မြီးကောင်ပေါက်အရွယ် ဆယ်ကျော်သက်တို့အရေး

မြီးကောင်ပေါက်အရွယ် ဆယ်ကျော်သက်တို့အရေး

မြီးကောင်ပေါက်အရွယ်ဆယ်ကျော်သက်တို့နှင့်ပတ်သက်ပြီး မိဘဆွေမျိုးအပေါင်း အသင်းတို့ သိရှိထားရမည့်သတင်းစကားများရှိနေ၏။ အဆိုပါသတင်းစကားများ အား တိုးတိုးတိတ်တိတ် တိုင်တိုင်ပင်ပင်နှင့်ပြောဆိုရန်လိုအပ်သလို ဆောင်ရွက် ပေးရန်လည်းလိုအပ်မည်ဖြစ်၏။ အဘယ်ကြောင့်ဆိုမူ သည်အရွယ်သည် လူလား မြောက်စေသည့် အရေးကြီးသောဘဝလှေကားထစ်များကို ဖြတ်သန်းရမည့်အရွယ် ပင် ဖြစ်နေသည်။

အသက် ၁ဝ နှစ်မှ ၁၉ နှစ်အတွင်း ဆယ်ကျော်သက်များနှင့် အသက် ၁၅ နှစ်မှ ၂၅ နှစ် အတွင်း လူငယ်များကိုပေါင်းစည်း၍ အသက် ၁ဝ နှစ်မှ ၂၄ နှစ်အတွင်းရှိသူ များအား   ကျန်းမာရေးစောင့်ရှောက်မှုပေးခြင်းကို  ဆယ်ကျော်သက်လူငယ် ကျန်းမာရေးဟုခေါ်၏။ ဆယ်ကျော်သက်အရွယ်သည် ကလေးဘဝအရွယ်ကိုကျော် လွန်ပြီး လူကြီးဖြစ်ရန် ဦးတည်သောအရွယ်ဖြစ်၏။ သို့အတွက် ခန္ဓာကိုယ်ရုပ်ပိုင်း ဆိုင်ရာပြောင်းလဲမှုများ၊ စိတ်ပိုင်းဆိုင်ရာပြောင်းလဲမှုများ၊ ခံစားမှုဆိုင်ရာပြောင်း လဲမှုများဖြစ်ကြသည်။

စိတ်စေစားရာ
ဆယ်ကျော်သက်အရွယ် အပျိုဖော်၊ လူပျိုဖော်ဝင်ချိန် စိတ်ခံစားမှုဆိုင်ရာပြောင်း လဲမှုကို လေ့လာကြည့်လျှင် ကျား၊ မ ကွဲပြားခြင်းကို စတင်သတိထားမိလာပြီး ဆန့် ကျင်ဘက်လိင်ကို စတင်စိတ်ဝင်စားလာ၏။ တစ်ကိုယ်တော်ကာမစိတ်ဖြေမှုကို စတင်ပြုလုပ်လာနိုင်၏။ စူးစမ်းလိုစိတ်၊ စွန့်စားလိုစိတ်များဖြစ်ပေါ်လာ၏။ စိတ်စေ စားရာနောက်ကို လိုက်ပြီးလုပ်တတ်၏။  စိတ်အတက်အကျ အပြောင်းအလဲမြန်၏။ ကိုယ်ခန္ဓာဖွံ့ဖြိုးမှုနှင့် အလှအပကို တခြားရွယ်တူများနှင့်နှိုင်းယှဉ်ကာ အလွန်စိတ်ဝင် စား၏။

