မြန်မာ့ဆင်မျိုးစိတ်များ ရေရှည်တည်တံ့စေရေး

မြန်မာ့ဆင်မျိုးစိတ်များ ရေရှည်တည်တံ့စေရေး

ကမ္ဘာ့ဆင်များနေ့  (World Elephant Day)  အဖြစ် နှစ်စဉ် သြဂုတ်လ ၁၂ ရက်နေ့ကို သတ်မှတ်ထားရှိပြီး  ယင်းနေ့တွင်  ကမ္ဘာပေါ်ရှိ  ဆင်မျိုးစိတ်များ  ကျက်စားနေထိုင်သည့် နိုင်ငံများအပါအဝင် ဒေသအနှံ့အပြား၌  ဆင်မျိုးစိတ်များ  ရေရှည်တည်တံ့စေရေး အထိမ်းအမှတ်အခမ်းအနားများကို  ကျင်းပလေ့ရှိကြပါသည်။  ၂ဝ၁၈ ခုနှစ်  သြဂုတ်လ ၁၂ ရက်နေ့သည်  ယခုနှစ်အတွက်  ကမ္ဘာ့ဆင်များနေ့အဖြစ်   ကျရောက်ခဲ့သည့်အားလျော်စွာ  အာရှဆင်မျိုးစိတ်  ကျန်ရှိ  ကျက်စားနေသည့်  မြန်မာနိုင်ငံမှလည်း မြန်မာ့ဆင်မျိုးစိတ်များ ရေရှည်တည်တံ့စေရန် ပြည်သူတစ်ရပ်လုံး  သိမြင်နိုးကြားမှုဖြင့် ဝိုင်းဝန်းထိန်းသိမ်းကာကွယ်စောင့်ရှောက်နိုင်ရန်  ဤဆောင်းပါးဖြင့်  ရေးသားတင်ပြ ရခြင်း ဖြစ်ပါသည်။

မြန်မာ့မြေပေါ်တွင်   ဆင်မျိုးစိတ်တစ်မျိုးဖြစ်သည့် ''အာရှဆင်'' Asian Elephant (Elephas maximus)  မျိုးစိတ်များ ရှေးနှစ်သန်းပေါင်းများစွာကပင်  ကျက်စားနေထိုင်ခဲ့ကြသည့်   အထောက်အထားအဖြစ်   ဆင်စွယ်၊  ဆင်အရိုး၊  ဆင်အံသွား  အစိတ်အပိုင်းတို့၏   ကျောက်ဖြစ်ရုပ်ကြွင်း  (Fossils)  များကို  မြန်မာနိုင်ငံအလယ်ပိုင်းနှင့် အထက်အညာဒေသများတွင်  တူးဖော်တွေ့ရှိ မှတ်တမ်း တင်နိုင်ခဲ့ပြီးဖြစ်သည်။
အသိဉာဏ်အရှိဆုံး  သတ္တဝါ
မြန်မာနိုင်ငံ၏   ဘူမိရူပသွင်ပြင်အရလည်း အာရှတိုက်ကုန်းတွင်းပိုင်းဒေသ နှင့် မလေးကျွန်းဆွယ်တို့ကို  ဆက်စပ်ပေးသည့်  တည်နေရာအရလည်းကောင်း၊  ဟိမဝ္တာတောင်စဉ်တန်းများနှင့်   ထိစပ်နေသည့်    တည်ရှိမှုအရလည်းကောင်း  မြေမျက်နှာသွင်ပြင်၊  ရာသီဥတု၊  သဘာဝပေါက်ပင်များ  အမျိုးမျိုးကွဲပြားခြားနားစွာ တွေ့ရှိနိုင်သည်။ ထို့အတွက်ကြောင့်လည်း  မြန်မာနိုင်ငံ၏ ဇီဝဗေဒဆိုင်ရာ ထူးခြားမှု များအဖြစ် ဂေဟစနစ်မျိုးစုံနှင့်   ဇီဝမျိုးစုံမျိုးကွဲများ  ပေါကြွယ်ဝစွာတွေ့ရှိနိုင်သည့်    နိုင်ငံတစ်ခုအဖြစ်လည်း  ထင်ရှားလှပေသည်။
