ရေကြည်မြို့နယ်၌ တရားမဝင် ဝင်ရောက်လာသူ ၁၁ ဦး ဖမ်းဆီးရမိ
ရေကြည် သြဂုတ် ၆
ဧရာဝတီတိုင်းဒေသကြီး ရေကြည်မြို့နယ် ဂွ-ငါးသိုင်းချောင်း ကားလမ်းမိုင်တိုင်အမှတ် ၁၉ /၂ နှင့် ၁၉/၃ အကြား၌ သြဂုတ် ၅ ရက် ည ၇ နာရီက တရားမဝင် ဝင်ရောက်လာသူ ၁၁ ဦးကို ဖမ်းဆီးရမိခဲ့သည်။
ဖြစ်စဉ်မှာ ရခိုင်ပြည်နယ် ဂွမြို့နယ် ဗေဒါစစ်ဆေးရေးဂိတ်၌ ဆိုင်ကယ်တစ်စီးအား ယာဉ်တစ်စီးကတိုက်၍ မောင်းနှင် ထွက်ပြေးသွားကြောင်း သတင်းပေးပို့မှုအရ ရေကြည်မြို့နယ် ရဲတပ်ဖွဲ့မှူး ရဲမှူးဖြူဝင်း ဦးဆောင်သော ပူးပေါင်းအဖွဲ့ သွားရောက် စစ်ဆေးရာ တရားမဝင် ဝင်ရောက်လာသူ ငါးဦးအား YGN 6H/------ ကရောင်းယာဉ်အတွင်း ဖမ်းဆီးရမိပြီး ယာဉ်မောင်းမှာ ထွက်ပြေးသွားကြောင်း သိရသည်။
ဆက်လက်၍ ယင်းနေ့ ည ၁ဝ နာရီခွဲက ရေကြည်မြို့နယ် ရဲတပ်ဖွဲ့ဝင်များပါဝင်သော ပူးပေါင်းအဖွဲ့မှ သတင်းကွင်းဆက်အရ ရှာဖွေကြရာ မိုင်တိုင် ၁၉/၃ နှင့် ၁၉/၄ ကြား ဂွ-ငါးသိုင်းချောင်း ကားလမ်းဘေးတွင်6I/----- မတ်တူး ယာဉ်တစ်စီးရပ်တန့် ထားသည်ကို တွေ့ရှိရပြီး အဆိုပါယာဉ်နှင့် အနီးတစ်ဝိုက်တွင် လူတစ်ဦးတစ်ယောက်မျှ မတွေ့ရှိရသဖြင့် ဆက်လက်ရှာဖွေကြရာ သြဂုတ် ၆ ရက် နံနက် ၆ နာရီက မြောက်စမ်းကျေးရွာနှင့် ချောင်းဂွကျေးရွာကြား တောတွင်း၌ တရားမဝင် ဝင်ရောက် လာသူ ခြောက်ဦးကို ထပ်မံဖမ်းဆီးရမိခဲ့ကြောင်း သိရသည်။
အဆိုပါ ဖမ်းဆီးရမိသည့် တရားမဝင် ဝင်ရောက်လာသူ ၁၁ ဦးအား ရေကြည်မြို့နယ် လူဝင်မှုကြီးကြပ်ရေးဦးစီးဌာန သို့ လွှဲပြောင်းအပ်နှံထားပြီး လိုအပ်သော စစ်ဆေးမှုများ ဆက်လက်ဆောင်ရွက်လျက်ရှိကြောင်း သိရသည်။
စိုးမင်းဦး(ပြန်/ဆက်)
Subscribe to:
Post Comments (Atom)
No comments:
Post a Comment