ဆယ်ကျော်သက်အရွယ်တွင် မိသားစုနှင့်နေလိုစိတ်လျော့ပါးလာပြီး ကိုယ်ပိုင် လွတ်လပ်ခွင့်ကို ပိုပြီးလိုလားလာ၏။ သူငယ်ချင်းများကို ပိုမိုခင်တွယ်လာတတ်၏။သူငယ်ချင်းများလုပ်သည့်အတိုင်း လိုက်လုပ်တတ်၏။ မိမိခြေထောက်ပေါ်မိမိ ရပ် တည်ချင်လာ၏။ မိမိလုပ်သောလုပ်ရပ်များအပေါ် အမှန်အမှားခွဲခြားတတ်လာ၏။ ဘဝအတွက် ကိုယ်ပိုင်ရည်မှန်းချက်၊  ရည်ရွယ်ချက်များစတင်ချမှတ်လာတတ်၏။ ကိုယ့်ကိုယ်ကိုယ် လူကြီးဖြစ်ပြီအထင်နှင့်  ကိုယ်ပိုင်ဆုံးဖြတ်ချက်များနှင့် လုပ်ဆောင်လို   စိတ်ရှိလာ၏။ စည်းမျဉ်းစည်းကမ်းများကို အရွဲ့တိုက်ပြီး ဆန့်ကျင်ဘက်လုပ်ကြည့် တတ်လာသည်။

စာရင်းဇယားများအရ ကမ္ဘာ့လူဦးရေစုစုပေါင်း၏ ၁၈ ရာခိုင်နှုန်း၊ ၁ ဒသမ ၂ ဘီလီယံမှာ ဆယ်ကျော်သက်များဖြစ်၏။  ယင်းမှတစ်ဝက်ကျော်မှာ အာရှတိုက်တွင် နေထိုင်လျက်ရှိပြီး  အိန္ဒိယနိုင်ငံတွင်  အခြားနိုင်ငံများထက် ဆယ်ကျော်သက် ပေါများကာ ၂၄၃ သန်းခန့်ရှိ၏။ အလားတူ တရုတ်နိုင်ငံတွင် သန်း ၂ဝဝ ကျော် ရှိနေ၏။ အာဖရိကတိုက် ဆာဟာရဒေသတွင် လူဦးရေ၏ ၂၃ ရာခိုင်နှုန်းမှာ အသက် ၁ဝ နှစ်မှ ၁၉ နှစ်အရွယ် ဆယ်ကျော်သက်များဖြစ်သည်။

နှစ်စဉ် အသက် ၁ဝ နှစ်မှ ၁၉ နှစ်ကြားအရွယ် ၁ ဒသမ ၄ သန်း သေဆုံးလျက် ရှိရာ အများအားဖြင့် လူငယ်နှင့်ဆယ်ကျော်သက်များဖြစ်ပြီး သေဆုံးရခြင်း၏ အဓိကအကြောင်းရင်းမှာ ထိခိုက်ဒဏ်ရာရရှိမှုကြောင့်ဖြစ်၏။  လမ်းပေါ်တွင် ထိခိုက် အနာတရဖြစ်ခြင်း၊ လိမ့်ကျခြင်း၊ အပူလောင်ခြင်း၊ အဆိပ်မိခြင်း၊ ရေနစ်ခြင်း၊ လက် နက်ဖြင့်အကြမ်းဖက်ခံရခြင်းတို့ကြောင့်ဖြစ်၏။ နှစ်စဉ် ဆယ်ကျော်သက် အမျိုးသမီး  ၅  သောင်းခန့်မှာမူ  ကိုယ်ဝန်ဆောင်ခြင်းနှင့်ကလေးမွေးဖွားခြင်းတို့  ကြောင့်ဖြစ် သည်။

လူငယ်များနှင့် ကျန်းမာရေး
မြန်မာနိုင်ငံတွင်  လူငယ်များအကြားအဖြစ်များသော  ကျန်းမာရေးပြဿနာ များမှာ မတော်တဆထိခိုက်ဒဏ်ရာရမှုများ၊ သံဓာတ်နှင့်ဖောလစ်အက်စစ်ချို့တဲ့ သည့် အာဟာရဆိုင်ရာပြဿနာများ၊ မျိုးဆက်ပွားကျန်းမာရေးပြဿနာများ၊ မူးယစ် ဆေးဝါး၊ စိတ်ကျန်းမာရေးဆိုင်ရာပြဿနာများ၊ ကူးစက်တတ်သောရောဂါများ၊ ကျန်းမာရေးနှင့်မညီညွတ်သော လူနေမှုဘဝဆိုင်ရာပြဿနာများနှင့်  လူကုန်ကူး ခံရခြင်း၊ အကြမ်းဖက်ခံရခြင်းတို့ဖြစ်သည်။