သဘာဝအပင်များနှင့်  တောရိုင်းတိရ္ဆာန်များ  ယှဉ်တွဲတည်မှီကာ  စဉ်ဆက် မပြတ် ပေါက်ဖွားရှင်သန်  နေထိုင်ကျက်စားကြသည့်  ဂေဟစနစ်အတွင်း  သတ္တဝါ မျိုးစိတ်မြောက်မြားစွာအနက်    မျိုးသုဉ်းပျောက်ကွယ်သွားပြီဖြစ်သည့်   သတ္တဝါများ စွာသည်လည်း  နှစ်သန်းပေါင်း အစဉ်အဆက်ရှိခဲ့ပြီးဖြစ်သည်။ လက်ရှိ  လူသားများ ပေါ်ပေါက်လာသည့်    ခေတ်ကာလအတွင်း   နို့တိုက်သတ္တဝါမျိုးစိတ်များသည်  အသိဉာဏ်မြင့်မားခြင်းနှင့်အတူ    လူသားများနှင့်အတူတကွ   ယဉ်ပါးနေထိုင်မှု ဓလေ့တစ်ခုအဖြစ်  အိမ်မွေးတိရ္ဆာန်များအဖြစ်သို့ပါ ရောက်ရှိလာခဲ့ကြသည်။  ဆင် သည်  ကုန်းသတ္တဝါအပေါင်းတို့တွင် ကိုယ်ထည်အကြီးဆုံးဖြစ်သည်။  ခွန်အားလည်း အကြီးဆုံးဖြစ်၏။  ဆင်သည် လူပြီးလျှင် အသိဉာဏ်အရှိဆုံး  သတ္တဝါဖြစ်သည်ဟု  သတ်မှတ်ခံရသည်။
ကမ္ဘာပေါ်တွင်    ဆင်မျိုးစိတ်များစွာ   ကျက်စားနေထိုင်ခဲ့ကြသော်လည်း  ယခုလက်ရှိကာလ၌  ''အာဖရိကဆင်မျိုးစိတ်''  ဗ်မငခညေ နူနစ့ညေအ African Elephant (Loxodonta Africana)  နှင့် ''အာရှဆင်မျိုးစိတ်'' Asian Elephant (Elephas maximus) တို့နှစ်မျိုးကိုသာ တွေ့ရှိနိုင်တော့သည်။ ကျန်ရှိနေသေးသည့်  ဆင် မျိုးစိတ်နှစ်မျိုးတို့သည်လည်း   တစ်နေ့တခြား    ကောင်ရေလျော့နည်းကျဆင်းလာမှု  အ္တရာယ်များနှင့်   ရင်ဆိုင်နေကြရပြီဖြစ်သည်။     ထို့အတွက်ကြောင့်လည်း   က္ဘာ့နိုင်ငံများစွာမှ  အစိုးရများ၊ နိုင်ငံ့ခေါင်းဆောင်များ၊  ပညာရပ်ဆိုင်ရာအဖွဲ့အစည်း များ၊  ကွန်ဗင်းရှင်းကြီးများ၊  အစိုးရ  မဟုတ်သော   အဖွဲ့အစည်းများစွာတို့က   ဆင် ထိန်းသိမ်းရေးလုပ်ငန်းများကို  အလေးဂရုပြုလုပ်ဆောင်လာကြသည်ကို တွေ့မြင် နေရသည်။
လေ့လာသိရှိရ
အာရှဆင်မျိုးစိတ်များသည်  အာဖရိကဆင်မျိုးစိတ်များထက်  ပို၍  သင်ယူနိုင် စွမ်း၊ လူနှင့် ပိုမိုယဉ်ပါးနိုင်စွမ်းများရှိကြောင်း သိရှိရသည်။ အရွယ်အစားအားဖြင့် အာဖရိကဆင်များမှာ    အာရှဆင်များထက်   ပိုမိုကြီးမားပြီး   ထူးခြားချက်အနေဖြင့်  ဦးခေါင်းပိုင်း ပုံသ္ဌာန်အားဖြင့် ထင်ရှားသိသာလွယ်သည်။ အာဖရိကဆင်များမှာ ဦးကင်းမို့မောက်မှု  မရှိခြင်း၊ နားရွက်ပိုမိုကြီးမားကျယ်ပြန့်ခြင်းနှင့်  ဆင်အားလုံးတွင်  အစွယ်ပါရှိခြင်းတို့ဖြစ်သည်။  အာရှဆင်များမှာ  ဦးခေါင်းပိုမို   မို့မောက်ကြီးမားခြင်း၊ နားရွက်သေးငယ်ခြင်းနှင့်   ဆင်အထီးများတွင်သာ  အစွယ်ပါရှိခြင်းတို့ဖြင့်   ခွဲခြား သိသာနိုင်သည်။ ဆင်စွယ်အနေဖြင့် ဆင်အထီးများတွင်  ပါရှိသော်လည်း အထီးအား လုံး၌  ပါရှိခြင်းမဟုတ်ဘဲ  စွယ်စုံဆင်ထီး၊ တည်ဆင်တို့တွင်သာ   ပါရှိလေ့ရှိပြီး  ဟိုင်း ဆင်အထီးများတွင်   အစွယ်မပါရှိကြောင်း လေ့လာသိရှိရသည်။
