေတတ်ပါသည်။ နှစ်ရှည်လများ တဖြည်းဖြည်း တရွေ့ရွေ့ပြောင်းလဲလာသော သဘောရှိပြီး မျက်စိတွင်းရှိ သဘာဝမှန်ဘီလူး လေး၏  ကြည်လင်သန့်ရှင်းမှုသည်လည်း လျော့ကျလျက်      မသိမသာနောက်၍ နောက်၍လာရာမှ   အလင်းပိတ်အဆင့်သို့ ရောက်ရှိလာလေသည်။အရောင်အသွေးမှာ လည်း ကြည်ရာမှဖြူ၊ ဖြူရာမှ ညို၊ ညိုရာမှ ညိုညိုရင့်ရင့် စသည်ဖြင့် ရင့်၍ရင့်၍ လာမည် ဖြစ်၏။ မူလအရွယ်ပမာဏထက်လည်း ပို၍ ကြီးလာမည်ဖြစ်ပါသည်။

အမြင်အာရုံသည်လည်း  မျက်စိတွင်း မှန်ဘီလူး၏ အခြေအနေပြောင်းလဲလာသည် နှင့်အမျှ ပို၍ပို၍ မှုန်လာမည်ဖြစ်၏။အထူး သဖြင့် အဝေးကြည့်မှုန်လာပြီး  အတွင်းတိမ် အရင့်ဆုံးအချိန်တွင် မိမိအား နှုတ်ဆက်စကား ဆိုလာသူ၏မျက်နှာကိုပင် သဲသဲကွဲကွဲ မမြင်ရ သည့် အမြင်အာရုံ ဆုံးရှုံးလုနီးပါးအခြေအနေသို့  ရောက်ရှိလာလေသည်။ မျက်မှန်လို၍ မျက်စိ မှုန်သူများသည်  မျက်မှန်တပ်ပါက ကြည်ကြည် လင်လင် မြင်နိုင်သော်လည်း အတွင်းတိမ်ရှိ၍ မျက်စိမှုန်နေသူမှာ  မျက်မှန်တပ်သော်လည်း ကြည်ကြည်လင်လင် မြင်ရမည်မဟုတ်ချေ။  အရောင်အသွေးများကိုလည်း  မခွဲခြားနိုင် တော့ဘဲ  ရောထွေးလျက်ရှိသည့် မကွဲပြားသော  အရောင်တစ်မျိုးတည်းကိုသာ မြင်နေရတော့၏။

အတွင်းတိမ်သည်     တဖြည်းဖြည်း တရွေ့ရွေ့သာ  အမြင်အာရုံဆုံးရှုံးလာတတ် သော သဘာဝရှိသည်ဖြစ်ရာ  ကာယကံရှင် ကိုယ်တိုင် သတိမထားမိသည်ကများပါသည်။သိသိသာသာ မျက်စိမှုန်လာသော အခြေအနေ (မိမိအား နှုတ်ဆက်စကားဆိုလာသူကိုပင် သဲသဲကွဲကွဲမမြင်ရသောအခြေအနေ)ရောက်မှ သာ သတိပြုမိတတ်ကြ၏။ စနစ်တကျ မျက်စိ စမ်းသပ်စစ်ဆေးခြင်းဖြင့်သာ အတွင်းတိမ် ရှိ၊ မရှိ သိနိုင်သည်ဖြစ်ရာ အသက်(၄ဝ)မှ(၆၅)နှစ်အတွင်းရှိသူများသည်  အနည်းဆုံး(၂)နှစ်တစ်ကြိမ် မျက်စိအထူးကုဆရာဝန်နှင့် ပုံမှန် မျက်စိစစ်ဆေးမှု ခံယူသင့်ပါသည်။ သို့မှသာ အတွင်းတိမ်ရှိ၊ မရှိ သိနိုင်ရုံမျှမက အခြားသော မျက်စိရောဂါများ(ရေတိမ်နှင့် အသက်အရွယ် ကြီးရင့်မှုကြောင့်ဖြစ်သော မြင်လွှာချို့ယွင်းမှု ရောဂါများ)ရှိ၊ မရှိကိုလည်း သိနိုင်မည်ဖြစ်ပါ သည်။

