မြန်မာ-အိန္ဒိယ နှစ်နိုင်ငံဖြတ်သန်းသွားလာရေးဆိုင်ရာ သဘောတူစာချုပ်အရ အကောင်အထည်ဖော် ဆောင်ရွက်သည့် မြန်မာ-အိန္ဒိယနှစ်နိုင်ငံအကြား မြန်မာနိုင်ငံ စစ်ကိုင်းတိုင်းဒေသကြီး တမူးမြို့နယ်နှင့် အိန္ဒိယနိုင်ငံ မဏိပူရပြည်နယ် မိုးရေးမြို့နယ်တို့ရှိ တမူး-မိုးရေးအပြည်ပြည်ဆိုင်ရာ နယ်စပ် ဝင်/ထွက်ဂိတ်နှင့် မြန်မာနိုင်ငံ ချင်းပြည်နယ် ရိခေါဒါရ်မြို့နှင့် အိန္ဒိယနိုင်ငံ မီဇိုရမ်ပြည်နယ် ဇိုခေါသာမြို့တို့ရှိ ရိခေါဒါရ်-ဇိုခေါသာ အပြည်ပြည်ဆိုင်ရာနယ်စပ်ဝင်/ထွက်ဂိတ် ဖွင့်ပွဲများကို ယနေ့ နံနက် ၈ နာရီခွဲတွင် တစ်ပြိုင်တည်း ကျင်းပသည်။
မြန်မာ-အိန္ဒိယ နှစ်နိုင်ငံအကြား တမူး-မိုးရေးအပြည်ပြည်ဆိုင်ရာ နယ်စပ် ဝင်/ထွက် ဂိတ်ဖွင့်ပွဲကို တမူးမြို့ရှိ ချစ်ကြည်ရေးတံတားအနီး အဆိုပါ ဝင်/ထွက် ဂိတ်မုခ်ဦး၌ကျင်းပရာ အလုပ် သမား၊ လူဝင်မှုကြီးကြပ်ရေးနှင့် ပြည်သူ့ အင်အား ဝန်ကြီးဌာန အမြဲတမ်းအတွင်း ဝန် ဦးအေးလွင်က မြန်မာ-အိန္ဒိယ နှစ် နိုင်ငံအကြား အပြည်ပြည်ဆိုင်ရာ နယ်စပ် ဝင်/ထွက်ဂိတ်များ ဖွင့်လှစ်ရခြင်းနှင့် စပ်လျဉ်း၍ ရှင်းလင်းပြောကြားပြီး မန္တလေးမြို့ရှိ မြန်မာနိုင်ငံဆိုင်ရာ အိန္ဒိယ နိုင်ငံသံရုံး ကောင်စစ်ဝန်ချုပ် Mr. Nandan Shigh Bhaisoraနှင့် တမူးခရိုင်အထွေထွေအုပ်ချုပ်ရေးဦးစီး ဌာန ခရိုင်အုပ်ချုပ်ရေးမှူး ဦးမြင့်သင်း အောင်တို့က အမှာစကား ပြောကြား ကြသည်။
ထို့နောက် အမြဲတမ်းအတွင်းဝန်၊ ကောင်စစ်ဝန်ချုပ်နှင့် ခရိုင်အုပ်ချုပ်ရေး မှူးတို့က တမူး - မိုးရေးအပြည်ပြည် ဆိုင်ရာနယ်စပ် ဝင်/ထွက်ဂိတ်မုခ်ဦး အား ဖဲကြိုးဖြတ် ဖွင့်လှစ်ပေးကြပြီး ဝင်/ထွက်၏ ဂိတ်အတွင်း လူဝင်မှု ကြီးကြပ်ရေးစစ်ဆေးရေးလုပ်ငန်း အခြေ အနေများကို လှည့်လည် ကြည့်ရှုအားပေး ကြသည်။
အလားတူ မြန်မာ-အိန္ဒိယ နှစ်နိုင်ငံ အကြား ရိခေါဒါရ်-ဇိုခေါသာ အပြည်ပြည် ဆိုင်ရာနယ်စပ် ဝင်/ထွက်ဂိတ်ဖွင့်ပွဲကို သြဂုတ် ၈ ရက် နံနက် ၈ နာရီခွဲတွင် ရိခေါဒါရ်မြို့ရှိ အဆိုပါ ဝင်/ထွက်ဂိတ် မုခ်ဦး၌ကျင်းပရာ အစီအစဉ်အရ ချင်း ပြည်နယ်ဝန်ကြီးချုပ် ဆလိုင်းလျန်လွယ် နှင့် အိန္ဒိယနိုင်ငံ မီဇိုရမ်ပြည်နယ် နယ်စပ်ကုန်သွယ်ရေးဝန်ကြီး Mr. H Bohluma တို့က အမှာစကားအသီးသီး ပြောကြားကြသည်။