မြန်မာနိုင်ငံ၌   ဆင်သည်    မြန်မာ့သမိုင်းတွင်   အရေးပါသောကဏ္ဍ၌    ပါဝင် နေခဲ့ပြီး  ရှေးအခါက စစ်တိုက်ရာတွင်  ဆင်ကိုများစွာအသုံးပြုသည်။ လူ့သမိုင်းယဉ် ကျေးမှုနှင့် အတူ   ဆင်ကိုဖမ်းယူပြီး   ယဉ်ပါးအောင်လေ့ကျင့်၍  သယ်ယူပို့ဆောင်ရေး၊  လယ်ယာကဏ္ဍ၊ ဝန်စည်စလယ်  တင်ဆောင်မှုနှင့်   စစ်မက်ရေးရာတို့တွင်   အသုံးပြုခဲ့ ကြသည်။  အများအားဖြင့်   ဆင်မှာ  မည်းညိုသော  အရောင်အဆင်းရှိသော်လည်း  ဆင်ဖြူများလည်းရှိသည်။    ဆင်ဖြူကို   မြင့်မြတ်သည်ဟူ၍  ယူဆယုံကြည်ကြသည်။  ဆင်ဖြူကို ဘာသာရေးနှင့်နှီးနွှယ်၍  မြင့်မြတ်သော သတ္တဝါတစ်မျိုးအဖြစ်  အထွတ် အမြတ်ထားကြသည်ကို   စာပေကျမ်းဂန်များတွင်   တွေ့ရှိရသည်။   ထို့အတွက်လည်း    ဧကရာဇ်မင်းများသည်  ဆင်ဖြူများကို  မင်းအသုံးအဆောင်၊ မင်းခမ်းမင်းနားအဖြစ် တန်ဖိုးထားရရှိလိုကြသည်။   ရှေးမြန်မာဘုရင်များသည်     မိမိတို့ပိုင်ဆိုင်သော  ဆင်ဖြူအရေအတွက်ကို ဂုဏ်ယူဖွယ်တစ်ရပ်အနေဖြင့်  ဘွဲ့အမည်တွင်  ထည့်သွင်း မှည့်ခေါ်ကြသည်။  ဆင်ဖြူတော်များကို  နိုင်ငံ့ကျက်သရေ၊ ဘုန်းတန်ခိုး၊  အေးချမ်း သာယာဝပြောမှုစသည့်   ဂုဏ်ပုဒ်များနှင့်လည်း   ကိုက်ညှိသတ်မှတ်လေ့ရှိကြသည်။
ဆင်သည်  မြန်မာ့သစ်ထုတ်လုပ်ရေးတွင်  အလွန်အရေးပါသည့်  အင်အားတစ်ခု ဖြစ်သည်။  မြန်မာနိုင်ငံ၏  မြေမျက်နှာသွင်ပြင်အရ  သစ်ထုတ်လုပ်ရာတွင်  ဆင်ဖြင့် သစ်ထုတ်လုပ်ခြင်းသည် သဘာဝပတ်ဝန်းကျင်ကို ထိခိုက်မှုအနည်းဆုံးနှင့်  ကုန်ကျ စရိတ်  အသက်သာဆုံးဖြစ်သည်။    တောဆင်ရိုင်းများကို    ကျုံးသွင်းဖမ်းဆီးပြီး  သစ်ထုတ်လုပ်ငန်းများတွင်   အသုံးပြုခဲ့ကြသည်မှာ   ရာစုနှစ်တိုင်ခဲ့ပြီး    စက်ယ္တရား များအသုံးပြုခြင်းထက်   ငွေကုန်ကြေးကျသက်သာခြင်းသာမက  အခြားသစ်ပင်များကို မလိုအပ်ဘဲ   ခုတ်ထွင်လမ်းဖောက်ပြီး    ထုတ်လုပ်ရခြင်းကြောင့်  သစ်တောများ  ပျက်စီးထိခိုက်မှု၊ ဇီဝမျိုးစုံမျိုးကွဲများ  ဆုံးရှုံးရမှုတို့မှ   လွတ်ကင်းပြီး   ပတ်ဝန်းကျင်ကို မထိခိုက်စေသည့်  နည်းလမ်းအဖြစ်  က္ဘာကလည်း လက်ခံခဲ့ကြသည်။ သယံဇာတ နှင့်သဘာဝပတ်ဝန်းကျင် ထိန်းသိမ်းရေးဝန်ကြီးဌာန၏  ထုတ်ပြန်ချက်အရ  သစ်ထုတ် လုပ်ငန်းအသုံးပြုရန် တောဆင်ရိုင်းများ  ဖမ်းဆီးခြင်းကို  ၂ဝ၁၄ ခုနှစ်မှ   စတင်ရပ်ဆိုင်း ခဲ့ပြီးဖြစ်ကြောင်း  သိရှိရသည်။
အများဆုံးသတ်ဖြတ်ခံနေရ
မြန်မာနိုင်ငံတွင်  ဆင်များသည်  မြင့်မားသောတောင်ပေါ်ဒေသမှလွဲ၍ နေရာအနှံ့ ပျံ့နှံ့ကျက်စားလျက်ရှိသည်။ က္ဘာပေါ်တွင် မြန်မာနိုင်ငံသည်  အိန္ဒိယနိုင်ငံပြီးနောက် အာရှဆင်အကောင်အရေအတွက်  အများဆုံးပိုင်ဆိုင်ထားသည့်  နိုင်ငံဖြစ်သည်။ ယခင်က  မြန်မာနိုင်ငံအဝန်း တောဆင်ရိုင်းကောင်ရေ ၁ဝဝဝဝ ခန့်အထိ ရှိခဲ့ကြောင်း သိရှိရသည်။  လက်ရှိတွင်  မြန်မာနိုင်ငံ၏  တောဆင်ရိုင်းကောင်ရေသည်  ၂ဝဝဝ  အောက်သို့  ရောက်ရှိနေပြီဟု ကျွမ်းကျင်ပညာရှင်များက  ခန့်မှန်းထားသည်။
တောဆင်ရိုင်းကောင်ရေ  လျော့နည်းကျဆင်းခြင်းကိုဖြစ်စေသည့်   အဓိက အကြောင်းအချက်မှာ  မုဆိုးများ၏ သတ်ဖြတ်ခံရခြင်း၊  ဆင်တို့၏ ကျက်စားနေထိုင်သည့် နေရင်းဒေသများ  ပျက်စီးခြင်းတို့ကြောင့်ဖြစ်ကြောင်း  သိရှိရသည်။  ယခင်က  တော ဆင်ရိုင်းများကို  အစွယ်ရယူလိုမှုအတွက်သာ  ဆင်ထီးများကို  ရွေးချယ်သတ်ဖြတ်ခဲ့ ကြသော်လည်း ယခုအခါ အစွယ်အပြင်  အသား၊ အရေ၊  အရိုးစသည့်  အစိတ်အပိုင်းအား လုံးကို  တရားမဝင်ရောင်းဝယ်မှုပြုလုပ်ရန်အတွက်ပါ  သတ်ဖြတ်လာကြခြင်းဖြစ်သည်။ သစ်တောဦးစီးဌာနမှ  ထုတ်ပြန်သည့်စာရင်းများအရ  ၂ဝ၁၅  ခုနှစ်တွင်  တောဆင်ရိုင်း ၃၅ ကောင်နှင့် ၂ဝ၁၆ ခုနှစ်တွင်  တောဆင်ရိုင်း  ၂၆ ကောင် သတ်ဖြတ်ခံခဲ့ရပြီး ၂ဝ၁၇ ခုနှစ်တွင်  ၅၉  ကောင်အထိ သတ်ဖြတ်ခံရကာ ဆင်မုဆိုးများ၏  အမဲလိုက်သတ်ဖြတ် မှုများ   ပိုမိုများပြားလာခဲ့ပါသည်။   ဧရာဝတီ၊  ပဲခူးနှင့်  ရန်ကုန်တိုင်းဒေသကြီးတို့တွင် တောဆင်ရိုင်းများ အများဆုံးသတ်ဖြတ်ခံနေရပါသည်။