ဆယ်ကျော်သက်များသည် ကိုယ်ခန္ဓာကြီးထွားဖွံ့ဖြိုးမှုလုပ်ငန်းများအတွက်၊ ကျန်းမာရေးနှင့်ညီညွတ်သော အစားအသောက်များကိုစားသုံးရန်လို၏။ အစား အစာကို အုပ်စု (၃)စု ခွဲထား၏။ ယင်းတို့မှာ ခန္ဓာကိုယ်ကြီးထွားဖွံ့ဖြိုးစေသောအစားအစာများ၊  ရောဂါကာကွယ်စေသောအစာများနှင့်  အင်အားဖြစ်စေသော  အစာများဖြစ်၏။ ဆယ်ကျော်သက်အရွယ်တွင် အစာအုပ်စု (၃)စုကို ညီညွတ်မျှတ စွာ စားသောက်ကြရန်လိုအပ်၏။ သစ်သီးနှင့် ဟင်းသီးဟင်းရွက်ကိုများများစားပေး ခြင်း၊  အာလူး၊  ခေါက်ဆွဲကဲ့သို့ ကဆီဓာတ်ပါသောအစာများကို  သင့်တင့်စွာ စားပေးခြင်း၊ နို့နှင့် နို့ထွက်ပစ္စည်းများအား အနည်းငယ်စီသောက်ခြင်း၊ အသားနှင့် ငါး၊ ကြက်သား၊   ဘဲသားနှင့် ကြက်ဥ၊ ဘဲဥများ၊  မြေပဲနှင့်ပဲတောင့်ရှည်များကို စားပေးခြင်းတို့အပြင် ဆားဓာတ်နည်းသောအစားအစာကိုရွေးစားခြင်း၊ သကြား နှင့် အဆီပါသောအစားအစာများကို ဆင်ဆင်ခြင်ခြင်စားသုံးရန်လိုအပ်သည်။

အစားအစာကိုလုံလောက်စွာမစားပါက  ခန္ဓာကိုယ်အလေးချိန်ကျဆင်းနိုင်ပြီး  ခန္ဓာကိုယ်ဖွံ့ဖြိုးတိုးတက်မှုကိုနှောင့်နှေးစေ၏။   သင်ကြားလေ့လာမှုနှင့်  လုပ် ဆောင်မှုစွမ်းအား ကျဆင်းစေ၏။ အမျိုးသမီးငယ်များတွင်မူ မွေးဖွားလာသည့် ကလေးမှာသေးငယ်ပြီး ကျန်းမာရေးချို့တဲ့စေ၏။ အစားအစာကို လိုအပ်သည်ထက် ပိုမိုစားသုံးပါကလည်း အစာတွင်ပါသော အဆီနှင့်သကြားဓာတ်မြင့်မားကာ ခန္ဓာ ကိုယ်အလေးချိန်တိုးစေ၏။ ယင်းသည် လူငယ်အရွယ်တွင်သာမက အသက်ကြီး အရွယ်ရောက်သည့်တိုင် ကျန်းမာရေးနှင့်လူမှုရေးပြဿနာများကို ရင်ဆိုင်ရတတ်၏။ သို့အတွက်ဆယ်ကျော်သက်အရွယ်တွင် ပုံမှန်ခန္ဓာကိုယ်ဖွံ့ဖြိုးမှုရှိစေရန်အတွက် ကျန်းမာရေးနှင့်ညီညွတ်သော   အစားအသောက်များကို  လိုအပ်သလို  သင့်တင့် လျော်ညီစွာစားပေးရန်၊ အစားအစာကိုလိုအပ်သည်ထက် လွန်ကျူးစွာမစားကြရန် သတိပြုရမည်။

