Latest News

Sunday, August 26, 2018

ကမ္ဘောဇဌာနေ မောရှမ်းပြည် နေရာအနှံ့သွားကြမယ်

ကမ္ဘောဇဌာနေ မောရှမ်းပြည် နေရာအနှံ့သွားကြမယ်

ခရီးသွားကြမယ်ဆိုရင်တော့  ထင်ရှား ကျော်ကြားပြီး အထင်ကရနေရာတွေ ပေါများ လှတဲ့  ကမ္ဘောဇဌာနေ  မောရှမ်းပြည်ဟာ မသွားမဖြစ်သွားရမယ့် ဒေသတစ်ခုပါပဲ။ ရှမ်း ပြည်နယ်ဟာ လူမျိုးစုံဟင်းလင်းအိုးဒေသလို့ ပြောရလောက်အောင် တိုင်းရင်းသားလူမျိုးစု ပေါင်းစုံရောနှောနေထိုင်ကြတဲ့ ဒေသတစ်ခု လည်း ဖြစ်တယ်။ ရွှေရောင်တဝင်းဝင်း ထုံးဖြူ တဖွေးဖွေး စေတီပုထိုးတွေ၊ တိုင်တစ်ရာကျော် ရှိတဲ့ ဘုန်းကြီးကျောင်းတွေကို နေရာအနှံ့ အပြားမှာ   တွေ့မြင်ရပါတယ်။   ဒါ့အပြင် တောတောင်လျှိုမြောင်ရေတံခွန်စိမ့်စမ်းတွေနဲ့ သာမောဖွယ်ကောင်းလှပြီး ချယ်ရီ၊ ထင်းရှူး၊ စိန်ပန်းပြာစတဲ့ ပန်းပင်တွေက သဘာဝအလှကို ဖော်ကျူးနေပါတယ်။

မြန်မာနိုင်ငံရဲ့ အကြီးဆုံးနဲ့ အကျယ်ဆုံး ပြည်နယ်တစ်ခုဖြစ်တဲ့  ရှမ်းပြည်နယ်ကို တောင်ပိုင်း၊ မြောက်ပိုင်း၊ အရှေ့ပိုင်းရယ်လို့ ခေါ်ဆိုကြပေမယ့်    ပြည်နယ်တစ်ခုလုံးရဲ့ မြို့တော်ကတော့   တောင်ကြီးမြို့ဖြစ်ပြီး တောင်ပိုင်းမှာ  ရှိပါတယ်။ မြောက်ပိုင်းရှိ လားရှိုးနဲ့ အရှေ့ပိုင်းရှိ ကျိုင်းတုံမြို့တို့ဟာ အုပ်ချုပ်ရေးနဲ့  စီမံခန့်ခွဲဖို့  အစိုးရရုံးစိုက်ရာ မြို့တေတွဖြစ်ပါတယ်။

ရှမ်းပြည်နယ်မှာ  စိတ်ဝင်စားဖွယ်နေရာ အများအပြားရှိပြီး  အများစုကတော့  ရှမ်း ပြည်နယ်တောင်ပိုင်းမှာရှိကြပါတယ်။ နေရာ စုံအောင် သွားရောက်လည်ပတ်မယ်ဆိုရင် နှစ်ရက် သုံးရက်လောက် အချိန်ပေးရပါမယ်။ ရန်ကုန်မှကားဖြင့်     ရန်ကုန်-မန္တလေး  အဝေးပြေးလမ်းအတိုင်းလာပြီး ပျော်ဘွယ်ကနေ တောင်ကြီးကို သွားနိုင်သလို မန္တလေးမှဆိုရင် မိတ္ထီလာကနေ တောင်ကြီးကို သွားနိုင်ပါတယ်။ တောင်ကြီးကို ရန်ကုန်ကနေ ၁၂ နာရီလောက် ကားစီးရပြီး မန္တလေးမှ ရှစ်နာရီလောက်စီးရ ပါမယ်။ ရန်ကုန်မှဖြစ်ဖြစ်၊ မန္တလေးမှဖြစ်ဖြစ် မနက်စောစောကားစီးလာရင်တော့    ရှမ်း ပြည်နယ်တောင်ပိုင်း လမ်းမကြီးတစ်လျှောက် ညနေရှုခင်းတွေကို တွေ့မြင်ခံစားရပါမယ်။