တောဆင်ရိုင်းများမှ  လူနေဒေသများအနီးသို့  ရောက်ရှိလာပြီး  စိုက်ပျိုးခင်းများ၊ နေအိမ်အဆောက်အအုံများနှင့်  လူတို့ကို  အ္တရာယ်ပြုသတ်ဖြတ်ရာမှ  ဆင်နှင့်လူပဋိပက္ခ ဖြစ်ပွားမှု  ပြဿနာများဖြစ်ပေါ်၍  တောဆင်ရိုင်းများနှင့်လူများအကြား  အပြန်အလှန် လက်စားချေရာမှလည်း တောဆင်ရိုင်းများ သတ်ဖြတ်ခံရပါသည်။  မြန်မာနိုင်ငံတွင် ရှေးယခင်က လူဦးရေ၊ ကျေးရွာအိမ်ခြေများ ယခုအချိန်ကာလကဲ့သို့ ထူထပ်တိုးပွားလာမှု မရှိခြင်းနှင့် တောဆင်ရိုင်းကောင်ရေများ ယခုထက် ပိုမိုများပြားခဲ့သော်လည်း သဘာဝ တောအတွင်း  ဆင်နှင့်လူ ထိပ်တိုက်တွေ့ဆုံမှုမှာ အတော်ပင် ရှားပါးခဲ့ပါသည်။ ယခုအခါ သဘာဝတောများတွင်  ဆင်နှင့်လူ တစ်ဖက်နှင့်တစ်ဖက် ရှောင်လွှဲ၍မရဘဲ  ထိပ်တိုက် တွေ့နေကြရသည်။    အမှန်အားဖြင့်   ဆင်တို့၏  နေထိုင်ရာဒေသများသို့  လူသားများ ဝင်ရောက်သွားရာမှ  ဖြစ်ပွားလာသည့် ပြဿနာဖြစ်သည်။ ဆင်များ သဘာဝအတိုင်း  ကျက်စားသည့်   ဧရိယာများသည်  အခြားမြေအသုံးချမှုများသို့  ပြောင်းလဲ သွားခြင်း၊ ဖြတ်သန်းလမ်းကြောင်းများ(Corridors)  ပြတ်တောက်သွားခြင်း၊  ဆည်၊  တာတမံ အများအပြားတည်ဆောက်ခြင်းကြောင့်  သဘာဝရေစီးရေလာများ  ပျောက်ဆုံးသွားခြင်းနှင့်  တောဆင်ရိုင်းများကို   မုဆိုးတို့အမဲလိုက်သတ်ဖြတ်မှုတို့ ကြောင့်  ဆင်များမှာ နေစရာပျောက်ဆုံး၍ သဘာဝအတိုင်းကျင်လည်နေသည့် နေရင်းဒေသများ၊ ကျက်စားနယ်မြေများ ဆုံးရှုံးသွားရတော့သည်။
ထိုအခါတွင်   တောဆင်များအနေဖြင့်  မူလကျက်စားနယ်မြေများကို  စွန့်ခွာ၍ သစ်တောများ အပြင်သို့ထွက်ကာ စားကျက်မြေအသစ်များရှာဖွေခြင်းတို့ကို ပြုလုပ် လာကြသည်။ ထိုကဲ့သို့ ဆင်များ သစ်တောများအပြင်ဘက်သို့ ရောက်ရှိလာခြင်းမှသည် လူတို့စိုက်ပျိုးထားသော လယ်မြေ၊ သီးနှံစိုက်ခင်းများကို ဝင်ရောက်ဖျက်ဆီး စား သောက်ခြင်းများ ဖြစ်ပေါ်လာရသည်။ အဆိုပါ ဖြစ်ရပ်များသည်  လူနှင့်ဆင်ပဋိပက္ခ ဖြစ်ပွားရသည့်  အကြောင်းရင်းခံများပင်ဖြစ်သည်။
ဆင်နှင့်လူပဋိပက္ခ
ဆင်နှင့်လူပဋိပက္ခဖြစ်ပွားသည့်နေရာများ  အထူးသဖြင့်  ဆင်များဝင်ရောက် လာနိုင်လေ့ရှိသည့်  ဒေသနယ်မြေများတွင်   ဆောင်ရန်၊    ရှောင်ရန်  အချက်များကို လည်း သစ်တောဦးစီးဌာနက ဒေသအုပ်ချုပ်ရေးအဖွဲ့များမှတစ်ဆင့်  ကျေးရွာဒေသခံ များသို့ အသိပေးခြင်း၊   ပညာပေးဟောပြောခြင်းများကို   ပြုလုပ်လျက်ရှိကြောင်းလည်း သိရှိရသည်။  ဥပမာအားဖြင့်  