ပုံမှန်ကိုယ်လက်လှုပ်ရှားပေးခြင်းသည် ဆယ်ကျော်သက်အရွယ်သာမက ဘဝ တစ်လျှောက်လုံးအတွက် ရုပ်ပိုင်းဆိုင်ရာ၊  စိတ်ပိုင်းဆိုင်ရာနှင့် လူမှုရေးအကျိုး အမြတ်ရရှိစေ၏။ ကိုယ်လက်လှုပ်ရှားမှုဆိုရာ၌ အားကစား ပြုလုပ်သော ဘောလုံး ကန်ခြင်း၊ ကာယလေ့ကျင့်ခန်းပြုလုပ်ခြင်းကဲ့သို့ လှုပ်ရှားမှုများအပြင် နေ့စဉ်လမ်း လျှောက်ခြင်း၊ ကျောင်း၊ အလုပ်သို့ လမ်းလျှောက်သွားခြင်း၊ ပြန်ခြင်း၊ နေအိမ်တွင် ကြမ်းပြင်အား  သန့်ရှင်းရေးလုပ်ခြင်း၊  တံမြက်လှည်းခြင်းစသည်တို့ကို   လုပ်ဆောင်  ရမည်။

နေ့စဉ်တစ်နာရီ
ဆယ်ကျော်သက်အရွယ်တွင်  ပုံမှန် မိနစ် ၆ဝ ခန့်ကိုယ်လက်လှုပ်ရှားမှုပြုလုပ် ပေးပါက ရုပ်ပိုင်းဆိုင်ရာအကျိုးအမြတ်အဖြစ်  အရိုးနှင့်ကြွက်သားများ ရှင်သန် ဖွံ့ဖြိုးစေပြီး ကိုယ်လက်ကျန်းမာမှုကိုဖြစ်စေ၏။  စိတ်ပိုင်းဆိုင်ရာအကျိုးအမြတ် အဖြစ် မိမိကိုယ်ကိုယုံကြည်မှုရှိလာ၏။ မြတ်နိုးတန်ဖိုးထားလာ၏။ အလုပ်နှင့်လေ့လာ သင်ယူမှု စွမ်းဆောင်မှုကောင်းလာ၏။ စိတ်ဆိုးခြင်း၊ ဒေါသထွက်ခြင်း၊ စိုးရိမ် သောကဖြစ်ခြင်း၊ ဝမ်းနည်းခြင်းတို့ကို တည်ငြိမ်စွာဖြေရှင်းနိုင်၏။   လူမှုရေး အကျိုးအမြတ်အဖြစ်       လူများနှင့် တွေ့ဆုံရင်းနှီးမှုရရှိနိုင်၏။  အားကစား နည်းများပြုလုပ်ခြင်းဖြင့် လိုက်နာရမည့် နည်းဥပဒေများ၊ ပူးပေါင်းဆောင်ရွက်မှု၊ အောင်မြင်မှုနှင့်  ခုခံရင်ဆိုင်မှုများကို သိရှိနိုင်သည်။

ဆယ်ကျော်သက်အရွယ်အိမ်ထောင် မပြုမီ  လိင်ဆက်ဆံမှုဖြစ်နိုင်၏။  ဆယ် ကျော်သက်များသည်  ကိုယ်ဝန်မည်သို့ ရရှိနိုင်သည်၊  လိင်မှတစ်ဆင့်  ကူးစက် ရောဂါများ    မည်သို့ရရှိနိုင်သည်ကို မသိရှိမီ    လိင်ဆက်ဆံမှုပြုတတ်ကြ၏။ ဆယ်ကျော်သက်တို့အနေဖြင့် မိမိခန္ဓာကိုယ်အသက်အရွယ်အလိုက် မည်သို့ပြောင်း လဲနေသည်ကို နားလည်ရမည်။ မလိုချင်သောကိုယ်ဝန်နှင့် ကူးစက်ရောဂါများကို နားလည်သိရှိထားရမည်။ မလွှဲမရှောင်သာ ကြုံတွေ့ပါက မည်သို့ဖြေရှင်းရမည်ကို လည်း သိရှိရန်လိုသည်။