ရန်ကုန်ကနေ ကားစီးချိန် ၁ဝ နာရီ လောက် (မန္တလေးမှ ခြောက်နာရီလောက်) ကြာတဲ့အခါ ကလောမြို့ကို ရောက်ပါမယ်။ ကလောမြို့လေးဟာ    ဗြိတိသျှအစိုးရရဲ့ နွေရာသီစခန်းမြို့ဖြစ်ခဲ့ပြီး    ရှမ်းပြည်နယ် တောင်ပိုင်းရဲ့ မုခ်ဦးမြို့လည်း ဖြစ်ပါတယ်။ ကလောမြို့ကနေ တောင်ကြီး၊ ဒါမှမဟုတ် အင်းလေးကန်စပ်က ညောင်ရွှေမြို့ကို သွားရင်
ကားမောင်းချိန် နှစ်နာရီလောက်သာကြာမှာ ဖြစ်ပါတယ်။ ၁၉၁၄ ခုနှစ်မှာ ရှမ်းပြည်နယ် တောင်ပိုင်း သာမိုင်းခမ်းနယ်ထဲက ကလော ဆိုတဲ့ ရွာလေးကို ဗြိတိသျှတို့က မြန်မာနိုင်ငံရဲ့ စကော့တလန်ဒေသလို့ တင်စားကာ နွေရာသီ စခန်းမြို့လေးအဖြစ် တည်ထောင်ခဲ့တာပါ။ ပင်လယ်ရေမျက်နှာပြင်အထက် ပေ ၄၃ဝဝ ကျော်မြင့်တဲ့     တောင်ပေါ်မြို့လေးကို ထင်းရှူးပင်၊ ဝက်သစ်ချပင်၊ ချယ်ရီပင်တွေရှိတဲ့ တောင်တန်းတွေက ဝန်းရံနေပါတယ်။

ကလောမြို့လေးမှာ အင်းဝခေတ်လက်ရာ လို့ ပညာရှင်တွေက ယူဆထားတဲ့ ရှေးဟောင်း နှီးဘုရား၊ ကလော ရွှေဥမင်လိုဏ်ဂူ၊ မြင်းမထိ လိုဏ်ဂူ၊ မြို့ရှုခင်းကြည့်ဖို့ သိမ်တောင်ကျောင်းနဲ့ တောင်ပေါ်ဟိုတယ်၊ ရှမ်းတောင်တန်းတွေ ပေါ်က နေဝင်ဆည်းဆာကြည့်ဖို့  ပလောင် တောင် ဗျူးပွိုင့်တွေရှိပါတယ်။ အခုဆိုရင် ကလောမြို့လေးဟာ ခြေကျင်ခရီးလျှောက်ရင်း တောင်ပေါ်ရှုခင်းနဲ့ ကျေးရွာတွေဆီ လည်ပတ် တဲ့ သူတွေအတွက်လည်း စိတ်ဝင်စားမှုများလာ တဲ့ နေရာလေးတစ်ခုဖြစ်နေပါတယ်။

နှီးဘုရားကြီးဟာ ကလောမြို့ ပင်မာကုန်း ကျေးရွာမှာရှိပြီး Óဏ်တော်အမြင့် ၈ ပေ  ၄ လက်မရှိပါတယ်။ နှီးဘုရားကြီးဟာ ဝါးကို နှီးဖြာကာ အောက်ခံအဖြစ်ရက်လုပ်ပြီး သစ်စေး သုတ်ကာ ရွှေချထားတာဖြစ်ပါတယ်။  နှီးနဲ့ ပြုလုပ်ထားပေမယ့် နှစ်ပေါင်း ၅ဝဝ ကျော်တိုင် မပျက်မစီးတည်ရှိနေပါတယ်။ နှီးဘုရားကြီးက မြန်မာ့ယွန်းထည်ပညာနဲ့ ဝါးနှီးရက်လုပ်တဲ့ ပညာကိုပါ ဂုဏ်ဆောင်နေပါတယ်။ နှီးဘုရားကြီး ဟာ မျက်လွှာချလျက် ဘူမိဖဿမုဒြာဟန်ဖြင့် တင်ပျဉ်ခွေကာ မျက်နှာတော်ရှေ့သို့ ခပ်ငိုက် ငိုက်ထိုင်နေတော်မူဆင်းတုတော်ဖြစ်ပါတယ်။ နှီးဘုရားရဲ့ ဘေးတစ်ဖက်တစ်ချက်မှာ အဝိုင်းပုံ ဒေါင်းနဲ့ ယုန်ရုပ်ပါတဲ့ နေနဲ့လရွှေယပ်တွေကို ထီးဖြူ နှစ်စင်းနဲ့အတူ စိုက်ထူထားပါတယ်။ ဘုရားကြီးရဲ့  မုနိတော်မှာ  အချွန်ဖြစ်နေပြီး နားရွက်တော်နဲ့ ပခုံးတော်မထိဘဲ သင်္ကန်းတော် မှာ ဝဲဘက်ရင်ဘတ်တော်နားမှာ တည်ရှိနေ တာတို့ကြောင့် ပထမအင်းဝခေတ်လက်ရာလို့ ယူဆကြပါတယ်။ နှီးဘုရားဖူးပြီးအပြန်မှာ ကလောမြို့ ရွှေဥမင်လိုဏ်ဂူကို ဝင်ရောက်နိုင် ပါတယ်။ ကလောမြို့ ရှေးဟောင်းသမိုင်းဝင် ရွှေဥမင်သဘာဝလိုဏ်ဂူတော်မှာ လိုဏ်ဂူနှစ်ခု ရှိပါတယ်။ အထက်လိုဏ်ဂူကိုတော့ ဝင်လို့ မရပါဘူး။ ပိတ်ထားပါတယ်။ အောက်လိုဏ်ဂူ အတွင်းရှိ ဘုရားရုပ်ပွားတော်များကို ဖူးမြော် နိုင်ပါတယ်။