ဆင်တို့ကြိုက်နှစ်သက်သည့် စပါး၊ ကြံပင်များအစား နှမ်း၊  ငရုတ်၊  ခရမ်းချဉ်ပင်များ  အစားထိုးစိုက်ခြင်း၊  ခြံစည်းရိုးများတွင်  လျှပ်စစ် ဝိုင်ယာများကို   ဆိုလာစနစ်သုံး သို့မဟုတ် ဘက်ထရီအိုးအသုံးပြု၍ တပ်ဆင်ခြင်း၊ ဆင်များ      ကြောက်လန့်တတ်သည့်     ဗျောက်အိုးဖောက်ခြင်း၊      ဝါးဆစ်ပိုင်းများ      မီးရှို့အသံပြုခြင်း၊       ငရုတ်သီးနှင့် တာယာစများမီးရှို့ခြင်း၊  ရောင်ပြန်ပြား များ ချိတ်ဆွဲခြင်း  စသည်တို့ကို   ပြုလုပ် နိုင်ကြောင်းလည်း သိရှိရသည်။
ဆင်များကို     ကာကွယ်ထိန်းသိမ်း စောင့်ရှောက်မှုနှင့် ပတ်သက်၍လည်း  ရှေးမြန်မာမင်းများ  လက်ထက်ကပင်  ဆင်ထိန်းသိမ်းရေးဆောင်ရွက်ခဲ့မှုများကို  သမိုင်းအထောက်အထားများအရ     တွေ့ရှိရသည်။ ၁၈၇၉ ခုနှစ် ကုန်းဘောင် ခေတ်ကာလတွင်  ဆင်ထိန်းသိမ်းရေး  ဥပဒေပြဋ္ဌာန်းခဲ့ကြောင်းနှင့်    ၁၈၈၃  ခုနှစ်တွင်  ပြန်လည်ပြင်ဆင်ရေးဆွဲပြီး  ပြဋ္ဌာန်းခဲ့ကြောင်းလည်း  တွေ့ရှိရသည်။  ၁၉၃၆ ခုနှစ်   ဗြိတိသျှ   ကိုလိုနီအစိုးရ ခေတ်တွင် သားရဲတိရ္ဆာန်ကာကွယ်ရေး ဥပဒေ(The Wildlife  Protection Act 1936) ကို   ထုတ်ပြန်ပြဋ္ဌာန်းခဲ့ကြောင်း   သိရှိရသည်။   ၁၉၉၄ ခုနှစ်တွင်  ပြဋ္ဌာန်းခဲ့သည့်  တောရိုင်းတိရ္ဆာန်နှင့်  သဘာဝအပင်များ  ကာကွယ်ရေးနှင့်  သဘာဝနယ်မြေများ   ထိန်းသိမ်းရေးဥပဒေ၌    ဆင်ကို    လုံးဝကာကွယ်သည့်     တောရိုင်းတိရ္ဆာန်အဖြစ် အမိန့်ထုတ်ပြန် ကာကွယ်သတ်မှတ်ထားခဲ့ပါသည်။
တောဆင်ရိုင်းများကို  ထိန်းသိမ်းကာကွယ်စောင့်ရှောက်နိုင်ရန်  ဆင်ကျက်စား နေထိုင်သည့် သဘာဝသစ်တောနယ်မြေများကို တည်ဆဲဥပဒေအရ သဘာဝထိန်း သိမ်းရေးနယ်မြေများ (Protected Areas) အဖြစ် သတ်မှတ်ဖွဲ့စည်းထားပြီး စုစု ပေါင်း  ဧရိယာ  ၉၈၆၁ ဒသမ ၇၇  စတုရန်းမိုင် ရှိပါသည်။  ပြည်ထောင်စုသမ္မတမြန်မာ နိုင်ငံတော်အစိုးရ၏  ၂ဝ၁၈ ခုနှစ် မေလ  ၂၁ ရက်နေ့တွင် အသစ်ပြဋ္ဌာန်းခဲ့သည့် ဇီဝမျိုးစုံမျိုးကွဲနှင့်  သဘာဝထိန်းသိမ်းရေးနယ်မြေများ  ကာကွယ်စောင့်ရှောက်ခြင်း ဆိုင်ရာဥပဒေတွင် မျိုးသုဉ်းမည့်အ္တရာယ်မှ   လုံးဝကာကွယ်ထားသည့်   တောရိုင်း တိရ္ဆာန်ဖြစ်သည့် တောဆင်ရိုင်းများနှင့်  နိုင်ငံတကာကူးသန်းရောင်းဝယ်ရာတွင်  ထိန်းချုပ်ကာကွယ်ထားသည့်   ဆင်မျိုးစိတ်များနှင့်စပ်လျဉ်း၍    ကျူးလွန်သည့်    ပြစ်မှုများအတွက်  ပြစ်ဒဏ်ကို   တိုးမြှင့်ထားပါသည်။
