ပါးချိတ်ရိုးဆစ်နာခြင်း

ပါးချိတ်ရိုးဆစ်နာခြင်း

မော်လမြိုင်မြို့ရှိ မွန်ပြည်နယ်ပြည်သူ့
ဆေးရုံကြီးတွင် စာရေးသူတာဝန်ထမ်းဆောင်
နေခဲ့စဉ်က ပါးချိတ်ရိုးဆစ်များခိုင်နေသော
ကလေးလူနာတစ်ဦးကို မှတ်မှတ်ရရတွေ့ခဲ့
ဖူးသည်။ ထိုစဉ်က သူ၏အသက်မှာ ရှစ်နှစ်၊
ကိုးနှစ်ခန့်သာရှိပါဦးမည်။ ပါးချိတ်ရိုးဆစ်
များခိုင်ပြီး ပါးစပ်ကိုဟ၍မရသောကြောင့်
ပြည်နယ်ပြည်သူ့ဆေးရုံကြီးသို့ ဖခင်နှင့်အတူ
ရောက်လာခဲ့ခြင်းဖြစ်သည်။ စမ်းသပ်မှုများ
ပြုလုပ်ပြီးသောအခါ ထိုကလေးအတွက်
များစွာစိတ်မကောင်းဖြစ်ခဲ့ရသည်။ အဘယ်
ကြောင့်ဆိုသော် သူသည် ပါးစပ်ကို (အပေါ်
သွားနှင့်အောက်သွားအကွာအဝေး) သုည
ဒသမ ၅ စင်တီမီတာခန့်သာ ဟနိုင်တော့
သောကြောင့်ဖြစ်သည်။ စာရေးသူက
သူ့အား ပါးစပ်ကို အတင်းကြိုးစားပြီးဟ
(ဖွင့်)ခိုင်းသော်မှ သူ၏သေးငယ်လှသော
လက်သန်းထိပ်ဖျားလေးပင် မ၀င်သာလေ
တော့။

သို့ဆိုလျှင် ယင်းကလေးအနေဖြင့် မည်
ကဲ့သို့ထမင်းစား ရေသောက်နိုင်ပါတော့မည်
နည်း။ လူတစ်ဦးစီ၏ပုံမှန်ပါးစပ်ဟနိုင်မှု
သည် အမျိုးမျိုးရှိနေကြရာ ပုံသေသတ်မှတ်
ပြောရန်ခက်ခဲသော်လည်း လူကြီးများအနေ
ဖြင့် ၃ ဒသမ ၅ စင်တီမီတာထက်ပိုပြီး
မဟနိုင်က ပုံမှန်မဟုတ်ဟုဆိုထားသည်။

ယင်းကလေး၏ ဖခင်ဖြစ်သူပြောပြချက်
အရ လွန်ခဲ့သော နှစ်လခန့်က လယ်ကန်
သင်းရိုးပေါ်တွင် မှောက်လျက်လဲကျရာမှ
ဖြစ်သွားကြောင်းသိရသည်။ သူ၏မေးစေ့က
အမာရွတ်လေးကို ထိုနေ့အထိ စာရေးသူ
တွေ့မြင်ခဲ့ရသည်။ မိဘများကလယ်လုပ်ငန်း
ဖြင့်အလုပ်များနေကြသဖြင့် ထိုနေ့တွင်မှ
ကလေးကိုဆေးရုံသို့ ခေါ်လာပြဖြစ်သော်
လည်း ပါးချိတ်ရိုးအဆစ်ခိုင်သည့်အခြေ
အနေက အလွန်ဆိုးနေပြီဖြစ်သောကြောင့်
စာရေးသူတို့အကြောအဆစ်ကုပညာရှင်များ
အနေဖြင့် များစွာသက်သာကောင်းမွန်
အောင် ကုသမပေးနိုင်တော့ပေ။ အကြော
အဆစ်ကုဌာနသို့ ၄-၅ ကြိမ်ခန့်လာပြီး
ပြသော်လည်းဝေဒနာမပျောက်ဘဲ လူနာ
ပျောက်သွားခဲ့သည်။

