တွံတေး ဇူလိုင် ၂၇
ရန်ကုန်တိုင်းဒေသကြီး တောင်ပိုင်းခရိုင် တွံတေးမြို့နယ်တွင် ရန်ကုန်တိုင်း ဒေသကြီး အစိုးရအဖွဲ့၏စီစဉ်မှုဖြင့် စံဝေလအများနှင့် သက်ဆိုင်သော ကုမ္ပဏီလီမီတက်က ဦးဆောင်၍YBS(23) ယာဉ်လိုင်းကို ဇူလိုင် ၂၇ ရက် နံနက် ၆ နာရီက စတင်၍ မူးလမန်းကျေးရွာရှိ စက်မှုလယ်ယာဝင်းအတွင်း ဂိတ်ပြုလုပ်၍ထွက်မည်ဖြစ်ကြောင်း သိရသည်။
အဆိုပါYBS(23) ယာဉ်လိုင်းတွင် တွံတေးမှ ဒလမြို့သို့ ယာဉ်နှစ်စီးဖြင့် လည်းကောင်း၊ တွံတေး-လှိုင်သာယာ-ထန်းတပင် (အနောက်ပိုင်း တက္ကသိုလ်) အထိ ယာဉ်နှစ်စီးဖြင့်လည်းကောင်း စမ်းသပ်ပြေးဆွဲမည် ဖြစ်သည်။ ဇူလိုင် ၂၇ ရက်သည် ''ဝါဆိုလပြည့်''နေ့ဖြစ်သည့်အတွက် ခရီးသွားပြည်သူများအား တစ်နေ့တာအခမဲ့ပို့ဆောင်ပြေးဆွဲပေးကြောင်း သိရှိရပြီး ဇူလိုင် ၂၈ ရက်မှ စတင်၍ တွံတေး-ဒလ ခရီးစဉ် အစ၊ အဆုံး ယာဉ်စီးခကျပ် ၅ဝဝ ခရီးတစ်ဝက် ယာဉ်စီးခ ကျပ် ၃ဝဝ ဖြစ်ပြီး တွံတေး-လှိုင်သာယာ-ထန်းတပင် (အနောက်ပိုင်းတက္ကသိုလ်)ခရီးစဉ် အစ၊ အဆုံး ကျပ် ၈ဝဝ ခရီးတစ်ဝက်ကို ကျပ် ၄ဝဝ ဖြင့် လည်းကောင်း၊ YBS(23) စမ်းသပ်ပြေးဆွဲမည်ဖြစ်သည်။
ဒေသခံတစ်ဦးက ''တွံတေးလိုင်းကိုYBSယာဉ်လိုင်းပြေးဆွဲ သင့်တာကြာပါပြီ။ လက်လုပ်လက်စားတွေ နေ့စဉ်ရန်ကုန်ရုံးတက်တဲ့သူတွေ အတွက် အဆင်ပြေသွားတာပေါ့။ ရေရှည်ပြေးဆွဲရင် ပြည်သူတွေ ဝမ်းသာ မှာပါ'' ဟု ပြောသည်။
မျိုးလှိုင်(တွံတေး)
No comments:
Post a Comment