ဆယ်ကျော်သက်အရွယ်သည် ဘဝတစ်လျှောက်အတွက် အလွန်ကြီးမားသော ရုပ်ပိုင်း၊ စိတ်ပိုင်းနှင့် လူမှုဆက်ဆံရေးပိုင်းဆိုင်ရာပြောင်းလဲချိန်ဖြစ်၏။ ပြောင်းလဲ မှုများသည် ပင်ပန်းဖိစီးမှုရှိနိုင်၏။ သာမန်အားဖြင့် စိုးရိမ်စိတ်၊ ဝမ်းနည်းစိတ်၊ စိတ်ဆိုးမှုစသည့်  ခံစားချက်များရှိနိုင်၏။  အများအားဖြင့် ပြဿနာများကြောင့် သောကဗျာပါဒဖြစ်မှု၊ စိတ်ဓာတ်ကျဆင်းမှု၊ စိတ်ပိုင်းဆိုင်ရာနာကျင်မှုကို ခံစားရ ၏။ ထို့ကြောင့်   ထိခိုက်နစ်နာမှုများ   ဖြစ်နိုင်၏။   မိမိကိုယ်ကိုသတ်သေသည့် အဖြစ်မျိုးရှိ၏။ အဆိုပါဝေဒနာများကို ထွက်ပေါက်ရှာသည့်အနေဖြင့် ဆေးလိပ် သောက်ခြင်း၊ အရက်နှင့် အခြားမူးယစ်ဆေးဝါးများကို သုံးစွဲလာနိုင်သည်။

စူးစမ်းလိုသည့်အရွယ်
ဆယ်ကျော်သက်အရွယ်သည် စူးစမ်းလိုစိတ်၊ စမ်းသပ်လေ့လာလိုစိတ်ရှိသောအရွယ်ဖြစ်၏။  အများအားဖြင့်  ဆေးလိပ်၊ အရက်နှင့်အခြားသောမူးယစ်ဆေးဝါးများကို စမ်းသပ်သုံးစွဲလိုကြ၏။  ထိုသို့သုံးစွဲလိုခြင်းမှာ ခံစားကြည့်လိုခြင်း၊ လူကြီးများ လုပ်ဆောင်ချက်ကိုအတုယူလိုခြင်း၊   သူငယ်ချင်းအသိုင်းအဝိုင်းတွင်  ဝင်ဆံ့ လိုခြင်း၊ လူကြီးများအားစိန်ခေါ်လိုခြင်းနှင့်  ခံစားမှုများအား  လျော့ကျစေရန် အတွက်ဖြစ်၏။ ဆေးလိပ်၊  အရက်နှင့် အခြားမူးယစ်ဆေးဝါးများသုံးစွဲခြင်းများသည်  ဆယ်ကျော် သက်အရွယ်မှ လူကြီးဖြစ်သည့်  အချိန်ကာလတစ်လျှောက် ကျန်းမာရေးထိခိုက်မှုကို ဖြစ်စေသည်။

ထိခိုက်ဒဏ်ရာရရှိမှုသည် ဆယ်ကျော်သက်များအား သေဆုံးမှုနှင့်မစွမ်းမသန်ဖြစ်ပွားမှုကို ဦးဆောင်လျက်ရှိ၏။ အများအားဖြင့် ဆယ်ကျော်သက်များ သေဆုံး မှုနှင့် ပြင်းပြင်းထန်ထန်ထိခိုက်မှုများသည် လမ်းပေါ်တွင် ထိခိုက်အနာတရဖြစ်မှု ကြောင့်ဖြစ်၏။ ယင်းတွင် စက်ဘီးနှင့်မော်တော်ဆိုင်ကယ်စီးခြင်း၊ မော်တော်ကား မောင်းနှင်ခြင်း၊ လမ်းပေါ်စည်းကမ်းမဲ့  သွားလာခြင်းတို့ကြောင့်ဖြစ်၏။ ထို့အပြင် ရေနစ်ခြင်း၊ အမြင့်မှလိမ့်ကျခြင်း၊ နေအိမ်နှင့်လုပ်ငန်းခွင်အတွင်း ထိခိုက်အနာတရ ဖြစ်ခြင်းများကို တွေ့ရသည်။