မျက်စိအထူးကုဆရာဝန်သည် ကာယကံ ရှင်၏ အမြင်အာရုံပြတ်သားမှုရှိ၊ မရှိ (အမြင် စမ်းကတ်ပြား၊ လိုက်ဘောက်နှင့်  ပရိုဂျက်တာ အသုံးပြု၍ စာလုံးများ၊ ရုပ်ပုံသင်္ကေတများကို ဖတ်ခိုင်း၍)စစ်ဆေးခြင်း၊ လိုအပ်ပါက မျက်စိ သူငယ်အိမ်ကိုကျယ်စေသော မျက်စဉ်းခတ်၍ မျက်စိတွင်းအဏုကြည့်မှန်ဘီလူး(Slit Lamp)ကို  အသုံးပြု၍  မျက်စိအတွင်းပိုင်းအထိ စစ်ဆေးကြည့်ရှုခြင်း   စသည်ဖြင့်  မျက်စိ ကျန်းမာရေးအခြေအနေများကို  အသေးစိတ် စမ်းသပ်စစ်ဆေးမည်ဖြစ်ပါသည်။ သို့မှသာ အတွင်းတိမ်၊  ရေတိမ်နှင့် အသက်ကြီး၍ဖြစ် သော  မြင်လွှာတဖြည်းဖြည်းအားနည်းလာ သည့်ရောဂါများကို ဆောလျင်စွာသိရှိနိုင်မည် ဖြစ်ပေသည်။

အမြင်အာရုံဆုံးရှုံးမှုကို ဖြစ်ပေါ်စေလျက် အလင်းရောင်ကောင်းစွာ   မဖြတ်သန်းနိုင် တော့သည့်  မျက်စိတွင်း  သဘာဝမှန်ဘီလူးကို ဖယ်ရှား၍  ကြည်လင်သန့်ရှင်းသည့်  လူတို့ ဖန်တီးပြုလုပ်ထားသော   မှန်ဘီလူးအသစ်ကို အစားထိုးထည့်သွင်းပေးခြင်းသည်  အတွင်း တိမ်ခွဲစတ်ကုသမှု၏  ရိုးရှင်းသောနည်းလမ်း ဖြစ်ပါသည်။  အတွင်းတိမ်ခွဲစိတ်ကုသမှုကို ခံယူသင့်သောအချိန်မှာ    နေ့စဉ်လှုပ်ရှား သွားလာမှုများတွင် အခက်အခဲဖြစ်လာသည့် အချိန်ပင်ဖြစ်ကြောင်း၊  ခွဲစိတ်ကုသမှုမခံယူ သရွေ့ မျက်စိမှုန်နေမှာဖြစ်ကြောင်း၊ လှေကား အတက်အဆင်းနှင့် မော်တော်ကားမောင်းခြင်း ကဲ့သို့သော အရေးကြီးသည့် အလုပ်များကို လည်း  လုပ်နိုင်မှာမဟုတ်ကြောင်း၊  မျက်စိ အထူးကုဆရာဝန်Dr. Fine, Harvard-affiliated  Massachusetts  General Hospital က ပြောပါသည်။  မျက်စိအထူးကု ဆရာဝန်၏ အကြံပြုချက်အတိုင်း လိုက်နာ၍ အတွင်းတိမ်  ခွဲစိတ်ကုသမှုခံယူခြင်းမပြုဘဲ နှောင့်နှေးကြန့်ကြာနေလျှင်  အခြားသော (အသက်အရွယ်ကြီးရင့်မှုကြောင့်   မြင်လွှာ တဖြည်းဖြည်းယိုယွင်းလာသည့်ရောဂါကဲ့သို့ သော)မျက်စိရောဂါများကို ကုသရန် အဟန့် အတားဖြစ်နိုင်သကဲ့သို့ အတွင်းတိမ့်ရင့်မှု ကြောင့်ဖြစ်သော ရေတိမ်လည်း ပေါ်ပေါက် လာနိုင်ပါသည်။