မြင်းမထိဂူလို့  အမည်တွင်တဲ့  သဘာဝ ထုံးကျောက်လိုဏ်ဂူကတော့ ကလောကနေ အောင်ပန်းသို့အသွား   တိုးဂိတ်အလွန် လွိုင်ကော်သွားတဲ့   လမ်းပေါ်မှာရှိပါတယ်။ ကလောမြို့အရှေ့ဘက်    ခုနစ်မိုင်အကွာ မြင်းမထိရွာအနီး ပင်လယ်ရေမျက်နှာပြင်အထက် ၁ဝ၇၅ ပေမြင့်တဲ့    မြင်းမထိတောင်ရှိပြီး လိုဏ်ဂူတော်အတွင်းစေတီ၊ ဆင်းတုတော်တွေ နဲ့  ပုဂံခေတ်ကတည်းက  တည်ထားခဲ့တဲ့ ထီးသုံးဆင့် ဆုတောင်းပြည့်ဘုရားကို ဖူးမြော် နိုင်ပါတယ်။ လိုဏ်ဂူဟာ တိုးလျှိုပေါက်ဂူဖြစ်ပြီး ဂူဝမှထွက်ပေါက်အထိ ၁ဝ၂၈ ပေ ရှည်လျား တာကြောင့် လမ်းလျှောက်ရင် နာရီဝက်လောက် ကြာပါတယ်။

ကလောကနေ တောင်ကြီးကို ဆက်သွားရင် ကလောမှ ခြောက်မိုင်အကွာမှာ အောင်ပန်းမြို့ ရှိပါတယ်။  အောင်ပန်းဒေသဟာ ကလောမြို့ တည်နေစဉ်အတွင်း  စည်ကားလာတဲ့ ရှမ်း မြေလတ်ဒေသဖြစ်တဲ့အတွက် ဗြိတိသျှတို့က ကုန်သွယ်ရေးမြို့အဖြစ် တည်ထောင်ခဲ့တာပါ။ အခုချိန်အထိလည်း ရှမ်းပြည်နယ်တောင်ပိုင်းရဲ့ ကုန်စည်တွေ စုပေါင်းစီးဆင်းရာ မြို့အဖြစ် ရပ်တည်နေပါတယ်။  အောင်ပန်းကနေ ပင်းတယကို အသွား ၁၁ မိုင်မှာတော့ ရွာငံနဲ့ ဟန်မြင့်မိုရ်ကိုသွားတဲ့ ကျုံးဆိုတဲ့ လမ်းခွဲလေး ရှိပါတယ်။  ပင်းတယကို  မသွားဘဲ  ရွာငံကို သွားမယ်ဆိုရင်တော့ ပြဒါးလင်းဂူ၊ မိန်းမရဲ တောင်၊ ရေပြာအိုင်နဲ့ တောကျယ်ရေတံခွန်၊ အလယ်ချောင် ရေတံခွန်အစရှိတဲ့နေရာတွေကို ရောက်ပါလိမ့်မယ်။ မန္တလေးကနေ ရွာငံကို မန္တလေး-ကျောက်ဆည်-ဟန်မြင့်မိုရ်လမ်းခွဲ ကနေ ကားနဲ့သွားရင် သုံးနာရီလောက်ကြာ ပါတယ်။  မြို့ကြီးရွာအနီးမှာ  ဆင်ခေါင်း တောင်နဲ့ ဇော်ဂျီမြစ်နံဘေး ရှုခင်းအလှကို လည်း တွေ့မြင်ရမှာပါ။