အကြမ်းဖက်မှုနှင့်စော်ကားအနိုင်ကျင့်မှုသည်  ဆယ်ကျော်သက်အရွယ်တွင်  နာကျင်မှုနှင့် စိတ်ပိုင်းဆိုင်ရာထိခိုက်မှုကိုဖြစ်စေ၏။ ရုပ်ပိုင်း၊ စိတ်ပိုင်းနှင့် လိင်မှု  ဆိုင်ရာထိခိုက်နာကျင်မှုဖြစ်ရ၏။  အဆိုပါကိစ္စများသည်  အိမ်တွင်လည်းကောင်း၊ လူမှုအသိုင်းအဝိုင်းတွင်လည်းကောင်း  ဖြစ်ပွားနိုင်၏။  တချို့မှာ  ကြိုတင်ပြင်ဆင်ကာ ကျူးလွန်ခြင်းမျိုးဖြစ်၏။ သိလျက်နှင့်ဖြစ်နိုင်သလို မည်သူမည်ဝါမသိဘဲလည်း ဖြစ်၏။ အကြမ်းဖက်မှုနှင့် စော်ကားအနိုင်ကျင့်မှုများဖြစ်ပွားပါက ကြိုတင်ကာကွယ် နိုင်၏။ ထိုသို့ကာကွယ်ရန်အတွက် သိမ်မွေ့စွာဖြင့် ထိရောက်သောတုံ့ပြန်မှုပေးရ မည်ဖြစ်သည်။

မိဘအုပ်ထိန်းသူများအနေဖြင့်  ဆယ်ကျော်သက်အရွယ်  မိမိ၏သားသမီးကို ဖျက်ဆီးနိုင်သည့်အပြုအမူများ ရှိ မရှိ ရှာဖွေကြည့်ရန်လိုအပ်သည်။ သောက်စား မူးယစ်ပြီးအိမ်ပြန်လာသလား၊ အိမ်ပြန်ချိန်မှန်ရဲ့လား၊  အစားအသောက်အချိန် မှန်ရဲ့လား၊ လောင်းကစားလုပ်နေသလား၊ ကိုယ်လက်လှုပ်ရှားမှုပြုလုပ်ပါသလား၊ ကွန်ပျူတာ၊  ဖုန်းတစ်လုံးနှင့်မနားတမ်း  အလုပ်ရှုပ်နေသလား၊  ယာဉ်စည်းကမ်း လမ်းစည်းကမ်းလိုက်နာမှုရှိရဲ့လား၊ လိင်မှုဆိုင်ရာကိစ္စရပ်များအပေါ် မှန်ကန်သော ခံယူချက်ရှိရဲ့လား၊ အပေါင်းအသင်း သူငယ်ချင်းများတွင်  အန္တရာယ်ရှိသော အကျင့် စရိုက်၊ အပြုအမူနှင့်ပြောဆိုဆက်ဆံမှုများရှိနေသလား။ 

ဖော်ပြပါအချက်အလက်များသည် မြီးကောင်ပေါက်အရွယ်ဆယ်ကျော်သက် များအတွက် မိဘ၊ ဆွေမျိုး၊ အုပ်ထိန်းသူ၊ အပေါင်းအသင်းတို့က တိုးတိုးတိတ်တိတ် တိုင်တိုင်ပင်ပင်ပြောဆိုစည်းရုံးကာ လမ်းညွှန်ပေးရမည့်အချက်များဖြစ်သည်။ 

တက္ကသိုလ်ဇော်ထူးဦး