ခွဲစိတ်သမှု မည်သို့ပြု

မျက်စိအထူးကုဆရာဝန်၏  စမ်းသပ် စစ်ဆေးတွေ့ရှိချက်အရ မျက်စိနှစ်ဖက်စလုံး တွင်အတွင်း  တိမ်ရှိနေလျှင်လည်း  စိုးရိမ် ဖွယ်ရာမရှိချေ။ မျက်စိခွဲစိတ်အထူးကုဆရာဝန် မှ ပို၍မှုန်သော ပို၍ရင့်သော ဆောလျင်စွာ ခွဲစိတ်ကုသရန်  လိုအပ်သည်ဟုယူဆသော မျက်စိတစ်ဖက်ကို ရှေးဦးစွာ ခွဲစိတ်ကုသပေး မည်ဖြစ်ပါသည်။  မျက်စိတစ်ဖက် ကောင်းစွာ မြင်ရပြီးမှ ကျန်တစ်ဖက်ကို ဆက်လက်၍ ကုသပေးမည်ဖြစ်ရာ   ကာယကံရှင်အတွက် သက်တောင့်သက်သာရှိစေမည်ဖြစ်ပါသည်။မျက်စိနှစ်ဖက်စလုံး   ခွဲစိတ်ကုသပြီးမှသာ      ကားမောင်းခြင်းနှင့် စာဖတ်ခြင်းကဲ့သို့ မျက်စိ အားစိုက်ရသည့် အလုပ်များကို အဆင်ပြေပြေ ဖြင့် ဆောင်ရွက်နိုင်မည်ဖြစ်ပါသည်။

အတွင်းတိမ်ခွဲစိတ်ကုသမှု  နည်းပညာ များသည် ကမ္ဘာတစ်ဝန်းအထူးဖွံ့ဖြိုးတိုးတက် လျက်ရှိရာ အရိုးရှင်းဆုံးဖြစ်သော ခွဲစိတ်ရာကျဉ်းချုပ်ကြိုးမဲ့နည်းပညာ(Small Incision Sutureless Cataract Surgery)ဖြင့် ကုသလျှင်ပင် ၁၅ မိနစ်မျှသာ  ကြာမြင့် လေသည်။ အသံလွန်လှိုင်းဖြင့် အတွင်းတိမ်ကို ခြေဖျက်စုပ်ယူသောနည်းပညာ(Phacoemulsification)ဖြင့်  ကုသလျှင်  ထိုထက်ပို၍ လျင်မြန်ပါသည်။ ကုသမှုရလဒ်များ အလွန် ကောင်းပြီး မျက်စိအထူးကုဆရာဝန်ကြီးများ၏ ကျွမ်းကျင်မှုပေါ်မူတည်၍  ၉၇ ရာခိုင်နှုန်းမှ ၉၈ ရာခိုင်နှုန်းထိ အောင်မြင်မှုရှိပါသည်။

သက်သောင့်သက်သာ လိုက်နာပါ

အတွင်းတိမ်ခွဲစိတ်ကုသမှုခံယူပြီးနောက် ပိုင်းတွင် လူနာနားနေဆောင်၌ ထုံဆေးပျယ် သည့် အချိန်ထိ တစ်နာရီခန့်သာ  နားနေရန် လိုအပ်ပါသည်။ မျက်စိကို ဂွမ်းစငယ်(Eye pad)နှင့်  ကာဘာပြား(Eye Shield)တို့ဖြင့် မျက်စိအထူးကုဆရာဝန်က  ဖုံးကာပေးထား မည်ဖြစ်ပါသည်။ မိမိအိမ်တွင် အကူတစ်ယောက် နှင့်အတူ သက်သောင့်သက်သာ နားနေနိုင်ပါ သည်။ အလေးအပင်မခြင်းကိုရှောင်ရန်နှင့် မျက်စိတွင်းသို့ရေမဝင်ရန် အထူးဂရုစိုက် ရပါ မည်။ ပုံမှန်လှုပ်ရှားသွားလာမှုများကိုပြု၍ ရသော်လည်း အင်အားစိုက်ထုတ်၍ လုပ်ရ သော   အဆောတလျင်လှုပ်ရှားမှုများကိုမူ ရှောင်ကြဉ်ရပါမည်။  အဓိကရည်ရွယ်ချက်မှာ မျက်စိတွင်းသို့ထည့်ထားသော  မှန်ဘီလူး အသစ်ကို  အသားတကျရှိနေရန်နှင့် မျက်စိ တွင်းသို့ ပိုးဝင်ခြင်းမရှိရန် ဖြစ်ပါသည်။ မျက်စိ အထူးကုဆရာဝန်၏ ညွှန်ကြားချက်များအတိုင်း တိကျစွာလိုက်နာ၍ မျက်စဉ်းများကိုစနစ်တကျ ခတ်ပေးရန်လည်း    အရေးကြီးပါသည်။(ကာယကံရှင်ကိုယ်တိုင် မျက်စဉ်းမခပ်သင့်)

