Latest News

Saturday, August 11, 2018

ကျေးလက်ဟင်းတစ်ခွက် ကြက်သဟင်းရွက်

ကျေးလက်ဟင်းတစ်ခွက် ကြက်သဟင်းရွက်


တစ်မြန်နေ့က     မနက်စောစောကြီး အင်းစိန်ဘက်မှာနေတဲ့ဂျီးဒေါ်(ကြီးတော်)ကြီး အိမ်ကိုပေါက်ချလာပါတယ်။ လက်ထဲမှာလည်း ကြိမ်ခြင်းကြီးဆွဲလို့ပါ။ ဂျီးဒေါ်ကြီးက အမေ့ရဲ့ အစ်မအကြီးဆုံးဖြစ်ပြီး တူမကမွေးတဲ့ မြေးမ ကလေးနဲ့ အတူနေပါတယ်။ အခု အသက် ၈ဝအထိကို နားမထိုင်းခါးမကိုင်းဘဲ အင်းစိန် ကနေ YBSနှစ်ဆင့်စီးပြီး ကျွန်တော်တို့နေတဲ့ ရေကျော်အိမ်ကို တစ်ယောက်တည်းရောက်ချ လာတာပါ။

သူ့ခြံထဲမှာလည်း သီးပင်စားပင်အစုံကို သူကိုယ်တိုင် အခုတိုင်စိုက်တုန်းပါ။ သူရောက် ချလာပြီဆိုရင် သူ့ခြံထွက် ဘူးသီး၊ ခရမ်းသီး ကအစ ပင်စိမ်းနဲ့ရှမ်းနံနံအဆုံး သီးနှံစုံပါလာ တတ်ပါတယ်။   ခုလည်း    သူ့ခြံထဲက ကြက်သဟင်း(ကြက်သားဟင်း)ရွက်တွေ ခူးလို့မနိုင်လို့ အိမ်နီးချင်းတွေဝေလို့မနိုင်လို့ဆိုပြီး လာပို့တာပါတဲ့။ ဂျီးဒေါ်ကြီးက အစား အသောက်အနေအထိုင်   စည်းစနစ်ကျလို့ ထင်ပါရဲ့ အခုအသက်တိုင် သွားနိုင်လာနိုင်နဲ့ ဖျတ်ဖျတ်လတ်လတ်ရှိတုန်းပါ။

ငါးပိရည်စား၊    ငံပြာရည်သုံးပေမယ့် အမျိုးတွေရှိတဲ့ ဟင်္သာတနယ်ဘက်က ရေချို ကောင်လတ်ငါးပိကို ဆယ်ဝင်အိုးနဲ့သိပ်စား သူပါ။ ဝါးခြမ်းပြားလေးတွေနဲ့ ကုပ်နှိပ်ပြီး သိပ်ထားတဲ့ သူ့ငါးပိအိုးက လပြည့်ရက်ဆို လျှံကျတဲ့အိုးတက်ရေကိုခပ်ပြီး ငံပြာရည်အဖြစ် သုံးပါတယ်။ ငါးခြောက်ဆိုလည်း ကိုယ်တိုင် ခွဲလှန်းပြီးစားပါတယ်။ ဒါကြောင့် အမျိုးတွေက သူ့ကွယ်ရာမှာ သူ့နာမည် ဒေါ်မျှင်ကို ကြီးကြီး မျှင်လို့ မခေါ်ကြဘဲ 'အော်ဂဲနစ်မျှင်'လို့ နာမည် ပြောင် ပေးထားကြပါတယ်။