လူတစ်ဦးတွင် နားရွက်၏အရှေ့ဘက်ရှိ
ဦးခေါင်းမှ နားသယ်ရိုးနှင့် အောက်ဘက်
မှ မေးရိုးများပေါင်းစပ်ကာ ပါးချိတ်ရိုးဆစ်
များဖြစ်လာကြသည်။ ဤသို့ဖြင့် မေးရိုး
သည် လှုပ်ရှားမှုပြုလာနိုင်သည်။ ပါးချိတ်
ရိုးဆစ်များသည် လူ့ခန္ဓာကိုယ်ရှိ အသုံး
အများဆုံးအဆစ်များတွင် တစ်ခုအပါအ၀င်
ဖြစ်သည်။

သို့သော် ယင်းအချက်ကိုသတိပြုသိရှိ
ကြသူ နည်းလှသည်။ အကယ်၍ ပါးချိတ်
ရိုးဆစ်များသာမရှိကြပါက စကားပြောခြင်း၊
စားသောက်ခြင်း၊ သမ်းဝေခြင်းနှင့် ပါးစပ်ဖြင့်
စုပ်ခြင်းတို့ပြုလုပ်ရန် ခက်ခဲမည်ဖြစ်သည်။
သို့ဖြစ်ရာ ဝေဒနာဖြစ်လာပါက စောစီးစွာ
ဆေးကုသမှုခံယူရန် အရေးကြီးကြောင်း
သိထားသင့်သည်။ လိုအပ်ပါက ခွဲစိတ်ကုသ
ရမည်ဖြစ်သည်။

အကြောင်းတစ်ခုခုကြောင့် မေးရိုးကို
လှုပ်ရှားစေသောကြွက်သားများနှင့် ပါးချိတ်
ရိုးဆစ်များတွင် အဆင်မပြေမှုတစ်မျိုးမျိုး
ဖြစ်လာသောအခါ တီအမ်ဒီ (၀ါ) တီအမ်
ဂျေဒီ ဟုခေါ်ကြသည်။ အဆစ်နှင့်ပါးစောင်
တစ်ဝိုက်တွင် နာကျင်မှုခံစားရခြင်းသည်
ယင်း၏ထင်ရှားသောလက္ခဏာတစ်ရပ်ဖြစ်
သည်။ ဒါ့အပြင် အောက်ပါလက္ခဏာများကို
လည်း တွေ့ရှိရတတ်သည်။

- နာကျင်မှုရှိသည်ဖြစ်စေ၊ မရှိသည်ဖြစ်စေ
အဆစ်နေရာမှ 'ကလစ်'ခနဲအသံမြည်ခြင်း
- ရုတ်တရက် မေးရိုးလှုပ်မရခြင်း
- ခေါင်းကိုက်ခြင်း၊ မူးခြင်း
- ပါးစပ် ဟရန်၊ ပိတ်ရန် အဆင်မပြေခြင်း
(အဆစ်ခိုင်ခြင်းမဖြစ်သေး)
- စကားပြောနေစဉ်၊ အစာဝါးစားနေစဉ်
(အထူးသဖြင့် အမာ)နှင့် သမ်းဝေနေစဉ်
တို့တွင် နာကျင်တတ်ခြင်း
- နားနာခြင်း၊ နားထဲမှာအသံမြည်ခြင်းနှင့်
အကြားအာရုံချို့ယွင်းခြင်း
- လအနည်းငယ်အတွင်း အဆစ်ခိုင်လာခြင်း
(ပါးစပ်ကို ပုံမှန်လို ဟမရတော့)

ပါးချိတ်ရိုးဆစ်နာခြင်းကို ဖြစ်စေနိုင်သော
အကြောင်းများ

- မေးရိုး သို့မဟုတ် ပါးချိတ်ဆစ်နေရာကို
တိုက်ရိုက် ထိရိုက်မိခြင်း
- အံကြိတ်ခြင်း သို့မဟုတ် သွားကြိတ်ခြင်း
ကို မကြာခဏပြုလုပ်တတ်ခြင်း။ ထိုအခါ
မေးရိုးပိုင်းကြွက်သားများမှာ ပုံမှန်လိုအပ်
သည်ထက်ပိုပြီး အလုပ်လုပ်ကြရသော
ကြောင့်ဖြစ်သည်။
- အဆစ်အတွင်းရှိကြားခံအရွတ် ပွန်းပဲ့
ပျက်စီးခြင်း
- အဆစ်ရောင်ရောဂါ