တီဗွီကြည့်ခြင်းနှင့်  စာဖတ်ခြင်းကဲ့သို့ ပေါ့ပေါ့ပါးပါးအလုပ်များကို လုပ်နိုင်သော် လည်း  ရှောင်သည်က  ပို၍ကောင်းမည်ဟု ယူဆပါသည်။ စူးရှသောနေရောင်ခြည်နှင့် တောက်ပသောအလင်းရောင်(LED မီးသီး ကဲ့သို့)များကို   လုံးဝရှောင်ကြဉ်ရပါမည်။       မျက်စိအထူးကုဆရာဝန်က  ချိန်းဆိုသော နေ့ရက်များတွင် မပျက်မကွက်ပြသရန်  လိုပါ သည်။(များသောအားဖြင့် ခွဲစိတ်ကုသမှုပြုပြီး နောက်နေ့ နှစ်ရက်ခြား၊ ရက်သတ္တတပတ်ခြား၊ နှစ်ပတ်ခြား၊ နှစ်လခြား စသည်ဖြင့် ကုသမှု လိုအပ်ချက်အရ ချိန်းဆိုမှုများ)

အတွင်းတိမ်ခွဲစိတ်ကုသမှု၏  အပြီးသတ် စစ်ဆေးမှုကို ခွဲစိတ်ကုသပြီးနောက်(ယေဘုယျ အားဖြင့်)နှစ်လအကြာတွင် မျက်စိအထူးကု ဆရာဝန်ကိုယ်တိုင် ပြုလုပ်ပါသည်။ မျက်မှန် လိုအပ်ချက်ရှိလျှင်  မျက်မှန်ပါဝါရှာဖွေ၍ မျက်မှန်တပ်ရန်ညွှန်ကြားပါသည်။ မျက်မှန် ကူရန်  လိုသူများရှိသကဲ့သို့ မျက်မှန်မလိုဘဲ အဝေးကြည့်ကို ကြည်ကြည်လင်လင်မြင်ရသူ များလည်း ရှိပါသည်။ အတွင်းတိမ်ခွဲစိတ်ကုသမှု ခံယူသူများသည်များသောအားဖြင့် အသက်ကြီး သူများဖြစ်ရာ စာကြည့်မျက်မှန်လိုအပ်သူက အများစုဖြစ်ပါသည်။

အတွင်းတိမ်ရှိ၍ မျက်စိမှုန်သူ သက်ကြီး ရွယ်အိုများအနေဖြင့် ခွဲစိတ်ကုသမှုခံယူခြင်းဖြင့် လူငယ်လူရွယ်များကဲ့သို့   ပြန်မြင်နိုင်သည့် အခွင့်အရေးကိုရနိုင်သည်ဖြစ်ရာ   မျက်စိ အထူးကုဆရာဝန်နှင့် စနစ် တကျစမ်းသပ် စစ်ဆေးမှုခံယူသင့်ပါကြောင်းနှင့်   မျက်စိ အထူးကုဆရာဝန်မှ အတွင်းတိမ်ခွဲစိတ်ကုသမှု ခံယူရန်အကြံပြုလျှင်   မိမိ၏အမြင်အာရုံ တိုးတက်ကောင်းမွန်ရေးအတွက်  လိုက်နာ သင့်ပါကြောင်း     အကြံပြုရေးသားအပ်ပါ သည်။

ပြည့်အောင်(COA)