သူ့ခြံထဲကယူလာတဲ့   ကြက်သဟင်း (ကြက်သားဟင်း)ရွက်ကို ကြားဖူးသူများပေ မည့် စားဖူးကြသူတော့ နည်းလိမ့်မယ်လို့ ထင်ပါတယ်။ ကြက်သဟင်းရွက်က ကျေးလက် ဒေသတွေမှာ ဟင်းချိုခတ်သောက်ရတဲ့ နာမည် ကြီး ဟင်းချိုရွက်တစ်မျိုးပါ။ ကြက်သဟင်း ရွက်လို့ဆိုတဲ့အတိုင်း ဟင်းရွက်က စိမ်းဖန့်နေ ပြီး အမြင်လှရုံမက စားလို့ပါအရသာရှိလှတာ ကြောင့် ကြက်သားဟင်းနဲ့ ခိုင်းနှိုင်းထားတာ များလားလို့ တွေးမိပါတယ်။ ဟင်းချိုရွက်တွေ ထဲမှာ ဘူးညွန့်၊ ဖရုံညွန့်ကနာမည်ကြီးပေမယ့် နူးညံ့ပြီး    အရသာရှိတဲ့နေရာမှာတော့ ကြက်သဟင်းရွက်ကို မီမယ်မထင်ပါဘူး။

ဂျီးဒေါ်ကြီးချက်တဲ့ ကြက်သဟင်းရွက် ဟင်းချိုချက်ပုံကို တစ်မျိုးလုံးက အတုယူရပါ တယ်။ ပထမဆုံး ကြက်သဟင်းရွက်ကို အရင် သင်ပြီး ရေဆေးပြီး စစ်ထားပါတယ်။ ဟင်းချို အိုးကို ရေအနေတော်ထည့်တည်ပါမယ်။ အိုးထဲက ရေပွက်ပွက်ဆူမှ ဓားပြားရိုက်ထားတဲ့ ကြက်သွန်ဖြူကိုထည့်ပြီး သူ့အိုးတက်ငံပြာရည် ခတ်ပါတယ်။ ပြီးရင် ဝါးညှပ်လေးနဲ့ အသင့် ကင်ထားတဲ့ ငါးပနော်ကင်ကို ဖဲ့ရွဲ့ပြီး ဟင်းခတ် အဖြစ်ထည့်ပါတယ်။ ဟင်းရည်ကိုအပေါ့အငန် မြည်းလို့ နည်းနည်းပေါ့တယ်ထင်ရင် ဆားလေး ခတ်ပါတယ်။ ငံပြာရည်နဲ့ ဆားအငန်အရသာ တူပေမယ့် ငံပြာရည်ကပေါ့ချို၊ ဆားကငန်ချိုမို့ လို့ ဟင်းချိုအချိုလေးအောင် ဆားကူရတယ်လို့ ဂျီးဒေါ်ကြီးက ပြောပါတယ်။

ဖိုပေါ်ကဟင်းရည်အရသာက စိတ်ကြိုက် ဖြစ်ရင် ဆီတစ်ပေါက်နှစ်ပေါက်လောက်နဲ့ သင်ထားတဲ့ ကြက်သဟင်းရွက်ထည့်၊ တစ်ချက် နှစ်ချက်မွှေပြီး အိုးကိုချပါတော့တယ်။ ကြက် သဟင်းရွက်က နူးညံ့လှတာမို့ ဟင်းရည်ဆူဆူနဲ့ ထိရင်ကို ပျော့ပျောင်းပြီး အကျက်မြန်ပါတယ်။ စိမ်းဖန့်နေတဲ့ ကြက်သဟင်းရွက်ရဲ့ အရောင် က ဟင်းချိုရေမှာပါကူးပြီး စိမ်းဖန့်ဖန့်လေးမို့ မြင်ရုံနဲ့ကို သောက်ချင်စဖွယ်ပါ။

ငါးကင်နံ့လေးသင်းနေတဲ့ ကြက်သဟင်း ရွက် ဟင်းချိုပူပူလောလောလေးနဲ့ ငါးရံ့ ခြောက်ကင် ဆီစိမ်နဲ့ဆို ခံတွင်းပျက်နေတဲ့ နာလန်ထစ လူမမာများတောင် တောင်းသွင်း သလို  ထမင်းဝင်တယ်လို့  ဂျီးဒေါ်ကြီးက ပြောပါတယ်။           

စံလွင် (ငါးဦးစီး)

No comments:

Post a Comment