ပူးပေါင်းဆောင်ရွက်လျက်ရှိ
သစ်တောဦးစီးဌာနသည်  မိတ်ဖက်အဖွဲ့အစည်းများဖြစ်သည့်  သားငှက်ထိန်း သိမ်းရေးအဖွဲ့ (မြန်မာနိုင်ငံအစီစဉ်) (Wildlife Conservation Society-WCS)၊  ကမ္ဘာ့သဘာဝပတ်ဝန်းကျင်ဆိုင်ရာ  ရန်ပုံငွေအဖွဲ့ (World Wide Fund for Nature-WWF)? Smithsonian Institutions ၊ တောရိုင်းတိရ္ဆာန်ထိန်းသိမ်း ရေး မိတ်ဆွေများအသင်း(Friends of Wildlife)တို့နှင့်  ပူးပေါင်း၍ တောဆင်ရိုင်း များ ထိန်းသိမ်းကာကွယ်ခြင်း၊  ဆင်နှင့်လူပဋိပက္ခလျှော့ချခြင်း၊  ဆင်သတ်မုဆိုးများ အား ဖော်ထုတ်အရေးယူခြင်း၊  ဆင်နှင့်အစိတ်အပိုင်းများအား  တရားမဝင်ရောင်းဝယ်မှု ကို အရေးယူခြင်းနှင့်  သိမြင်နိုးကြားမှု  မြှင့်တင်ခြင်းတို့ကို ပူးပေါင်းဆောင်ရွက်လျက် ရှိပါသည်။
မြန်မာနိုင်ငံ၏  သဘာဝမှ ပေးအပ်သည့် အမွေအနှစ်တစ်ခုဖြစ်ပြီး မြန်မာ့သစ် တောများ၏   အဆင်တန်ဆာဖြစ်သည့်   မြန်မာ့ဆင်များအား   ရေရှည်တည်တံ့စွာ ထိန်းသိမ်းကာကွယ်ခြင်းတွင်    ပြည်သူများက     ဝိုင်းဝန်းပူးပေါင်းကာကွယ်စောင့် ရှောက်ခြင်းကို လိုအပ်လျက်ရှိပါသည်။  ပြည်သူများ  ဝိုင်းဝန်းကူညီ ပူးပေါင်း ပါဝင်လာရန်  လူထုအခြေပြု    ဆင်မုဆိုးစောင့်ကြည့်ခြင်း၊  သတင်းပေးပို့ခြင်းနှင့်    မိုမိုတို့ အတွက်  ရင်တွင်းစကားသံ  (Voices for Momos)  လူထုလှုပ်ရှားမှုတို့ကို   ဆောင်ရွက်လျက်ရှိပါသည်။
လူမှုအဖွဲ့အစည်း  စဉ်ဆက်မပြတ် ဖွံ့ဖြိုးတိုးတက်ရေးနှင့်  ရာသီဥတုပြောင်းလဲမှု လျှော့ချရေးတို့အတွက်    အရေးပါသည့်    ဂေဟစနစ်ဝန်ဆောင်မှုများ    စဉ်ဆက်
မပြတ်ရရှိရေးအတွက်  တောဆင်ရိုင်းများ၏  အရေးပါပုံကို  သိမြင်မှုမြင့်မားလာရန်၊   တောဆင်ရိုင်းအပါအဝင် တောရိုင်းတိရ္ဆာန်များဖြင့် ပြုလုပ်ထားသည့်  ဆေးဝါး များ၊ အဆင်တန်ဆာများကို သုံးစွဲခြင်းမှ  ရှောင်ကြဉ်ခြင်း၊ ဟင်းလျာများအား စားသုံးမှုမပြုခြင်း    စသည့်အခြေခံကျင့်ဝတ်ကောင်းများကို   လိုက်နာကျင့် သုံးလာရန်၊   လိုက်နာကျင့်သုံးရန်၊   နီးစပ်ရာသို့   