ထို့နောက် ပြည်နယ်ဝန်ကြီးချုပ် ဆလိုင်းလျန်လွယ်၊ ပြည်နယ်လုံခြုံရေး နှင့် နယ်စပ်ရေးရာဝန်ကြီး ဗိုလ်မှူးကြီး ဟန်ဝင်းအောင်၊ ပြည်နယ်စာရင်း စစ်ချုပ် ဦးလာလ်တင်မန်း၊ စစ်တွေမြို့ရှိ မြန်မာနိုင်ငံဆိုင်ရာ အိန္ဒိယနိုင်ငံသံရုံးမှ ကောင်စစ်ဝန်ချုပ် Dr. Kumar Praveen နှင့် လူဝင်မှု ကြီးကြပ်ရေးနှင့် ပြည်သူ့အင်အားဆိုင်ရာ ပြည်နယ်ဦးစီးမှူး ဦးဝင်းနီဦးတို့က ရိခေါဒါရ်-ဇိုခေါသာ အပြည်ပြည်ဆိုင်ရာနယ်စပ် ဝင်/ထွက် ဂိတ် မုခ်ဦးအား ဖဲကြိုးဖြတ်ဖွင့်လှစ်ပေး ကြပြီး လူဝင်မှု ကြီးကြပ်ရေး စစ်ဆေးရေး လုပ်ငန်းအခြေအနေများကို လှည့်လည် ကြည့်ရှုအားပေးကြသည်။
မြန်မာ - အိန္ဒိယ နှစ်နိုင်ငံအကြား တမူး - မိုးရေးနှင့် ရိခေါဒါရ် - ဇိုခေါသာ အပြည်ပြည်ဆိုင်ရာ နယ်စပ် ဝင်/ထွက် ဂိတ်များ ဖွင့်လှစ်နိုင်ခဲ့ခြင်းကြောင့် သက်တမ်းရှိသော နိုင်ငံကူးလက်မှတ်နှင့် မြန်မာနိုင်ငံဆိုင်ရာ အိန္ဒိယနိုင်ငံသံရုံးမှထုတ်ပေးသည့် ပြည်ဝင်ဗီဇာနှင့် e-Visa ပါရှိသော မြန်မာနိုင်ငံသားများသည် အိန္ဒိယနိုင်ငံသို့ လည်းကောင်း၊ သက်တမ်း ရှိသော နိုင်ငံကူးလက်မှတ်နှင့် သက်ဆိုင် ရာ နိုင်ငံ၏ မြန်မာနိုင်ငံသံရုံးမှထုတ်ပေးသည့် ပြည်ဝင်ဗီဇာ (သို့မဟုတ်) e-Visa ပါရှိသည့် အိန္ဒိယနိုင်ငံသားနှင့် အိန္ဒိယ နိုင်ငံသားမဟုတ်သည့် အခြားနိုင်ငံခြား သား (တတိယနိုင်ငံသား) များသည် မြန်မာနိုင်ငံသို့ လည်းကောင်း ဝင်/ထွက် သွားလာနိုင်ပြီ ဖြစ်သည်။ မြန်မာနိုင်ငံ အတွင်း ဝင်ရောက်လာသူများအနေဖြင့် မည်သည့်အပြည်ပြည်ဆိုင်ရာ ဝင်/ထွက် ပေါက်များမှမဆို ပြည်ပသို့ ပြန်လည် ထွက်ခွာနိုင်ကြောင်းနှင့် သံတမန်နိုင်ငံ ကူးလက်မှတ်နှင့် အထူးနိုင်ငံကူးလက်မှတ် ကိုင်ဆောင်ထားသည့် အိန္ဒိယနိုင်ငံသား များအား ပြည်ဝင်ဗီဇာကင်းလွတ်ခွင့်ပြု ကြောင်း သိရသည်။
ထို့အပြင် အဆိုပါ အပြည်ပြည် ဆိုင်ရာ နယ်စပ်ဝင်/ထွက်ပေါက်များ တည်ရှိရာ နယ်စပ်ဒေသ၌ နေထိုင်သူ မြန်မာနှင့် အိန္ဒိယနိုင်ငံသားများ သည် နယ်စပ်ဖြတ်သန်းခွင့်လက်မှတ် ဖြင့် နယ်စပ်မျဉ်းမှ (၁၆) ကီလိုမီတာ အကွာအဝေးအထိ ဝင်/ထွက်ခွင့်ပြုပြီး တစ်ကြိမ်ဝင်/ထွက် ခွင့်အတွက် ၁၃ ညအိပ် ၁၄ ရက် ခွင့်ပြုပေးလျက်ရှိကြောင်း သတင်းရရှိသည်။
သတင်းစဉ်
ဓာတ်ပုံ-ခရိုင်(ပြန်/ဆက်)
No comments:
Post a Comment