ခွဲစိတ်ကုသမှုလိုအပ်သော လူနာများ
အနေဖြင့် မခွဲစိတ်မီနှင့်ခွဲစိတ်အပြီးတို့တွင်
အကြောအဆစ်ကုသမှုများ လိုအပ်တတ်
သည်။

ပါးချိတ်ရိုးဆစ်နာခြင်းနှင့် ခိုင်ခြင်းကို
အကြောအဆစ်ကုဌာနများတွင် အောက်ပါ
ရည်ရွယ်ချက် လေးမျိုးအား အဓိကထား
လျက် ကုသပေးလေ့ရှိသည်။

(၁) နာကျင်မှုသက်သာစေရန်
(၂) ကြွက်သားတင်းတောင့်ခြင်းမှ ဖြေလျှော့
ပေးရန်
(၃) အဆစ်လှုပ်ရှားမှုပိုမိုကောင်းမွန်စေရန်
(၄) အဆစ်ပုံမှန်လှုပ်ရှားမှုရှိပြီးယခင်အတိုင်း
ပြန်လည်အသုံးပြုနိုင်စေရန်

ကုသနည်းအချို့

(၁) သွေးအသွားအလာ ကောင်းမွန်စေရန်
အပူဓာတ်ပေးခြင်း
(၂) ရောင်ရမ်းမှုလျော့စေရန် အအေးဓာတ်
ပေးခြင်း
(၃) TENS (Transcutaneous electrical
nerve stimulation)စက်မှ လျှပ်စစ်
ဓာတ်ဖြင့် လှုံ့ဆော်ပေးခြင်း
(၄) Ultrasound စက်ဖြင့် အသံလွန်လှိုင်းများ
လွှတ်ပေးခြင်း
(၅) မျက်နှာကြွက်သားများလေ့ကျင့်ပေးခြင်း

ဆောင်ရန်ရှောင်ရန်များ

(၁) ပျော့သောအစားအစာများစားပါ
(၂) ကိုက်ရန်၊ ၀ါးရန်ခက်ခဲသောအစားအစာ
များကိုခပ်သေးသေးလှီးဖြတ်စားပါ
(၃) အံကြိတ်ခြင်းနှင့် သွားကြိတ်ခြင်းတို့မပြု
လုပ်မိစေရန်သတိထားပါ
(၄) ညွှန်ကြားထားသည့်အတိုင်း အပူပေးခြင်း
လုပ်ပေးပါ
(၅) မျက်နှာကြွက်သားများ လေ့ကျင့်မှုများကို
မှန်ကန်စွာစွဲစွဲမြဲမြဲပြုလုပ်ပေးပါ
(၆) သမ်းဝေခြင်းကဲ့သို့သော ပါးစပ်အလွန်
အမင်းဟခြင်းကိုရှောင်ရှားပါ
(၇) နေကြာစေ့လှော်စားခြင်းကဲ့သို့ ပါးစပ်ကို
ဆက်တိုက်အသုံးပြုခြင်း မလုပ်ရ
(၈) လည်ပင်းနှင့်မေးရိုးတို့အား ၀န်မပိစေ
ရန် ကိုယ်နေကိုယ်ထားမှန်ကန်စွာ
နေပါ (ဥပမာ- မှောက်အိပ်ခြင်း၊ ခေါင်း
ကြာကြာငုံ့ခြင်း၊ ခေါင်းနှင့်ပခုံးညှပ်ပြီး
ဖုန်းသုံးခြင်း)

မေးရိုးနှင့် မျက်နှာကြွက်သားများ
လေ့ကျင့်မှုများကို အကြောအဆစ်ကုပညာ
ရှင်နှင့် သေသေချာချာသင်ယူရန်လိုအပ်
ပါသည်။ ။

တင်မောင်အေး(ကန့်ဘလူ)