ပြီးခဲ့တဲ့စနေနေ့က ကမာရွတ်မြို့နယ် ပြည်လမ်းပေါ်က ယုဒသန်ခန်းမမှာပြုလုပ်တဲ့ စနေဈေး(Saturday Market)ကို ရောက်သွား ပါတယ်။ အော်ဂဲနစ်ထုတ်ကုန်တွေကို ခင်းကျင်း ရောင်းချတဲ့ဈေးလေးပါ။ စိတ်ဝင်စားစရာ ကောင်းတာက လတ်လတ်ဆတ်ဆတ် ဟင်းသီးဟင်းရွက်တွေ ရောင်းချနေတာကိုပါ တွေ့လိုက်ရလို့ပါပဲ။ ရောင်းချနေတဲ့ ခရစ်ယာန်သီလရှင်အဖွဲ့ကို မေးကြည့်တော့ ကျောက်တန်းဘက်က ရောင်းတာပါတဲ့။
ချဉ်ပေါင်၊ ကန်စွန်း၊ ဓနိသီး၊ ပိန္နဲသီး အကင်းလေးတွေ၊ ခရမ်းကစော့ခါးသီး၊ ကင်းပုံညွန့် အစုံတွေ့ရပါတယ်။ ဘေးနားက ရောင်းနေတဲ့ တစ်ဖွဲ့မှာတော့ အမြင်စိမ်းတဲ့ ဟင်းသီးဟင်းရွက်တွေမို့ မေးကြည့်တော့ ကောက်ကောက်ညွန့်၊ စိန္နဘော်ညွန့်၊ ကဒတ် ညွန့်၊ ကန်စွန်းကြီးရွက်နဲ့ သခွပ်ပွင့်ခြောက်တွေ ပါတဲ့။ ဘယ်က လာတာလဲလို့မေးကြည့်တော့ ရခိုင်ပြည်နယ် အမ်းမြို့ဘက်ကနေ အဝေးပြေး ကားနဲ့ ပို့လိုက်တာပါတဲ့။
ရောင်းတဲ့အဖွဲ့ကလည်း ရခိုင်အဖွဲ့ပါပဲ။ သဘာဝကရတဲ့ အသီးအနှံ ဟင်းသီးဟင်းရွက် တွေကတစ်ဆင့် အော်ဂဲနစ်သီးနှံစိုက်ပျိုးရေး ဈေးကွက်တစ်ခုရရှိလာအောင် ဆောင်ရွက်နေ ကြတာဖြစ်ပါသတဲ့။ ရည်ရွယ်ချက်ကတော့ အော်ဂဲနစ်စိုက်ပျိုးရေးနည်းပညာ ဖွံ့ဖြိုးလာပြီး စားသုံးသူများ ဘေးအန္တရာယ်ကင်းသော အာဟာရတန်ဖိုးမြင့်မားသော အစားအစာ များကို စားသုံးနိုင်ဖို့ပါတဲ့။ ဈေးဝယ်တွေထဲမှာ နိုင်ငံခြားသား အတော်များများကိုလည်း တွေ့ရပါတယ်။
ရောင်းတဲ့ဈေးနှုန်းတွေကတော့ ပုံမှန် ထက်စာရင် ဈေးနည်းနည်းကြီးတယ်လို့ထင်ရပေမယ့် အော်ဂဲနစ်သဘာဝသီးနှံတွေဆိုတဲ့ အသိနဲ့ တကူးတကလာဝယ်ကြတာကို တွေ့ရ ပါတယ်။ ရောင်းသူတွေဘက်မေးကြည့်တော့ ရပ်ဝေးကလာရတာမို့ သယ်ယူပို့ဆောင်စရိတ်နဲ့ ဆို မကိုက်လှပါဘူးတဲ့။ ဒါပေမယ့် ရေရှည်မှာ အော်ဂဲနစ်ထုတ်ကုန် ပြည်တွင်း၊ ပြည်ပ ဈေးကွက်တစ်ခုရလာဖို့အတွက် ကြိုးစားနေ ကြတာလို့ ဆိုပါတယ်။
ရခိုင်ပြည်နယ် အမ်းမြို့ဘက်ကလာတဲ့ ကောက်ကောက်ညွန့်ကို တချို့က ဍကောက် ညွန့်လို့လည်း ခေါ်ပါတယ်။ ရာသီပေါ် ဟင်းရွက် တစ်မျိုးဖြစ်ပြီး ပြည်မဘက်မှာလည်းတွေ့ရပါ တယ်။ သို့ပေသိ ပြည်မဘက်က ကောက်ကောက် ညွန့်က အလုံးပိုတုတ်ပြီး အရွယ်ကြီးပါတယ်။ ရခိုင်ဘက်မှာတော့ ကောက်ကောက်ညွန့်ကို အတို့အမြှုပ်အပြင် ဟင်းရွက်ကြော်ချက် ချက်စားပါသတဲ့။ အစိမ်းအတိုင်းမှာတော့ ဝါးလိုက်ရင် ကြွပ်ပြီး ရေသောက်တဲ့အခါ ပူရှိန်းရှိန်းအရသာ ရှိပါတယ်။
ကောက်ကောက်ညွန့် ဆိုတဲ့အတိုင်း ထိပ်ဖျားပိုင်း အညွန့်ကလေးက ခရုပတ်ပုံ ဝိုင်းပြီး ကောက်နေတာကိုတွေ့ရပါတယ်။ ဟင်းချက်မယ်ဆိုရင် ကောက်ကောက်ညွန့်ကို ရေစင်စင်ဆေး အရင့်ပိုင်းတွေဖယ်ပစ်ပြီး အနေတော်ဖြတ်ရပါမယ်။ ပြီးက ဒယ်အိုးထဲ ထည့်၊ ကြက်သွန်ဖြူ ဓားပြားရိုက်ထည့်၊ ကြက်သွန်နီတစ်လုံးလောက် လှီးထည့်ပြီး ပုစွန်ငါးပိလက်တစ်ဆစ် ပုစွန်စိုမရခဲ့ရင် ပုစွန်ခြောက် လေးငါးဆယ်ကောင် လေးစိတ်ကွဲ ထောင်းထည့်၊ နနွင်းဖြူး ဆီလေးဝေ့ရုံဆမ်းပြီး ဖိုပေါ်တင်ပါ။ ဟင်းအိုးဆူလာရင် အဖုံးဖွင့် အထက်အောက် နှံ့အောင်မွှေပါမယ်။ ဟင်းရွက် ညွန့်က ရေထွက်လာတာမို့ချက်ရတာ အနူးမြန် ပါတယ်။ အစပ်ကြိုက်ရင် ကုလားအော်သီး လေးခွဲထည့် အပေါ့အငန်မြည်းပြီး အရည် စပ်စပ်လေးနဲ့ချက်ပါမယ်။ ကောက်ကောက် ညွန့် ကြော်ချက်က ချက်ရတာလွယ်ပြီး သဘာဝ ဟင်းရွက်ညွန့်ဖြစ်တာမို့ လေးပင်တဲ့ အချိုအရသာပေါ်လွင်တဲ့ ကျေးလက်ဟင်း တစ်ခွက်ပါ။ အသီးအရွက် ကြိုက်သူများအဖို့ စမ်းချက်စားကြည့်ဖို့ လက်တို့လိုက်ပါရစေ။
စံလွင် (ငါးဦးစီး)
No comments:
Post a Comment