တိုက်တွန်းပေးလာစေရန်နှင့် တောဆင်ရိုင်းများအား   ထိန်းသိမ်းကာကွယ်လိုစိတ်   ကိန်းအောင်းလာစေရန်  ရည်ရွယ်၍ သစ်တောဦးစီးဌာန၊ မြန်မာ့သစ်လုပ်ငန်းနှင့်  မိတ်ဖက်အဖွဲ့အစည်း များပူးပေါင်းပြီး  မြန်မာ့ဆင်ပြတိုက်(Myanmar Elephant Museum) ကို အများပြည်သူ  လေ့လာကြည့်ရှုနိုင်စေရေး   ဖွင့်လှစ်ရန်    စီစဉ်ဆောင်ရွက်လျက် ရှိသည်။
မြန်မာ့ဆင်မျိုးစိတ်များ  ရေရှည်ရှင်သန်ရပ်တည်နိုင်ရေး၊  မြန်မာ့မြေပေါ်တွင် ထာဝရတည်ရှိ  ကျက်စားနိုင်ရေး၊  မျိုးသုဉ်းပျောက်ကွယ်မှုမှ  ကာကွယ်တားဆီး နိုင်ရေးတို့အတွက်   အစိုးရဌာနများ၊    နိုင်ငံတကာဆင်ထိန်းသိမ်းရေးအဖွဲ့များ နှင့်အတူ   ပူးပေါင်း၍  ဆင်တို့၏  နေရင်းဒေသများကို ထိန်းသိမ်းရန်၊ ဆင်နှင့် လူပဋိပက္ခဖြစ်ပွားမှုများကို      လျော့နည်းစေရန်       ဖြေရှင်းမည့်      နည်းလမ်းများ  ရှာဖွေရန်၊  ဆင်နှင့်  ဆင်အစိတ်အပိုင်းများကို  တရားမဝင်  အမဲလိုက်သတ်ဖြတ် ခြင်း၊ တရားမဝင် ကူးသန်းရောင်းဝယ်ခြင်းတို့ကို ထိရောက်စွာ တားဆီးကာကွယ် ရန်နှင့်   အိမ်မွေးဆင်များကို  စနစ်တကျမှတ်ပုံတင် ထိန်းသိမ်းရန်တို့ကို ရည်ရွယ်ပြီး မြန်မာ့ဆင်မျိုးစိတ်များ ထိန်းသိမ်းရေးဆိုင်ရာလုပ်ငန်း စီမံချက်(Myanmar Elephant Conservation Action Plan- MECAP) နှင့်အညီ  အကောင် အထည်ဖော် ဆောင်ရွက်လျက်ရှိကြောင်းလည်း  သိရှိရသည်။

ထို့ကြောင့်   မြန်မာ့ဆင်များ၏  အနာဂတ်ရေရှည်ရှင်သန်ရပ်တည်ရေး  အ္တရာယ်ကင်းရှင်းစွာ  ရှင်သန်ကျက်စားနေထိုင်နိုင်ရေးတို့အတွက်  ဆင်တို့၏ နေရင်းဒေသများ ပြန်လည်ထိန်းသိမ်းရေး၊  ဆင်စားကျက်များ ပြန်လည်ထူထောင် ရေး၊ ဆင်နှင့်  လူပဋိပက္ခဖြစ်ပွားမှုများ  လျော့နည်းပပျောက်စေရေး၊  ဆင်နှင့် ဆင်အစိတ်အပိုင်းများ တရားမဝင် သတ်ဖြတ်ခြင်း၊ ကူးသန်းရောင်းဝယ်ခြင်းများကို ထိရောက်စွာ     ကာကွယ်တားဆီးနိုင်ရေးတို့အတွက်     မြန်မာ့ဆင်မျိုးစိတ်များ    ရေရှည်တည်တံ့စေရန်   ပြည်သူလူထုတစ်ရပ်လုံးမှ  ဗဟုသုတ၊   အသိအမြင်များ   နိုးကြားလာပြီး  ဝိုင်းဝန်းပူးပေါင်းပါဝင်  ထိန်းသိမ်းနိုင်ကြစေရေး  ကမ္ဘာ့ဆင်များနေ့ ကို   ကြိုဆိုဂုဏ်ပြုသောအားဖြင့်   ဤဆောင်းပါးကို   ရေးသားတင်ပြလိုက်ရ ပါသည်။

ဝင်းနိုင်သော်