ပြဒါးလင်းဂူဟာ ရွာငံမြို့နယ် ညောင်ချက် ရွာ အရှေ့မြောက်ဘက် လေးမိုင်အကွာ၊ ရေပုတ်ရွာဟောင်း   အနောက်ဘက် တစ်မိုင် ခန့်အကွာ        ပေတစ်ထောင်ကျော်မြင့်တဲ့ တောင်ကုန်းပြင်ထက်မှာ   တည်ရှိပါတယ်။ မြန်မာနိုင်ငံရဲ့ အကြီးဆုံးဂူဖြစ်ပြီး ကျောက် ခေတ်လူသားတွေ   နေထိုင်ခဲ့ကြတယ်လို့ ဆိုပါတယ်။ ပြဒါးလင်းဂူကို အမှတ် (၁)နဲ့ အမှတ် (၂) ဆိုပြီး ရှိပါတယ်။ ဂူနှစ်ဂူစလုံးမှာ တောင်ဘက်သို့ မျက်နှာမူနေပြီး တစ်ဂူနဲ့ တစ်ဂူကိုက် ၂ဝဝ သာဝေးပါတယ်။ ဂူအတွင်းရှိ ထုံးကျောက်သားတွေမှာ ပြဒါးကဲ့သို့ အရောင် တောက်ပနေပါတယ်။ ပြဒါးလင်းဂူအမှတ် (၂)ဟာ အမှတ် (၁) ထက် ပိုမိုကြီးမားပြီး ပေ ၈ဝဝ ရှည်လျားကာ မြေပြင်အထက် ပေ ၇ဝ အမြင့်မှာ အခန်းခြောက်ခန်းပါတဲ့ ကျောက် လိုဏ်ဂူအဖြစ် တည်ရှိနေပါတယ်။ ဂူခေါင်မိုး  မှာ နေအလင်းပေါက်တွေဟာ ဂူကြမ်းပြင်သို့ အလင်းတန်းသဖွယ် ကျရောက်နေပါတယ်။ အမြင့်ပေ ၆ဝ၊ ပေ ၈ဝ အခန်းကြီးတွေနဲ့ ဖွဲ့ တည်ကာ နောက်ဆုံးဂူမှာ ၁၅ ပေ ပတ်လည် ခန့်ရှိတာကို တွေ့ရပါတယ်။ ဂူအတွင်းပိုင်းမှာ သဘာဝအလျောက်   ကျောက်စက်ပန်းဆွဲ၊ ကျောက်စက်မိုးမျှော်တွေ ဆန်းကြယ်စွာတွေ့ရ ပါတယ်။

ခရီးသွားမှတ်စု- စိုးစိုးနိုင် (ကြေးမုံ)

No comments:

Post a Comment

Blog Archive

Tags

Accident Ad Agriculture Article Astrology Aung San Suu Kyi Bagan Beauty Bogale Book Car Cartoon celebs Crime Crony Daily Popular Danubyu Dedaye Dhamma Dr Hla Myat Thway Education ELection Entertainment Environment Foreign Affairs General General Aung San General Knowledge Gossip Gov Health Herbal Hinthada History Hluttaw Ingapu Interview Job Kangyidaunt kyaik Lat Kyangin Kyaunggon Kyonpyaw Latputta Laymyethna Lemyethna Letter Ma Shwe Moe Mahn Johnny Maubin Mawlamyinegyun Media MMP MMP 1 money Myan Aung Myanmar Idol Myaungmya Myo Min Paing News Ngapudaw Ngathaingchaung NLD Nyaung Tone Opinion Pagoda Pantanaw Party Pathein People Photo Places Poem Police Politic Political Prisoner Popular Project Pyapon Quote School Bus Song Speech Sport Sports Student SYW SYW 1 Technology Thabaung Time Ayeyar Tourism Trailer Travel U Ba Hein U Ko Ni U Kyaw Myint U Win Htay USDP Video Wakhama Weather World News Yekyi Zalun စိတ်အဟာရ ရသစာများ စိုက်ပျိုးရေး ထူးဆန်းထွေလာ ဒီရေတော နာရေး ဗဒေငျ မဘသ မုံရွာ လယ်သိမ်းမြေသိမ်း လူပုဂ္ဂိုလ်များ လူပျောက်ကြော်ငြာ အရှင်သုစိတ္တ (မော်ကျွန်း) အရှင်သုစိတ္တ (မော်ကျွန်း) ဆရာတော် အထွေထွေ ဝေဖန်ရေး ထွေအုပ် ​မော်​တင်​စွန်း နိုင်ငံရေးအကျဉ်းသား

Labels

Recent Post