ဘုတလင် ဇူလိုင် ၃ဝ
စစ်ကိုင်းတိုင်းဒေသကြီး ဘုတလင်မြို့နယ် လက်ပံမြောက် ကျေးရွာအနီး ကွင်းအမှတ်(၁၉ဝ/က) ဆပ်ပြာကျင်းကွင်း၌ ဇူလိုင် ၂၉ ရက် ညနေ ၄ နာရီက ဦးသန့်ဇင်(စိစစ်ဆဲ)ပိုင် ရေနံ ချက်ဖို (လျှောက်ထားဆဲ) သို့ မော်လိုက်မြို့နေ မောင်ဇော် (၃ဝ နှစ်) မောင်းနှင်သည့် 8K/---- ဆီဘောက်ဆာယာဉ်သည် ရေနံစိမ်းများ သယ်ဆောင်လာပြီး ငါန်းဇွန်မြို့နယ် နတ်ကြီးရွာနေ အောင်ပု (၂၇ နှစ်) မောင်းနှင်သည့် YGN-5D/---- ဆီဘောက်ဆာယာဉ်ပေါ်သို့ ပြောင်းရွှေ့ထည့်နေစဉ် ကားဝိုင်ယာ ရှော့ဖြစ်ပြီး မီးလောင်မှုဖြစ်ပွားခဲ့သည်။
ယင်းဖြစ်စဉ်ကြောင့် မော်တော်ယာဉ်နှစ်စီး မီးလောင် ဆုံးရှုံးခဲ့ကာ လူတစ်ဦးမှာ မီးလောင်သေဆုံးသွားခဲ့သော ကြောင့် မောင်ဇော်၊ အောင်ပုနှင့် ရေနံချက်ဖို မန်နေဂျာ ကိုတင့် (၃၅နှစ်)တို့ ဦးအား ဘုတလင်မြို့မရဲစခန်းက အမှုဖွင့် အရေးယူ ထားကြောင်း သိရသည်။
ကိုရဲ
No comments:
Post a Comment